كتب الكاتب الفاتح جبرا المتوفرة بمعرض الدوحة
|
يا شعراء المنبر أدونى رايكم..يا أخليها توديها القمامة..
|
شذى باكورتى..زعلت من قصيدة كتبت فى بنت هندسة...وهى ثالثة حياة برية وعلوم أسماك..
بيطرة جامعة السودان.....
معليش وما بالأيد..أقدارنا قاسية شديد حكمت عليك مظلوم محكوم عليك تأبيد
بالذمة ياقاضي ...اعدل وقول الحق .. أيه ذنبو لو بيحب وبالقسمة راضي سعيد؟؟
حكمت عليهو ظروف يلاقي ست الناس....رقة وجمال وأدب .... ضحكتها فرحة عيد
تدرس علوم اسماك في ثالثة برية لا طب ولا انتاج.... برية بالتحديد
فايتة الجمال درجات .. زي نجمة فوق الكون.. للناس مداها بعيد
صاحبنا الزمن خانو.. لمن حبيبتو قست .. حبت تشوف غيرو...زي نوع من التجديد
قالت ليه: من فضلك... لا طب ولا انتاج ولا حتى تبقى معيد
احلامي لسه كتيييييييير.... في كل يوم بتزيد
وانت البديتو زمان.. انساهو من اليوم وابداهو عمر جديد
وشوف قرايتك وين... وابعد خطاك بعيد يمكن تكون ناجح... بدل ما كل مرة تعيد
صاحبنا جد احتار... في قسوة الأقدار أدّاها كل الريد... وحكمت عليه تأبيد *********** في الجلسة آخر يوم.. القاضي قال الحق : برية أحلى قسم وبناتها احلى بنات
في الذوق فاتو الحد ..وفي الحشمة محتشمات
والرقة رقة ورد ..وفي الجوهر ...احلى صفات *************
صاحبنا القبيل موجود ....سامع الكلام كلو برية شافها حلم وبناتها اجمل تاج
دعيت المولى يحفظنا..... ولي غيرو مانحتاج
ويحفظ لينا برية.. . بلا طب .....بلا انتاج
شـــذى اسماعيل
|
|
|
|
|
|
|
|
Re: يا شعراء المنبر أدونى رايكم..يا أخليها توديها القمامة.. (Re: ismeil abbas)
|
جميلة و دمها خفيف
بس عشان الميزان يستقيم تمام التمام هاك تعديلاتي الطفيفة دي ي
و ربنا يخلي ليك الأمورة و يحفظها
معليش وما بالأيد..أقدارنا قاسية شديد حكمت عليك مظلوم محكوم عليك تأبيد
بالذمة ياقاضي ...اعدل وقول الحق .. أيه ذنبو لو بيحب وبالقسمة راضي سعيد؟؟
حكمت عليهو ظروف يلاقي ست الناس....رقة وجمال وأدب .... و الضحكة فرحة عيد
تدرس علوم اسماك في ثالثة برية لا طب ولا انتاج.... برية بالتحديد
فايتة الجمال درجات .. زي نجمة فوق الكون.. للناس مداها بعيد
زولنا الزمن خانو.. لمن حبيبتو قست .. حبت تشوف غيرو...زي نوع من التجديد
قالت ليه: من فضلك... لا طب ولا انتاج ولا حتى تبقى معيد
احلامي لسه كتيييييييير.... في كل يوم بتزيد
وانت البديتو زمان.. انساهو من اليوم وابداهو عمر جديد
وشوف قرايتك وين... وابعد خطاك بعيد يمكن تكون ناجح...و ما كل مرة تعيد
صاحبنا جد احتار... في قسوة الأقدار أدّاها كل الريد... وحكمت عليه تأبيد *********** في الجلسة آخر يوم.. القاضي قال الحق : برية أحلى قسم وبناتها احلى بنات
في الذوق فاتو الحد ..وفي الحشمة محتشمات
والرقة رقة ورد ..وفي الجوهر ...احلى صفات *************
زولنا القبيل موجود ....سامع الكلام كلو برية شافها حلم وبناتها اجمل تاج
..المولى يحفظنا..... ولي غيرو مانحتاج
و يخلي برية.. . بلا طب .....بلا انتاج
| |
|
|
|
|
|
|
Re: يا شعراء المنبر أدونى رايكم..يا أخليها توديها القمامة.. (Re: ismeil abbas)
|
د/محمد حسن
يا لجمال الطلة البهية.......
سمعة
اولا مشتاقين
تانيا كل سنة انت والاسرة بالف خير
تالتا : تتكسروا انتو ويكتبوا الشعر بناتكم
قصيدة دمها خفيف شديد
وما شبه القمايم
ده كلامك الفوق يا د/محمد حسن......شكرآ على ألأطراء......ولما نحن نتكسر لازم واحد مننا يكتب..
يا بكاى..
مودتى.......إسماعيل محمد احمد عباس........
| |
|
|
|
|
|
|
Re: يا شعراء المنبر أدونى رايكم..يا أخليها توديها القمامة.. (Re: ismeil abbas)
|
أخي الحبيب اسماعيل
سلام عليك وعلى البرعمة الشذية وعلى روحيكما الطيبتين.. حتى عتاب برعمتك فيه الرقة والذوق فلا عابت ولا نابت ..قلبها بكر غض .. دعها تبحث عن الزهور الفواحة لترتشف من عبيرها.. دعها تسكب مشاعرها شعراً ربما تزيل به الران الذي إعتلى قلوب أعداء النور والتنوير والإبداع .. متعك الله بشذاها ومتعها بك روض تتنقل بين زهوره.. دمت ودامت
| |
|
|
|
|
|
|
|