|
|
 هل نحن (شعب حميم)؟؟؟؟
|
كل عام وجميعكم بخير
اعضاء وقراء.....
السؤال للجميع....
وبالذات ان اغلب العضويه هنا ممن اتيح لهم الاحتكاك
بثقافات ومجتمعات آخرى......
فهل سلوكياتنا كافراد....تجاه اسرنا وابنائنا وشركاء حياتنا
تتسم بحميميه كافيه.....وهل نحن راضين عن درجة الحميميه في حياتنا؟؟؟؟
ولا تنسوا عندما نقول هل نحن كشعب فانني اتحدث عن كل السودان
واتمنى من كل مشارك ان لا يحدثني عن صفوته او جماعته وكيف تسلك
وانما عليه محاولة التفكر في كل السودان.....ويمكن ان يقول في بيتنا
او انا ...ولكن عندما يجيب على السؤال فاننا نتحدث عن مجموعة السلوك الحميم لعموم الشعب السوداني.
وقد يقودنا هذا للسؤال عن تعريف ماهي (الحميمه) نفسها؟؟؟؟
|
|
 
|
|
|
|
|
|
|
|
Re: هل نحن (شعب حميم)؟؟؟؟ (Re: Mustafa Mahmoud)
|
العزيز د.مصطفى محمود
كل عام وانت بخير...
وشكرا لك الجراح التي هبشتها دفعه واحده:
Quote:
dear trajie
simple answer
no definitely not
we had wars in the south, east, west and now in the north
so we are not
a loving peaceful nation
thank you |
وعرف لو لجأنا لعلم النفس لوجدنا ان مفجري الحروب بكل العالم كانوا يعانوا
من خلل في الحميمه في حياتهم.
فسبحان الله انك ذكرتني بهذه النقطه...
وان عدم الحميمه في حياة بعضنا تقودهم ....لنقلها لبيوت الآخرين من خلال الحروب.....
ودم بخير
يا حميم انت.
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
وايضا قبل تناول حميميتنا
واهمية الحميميه في حياتنا.....
لا يفوتني انه انبه لظاهره وهي الحميمه المصطنعه.....او غير الاصيله في الدواخل....
وههذ ايضا لا تغيب عن ذو البصيره...فالبعض يدعي الحميمه في كتاباته وسلوكياته
وفي لحظة تكتشف ان مطاعناته وهمزه ولمزه لآخرين يختلف عنهم ان القبح بدواخله/ا كبير
وان كل ما يحدث من طنبرة ودجل لا يخرج من كونه حميمه مصطنعه.
نحن هنا لمناقشة النسخه الاصليه وليست المضروبه للحميميه.
الحقوق محفوظة للعكليت عادل امين
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: إيمان صالح)
|
الحبيبه ايمان
كل عام وانت بخير وربنا يخليك لاسرتك ويديك الفي مراضك
Quote:
هي يا بت مصطفى
العيد مبارك عليك وعلي وليداتك
يخليهم ليك ان شاء الله
ياختي اجارك الله نحن شعب حمير
ايمان |
اضحكتيني اضحكك الله.
يا غاليه قد نكون حمير فعلا من حيث اننا جيدي الدواخل
محبين لاهلنا واصدقائنا وجيراننا ..ولكننا لا نعرف كيف نعبر عن دواخلنا بشكل ايجابي
ومن هنا نستحق لقب (حمير).
لان اسعاد احباتنا.....يعتمد على توقعاتهم وليس على ما نقدمه لهم.
مثلا الطفل الذي يحس في لحظى بانه فقط في حوجة لحضن الام فان وجبة سخنه
لذليذه قد تكون الام قضت 4 ساعات لاعدادها...لا تعوضه عن حوجته للحضن فقط
والذي لا يكلف زمنا ولا مال...ولكنه يجيء نتيجه للتفكير السليم في متى ويان نحتاجه.
توقعات الدور تعريف بعلم النفس يحكم فعلا درجة الاشباع.
والاشباع مقصود به قمة الرضا عن اي حاجه وليس الاشباع الجنسي فقط او البطني.
شكرا لمروك يا غاليه.
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
Quote: dear trajie
simple answer
no definitely not
we had wars in the south, east, west and now in the north
so we are not
a loving peaceful nation
thank you |
I don’t agree with what you have said Dr. Mahmoud, simply because wars created by narrow minded and bad people since ever, obviously the one who started the war is to blame and the people who were defending their own land who to glorify.
In our circumstances, we had wars that meant to be “Holy”, but we came later to learn that it was just serving sick people goals.
We are all victims of these wars by any means, and as far as we do condemn what happened in our names; we are a peaceful loving nation.
Regards
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Elkhawad)
|
الخواض
كل عام وانت بخير
| Quote: حميم وحنين وفاقد الاتجاه |
وكله صحيح عننا
فعلا نحن حنين وفاقدين للاتجاه في اشياء كثيره ومنها طريقة تعبيرنا عن حميميتنا.
شكرا لمروك.
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
اذكر اكثر ما كان يلفت انتباهي وانا صغيره
تباعد الرجل السوداني عن زوجته وقت الولادة!!
وكيف يفكر في الهروب من مكان الولادة....
واذكر انني طالبه في مصر شاهد يوم رجل سلفي وتبين لحيته لحد صدره
سلفيته لم تلغي مصريته...فكان يبكي كالطفل على زوجته التي تلد بالداخل.
وطبعا كان رجالنا دوما ينتقدون المصرين بانهم رجال قلوبهم خفيفيه ودمعتهم قريبه.
ولكن لماذا يخاف رجالنا العان الضعف
وحتى الله يحبنا ان نبكي ونحن ندعيه
فالدموع قوة وليس ضعف.....
صححي انني كاثنى سودانيه قد لا احتمل رجلا دموعه كابه بسبب وبلا سبب
ولكني اقيم دموع الرجال جدا لان ثقافتنا علمتنا انها نادرة وكونها نادرة لا يعني انها مستحيله.
وكيف يسمح الرجل السوداني لنفسه ان يهرب من حضور ولادة زوجته؟؟؟؟
اعلم ان بعضكم قد كتب عن تجربته في الغرب
وعن فظاعة الولادة عندما حضرها....بنفسه.
ولكن الغالبيه لم تفعل.
ولا انكر ان هنالك استثناءات
واحمد الله انالمرحوم ابي كان منها
واكيد ربما كثيرين منكم منها ايضا
ولكن الغالبيه غير حميمه وتكتفي بالمشاعر الضمنيه.
