|
|
|
 Re: حلاة الموت في عِـبْـدِلَّـه .. الشـ الدكتور محمد بادى ــاعر (فيديو) (Re: yasiko)
|
الحبيب الأخ/ دكتور ياسكو
سنجك مية واربعطاشر
سلاام يا زول يا جميل كيف حالك والله مشتاقين لروئعك هذه وحقيقة ماقرأت عنوان البوست حتى وجدت نفسي أردد حلات الموت كان في عبدله حلات الموت كان في عبدله
كل سنة وانت طيب وتقبل الله منا ومنكم صالح الأعمال
أبوالحسين اصبح كسلاااااااااااان شديد بعد ماضاق الحلو ووقع بي خشمو ونسى الشايقية وماضيهم وحاضرهم ومستقبلهم الزاهر ... فأبعدنا عن زهور وزوار البوست الجميل.
| |
 
|
|
|
|
|
|
|
|
Re: حلاة الموت في عِـبْـدِلَّـه .. الشـ الدكتور محمد بادى ــاعر (فيديو) (Re: yasiko)
|
Quote: أبوالحسين اصبح كسلاااااااااااان شديد بعد ماضاق
الحلو ووقع بي خشمو ونسى الشايقية وماضيهم وحاضرهم ومستقبلهم
الزاهر ... فأبعدنا عن زهور وزوار البوست الجميل. |
الأستاذ خالد
كل سنة وانت وأسرتك طيبين
والله الشوق بحر ومطر
ولك امثاله أضعاف
أما أبو الحسين فيقال انه وُعِدَ بوزارة في حركات
دارفور فلبد!! ونسي الشايقية ماضياً وحاضراً ومستقبلاً
أخوك قالوا اتلصق في ارنب العسل 
الأستاذ ساتي
سلام
وكل سنة وانت طيب
يا زول بجيهك تب ، بس اديها صنة وخلي الجماعة
يستمتعوا بالقصيدة دي
فتك بعافية
| |
|
|
|
|
|
|
|
|
|
Re: حلاة الموت في عِـبْـدِلَّـه .. الشـ الدكتور محمد بادى ــاعر (فيديو) (Re: yasiko)
|
ما زلت أذكر جلساتنا مع الدكتور محمد بادى == أخص هنا رائعته == بت الخير ==
اقتطف منها
بت الخير يجيكى الخير وصل جوابك الكاتباه للولد الحتالى
وكان الظن ترسلى ليهو هين هينين من البركاوى داك الطعمو حالي
وتكتحى فيهو قبضات من نبق سدراتنا فى بدل التسالى
وكان بى قرشة حالى الدوم وهنا والله نئ و مسيخ وغالى
سؤالك يمة عن أحوالى يغنيك ن سؤالى
أنا اتوكرت فى درب البنادر زى غريق شرقان مدلدل فى الدوالى
جات شايلانى حرة جوف وانا اتحديت مجالا مو مجالى
بناتا فيها رويانات جسومن بالدهون تلصف بلا جلود السحالى
كتوفن ما بقول عكف السروج لكن بشوف فوقن مخالى
عيونن واسعة تبلع مية زى ولدك تشرك للوحد والضلالى
وما بتكسر وحاتك ساعت اقيف قدامه أنكس راسى بى قدرى وجلالى
عدادن ما بخبرو الا وين ما أمشى بلقاهن قبالى
المآسى كتيرى حاصلة والمكضب يلاقى بوليس السوارى
| |
|
|
|
|
|
|
|
|
|
Re: حلاة الموت في عِـبْـدِلَّـه .. الشـ الدكتور محمد بادى ــاعر (فيديو) (Re: yasiko)
|
كابي المقنع الجرجار علي موية الوجه يا حوا كابيه
وزازي الدمعة منك بي طريف التوب احزمي حشاك واكربيه
خيراً ولىّ مو مدخور ، رزق الليلة داب الليلة والباكر تشابي وما بتجيبيه
ويا حوا الوكت مرواح وزمنك راح امسكي ضرع شويهاتك احلبيه
ليش ماك حامدة ليشن جاحدة والرزق العليك هطال شربتي التاني فوق بكريه
