|
|
 ابعد من السودانين لو داير تنجح!??
|
ابعد من السودانين لو داير تنجح!
الوصية الاولى حين تريد مغادرة السودان والتوجهة للدراسة أو العمل !لماذا الأبتعاد عن السودانين ! هل السوداني فى الخارج يكون مختلف !?وهل هنالك سلبيات حين يجتمع السودانين فى بلاد المهجر أم الايجابيات تكون أ كثر من السلبيات!? أكثر من نصف أو نقول اغلبية أعضاء سودانيزونلاين من المهاجرين والمغتربين ونريد منكم مناقشة السلبيات والايجابيات .وبعض المواقف التى حصلت ولاشك هناك مواقف أيجابية وسلبية.وزي مابقولو الغربة بتلمك مع الصالح والطالح...هل الابتعاد سبب من اسباب النجاح وتحقيق هدف??أم العكس?!
|
|
 
|
|
|
|
|
|
|
|
Re: ابعد من السودانين لو داير تنجح!?? (Re: احمد معتصم الطيب)
|
سؤال كبير..
السبب لقد إلتقيت أحد السودانين والذى يقيم منذ عام 1962
والصدفة لعبت دورآ فى هذا اللقاء وقد دار حديث طويل جدآ عن الغربة والأسباب التى تقود الشخص للنجاح وهو أنسان ناجح جدآ فى حياته العمليةوالاسرية وقد قال لى لو أردت أن تنجح يا أبنى وتحقق هدف أن تبعد عن السودانين!! والأبتعاد عنهم السبب الرئيسي لنجاحى .وقال لى السودانين طيبين وحنينين وكل شيئ ولكن نحن أتينا هنا لتحقيق هدف معين ولم نأتي للمجاملات والونسة والزمن لن يتوقف حتى ننتهى من مجاملاتنا وحللناو سكرنا
وأنت وحدك الذى تحدد ذلك ولكن أنا حددت ووصلت لما كنت أحلم به ولى مكانة فى المجتمع الذى أعيش فيه وهنالك أمثلة كثيرة من أعرفهم حتى هذه اللحظة
لم تنتهي مجاملاتهم ولم يحققو شيئ وكان الفشل من نصيبهم...
| |
|
|
|
|
|
|
|
|
|
Re: ابعد من السودانين لو داير تنجح!?? (Re: احمد معتصم الطيب)
|
| Quote: ولكن نحن أتينا هنا لتحقيق هدف معين ولم نأتي للمجاملات والونسة والزمن لن يتوقف حتى ننتهى من مجاملاتنا وحللناو سكرنا |
اخي معتصم ..
اعتقـــد بان هذه النظرية غير صحيحة وهي تحربـــة احادية ولا يمكن تعميمهاعلى جميـــع السودانيين . فالعكس هو الصحيح .
استشف من حديث الرجل ربما انه بخيل ومنزوي على نفسه ولايحــــب الضيوف ولا المجامـــلات وانا اعرف الكثيرين من السودانيين بالخارج تجدهم دائما مـــــــــن السباقين في جميع المناسبات الخاصة والعامة حضورا بشخوصهم وفلوسهم مع ذلك استطاعوا عمـــــل الكثير في السودان ..
لكن يا معتصم الا يكون زولك دا قاصد ناس الحلل والسكر دا موضوع تاني ليس له اي علاقــة بما ورد في حديث صاحبنا..
مع ذلك اخي معتصم لك حرية الاختيار في بناء علاقـــات وفق ما تريده بشرط الا تبتعد عــن السودانيين كليا . اختار الصالح منهم وسوف لن يخذلونك ..
دمت بخير ..
ود الباوقة
| |
|
|
|
|
|
|
|
|
|
Re: ابعد من السودانين لو داير تنجح!?? (Re: ود الباوقة)
|
الأخ ود الباوقة
الإبتعادالمقصود هنا ليس كليآ وإنما فى حدود المعقول وهو ليس منقطع كليآ عن السودانين وله علاقات جيدة مع بعض السودانين فى حدود ضيقة جدآ جدآوهو يرى
أن كثرة السودانين لا يجلب إلا المشاكل .....
وأنا أطرح الموضوع للنقاش ..
| |
|
|
|
|
|
|
|
|
|
Re: ابعد من السودانين لو داير تنجح!?? (Re: احمد معتصم الطيب)
|
طيب لو قلت ليك في غربتنا دي في ناس ماتو وما كان عندهم حاجة جم السودانيين وقاموا بالواجب من غسل وتكفين وترحيل للجثمان إلى أرض الوطن من دون مقابل يعني لله في لله
لو قلت ليك الواحد لما يموت ليهو زول في كشف بيتعمل
لو قلت ليك عندنا ناس لما بيدخلو المستشفى ناس المستشفي بيتحيرو لما يشوفوا كثرة السودانيين الذين أتو لمعايدة المريض وفي بعض الأحيان بيفتكروا المريض دا شخصية مهمة أو محبوب جدا.