فكيف علينا تجاوز ذلك ومدى اهمية الحميمه للتنشأة السليمه.
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: المر)
|
المر كل عام وانت بخير
وحميمة شنو البتعرف ليها يا المر ده شعر ما عندك ليه رقبه؟؟؟
انت ناس امسك لي واقطع لك!!
Quote: معرفتى (للحميمية) واحدة
ونابعة من الشى الداير اقولو
بس نتمنى تفهمونا صاح |
يا المر علمت بالصدفه انك ابن عم زميلانا تاج السر حاج علي
تحياتي له..وبعدين يازول انت وسجيمان ديل جبتو المسخه دي من وين؟؟؟
ناس تاج السر ديل ناس...حشمين خلاص....انت لسانكم متبري منكم ليه؟؟؟
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
Quote: يا المر علمت بالصدفه انك ابن عم زميلانا تاج السر حاج علي
تحياتي له..وبعدين يازول انت وسجيمان ديل جبتو المسخه دي من وين؟؟؟
ناس تاج السر ديل ناس...حشمين خلاص....انت لسانكم متبري منكم ليه؟؟؟ |
تراجى عارف الفرق شنو؟
الفلس بخلى الذول يهضرب
انا واخوى مفلسين واولاد عمنا
مكرشين
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
العزيز د.ابوبكر احمد
كل عام وانت بخير....
وي ابوبكر كلنا كنا نعتقد باننا:| Quote: we are a peaceful loving nation. |
لكن الايام و التعمق في كم الحروب التي دارت ببلادنا تثبت اننا لا peaceful ولا loving nationud ولا يحزنون
Quote:
I don’t agree with what you have said Dr. Mahmo , simply because wars created by narrow minded and bad people since ever, obviously the one who started the war is to blame and the people who were defending their own land who to glorify.
In our circumstances, we had wars that meant to be “Holy”, but we came later to learn that it was just serving sick people goals.
We are all victims of these wars by any means, and as far as we do condemn what happened in our names; we are a peaceful loving nation.
Regards |
ورجاء ما تطششونا من موضوع البوست وخلينا نرجع للاصل
هل تعتقد باننا حميمن مع بعضنا كشعب؟؟؟؟
هل تعتقد بانه اولادنا شبعانين احضان وقبلات مننا؟؟ولاحظ كشعب وليس كافراد؟؟؟
هل تعتقد زوجات السودانين وازواج السودانيات سعداء بمستوى التواصل الانساني لعلاقتنا الخاصه؟؟؟
وخلونا من السياسه شويه
وما تنسى لما نفتي بنكون مستحضرين كم الطلعوا شاليني سيوف وحراب لقلت جليان جيبونز
وبنكون مستحضرين الابو الحرم ابنته من التعلمي فيعمر 10 سنوات واجبرها على الزواج في عمر 13 سنه!!
كل هؤلاء داخلين معنا في نسبة حميمتنا!!
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: إيمان صالح)
|
Quote: ياختي اجارك الله نحن شعب حمير
|
والله يا إيمان صالح
ما عندي ليك رد غير أنه أسألك هل خرجت من رحم هذا الشعب وشعرتي أنك حماره
وهل من أنجبوك يحملون هذه الصفة؟؟؟؟؟
إذا كانت أجابتك نعم (فلا ملام)
غير ذلك ما تغني على أوتار من ردت بعدك مباشرة وفرحت بردك إلا إذا كنتن من نفس الفصيلة...!!!!
محن السودان الجديد
الشايقي
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Al-Shaygi)
|
الشايقي
مالك يازول؟؟على البنيه؟؟؟
من حقها ان تقول ما تشاء؟؟؟
وبعدين مقحم مصطلح السودان الجديد هنا ليه؟؟؟؟؟
نحن نتسأل كشعب واعلم انه عندما نتسأل فيما بيننا فاننا كالاسرة الواحد
من حقنا ان نقول ما نشاء..لبعضنا.....لاننا ننتقد انفسنا واهلنا ونحلم بالافضل لابنائنا.
Quote:
والله يا إيمان صالح
ما عندي ليك رد غير أنه أسألك هل خرجت من رحم هذا الشعب وشعرتي أنك حماره
وهل من أنجبوك يحملون هذه الصفة؟؟؟؟؟
إذا كانت أجابتك نعم (فلا ملام)
غير ذلك ما تغني على أوتار من ردت بعدك مباشرة وفرحت بردك إلا إذا كنتن من نفس الفصيلة...!!!!
محن السودان الجديد
الشايقي
|
ماهي الفصيله يا استاذ الشايقي؟؟؟؟؟؟
وما دخل السودان الجديد؟؟؟؟
وهل كل المتادخلين هنا سودان جديد؟؟؟
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Alshafea Ibrahim)
|
السوانيين شعب حميم وحنين
أقصد بالسودانيين من هم لم يفارقوا السودان شبرا ( لآن اللذين هم خارج السودان قد قست قلوب بعضهم وتبدلوا وأنسلخوا من طبيعتهم )
والدليل عفونا عن من بطشوا بنا دوماً ونظل نعفى وبتشوف عينك ما أقول
والدليل فورتنا ثم نهبت كما اللبن هذه الحميمة الموجودة فينا
والدليل مؤازرة بعضنا البعض فرحاً وترحاً
وماهي الحميمة ؟ ونبدأها بالمجتمع
هي أن تأدي حق أخيك
إذا مرض زرناه
وإذا غاب فقدناه
وإذا وقع رفعناه
وإذا وإذا وجد منا كل الفضل
في الأسرة من أقوى الروابط الأسرية الموجودة تجدها بين السودانيين
حميمة الأم لابنها موجودة في صغره وكبره وإلى أن يشيخ تحبه وتحنو عليه
وليست الحروب هي نابعة من عدم حميمة كما أسلف د/ مصطفى محمود سلفا
تراجي لك تحياتي وأحترامي ومودتي
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: خالد علي محجوب المنسي)
|
العزيز خالد علي محجوب
كل عام وانت بخير وشرفتنا بالعبور....
