|
Re: عمــــــــــــارة دوسة في الخرطوم .. منو الاستعمر التاني (Re: د.محمد حسن)
|
زمان لما تدقنا مطرة بالليل كنا بنبيت محل ما قاعدين. ( دي أول فقرة في نظرية البيات المَوْلِدي دي ) ..
عندنا واحدة زمان ولدتْ بنية في بنطون رفاعة الحصاحيصا ... البنية دي تكون من رعايا وين ؟؟؟
مع العلم بأن البنطون المذكور ودوهو يصلحوهو في وابورات بحري و تاني ما دخل الخدمة ...
نرجو الإجابة لأنو البنية الولدوها دي هنا في الرياض و متصفحة جيدة للمنبر..
هل هي تابعة لــ : 1. رفاعة 2. الحصاحيصا 3. نص النيل 3. وابورات بحري؟
أم ستكون الجنسية حسب محل حدوث الحِمْل ؟
تخريمة : د. نجيب زيادة عاتب عليكم كلكم. و بالمناسبة هو من مواليد مخرج كم ؟
| |
|
|
|
|
|
|
Re: عمــــــــــــارة دوسة في الخرطوم .. منو الاستعمر التاني (Re: د.محمد حسن)
|
Quote: اها قلنا قبال ما ننطرد
نشوف محل اتولدنا
والمحل الاتولدنا فيه نقعد فيه |
أهااااا كان قامو كدة وجو وقالو ليك انت مااااااا اتولدت هنا، تقول يا منو؟؟؟؟؟؟؟؟؟؟؟؟؟؟؟؟؟؟؟؟؟؟
Quote: والاتولدوا في محلات تانية امشوا محل ما يتولدوا
وبكدة نكون حلينا مشكلة السودان
ويا دار ما دخلك شر |
هي كان بالسهولة دي باقي ليك كانت القيامة دي قايمة من سنة صفر!!!!
ست البنيــــــــات
| |
|
|
|
|
|
|
Re: عمــــــــــــارة دوسة في الخرطوم .. منو الاستعمر التاني (Re: محمد البشرى الخضر)
|
تعرف يا دكتور بيوتنا زااااتا إحتلوها
وبعدين محل ما ولدو دى شنو أنا مولود فى حلفا
يعنى إلا أبقى سمكة
لكن بى جدية كدى الناس الجو الخر(ـتـ)وم "طلع منهم الجبهجية" جو بى خاترهم .. ؟؟
مدنى كانت عزوة بورتسودان كانت مدينة نموزجية الأبيض كانت عروس الرمال كوستى كانت كوستى وسنار كانت سن نار و......
وينم ؟؟؟
الله يجازى الكان السبب .. طبعآ الأمريكان بعد ما ضربوا مستوصف الشفا .. ناس سنكات دخلتم خوفة وجو جارين .. الخر(ـتـ)وم
ولا شنو ؟؟
| |
|
|
|
|
|
|
Re: عمــــــــــــارة دوسة في الخرطوم .. منو الاستعمر التاني (Re: د.محمد حسن)
|
عليك الله يا دكتور ..... الكلام البتسوى فيهو دا كويس؟؟؟ ..... يعنى بقت على دوسة و آدم يعقوب أها الأثنين زغاوة .... يعنى مافى جنوبى عندو عمارة فى الخرطوم؟؟؟؟ ... مافى زول من سنار عندو عمارة فى الخرطوم؟؟؟؟ .... مافى زول من حلفا عندو عمارة فى الخرطوم ؟؟؟؟..... ياخى استحى ... من كلامك أدم يعقوب ودوسا سوادنيين والخرطوم فيها عمارات ناس الشرق والغرب والجنوب والشمال .... لكن حسب كلامك يبقى ناس آدم يعقوب هم القاعدين فيها براهم ولا ماكدا...؟؟؟؟ والله عجبتنى دكترتك إن كانت صحيح دكترة........ الله يكون فى عون السودان ياكم دكاترتنا..... ونحترمكم كما انتم ...