لو قلت ليك في سودانيين في الغربة دي عرسوا بطريقة النفير السودانية وبرضوا في كشف كبير بيتعمل
غايتو لو عديت الكلام دا من ضمن المجاملات فالأفضل أنك تبعد عن السودانيين
خليك وحيد عشان تنجح
وماتقابل زول في اليوم غير مرتك وأولادك
يوم مرتك تطردك .. ياراجل قوم أمشى كدة ولى كدة
أخر العمر حتمشي الجامع
وحتلاقي السودانيين هناك وحتعاين ليهم بخجل (والسودانيين المساكين في بالهم والله الزول دا مسكين وفي حالو) 
| |
|
|
|
|
|
|
|
|
|
Re: ابعد من السودانين لو داير تنجح!?? (Re: Hatim Salih)
|
الأخ المحترمHatim Salih
تحية طيبة
قديكون له تجارب سابقة جعلته يتخذ هذا القرار والذى تراه أنت غير سليم ويراه الأخر عكس ذلك..
وفعلآ هنالك أشخاص لا تجد فيهم أى فائدة من معرفتك بهم بل يردون لك أن لاتتقدم ويحطمو فيك الأمال والطموح ولكل منا تجاربه الخاصة ونجد فيها السلبيات والايجابيات ولكن نريد أن نعرف وجهه نظرك فى هذا الموضوع من تجاربك الشخصية.وقد تكون من الحظوظين الذين لم يصادفوا مثل الأشخاص المعنين فى حياتهم ......
| |
|
|
|
|
|
|
|
|
|
Re: ابعد من السودانين لو داير تنجح!?? (Re: احمد معتصم الطيب)
|
احمد معتصم
كل سنة وانت طيب
ابعد من السودانيين لو داير تنجح فعلا فى الغربة
لكن السودانيين ياتو ؟؟؟
السودانيين بتاعين الفارغة اللى الواحد منهم نظرته للحياة العملية او العلمية قصيرة
لا ينظر الا تحت قدميه فقط لا اكثر
يهمه فقط ماذا يفعل اليوم ويعمل بالمقولة (لا تهتم للايام ودع الايام تفعل ما تشاء)
مثل هولاء ابتعد عنهم قدر ما تستطيع
ولكن السودانيين العمليين اختلط بهم
المحترمين واصلهم وكن معهم
فكم من المحن نجدك فى غربتك ولن تجد اخ ليك غيرهم
لى تجربة فى ينطبق على عندما ترتك مقاعد الدراسة واتجهت الى سوريا ولبنان بقصد التجارة ولكن طيش الشباب اوقعنى مع سودانيين كان يجب ان لا اختلط بهم حينها
ولكن فى قاهرة المعز اختلطت مع سودنيين وسودنيات اعتز جدا انهم كانوا افضل من اختلطت بهم فى الغربة
فقط اعرف مع اى صنف تختلط وتانى العوجة ما بتجيك
| |
|
|
|
|
|
|
|
|
|
Re: ابعد من السودانين لو داير تنجح!?? (Re: احمد معتصم الطيب)
|
فقط اعرف مع اى صنف تختلط وتانى العوجة ما بتجيك
وهذة هي شوربة الكلام كما اوردها دوت مجاك ..
السودانيون يتقاسمون صفات عامة كثيرة ..السئ منها والحسن ..البعض يحمل معه الى غربتة كل العادات السالبة التى تربي وأعتاد عليها بحزافيرها أحيانا دون الأنتباه الى الى فرق الوضع ..فالكثيرون وكصفه سودانية متمكنة فينا لا يأبهون الى سيف الوقت فمروراليوم والأسبوع والشهر والسنة لا تقلقهم فى كثير سوا أنجز فيها قليلا او لم ينجز شئ .. وهذا رأس الأمر .. اتفق تماما فى من يدعوا للأبتعاد عن هذا الصنف من مغتربي السودان .. وفى اليد الثانية الأقتراب من السودانيين الذين يعرفون لغربتهم هدف و يتحسسون غربتهم ويتذكرون وضعهم كل ساعة ومخالطتهم مفيد تماما من كل النواحى ..و فى أوقات كثيرة ومن تجارب كثيرة جدا وفى مغتربات مختلفة تكون علاقة السودانيين القوية ببعضهم سببا هاما فى النجاح والأستفادة المشتركة بالأضافة الى العلاقة الأجتماعية الحميمة الضرورية التى يحتاجها والتى يفقدها بالغربة ..