Quote:
السوانيين شعب حميم وحنين
أقصد بالسودانيين من هم لم يفارقوا السودان شبرا ( لآن اللذين هم خارج السودان قد قست قلوب بعضهم وتبدلوا وأنسلخوا من طبيعتهم )
والدليل عفونا عن من بطشوا بنا دوماً ونظل نعفى وبتشوف عينك ما أقول
والدليل فورتنا ثم نهبت كما اللبن هذه الحميمة الموجودة فينا
والدليل مؤازرة بعضنا البعض فرحاً وترحاً
وماهي الحميمة ؟ ونبدأها بالمجتمع
هي أن تأدي حق أخيك
إذا مرض زرناه
وإذا غاب فقدناه
وإذا وقع رفعناه
وإذا وإذا وجد منا كل الفضل
في الأسرة من أقوى الروابط الأسرية الموجودة تجدها بين السودانيين
حميمة الأم لابنها موجودة في صغره وكبره وإلى أن يشيخ تحبه وتحنو عليه
وليست الحروب هي نابعة من عدم حميمة كما أسلف د/ مصطفى محمود سلفا
تراجي لك تحياتي وأحترامي ومودتي |
عييييييييييييييييييييييييييييييييييييييييك يا خالد انت مشيت بعيد خلاص.
يا اخي نحن يا غالي لا نقصد ما ذهبت اليه.
نحن لا نتحدث عن الاخلاق
ولا الفزعة
ولا المرؤة
ولا العلاقات الاسريه
نحن نتحدث عن كيفية تعبيرنا عن مشاعرنا نفسها القلت عليها الفوق دي.
وقد اوردنا امثله ونماذج يا خالد بس ركز معنا وبالذات على تساؤلات صاحبة البوست
البعض قد تضللك اجاباته او مشاركاته...لكني اتسأل عن علاقة الافراد
ولاي درجة نحن مشبعين بدرجة حميميتنا؟؟؟؟؟
بعدين معليش ولكني اختلف معك في اول جزئيه وهي ان ناس الداخل بخير وناس الخارج سيئين!!
لا يا خالد بل بالعكس انا اجد ناس الخارج غالبيتهم مترابطين ومتمسكين بوسدان خيالي في مخيالاتهم فقط
والدليل ابناء المغتربين يصدمون جدا عن العودة من رغبة البعض في استغلالهم وخداعهم لانهم طيبين
واهلهم لم يحذروهم من امكانية الخداع و الاستهبال عند السودانين ,لانهم غادروا وتركوا السودان بخير.
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Alshafea Ibrahim)
|
الاخ الشفيع ابراهيم
كل عام وانت واسرتك بخير:
Quote:
الأخت تراجي
عيدك مبارك ..
ممكن السؤال بطريقة أخرى ، أصلو الفهم قسم !!!
أي حميمية تتحدثين وتقصدين ؟ في المنبر هنا ولا خارجه ؟؟؟
الشفيع إبراهيم |
لا يا صديقي طبعا اقصد في الحياة الحقيقيه
والتي غالبا هي خارج المنبر...
هل تعتبر نفسك حميما كشخص؟؟؟
هل تعبر ببساطه عن مشاعرك تجاه افراد اسرتك؟؟؟
نعتبر الجميع لهم مشاعر صادقه وقويه ولكننا نتناول هنا طريقة التعبير عنها.
| |
|
|
|
|
|
|
|
|
 Re: هل نحن (شعب حميم)؟؟؟؟ (Re: Tragie Mustafa)
|
أم حازم كيفك؟
| Quote: نحن هنا لمناقشة النسخه الاصليه وليست المضروبه للحميميه. |
يا لذيذ يا رايق..
فيما يتعلق بموضوع البوست..
الحديث فيه ذو شجون
فنحن شعب مرتبك وجدانيا.
فى بعض الجوانب تجدنا حميميون جدا ذى اللصقة
لغاية ما الزول يشعر بالاختناق من فرط الحميمية
وفى جوانب أخرى نكون حمير على قول ( ايمان)
والحمير ذاتها بتكون مظلومة لو قارناها بينا
فى الجوانب دى.
باختصار شعب محير ...!!
ولا أستثنى نفسى.
ساعود..
النت عندى تقيل الليلة
علانى علة.
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
الجميله جدا ,, استاذه تراجي ,,
اولا , اسمحي لي اهنيكي بالعيد واقول ليكي عيدك سعيد ,,
وثانيا , اسمحي لي اقول رأيي في موضوعك ,,
مع احترامي لجميع الاراء ,,
نحن شعب عواطفنا هي نقاط ضعفنا ,,
اقصد عواطفنا بصدقها وتلقائيتها ,,
بنخجل نعبر عنها زي ما هي , وكأنها عيب ,,
وعوضا عنها (اقصد التلقائيه والصدق) , بنحدد ليها قالب اكثر جمودا
تحت مسمى الواجب , فبنتعامل مع العاطفه على انها واجب مفروض علينا
اكتر من كونها احساس صادق ,,
وده طبعا السبب في مجاملاتنا (الكاذبه اغلب الوقت) لبعض ,
في بيوت العزاء او بيوت الافراح او اي حدث اجتماعي ,,
بنخنق نفسنا بعواطف يمكن نكون ما حاسين بيها ونتبناها عشان نؤدي الواجب ,,
مع اننا لو تركنا انفسنا على سجيتها يمكن عاطفتنا تكون اكثر حراره ,,
وفي المقابل , العاطفه الصادقه ممنوعه من الظهور زي ما هي ,,
وغالبا (عشان عيب) !!
عيب تكون على سجيتك ,, عيب تغضب حيث مفروض تثور وتقول رايك , ومفروض
تفضل منافق عشان ده الواجب ,,
عيب ما تجامل ناس فلان ,, عشان الواجب تضيع زمنك ,,
غايتو ,,
نحن ناس طيبين في النهايه ,,
بس عايزين (اعادة نظر) في حياتنا ,,
شكرا ليكي كتير ,,
ويارب اكون قدرت اوصل وجهة نظري ,,
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: د.نبراس)
|
Quote:
الجميله جدا ,, استاذه تراجي ,,
اولا , اسمحي لي اهنيكي بالعيد واقول ليكي عيدك سعيد ,,
|
الابنه الحبيه د.نبراس
كل عام وانت بخير...وربنا يديك الفي مرادك
Quote:
نحن شعب عواطفنا هي نقاط ضعفنا ,,
اقصد عواطفنا بصدقها وتلقائيتها ,,
بنخجل نعبر عنها زي ما هي , وكأنها عيب ,,
وعوضا عنها (اقصد التلقائيه والصدق) , بنحدد ليها قالب اكثر جمودا
تحت مسمى الواجب , فبنتعامل مع العاطفه على انها واجب مفروض علينا
اكتر من كونها احساس صادق ,,
وده طبعا السبب في مجاملاتنا (الكاذبه اغلب الوقت) لبعض ,
في بيوت العزاء او بيوت الافراح او اي حدث اجتماعي ,,
بنخنق نفسنا بعواطف يمكن نكون ما حاسين بيها ونتبناها عشان نؤدي الواجب ,,
مع اننا لو تركنا انفسنا على سجيتها يمكن عاطفتنا تكون اكثر حراره ,,
|
كل ما ذكرتيه صحيح واتفق معك فيه.
