سودانيز اون لاين.......زى الفريك ما يحبش شريك...!!!

Quote: ختي معاهو شوية سنمكة . و تاخديهم سفوفة على الريق . .. الكمدة بالرمدة .

Quote: وبشتنى ..وعولقنى..ومرضنى

بريه إنت من البشتنة والعولقه والمرض ..
لي عدونك إن شاء الله ..

فريك شنـو ياخ ..
قولي مخبازة .. يا أم جنقــر .. يا قدو قدو .. يا حرجـــل .. يا اي حاجة من الحاجات الطاعمه دي ..

ـــــــــــــــــــــــ

Quote: كمون أسود يا آمنة . ختي معاهو شوية سنمكة . و تاخديهم سفوفة على الريق . .. الكمدة بالرمدة .

Quote: أنا هنا ليس لتوصيف العلاج, لكن ... لمشاركتك الشكوى من ذات الداء ...

Quote: وانشاالله ماتشفي من أدمانك ده

Quote: أخواتى وأخوتى كل عام وأنتم بخير.. عيد أضحى سعيد وميلاد مجيد وسنة جديدة سعيدة باذن الله.. والعفو والعافية. اما بعد.. أشكو اليكم هذا السودانيز اون لاين.. فقد حجزنى فى قمقمه.. وأسرنى فى سجنه وافقدنى صداقاتى واجتماعياتى ، وعطل على أعمالى ودراساتى وأفسد على خلواتى وعباداتى.. وبشتنى ..وعولقنى..ومرضنى وأصابنى بألام فى الظهر والعنق وغصة فى الحلق وحول فى العينين وفلس فى الجيبين وصرة فى الجبين وسمعة وشهرة وسط العالمين النصاح والمجانين الصالحين والطالحين المخلصين والمغرضين الانقاذيين والمعارضين الزينين والشينين العديلين والمعولقين فهل تعرفون طبيبا يشفينى من أدمانه الذى بشتن على احوالى؟؟ فكل ما ابتعدت عنه أعود اليه صاغرة.. أما لهذا الادمان من نهاية يا ربى..

Quote: عليكي بالقرض و اللالوب القرض بخور و اللالوب حبة بعد كل 3 بوست

Quote: أخواتى وأخوتى كل عام وأنتم بخير.. عيد أضحى سعيد وميلاد مجيد وسنة جديدة سعيدة باذن الله..

Quote: أشكو اليكم هذا السودانيز اون لاين.. فقد حجزنى فى قمقمه.. وأسرنى فى سجنه وافقدنى صداقاتى واجتماعياتى ، وعطل على أعمالى ودراساتى وأفسد على خلواتى وعباداتى.. وبشتنى ..وعولقنى..ومرضنى وأصابنى بألام فى الظهر والعنق وغصة فى الحلق وحول فى العينين وفلس فى الجيبين وصرة فى الجبين وسمعة وشهرة وسط العالمين النصاح والمجانين الصالحين والطالحين المخلصين والمغرضين الانقاذيين والمعارضين الزينين والشينين العديلين والمعولقين فهل تعرفون طبيبا يشفينى من أدمانه الذى بشتن على احوالى؟؟ فكل ما ابتعدت عنه أعود اليه صاغرة.. أما لهذا الادمان من نهاية يا ربى..

Quote: بعدين يا زول انت قايل بتكتل قلبى بالورد الأحمر دا..؟ مغيوظة منك شديد .. بس ما فاضية ليك هسه

؟؟
اسمعي:
كان عايزه تخلي البورد دا طريقك زراعي تكوني ريحتينا زاتو من تفتيش الورد الأحمر والأبيض ..ومن كل يوم آمنة جات .. أمنه ما جات أمنه .. إلخ
البوست دا انا قاعد ليهو ..
رايك شنـو في الحاجة دي .. الواحد بطل ديسكات جوكية ليهو فترة لكن الليلة حاسي إنو نفسياتي كويسة.

Quote: عليك ببخور التيمان .. كل سنة وأنتِ طيبة يا آمنة ..