رد الله غربتنا وغربة الجميع ...
| |
|
|
|
|
|
|
|
|
|
Re: ابعد من السودانين لو داير تنجح!?? (Re: Tragie Mustafa)
|
أخي الفاضل أحمد.. لو صيغت هذه المقولة-البوست كالتالي: "أبعد عن السودان لو داير تنجح!؟؟" لكانت أقرب إلى الواقع ولأدلينا بدلونا.. أما قضية الابتعاد عن السودانيين فدي صعبة جدا لأن السودانيين أشبه بالثقوب السوداء Black Holes يصعب - إن لم يكن من المستحيل - الابتعاد عنهم..
| |
|
|
|
|
|
|
|
|
|
Re: ابعد من السودانين لو داير تنجح!?? (Re: Tragie Mustafa)
|
الأخت تراجى
كل سنة وأنتى وأسرتك بألف خير
لا يزال السودانين يحملون معهم فى كل مكان تلك العادات والتقاليد التى
تشل التطور والتقدم وخاصة فى البلاد التى تتسم بحركة سريعة منتظمة ولا تسمح حركتها السريعة من السماح بالتقيد بتلك العادات وأن نراها إيجابية ولكن لها سلبيتها فى كثير من المناحى المعيشية وهى بلا شك تؤثر فى الاقتصاد و التنمية وعدم الالتزام بالمواعيد ونرى ذلك واضحآ من خلال حياتنا اليومية دأخل السودان من مجاملات لاحصر لها .ولا شك من وجود عادات وتقاليد لايمكن أن نمسها بشيئ مماذكر سابقآ..
| |
|
|
|
|
|
|
|
|
|
Re: ابعد من السودانين لو داير تنجح!?? (Re: عبد الحميد حسين)
|
الاخ عبد الحميد
السيئ منها موجود بكثرة وخاصة فى الغربة ونجد القليل أيضآ. ولكن السيئ منها يدمر مستقبل شخص وكماذكرت تكتشف ذلك بعد ما الفاس يقع فى الراس وكم من شخص حاول مساعدة شخص بكل طيبة وعفوية ووقع فى مشاكل ليس لها أول ولا أخر وهنا فى الغربة تأكل نارك برااك مافى زوول بشيل معاك شيلتك....
رد الله غربتنا وغربة الجميع ...
| |
|
|
|
|
|
|
|
|
|
Re: ابعد من السودانين لو داير تنجح!?? (Re: احمد معتصم الطيب)
|
اختنا تراجى مصطفى
كل سنة وانتى طيبة
اختلف معك ومع الاخ ابوبكر فى هذا امر
الذى يبتعد عن الاجتماعيات مهما كان ضغط العمل عليه ومهما كان اجتهاده هو الشخص الفاشل فى عمله او العشوائي فى عمله
لانك لو نظمت وقتك وعملك فانت تستطيع انجاز كل شئ
ليس هناك انسان نجح دون ان يكون هناك شخص بجانبه
| |
|
|
|
|
|
|
|
|
|
Re: ابعد من السودانين لو داير تنجح!?? (Re: دوت مجاك)
|
يا دوت يا اخوي
كل عام وانت بخير.....
Quote:
اختنا تراجى مصطفى
كل سنة وانتى طيبة
اختلف معك ومع الاخ ابوبكر فى هذا امر
الذى يبتعد عن الاجتماعيات مهما كان ضغط العمل عليه ومهما كان اجتهاده هو الشخص الفاشل فى عمله او العشوائي فى عمله
لانك لو نظمت وقتك وعملك فانت تستطيع انجاز كل شئ
|
الحاصل عندنا ده هنا فيلم هندي وحياتك
والله انت لا تعرف يعني ايه لما تكون نبشطي طول اليوم ويمكن تكون ماسك نبطشيتين وراء بعض
وتجيء بيتك تغمض تلقى في محن سودانيه خاصه منتظراك....
يا دوت لن احكي لك عن كم السودانين الورطوا اصدقائهم في ديون بالكريدت كارد بتاعهم
ولا....ولا...ولا....الخ....ورغم كده ما تمسع كلامي ده انا شخصيا مورطه في اجتماعياتهم
وياريت اقدر ابطل...لكن يبدو انها عادة عند بعضنا.
| |
|
|
|
|
|
|
|
|
|
Re: ابعد من السودانين لو داير تنجح!?? (Re: Tragie Mustafa)
|
بعدين يا دوت نحن ما قلنا نبقى متوحشين
| Quote: ليس هناك انسان نجح دون ان يكون هناك شخص بجانبه |
..لا....
وانما نختصر علاقاتنا...انت لا تعرف عندما مدينة فيها مثلا حوالي ال 300 سوداني
ومصرين نحضر اعياد ميلاد ابنائهم كلها ونعزي في بكياتهم كلها ونشيل العمدان للمستشفيات
(اي والله في مدينتنا يحدث ذلك) لاي مريض منهم .... وتودع اي مسافر
وتغمت ليه كمان حق السفر .....و....و..الخ.