Quote:
وفي المقابل , العاطفه الصادقه ممنوعه من الظهور زي ما هي ,,
وغالبا (عشان عيب) !!
عيب تكون على سجيتك ,, عيب تغضب حيث مفروض تثور وتقول رايك , ومفروض
تفضل منافق عشان ده الواجب ,,
عيب ما تجامل ناس فلان ,, عشان الواجب تضيع زمنك ,,
|
كلام صحيح
والعاطفه الصادقه دي زي ما قلت دائما ممنوعه حتى الايجابي منها
يعني بكاء الرجل مثلا وزوجته بتولد ممكن يكون مردوده ايجاب على علاقتهم ولكنه اجتماعيا مرفوض.
معانقة الرجل لزوجته في اي مطار للوداع برضوا ممنوع اجتماعيا...بينما مردروه جميل لعلاقتهم.
وقس على ذلك الكثير من اللحظات الحميمه بين الاخوة و الاخوات اوقات الفراق و الدفن و الاحزان
كثير من التلاحمات المرفوضه التعبير عنها اجتماعيا.
Quote:
غايتو ,,
نحن ناس طيبين في النهايه ,,
بس عايزين (اعادة نظر) في حياتنا ,,
|
فعلا يا غاليه اتفق معك
نحن ناس طيبين ومحتاجين نيعد النظر في حياتنا
و بوستات مثل هذه هدفها تحريك المياه الراكده
في انماط حياتنا....ويفترض بتجمعنا ما بتفرقنا كاعضاء
فالحميمه يحتاجها الشيوعي وانصري السنه و الانصاري و الاتحادي و الكوز
والليبرالي والحقاني وناس حركات درافور وناس الحركه الشعبيه
والمحايدين ناس (كبر) والا منتمي لاي كيان وحيران شيخ اللمين وحيران شيخ عوج الدرب
واي زول /ه سوداني....
وعارفه يا نبراس قد تكوني صغيره....ولكني خبرت الحياة و السودانين يشكوا يوبكوا من الله خلق الدنيا
عن الخلل في علاقتنا ...ورغم صدقها الا انها ليست محققه للمطلوب...وزي ما شفتي في اي منحنى للحديث
عن جنسيات آخرى تجدي كشف الحال وشيل الحال لبعضهم البعض يا الرجال يقولوا نسوانا بردات وما حميمات
وما بيعرفوا يعبروا عن عواطفهم بشكل ايجابي ومقنع..ويا نحن النسوان نشكي ونبكي لطوب الارض من رجالنا
الما بينجحوا في تحريك مشاعرنا بشكل جيد....وبالتالي علاقات غير مشبعه.
و اولادنا وبالذت في المهاجر تواجه تحديات اننا (نوصف بعبارتهم باننا شعب نكدي) فهم لا يرون
كثير من المزاح و التبسط بين الوالدين...فكيف نقاوم..وكيف نقدم نمط حياتنا بطريقه شيقه
لابناءنا حتى يتبنونه مع تنوع الخيارات امامهم...اطفال السودان مجبرين على النمط السوداني لانه لا خيار لهم
لكن اطفال السودانين المهاجرين تحدياتهم اكثر لذا علينا تطوير انماطنا حتى تكون جذابه.
(عدل بواسطة Tragie Mustafa on 12-24-2007, 09:29 PM)
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: hamid brgo)
|
الاخت تراجى ..تحياتى ...
موضوع متميز ..وسيكون شيقا ..
اتمنى ان اجد الفرصة للمساهمة...
الحميمية...مفردة فاخرة..من ناحية الكواليتى..فيما يتعلق بالعلاقات الانسانية..
شكرا والى الامام...
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: عمر سعد)
|
العزيز الفخيم عمر سعد
كل عام وانت بخير
والعفو و العافيه كما قلت في بوستك لك من قبل.
Quote:
انحنا شعب ما حميم
حميم لمن نكون برة اسرنا داخل الاسرة تكشيرة دائمة
ديمقراطييين برة البيت
دكتاتورين جوة البيت
شعب عندو شيزوفرنيا |
انت جبت الديك من ديله على قول المصرين.
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
العزيزة تراجى
كل سنة و انت طيبة و ربنا يخلى ليك اولادك
الموضوع جميل و متشعب و يستحق النقاش
نحن شعب حميم جدا مع بعض التناقض
حميميتنا تكمن فى علاقاتنا الاجتماعية و الاسرية الوثيقة
فمثلا ما اظن انو فى علاقات بين الجيران بفهم الجيرة السودانية فى اى مكان فى العالم
ألاهتمام بالمساكين و الضعفاء و المرضى و مساعدتهم(ده طبعا كشعب و ليس كحكومة)
الترابط الاسرى ومع الاسرة الكبيرة قوى جدا داخل السودانيين
أمثلة كثيرة تدل على ان الشعب السودانى شعب حميم
ولكن بالرغم من كل ذلك اظن ان لدينا مشكلة فى التعبير اللفظى عن المشاعر بمختلف انواعها خصوصا داخل الاسرة الصغيرة- (الزوج و
الزوجة و الابناء) و هذا مما ينتقص من قد رالحميمية داخل الاسرة الصغيرة
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
.
.
.
| Quote: حميم وحنين وفاقد الاتجاه |
سابقاً قال الراحل علي المك :
(الشقي شقي من كان مثلي في رقتي وشفافية حسي)
ان الحميمية تختلف في تعريفها لدينا كثيراً كل حسب الخلفية الثقافية المنطلق منها
خصوصاً نحن ذو ثقافات مختلفه يضمها وطن واحد
عليه لابد من تحديد تعريف منهجي لكلمة الحميميه حتى تصب الاجابات في نسق واحد
منطلق من ذلك التعريف المحدد لمعني الحميميه لدي السائله ...