العزيزة آمنة مختار
كل عام وأنت بألف بخير
إذا كانت حالتك فعلا كما تصفين، فإنها حالة خطيرة وعايزة علاج عاجل
وأنا ما شايف ليك إلا واحد من ثلاثة علاجات:

الأول: نكلم أهلك يشوفوا ليك Chaperon (يعني "وصيفة"، بشرط تكون حازمة جدا، أو "مرافق" من أهلك، بشرط يكون فيه دم الأرتيقة أكثر من دم الحضارمة ليحددأو تحدد لك ساعة واحدة في اليوم على سودانيزأونلاين، ثم يقلل المدة لتكون ساعة كل يومين، ثم مرتين في الأسبوعين، وهكذا حتى تقلعي تماما..

بهذه المناسبة، لا تستنكري مسألة شابرون هذه، فبي نظير بوتو، التي درست في الولايات المتحدة، كان معها وصيفة حازمة، وأظن حرس كمان، إنت كفاك الوصيفة بس أو المرافق

تذكرت مسألة بي نظير بوتو والشابرون هذه (أكيد كلمة شابرون أحسن وقعا من كلمة مرافق)، البارحة، عندما كانت بنتاي الاثنتان 21 و 16 تريدان الذهاب إلى "المول" لمقابلة صديقة إحداهن، فمنعتهن أمهن، وكن مستنكرات ذلك،ويتساءلن لم يكون أخوهن الولد حرا وهن مقيدات؟

فقصصتُ عليهن حوارا مماثلا جرى بين Hulk Gogan*، وإبنته.حوار طريف ولكن لا داعي لسرده هنا. وقلت لهن: تعرفن أحسن حاجة تصبرن شوية لما أقدر أجيب ليكن "شابرون"، واحد من أخوالكن أو أعمامكن من السودان يباريكن...أو وصيفة حازمة، بعد داك أُمّكّن حا تمطئن عليكن

العلاج الثاني هو أن تشغلي نفسك بحاجة أكثر جدوى خارج المنبر وهناك خيارات كثيرة منها مثلا:

أن تصبحي ناشطة في الحزب الشيوعي أو حزب المؤتمر الشعبي، أو تعملي ليك منظمة إنسانية، أو على أضعف الإيمان تنضمي لي حركة حق، فهي مسؤولياتها ما كتيرة، لكن بضمن ليك أنها ستعطيك ما يساعدك على الخلاص من الإدمان

العلاج الثالث، وهو أجداها ولكن يبدو أنك جربتيه وما نفع معاك، هو الإنشغال بدارستك لإكمالها سريعا وبنجاح، والبحث عن وسائل لتزجية الوقت أقل ضررا من سودانيزأونلاين، كأن تتمشي ساعتين على كورنيش النيل، أو تمارسي اليوغا بانتظام، بالإضافة إلى صلواتك الخمس

هذا، والله هو النافع والشافي

_______________________________________

ملحوظة:

هناك دواء رابع معروف في كل الدنيا، ولكن يبدو أنه بدأ يفقد مفعوله، ولا أنصحك به لأني أرى أناسا كثيرين يشكون من أعراضه الجانبية الكثيرة المزعجة والمؤلمة جدا في كثير من الأحيان، فيفضلون البقاء بدون دواء، أو إدمان سوادنيزأونلاين وما شابه من مؤثرات عقلية

* هوقن مصارع مشهور كان محبوبا على نطاق واسع وسط الصبيان والشباب في الثمانينات والتسعينات،ولا يزال نوعا ما،ولديه برنامج إسمه Hogan Knows Best يصور حياة أسرته اليومية العادية وتجري فيها احداث وحوارات لطيفه بينه وبين إبنه وبنته وزوجته

(عدل بواسطة b_bakkar on 12-25-2007, 00:19 AM)
(عدل بواسطة b_bakkar on 12-25-2007, 00:45 AM)

Quote: انتي عارفة يا امنه كأنك تتكلمي بلساني والله . وعليه نطالب المهندس بكري ابوبكر توفير مهدئات من الأدمان وإلا .... نرجع تاني للإدمان

Quote: أمسحي الشاشة بالخل الطبيعي الممزوج مع زيت الزيتون البكر ونقطتين من عسل النحل وأنقعي الماوس في زيت حبة البركة 3 غطسات أنثري قليلاً من الزعفران على الكيبورد ثم أمسحية بزيت الورد بخري البروسسر ببخور التيمان كل ذلك والإنترنت موصل والموقع مفتوح على المنبر العام هذا لمدة ثلاثة أيام متواصلة.. وإذا زرتِ الخور تبدأين من جديد.