| |
|
|
|
|
|
|
Re: عمــــــــــــارة دوسة في الخرطوم .. منو الاستعمر التاني (Re: د.محمد حسن)
|
صحيح كلامك ....من مواليد أم درمان ...ما قلنا مشكلة ..... والذى يحاول طردك ....فهو جاهل ...ولن يستطيع .... لكن الرد عليه يجب أن يكون رد دكتور .... وأنت تعرف ان دكتور ليست فقط الدال ما قبل الأسم .... هذه الدال التى سهرت من أجلها الليالى ليست بالساهلة .... لكن يوازيها قيمتها ذهبا ....وليست ككل الذهب .... بل ذهبا فحواه الفضيلة والتخلق بالخلق الحسن ...وليست رد العاقل على الجاهل كخطاب الجاهل للعاقل ..... وانت يا أخى يجب أن تكون أكبر من ذلك بكثير .... ولن يستطيع أحدا طردك فهى دعاوى وانت تعرف فحواها ..... فلا تجعل منها مكانا للإستهلاك الفتنى ...لن يفيدك مثل هذا البوست أخى وراقب الله فيما تقول ..... أنتم الطبقة المتعلمة التى يرجى منها الكثير وكما قلت لك مراقبة الله فى الصغيرة و الكبيرة ستجعلك تستحى أمامة عندما تحسه .... ومن ثم سيستعصى عليك أذية عبادة ......فلك العتبى أخى ...لن يستطيع أحدا طردك .... وأنت تعلم ذلك ....والكثيرون الآن يحملون الجواز الأمريكى ويقطنون فى منهاتن ....ويطالبون ويطالون سكان منهاتن الأصليين أن وجدوا .... لكن الذين يعرفون القانون ... ورفعهم علمهم لم يردو عليهم بإعتبارهم جهلة ...لانهم يعرفون قدرهم ....فتناسو أمثال هؤلاء ...أكتب ما يفيد وطنك ...وأخير لن يطردوك وانت تعلم..... ولعمرك ما ضاقت بلاد بأهلها ... ولكن أخلاق الرجال تضيق...... (( والرجالة طولة بال وأخوك لو سوى ليك الشينة سوى ليهو السمحة و خليهو.... الله سيخلفها ... لمن يثق فى جانب الله تعالى ))
| |
|
|
|
|
|
|
Re: عمــــــــــــارة دوسة في الخرطوم .. منو الاستعمر التاني (Re: الرشيد البصيلى)
|
الاخ الكريم
فتشني هنا يمكن تلقاني
بسم الله الرحمن الرحيم
( وجعلنا من الماء كل شئ حي)
الحكومة وعاملة نايمة والخبارات في الفضاءات والصحف والخبارات داجة حايمة ما بهمك لو عواجيز او صغار عز البرد ليل الشتاء ماتوا بالموية اللئيمة! مابهمك لو مواطن من راعياك عذبوه بهدلوهو داسوا بالجزم القديمة والوطن ما عندو قيمة! ما بهمك يا حكومة ما خلاص جلدك استحلى الهزيمة وانت في عسل الفساد غرقانة ديمة ما بهمك لو فضت كل البلاد من شبابها ومن عقولها ومن قلوب بتهم بيها بس بهمك كم عمولتك من قروش اتباعوا بيها!
Quote: (( والرجالة طولة بال وأخوك لو سوى ليك الشينة سوى ليهو السمحة و خليهو.... الله سيخلفها ... لمن يثق فى جانب الله تعالى ))
· · ·
] |
أبحث · ملفي
عسى ان تجد ضالتك
اشكررك ولك كثير مودتي
| |
|
|
|
|
|
|
Re: عمــــــــــــارة دوسة في الخرطوم .. منو الاستعمر التاني (Re: تاج الدين عبدالله آدم)
|
الاخ تاج الدين
اعترف بان حدود فهمي لا تتعدى مفاتيح الكي بورد والشاشة التي امامي كدي خليك من فهمي انت رايك شنو في الفهم ده :
Quote: والذي تربي في حديقة الحيونات يعود للحديقة والذي جاء من اقاصي الشمال يعود الي نهر النيل , الدامر , شندي , عطبرة , دنقلا ,, والماعندوا اصل يبحث له عن اصل , اوهموا الشعب السوداني بأن السودان نالت استقلالها وظهروا هم كمستعمرين جدد وحولها من استقلال الي استغلال بدلاً عن هؤلاء وبدلاً من استعمار الجلابة فالافضل الاستعمار الاجنبي B] |
| |
|
|
|
|
|
|
Re: عمــــــــــــارة دوسة في الخرطوم .. منو الاستعمر التاني (Re: د.محمد حسن)
|
Quote: هذا.. حطاب عنصري مرفوض.. يا دكتور مهما كانت الدوافع.. فالسودان لكل السودانيين... فلننبز الجهوية والقبلية... فهى نتنة |
فى ناس ما بتفهم الا بالعنصرية المضادة واذا سكتا بفتكروها ضعف واعتراف بالذنب! انا اتولدتف الشمال وماعندى مانع ارجع بس خليهم يقبلوا يرجعوا! انا ما داير سينما ولا يحزنون انا بتكفينى ونسة فى رمال اوسلى ولياليها المقمرة وسبعة قنديلات وكبايات لبن! دا زمن العين الحمرة والرهيفة محل تنقد! جنى
| |
|
|
|
|
|
|
|