مدخل للخروج :
وعند الاصيل لازم نعود
البصاص
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
عزيزتي تراجي
كل سنه انتي والاسره بالف خير
وربنا يحفظك والعيال
اما عن الحميميه فاقول نحن شعب يحب الحميميه ويتمني ان يري كيف يعبر عنها ولكن يخونه التعبير عن هذه الحميميه
يعني اننا نحب الحويويه مع عدم امكاننا التعبير عنها وايصالها للاخرين
يعني نعبر عنها في اوقات معينه لايراها غيرنا وفي اشياء غير مرئيه
ومعليش انا ذاتي ما فاهم شئ
انشاء الله انتي تفهمي
مع ودي وتقديري
ابوتسابيح
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: العوض المسلمي)
|
Quote: عييييييييييييييييييييييييييييييييييييييييك يا خالد انت مشيت بعيد خلاص.
يا اخي نحن يا غالي لا نقصد ما ذهبت اليه.
نحن لا نتحدث عن الاخلاق
ولا الفزعة
ولا المرؤة
ولا العلاقات الاسريه |
الأخت تراجي
تحيات وسلااام
إذا لم نستطيع أن نعبر عن حميمتنا بالطريقة الصحيحة هذا لا يعني إننا شعب غير حميم.
طريقة التعبير قد تخون الكثرين من الشعب السوداني ( مرجع ذلك التربية ) عدا الأمهات فهنَّ فطرة يعبرنَّ وبطريقة صحيحة عن الحب والحنان والعطف ونحس ذلك ... الكل يعلم مدى حب أمه من خلال مايراها لكنه لا يعرف مدى حب أخوته له ووالده وذ القربة، قد يحسه لكن لا يراه علناً.
الرجل الذي يهرب عند ولادة زوجتة قد يتقطع قلبه في بعده أربا في إنتظار خبر الخير سلامة الزوجة والمولود هذا لا يمكن أن نقول عليه أنه ماحميم
الرجل مع شريكة حياته قد يكون مقصر في إظهار كل مايحتويه قلبه من حب وحنان ومودة لشريكة حياته في المقابل نجد الزوجة قد لا تظهر خالص ما تكن من حب ومودة لزوجها حياءً وحتى في المعاشرة لا تبدي كل نشوتها علناً وتقطعها في مصارينها ولا تبوح ...
فنحن شعب حميم وحنون جداً لكن لا نعبر علناً عنما في دواخلنا ويرجع ذلك للتربية والمجتمع الذي قد يرى انه لعيب كبير أن يعبر مثلا الزوج لزوجته عن حميمة لفظاً وفعلاً ((( ووووب علي شفتي كيف ختا يدو في كتف مرتو قِدام الناس ))))
الحميمية الموجودة في دواخلنا وإن كانت خفية هي التي دعمت كل أبعدتيه عنها وهو ناتج منها
التكاتف والمؤازرة ولمتنا وحبنا لبعض وكل الأشياء الجميلة فينا وغيرها.
| |
|
|
|
|
|
|
|
|
 Re: هل نحن (شعب حميم)؟؟؟؟ (Re: Tragie Mustafa)
|
| Quote: كدي عليك الله يا أمونه لامن ترجعي شوفي لينا النت ضكر ولا إنتايه؟؟؟؟ |
بالعربى انتاية..
وبالعنكليزى ضكر..
والله أعلم
الشايقى روح أسال محسن خالد أو هشام آدم أو بالميت كده..محمد اى سليمان
انت ما قالو ليك انا رطانية ؟....
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: AMNA MUKHTAR)
|
شكرا لكل الحميمين الجابتهم الحميمه لزيارتي لاول مرة.
وكما قلتوا....نحن فعلا شعبا حميم.... وما قصدته فعلا
هو كيفية تعبيرنا عن الحميمه.....
فتعالوا نتحزم ونتلزم لتطوير طريقة حميميتنا....
لانها بصراحه الحميميه الضمنيه دي ما بتسعد احبتنا في الحياة.
ودعونا نتفق في الاول اننا نعتبر علاقاتنا الاسريه هي اولويه لنا.
لكن كيفية التعبير عن اولويتنا هذه لافراد الاسرة.
ولكم محبتي جميعا.
وساعود.
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
وقبل ردي على المتداخلين بالتفصيل واولهم د.نبراس الجميله
دعوني اعود لتوجيه البوست للجهة التي قصدتها مستعينه بمفرادت بعضكم واضافاتهم
فما اورده اخي (ابو عبيده البصاص) اراه جيد لتسليط مزيد من الاضواء....
Quote: ان الحميمية تختلف في تعريفها لدينا كثيراً كل حسب الخلفية الثقافية
المنطلق منها خصوصاً نحن ذو ثقافات مختلفه يضمها وطن واحد |
شكرا ابو عبيده وهذا هو لب القصيد...تنوع ثقافاتنا وكما كتبت من قبل الثقافه في علم الاجتماع
تعني نمط الحياة السائد وطرق التعبير المختلفه للجماعه المحدده..من احزان وافراح ولقاء وهجر وزواج
وطلاق واحترام الكبير او دفن الكبير قبل الوفاة.....المهم كل هذه الانماط للحياة..تعني انها مقبولة
بتلك البقعه. تآتي اهمية تعريف الحميمه.....لتزايد نسبة الزواج بين الثقافات المختلفه.
ودي ما ليها دخل بالسودان الجديد يا الشايقي فمنذ خلق الله البشريه
والحب يجمع البشر و احيانا المصالح ....والخ المهم هناك اختلاط....
اختلاف انماط توقعات الدول لكل طرف تجعل الاشباع محدود بل قد تجعله محال.
ودعونا نأخذ الامور بتعميم قليلا ونحصره في (ريف) و(حضر)...اهل الريف عموما
رغم حميميتهم الاكثر من اهل المدن...الا ان اهل المدن لهم تعدد وسائل لتوصيل
حميميتهم قد يكونوا استغوها من ارتفاع معدلات التعليم والانفتاح على الثقافات الآخرى.
من هنا تبرز معضلة تحدي للازواج من بيئات مختلفه.....فتوقعات الدور لكل طرف تصعب الاشباع
و السعادة المتوقعه من العلاقه.....ويصعب تجاوز التحديات مهما كانت ثقافة الطرفين....