محمود الغني ومشكور ، غيارك فردة من نسج الكمالي وتاني توب جاراته بنغالي
ومحمود الغني ومشكور ، وعاجك فضة من دق ود تبيد الغالي
ومحمود الغني ومشكور ، نارك موقدة ماعونك ملان مو خالي
ومحمود الغني ومشكور ، وابو زينوبة ناهض فيها ما هو الخملة عنقالي
ومحمود الغني ومشكور ، وأحمد قلتي نور عينيك مختّر فوق بطان الحلة خوجالي
عصاية الصبينة المكسية بي جلد الندف والخامة سرهيتة
وسرج المرقة سناري ومسمّر فوق سراة الباني سنكيتا
وجزلانا مجنزر وطيه رزماً من بطون الطينة مبحوتة
ولازم الفنجرة اتبشَقت سبع خمسات تصل حاكت حجول المارقة من بيتا
ومتلفح كساوي الساكوبيس صوبان وظهرة تقيلة تبرق سنو سوميتة
جيد ياجيت ، وجيدلك حوا بي جنس الجنا القاري
وجيدلك حوا بالولد البعوم الشبكة سداري
متلك حقو لاتنضامي لا تنلامي لا تتضاري
وانت ولدت للبلد البيجيب راس العشاري
عدلك هادو في كُـم الرجال أحمد ، يمين مقنع ولايا
وفي دارة البنات زينوبة فرقت منهن فرقة كتيفها من الفداية
عصاري الوردة فوق المشرع اب مسكا دفق شرق الترايا
بنات الحلة كان عقدن تياب المرقة فوق روسن وقايا
وسون قدلة الوز الرطن صباحي شاقات اب شراية
تبين زينوبة حين تتوقى شعراً كاب بعد ما انساب على الخد المرايا
عصاري الفزعة والفازعات يجن بكر تنايا
نار الهجعة نار الوجعة نار الفزعة لا حطب التكايا
ويات من تبقى حازمة التوب على النص القناية
تبين زينوبا حين تتحزم الخصل الشرابهن صندل الناس الغنايا
شن معنى الكسوف يا حوا والحزن البيجيب ليك الشماتة
وكنزك في الكنوز زينوبة وأحمد كل يوم زايدين قراطين فوق تلاتة
نجوم السعد فوق حجرك تباسم وانت شارفة ترمي في ودع البخاتة
شتول الفرحة تتفتح قبال تتمد ليك الليد وما لاقية التفاتة
اقطعي الزند البقودك من فلاة الخير علي بلد الدراهم
واقلبي الطوف إن كسح بك من جروف الخير علي جزر المراهم
ياديار حوا المراقدك في رويس عبدلة وينك
يا المشاوير المشيتك . يا المشارع السالكة وينك
بالي فيكي إلا درب العيشة باعد بيني بينك
يا لبينة المغربية النازلة من أطراف سعينك
يا السرابة الحبلى كل الناس تعاين لي جنينك
يا السبايك الساوي شيلك ولا طويرة الجنة تسكر من مدينك
يا السواقي النايحة زيك زي حنان اماتنا في حرقة حنينك
يا بنية طرية طامرة كنوزا بي طرف الطريحة
يا نسيمة رشة باردة تجيني ساعة اشيلك موية الصفيحة
يا مليحة .. يا العقيد النام موسد راسه حبات السبيحة
يا صباح الرحمة يا الروح البتلفى حوارها تمرق من ضريحها
يا حزيمات القمح منشرة في زمن الحصاد قبل السراديب
يا رياح الشتوي هابة على مساجين المشال بالفرحة والفرج القريب
يا نزيل قمر التمام الحشو في شيلتو السناجك والارابيب
يا ولد .. نقرات تقيك الفي الحصاد عاقباها بعد المسرة نقرات الدليب
| |
|
|
|
|
|
|
| |
yasiko
doma
خالد علي محجوب المنسي
الطاهر ساتي
Osama Siddig
فيس بوك
تويتر
انستقرام
يوتيوب
بنتيريست