Quote: (معليش .. بس انشالله ما تكوني راجية نصيحة مفيدة هنا... الكل في نفس طاجن الفريك ده)..

Quote: أتمسحي بعجاج البحر...ما بتجيك عوجة

Quote: لو لم يفعل هذا الموقع أكثر من تجميعنا إخوة وأخوات لكفاه

Quote: يختفوالحلوين عشانك اسبوع بس ويفكوا لك سجيمان واخوه المر يترعوا في المنبر متأكده انك حتفترقي في اسبوع

Quote: ما قلتى الا الحق لكن المرقة ساهلة الغى الاشتراك فى النت اقطعى التلفون امشى بيتكم ياخ ماكلنا بقينا زيك لك حبى وكل عام انتى بخير

Quote: أتقصد ان مصاقرة المنبر من اعراض مرض حامد؟؟؟؟؟

Quote: البوست دا انا قاعد ليهو .. رايك شنـو في الحاجة دي .. الواحد بطل ديسكات جوكية ليهو فترة لكن الليلة حاسي إنو نفسياتي كويسة.

Quote: كل سنة وانتى طيبة ومتابعة سودانيز وغيره من المنابر والقراءات.

Quote: 1ـ قراءة بوست لمعتز القريش مره فى اليوم لمدة اسبوع . 2ـ قراءة ثلاثه مداخلات لملاسى فى اليوم لمدة 48 ساعه . اها تانى كان شفتى ليك (اتارى) تقومى جاريه ,,

Quote: مواصفات كومبيوتر قياسية للادمان على النت اتمنى انو كل واحد بقوم يشتري من النوع دا وحيرتاح على الاخر

Quote: اتفق معك سودانيز اون لاين اصبحت شئ مهم لكل سوداني الشتات ومن خلالك ادعو كل الاقلام الصامتة ان تعود كسابق عهدها داعمة للدمقراطية اللتي نجتمع حولة مائدتها لتصحيح وتجويد معطياتنا الفكرية المستنيرة لما لها من خير لوحدة الوطن الحبيب وكرامة شعبة الصابر المقلوب علي امرة.............

Quote: دا بوست لطيف شكرا امنة مختار

Quote: عند فتحك لصفحة المنبر أبدأئى بالقراءة لإبننا الأديب الكبير محمد E سليمان وستشفين تماما.

Quote: بهذه المناسبة، لا تستنكري مسألة شابرون هذه، فبي نظير بوتو، التي درست في الولايات المتحدة، كان معها وصيفة حازمة، وأظن حرس كمان، إنت كفاك الوصيفة بس أو المرافق تذكرت مسألة بي نظير بوتو والشابرون هذه (أكيد كلمة شابرون أحسن وقعا من كلمة مرافق)

بس الا تورينى الدواء الرابع ده شنو؟؟؟

Quote: كل سنة وانت طيبة يا امونة

Quote: وكل سنة وانتى طيبه وربنا يحقق كل امانيك من دون ان يكون فيها اخراج الكيزان من بورة الحكم

غايتو يا وليد الكوز..
ينطبق عليك المثل البقول : العارف عزو كلام الناس ما بهزو..

Quote: برنامج يرفع بوجهك كرت أصفروبعدها كرت أحمر...في فترة زمنية تحددها أنت بعدها يطلع ليك تنبيه بأنك قد تعديت المدة المسموح بها وبعد داك تطلع ليك شاشة سوداء ( يعني قوم فرتق من هنا ) واذا مافرتقت بيعطل ليك الماوس.....برنامج ينكد عليك يومك ويخليك ملتزم بوقت محدد...يعني الحل الوحيد هو ان تقفل البرنامج من أول تنبيه...وقد أقترحت علي مصمم البرنامج باضافة سوط عنج لو في واحد حاول يوقف البرنامج من أول تنبيه لانه مدمنين sudaneseonline ديل أنا عارفهم كويس لأني واحد منهم.

Quote: الاخت العزيزة امنة مختار ..كل سنة و انت بخير .. و بالف عافية ..

Quote: الفريك هو حاجة كده زى الرز بيحشوا بيهو الحمام المشوى.. وأعتقد انها أكلة تركية ( فى الأصل).. وهى من أصناف الطعام الفاخر فى مصر ودول الشام.

فريك امريكى امبريالى!

امونة
معزومة قراصة بى سمن..

Quote: أتمسحي بعجاج البحر...ما بتجيك عوجة