فقد يبزل الطرفين ساعات طويله فياقناع بعضهم بعدم جدوى التصرفات.....ولكن الاقناع لا يجد
كبير متسع حينما يتعارض مع العدات وطريقة التنشئه وقد استحضر مثلا شعبيا هنا..(من خل عادته قلل سعادته).
ونواصل....
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
النموذج الاول:تخيلوا بنت حنكوشه كما يقال او بنت مدن متمدنه جدا...
نشأت وابيها وامها وجدها وجدتها....والمهم كل العائله و الاصدقاء للعائله
من ثقافتهم تقديس اعياد (عيد الميلاد) وكلمة تقديس طبعا لا اعني بها شيئا دينيا
بقد الرغبه في التحدث عن مدى اهمية هذا اليوم في حياة الجميع....
يعني نشأت لاب يوقل لها يلا اليوم نمشي لجدو عشان عيد ميلاده....وهذا الجد
قد يكون في شبابه لم يعرف اعياد الميلاد ولكن من باب حبه لابنائه واحفاده صار يقبل
بهذا الاحتفال لانه يحضر له كل ابنائه وبناته واحفاده....والمسافر منهم لا ينسى ان يتصل بابيه او امه ليعيد عليها.
وهذه البنيه الحنكوشه كانت هذه اعارف عائلتها لمدة 25 سنه مثلا قبل زواجها
وفي الحياة التقت بهذا الرجل الجد اخو الاخوان المثقف و الخريج باعلى الشهادات
والطيب ونخوة وشهم ومفتول العضلات(دي طبعا للبيئته الريفه وعلى فكرة لها جاذبيه اكبر عن بنات المدن)
واعجبها وهو احب رقتها وانسانيتها وانفتاحها وتضامنها مع قضايا البسطاء و..و...وانشغالها بقضايا البيئه
و....و...من سلوكيات بعض الحنكوشات اعتقدوا انهم احبوا بعضا...لمجموعة القيم و القضايا التي يحبونها
سويا وتجمعهم معا....وقرروا الزواج.....
الزول من عائله ريفيه لكنها اصيله ويعتدق اهلها طبعا في مثل هذه الحاله انه رجل ممتاز ويصلح زوجا طيب.
ولان الطبيقيه لسه لم تنضج بعد في بلادنا كما حدث في بلاد مثل مصر...فان بعض الاسر مهما كان مستوى دخلها فانها
كانت(طبعا لا اتحدث عن سودان اليوم الحضاري الذي اندهش منه فقط انا اتحدث عن ما كان)ترى ان شهادة الرجل واخلاقه
واصله الطيب هي كل شيئ....
تجد مثل هذه الصبيه اول شيئ وفي ايام تعارفهم تجدها سألت هذا الشخص عن يوم ميلاده
وغالبا ما تذكر له تاريخ ميلادها....(معتقده) بانه سيحفظها مباشرة....وطبعا لن تتأخر في
يوم ميلاده بان تكون مجهوة له افضل المفجأت...وداخله في (مزاج)كده انه ده يوم عظيم جدا يوم جاء حبيبها للعالم.
عذع امفجأت ليست بالضرورة هدايا غاليه او قد تكون كرت..زبه كلمات عميقه..او بحثت له عن كتاب سمعت انه يبحث عنه
قد يكون كلفها البحث الكثير...وقد تكون ارسلت بعض الاصداقء من كم شهر للقاهره لشرائه مثلا
كل هذا كانت تفعله سر لتفجئه به....وصرفت مكالمات خارجيه وهي تذكر الناس الفي القاهره كتابها الثمين
و....و....الخ الهديه قد تبدو بسيطه لكنها كلفت وقتا ومجهود لكي تصل في موعدها وتكون قيمه بعيون حبيبها.
ممكن ان يسلتم اخونا ذلك الكتاب و الكرت.....ويشكرها بحرارة.....ويمكن بعد يفارقها بلحظات ينسى اصلا ان هذا
كان يوم ميلاده...وكل ما هنالك انه كان احد لقااءته بمن يحب.
ويآتي يوم ميلاد فلانه......وتحاول ان تذكره قبلها بكم طريقه ايحائيه فهي عندها احساس ان هذا الرجل لن يتذكر يوم ميلادها
وتعلم استعدادات اهلها لذلك اليوم فقد يتصل احد اخوتها الغائبين ليعتذر لها انه حزين لنه لن يتمكن من حضور يوم ميلادها
ويرسل لها خالها الفيآخر بلاد الدنيا كرت قبل ومن كافي وتبعث بنت عمتها...الخ....وجدها يأخر عمليته ال.. لبعد يوم ميلادها
...كل هذه هي اجوائها في المنزل.....وحبيبها آخر من ينفعل معها!! وقد تكون بتحكي له لمحات خوفا من ان تمثل ضغطا عليه
او تبدو فارغه في نظره....ولكنهالا تنكر ان هذا تقليد راسخ في حياتها...وصار جزء من ثقافتهم السائده.
ويآتي يوم الميلاد....ولا يتذكر صديقنا...ويتصل بها....وينسى حتى ان يقول لها كل عام وانت بخير....وتستجمع
شجاعتها لتقول له انسيت يوم ميلادي ؟؟!!!واكيد العبرة بتكون خانقه امثالها....فيرد عليها كل سنة وانت بخير
(على عجالة) ويتبظها بان يكمل..انت عارفه انا ما شغال بالحاجات دي؟؟؟!!
وتدخل صديقتنا في حزن مبالغ فيه هي نفسها لا تدري كنهه,فبعقلها تريد ان تقنع نفسها..بانه دي ولا حاجه وفعلا الزول ده لا كذب
علي..من الاول لا قال عيشتهم زي عيشتنا...لا....لا...لكن هي لازالت حزينه...ومقتنعه انها لو كانت مهمه في حياته لتذكر
يوم ميلادها.....وتعتقد بان هذا لن يكلف شيئا...لو قرأ لها بيتين شعر جميلات لاكتفت....لو قال لها كل عام وانت حبيبتي
لاحست انها تملك الدنيا...لمااذ بخل عليها؟؟؟؟!!!!!
وتجد صديقنا يمكن يرجع بكره يتصل بها في موعده ويحدثها عن اشواقه العميقه وانتظاره للقاءها...وضورة اكمال الزواج.
وهنا يمكن ان تنسى صديقتنا هذه تلك الحادثه وتكمل فرحتها كانسانه عاشقه.....!