لا مالك ولا صحتك ولا زمنك يمكن ان يسمح بذلك.
لذلك تجدنا فقراء مقارنة بباقي الجاليات.
والبركه في محنتنا برضو.
والله يقدرنا.
| |
|
|
|
|
|
|
|
|
|
Re: ابعد من السودانين لو داير تنجح!?? (Re: Tragie Mustafa)
|
Quote: الحاصل عندنا ده هنا فيلم هندي وحياتك
والله انت لا تعرف يعني ايه لما تكون نبشطي طول اليوم ويمكن تكون ماسك نبطشيتين وراء بعض
وتجيء بيتك تغمض تلقى في محن سودانيه خاصه منتظراك....
يا دوت لن احكي لك عن كم السودانين الورطوا اصدقائهم في ديون بالكريدت كارد بتاعهم
ولا....ولا...ولا....الخ....ورغم كده ما تمسع كلامي ده انا شخصيا مورطه في اجتماعياتهم
وياريت اقدر ابطل...لكن يبدو انها عادة عند بعضنا. |
اضف الي ذلك يا تراجي عدم التقيد بالمواعيد ،و المكالمات المطولة ،و المقيل وكت الزيارة لساعات و حاجات تانية حامياني
| |
|
|
|
|
|
|
|
|
|
Re: ابعد من السودانين لو داير تنجح!?? (Re: احمد معتصم الطيب)
|
هذا مكان مناسب جدا لاحكي لكم حكاية حدثت لصديق لي واتهمته حينها بالغباء ولكنى اعتذرت له بعدما تاكدت انها نخوة فريدة من سوداني اصيل.
قال انه وصل متاخرا للمطار بسبب السيارة التي كانت تحمل العفش فانتظر واسرته في المطار لحين موعد الطيارة التانية وكان الانتظار لخمسة ساعات. لم تكن هناك سوى عائلة سودانية واحدة معهم فتقرب منه رب الاسرة التانية وكالعادة ...حق الله بق الله الاخ من وين وشغال وين والاولاد اسمهم منو وانتو من وين في البلد.
المهم صاحبي اخبر الرجل بان مسؤول الخطوط صديقه وممكن يمرر له الوزن الزائد فانبسط الزول وقال له انا ايضا لدي وزن زائد.
عندما بدأ الوزن جاء صديقي ليوزن وطلب من الاخر ان ينتظر، لكنه لم يفهل وذهب الى كاونتر اخر.
الزيادة على صديقي كانت نحو 2000 درهم، والاخر زيادته 300 درهم.
تفاجأ صديقي بالزول وهو يصيح لماذا تدفعوني 300 وهذا الرجل وزنه الفين درهم وتسامحونه لانه صديق المدير ....طبعا كان الموقف مفاجئ لكل الحضور فانحرج صديقي وانحرج الموظفين وكل من هم في الصالة لان صديقي كان قد سدد الف وخمسمائة درهم لموظف الكاونتر بعد التخفيض... \فالتفت الى الموظف الاخر وقال له لو ممكن تسامحوا الراجل ده لانه لايملك حق الوزن او انا بدفع عنه.
قال صديقي من ذاك اليوم هو لايسلم على اي انسان في والمطارات... هل ياتري له حق في ذلك؟!
| |
|
|
|
|
|
|
|
|
|
Re: ابعد من السودانين لو داير تنجح!?? (Re: محمد على حسن)
|
العزيزه ناديه
طبعا لم يتحدث احد عن كلهم.....
Quote: سلامات والعيد مبارك عليكم
ماكل السودانيين فى الغربة بكون القرب منهم خصما علي تحقيق نجاح المغترب وماخرج من أجلو ..
لكن البعض منهم البعد عنو (غنيمة) جدا !! |
وبعدين نحن شعب طيب جدا وكلننا نتحدث عن ضرورة استمرار
هذه الطيبه وعشان فعلا ما تظهر نمازج متوحشه اعتقد علينا ان نوظف طيبتنا والا نرهق انفسنا بماهو فوق طاقتنا.
انا شخصيا واعوذ بالله من كلمة انا.....يصعب على ان اقف متفرجه....واحزن لما اجد البعض قرر يبتعد عن مجتمعات
السودانين....ولكن تجارب البعض تحيرك...,تشفقي عليهم وتقدري انه....الطيبه في غير محلها تصير عواره فعلا.
| |
|
|
|
|
|
|
| |
احمد معتصم الطيب
Hatim Salih
دوت مجاك
محمد الطيب حسن
Tragie Mustafa
محمد الأمين موسى
Kostawi
محمد على حسن
فيس بوك
تويتر
انستقرام
يوتيوب
بنتيريست