وتحاول ان تقنع نفسها ان عيد الميلاد هذا كلام فارغ...بل قد تصر على اسرتها انها ستكف عن الاحتفال بعيد ميلادها
لهذه الدرجه تقدم النساء تنزلات عنما يحبن ويعشقن,وقد يستغرب البعض استخدامي لكلمة(تنازلات) ويضحكوا في كيف اسميها تنازلات
ولكنها تنازلات وخطيرة.
فصديقتنا المسكينه......بقلة تجربتها لا تعرف ان هذه بداية التنازلات لاشيئا كثيره...سنصل اليها لاحقا.
هذه التنازلات التي ..غالبا ستعصف بهم وبسعادتهما معا.
فالموضوع ليس عيد الميلاد الموضوع طرائق التعبير..واختلافها باختلاف الثقافات.
وساعود بنموذج آخر عن الرجال وبداية التنازلات لاجل عيون بنت المدينه!!
وكيف سنقض عيشهم هذا لاحقا.
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
النموذج الثاني:
نعود لاخونا الريفي الجدع.... الذي تزوج بت المدينه الحنينه الرقيه المعطائه المحبه العاشقه...ولكنها (حنكوشه)
افرضوا سكنوا..مع بعضهم...ويا ويله لو وافق انه يقب شقة في بيت ابوها...فهذه بداية الكارثه.....!!
ليس لانهم سيئين فبعض اسر هؤلاء الحناكيش جدا طيبين...ولكن الخطورة في ضرورة تبنيه لكل نمط حياتهم.
وجزء من هذه الاشياء وربما لان اغلب افراد اسرهم في العاد يعيشون في العاصمه نفسها فانهم لا يعرفون
علاقات الاسر الممتده...يعني ايه انه ود عمك القبلوه في الجامعه جاي يسكن في بيتك وفرحان انك سويت لك بيت في الخرطوم!!
يوقم يجيك ودع عمك او خالك شايل شنطه...وابوه موصله للخرطوم...وانحشروا في الشقه الضيقه بتعبير اهل الريف
والعم اقلل من الضيق وقرر يتخارج بسرعه تاركا ابنه امانه في رقبة ود اخوه البعرفها كان ضكران بالحيل
وزول فزعة ونخوة وغيره.....!!
ويبدا اجراءت تسجيله في الجامعه.....و...و...الخ.
زولتنا الحنكوشه بباقي طيبتها...كانت متحمسه لمساعدة هذا القروي المسكين...لكن مع الايام بدأت تحس بثقل وجوده معهم
فهي لم تعد تستمع بحريتها مع زوجها....وحليل ضحكاتهم المجلله...في منزلهم ومزاحهم ولعبهم ومداعباتهم لبعضهم...
صاروا كالصوص يهمسون مع بعضهم حتى في داخل غرفتهم....هي كان عليها ان تتخلى عن طريقة لبسها الخاصه لزوجها
وبلادنا حره وطبيعي ان تلبس من الثياب خفيفها....كل هذا صار لابد من اختلفه...لان هنالك شاب مقيم معهم!!
بعد يويمن ستجد هذه الزوجه طلبت من زوجها ان يجد سكننا لابن عمه واحيانا قد يكون اخيه!!
فيجد ترحج خرافي ولكنه يحس بحقها في الطلب....فيقترح عليه ان ينضم لاي من داخليات الاقاليم!!
وقد يذهب الشاب....ويبدا في زيارتهم كل جمعه....بعد شويه يدوهو احساس انه حتى الجمعه هو ضيف ثقيل....
والاخبار تصل البلد انه ولدهم رحل الداخليه!!....طبعا يحختوا كل الامر في الزوجه المدنيه!!(الحنكوشه)
وفي ولدهم الاتطرطر تحتها!!
ناسين انه لبيوت المدن خصوصيتها....فهذا الشاب نفسه الذي نشأ في حيشان كبيرة ضمت عدد من اقربائه كضيوف
واجبرت والديه على (محدودية الحميمه بينهم) والحرص على اخفائها كانها عيب....لعدم وجود اي مكان للخوصيه
احيانا.هذا النمط صعب على ابنهم تطبيقه في حياته الجديده.
وكون والديه غالبا امه بت عم ابوه...ووحدة الثقافه.....تجعل التفهم سهلا للطرفين لماهو الواجب.
وقد يعتبره البعض بداية التنازلات....وخلاص ولدنا( بت المدينه خاوت عليه)...وناسين انه بت المدينه
دي لليوم ما قادرة تنسى تنازلها عن احتفلات اعياد ميلادها وتعتبر انها تنازلت عن الكثيروقبلت بطرقه
العقيمه في التعبير عن عواطفه احيانا.
ونواصل.
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
فاذا تسألنا حول النموذج الاول هل الزوج ليس حميما؟؟
سنجد الاجابه لا انه حميم ولكنه حميم بطريقه تختلف من توقعات زوجته في التعبير .
في النموذج الثاني....
الزوجه ليست اكثر حميميه تجاه اهل زوجها...ولكن فهمها للحريه الشخصيه
والخصوصيه في منزلها جعلتها تضيق باهل زوجها.
في النموذج الثاني هل تخلى الزوج عن حميميته تجاه اهله؟؟اعتقد الاجابة لا.
وانما تغيرت انماط حميمته فقد يكون حصرها في العون المالي....وقد يكون يفكر في الانتقال لمنزل اكبر.
وقد...ولكن الفلس وقلة الحيله تحجم من القرار احيانا....ولكن هذا لن يمنع الشرخ الذي حدث بينه وبين اهله.
وهل انتهت تحديات اختلاف الثقافات بينه وبني زوجته؟؟؟؟
لا لازالت قائمه وقد تتضخم.....
واواصل.
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
Quote: وعرف لو لجأنا لعلم النفس لوجدنا ان مفجري الحروب بكل العالم كانوا يعانوا
من خلل في الحميمه في حياتهم. |
والذين يصبون الزيت على نار الحروب واثارة الكراهية
شايف لغتك تحسنت شوية
أوصي بإعادة هذه السنة مرة أخرى
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Mustafa Mahmoud)
|
العزيزة تراجي، الإجابة بنعم طبعاً، والدلالة وبيان بالعمل
مايجري هنا فى سودانيز أون لاين، كل شلة بسبب الحميمية بتدافع وبتقيف مع أفراد شلتها
فى الصاح وفى الخطأ، وتاني مثال، فى الأفراح وخصوصاً الأتراح، الناس كلها بتقيف مع بعض، والنوع
اللي بكون ماخد موقف وخصوصاً فى عدم المجاملة فى الأتراح، بصنف زول عقليته صغيرة عندنا فى السودان،
وهذه الأشياء تندر فى الشعوب الأخرى
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: AMNA MUKHTAR)
|
الأخت تراجى
عيد سعيد
وفى أول مرور..أحيى فيك صمودك فيما تطرحين .. إختلفنا أو إتفقنا معك فيه ..
لا يمكن نكون شعب حميم ونحن شعب ضعيف فى فن حسن التصرف و اللياقة و اللباقة ...
بل و نوصف بأننا شعب طيب .. و بس ...
وأصلا تربيتنا فيها الكثير من الصرامة .. و زادت حياتنا الكثير من الكآبة و الإحباط ..
و ينعكس ذلك عموما فى سلوكنا .. اللى فيه الحميمية ترف لا أكثر..
وأنا شايف – كرجل طبعا – نعيش بشخصيتين .. واحدة نتاج تربيتنا تلك .. و أخرى نظهر بيها عتد اللزوم !!
فى بداية إختلاطنا بالجنس الأ خر – فى الجامعة .. العمل .. الشارع – شخصية مثالية فى كل شىء .. وهذه الأخرى .. و فيها الكثير من الحميمية ..
والأولى فى البيت مع الأ خوات و الزوج وا لأبناء .. وهذه يمكن يكون فيها تمثيل حميمية..
أذكر مرة فى التلفزيون السوداني كانت فى سهرة عن علاقة الرجل بالمرأة والضيوف كانوا سيدات ورجال وكانوا رائعين فى التناول .. وعند السؤال عن كيف يعبر أحدهم للآخر عن الحب .. كانت إجابة الفنان محمد شريف أنو لآ يمكن أن يعبر عن الحب لزوجته صراحتا مهما كان ..وأ فتكر هذا داخل الكثير جدا مننا ..
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: بشير دفع الله)
|
الاخ البشير دفع الله....
عيدسعيد....
Quote: الأخت تراجى
عيد سعيد
وفى أول مرور..أحيى فيك صمودك فيما تطرحين .. إختلفنا أو إتفقنا معك فيه ..
لا يمكن نكون شعب حميم ونحن شعب ضعيف فى فن حسن التصرف و اللياقة و اللباقة ...
بل و نوصف بأننا شعب طيب .. و بس ...
وأصلا تربيتنا فيها الكثير من الصرامة .. و زادت حياتنا الكثير من الكآبة و الإحباط ..
و ينعكس ذلك عموما فى سلوكنا .. اللى فيه الحميمية ترف لا أكثر..
وأنا شايف – كرجل طبعا – نعيش بشخصيتين .. واحدة نتاج تربيتنا تلك .. و أخرى نظهر بيها عتد اللزوم !!
فى بداية إختلاطنا بالجنس الأ خر – فى الجامعة .. العمل .. الشارع – شخصية مثالية فى كل شىء .. وهذه الأخرى .. و فيها الكثير من الحميمية ..
والأولى فى البيت مع الأ خوات و الزوج وا لأبناء .. وهذه يمكن يكون فيها تمثيل حميمية..
أذكر مرة فى التلفزيون السوداني كانت فى سهرة عن علاقة الرجل بالمرأة والضيوف كانوا سيدات ورجال وكانوا رائعين فى التناول .. وعند السؤال عن كيف يعبر أحدهم للآخر عن الحب .. كانت إجابة الفنان محمد شريف أنو لآ يمكن أن يعبر عن الحب لزوجته صراحتا مهما كان ..وأ فتكر هذا داخل الكثير جدا مننا ..
|
برجع بالمهل لمداخلتك الدسمه.....ونعم لحياة اكثر حميمه لشعبنا.
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Kamal Karrar)
|
عزيزيتنا تراجي .... كل سنه وانتي طيبه وعيد سعيد وعمر مديد ... واعملي حسابك من البرد والرطوبه الايامات دي البرد قارس ....
يا تراجي يا اختي نحن شعب (((محموم))) وكان شرقنا او غربنا ... بتلقي الحمي طالعه في الراس ... خاصة وان لغة ((( البورنو السياسي ))) وصلت زروتها ...
ولو نحن يا تراجي شعب حميم وما محموم .... انت تراجي انا وجهت ليك ولي جمعيتك عدة نداءات .. الاول كان بسبب اغتصاب اطفال في دارفور ... وانتي لا حياة لمن تنادي ...
والنداء الثاني وجهتو ليك عشان السوداني السجنوه الاسرائيليين ... وانا اتعشمت فيك الخير خاصة وانتي عندك جمعية صداقه مع جميعة ((( موشي ديان)) ... وانتي والله ما سألتي لا في السوداني القبضوه ولا في السودانيين الحا يقبضوهم ...
والنداء الثالث بناديه ليك الليله ... وقضيه جديده لنج ...
Quote:
Monday, 24 December 2007
منظمات حقوقية تطالب بالتحقيق في دعاوى انتهاكات حقوق الإنسان بالسودان
طالبت المنظمة الحقوقية الامريكية »هيومان رايتس ووتش«، الأمم المتحدة والاتحاد الافريقي لاجراء مزيد من التحقيقات في دعاوى انتهاكات لحقوق الانسان ارتكبها نائب القائد العام لقوة حفظ السلام في دارفور، وقد بعثت منظمة »هيومان رايتس ووتش« برسالة الى كل من مساعد الأمين العام للأمم المتحدة لعمليات حفظ السلام جان موري جويهينو والفا عمر كوناري رئىس مفوضية الاتحاد الافريقي تتهم فيها الميجور جنرال كارينزي كاراكي بالتورط في عمليات اغتيال للمدنيين في مدينة كيسنجاي في جمهورية الكونغو الديمقراطية في يونيو عام 2000م. وقالت الرسالة ان الجنرال كاراكي كان قائداً للقوات الرواندية المتحدة التي حاربت ضد الجيش الاوغندي في مدينة كيسنجاي اثناء تلك الفترة.
وقد تم تسليط الضوء على شخصية كاراكي في شهر اغسطس الماضي، عندما قالت القوات الرواندية المتحدة المعارضة، ان الجنرال كان مسؤولاً في عدد من عمليات القتل مابين عامي 1992 و 2000م.
وادعت القوات الرواندية المتحدة المعارضة، ان كاراكي بصفته قائداً للاستخبارات العسكرية امر بالهجوم على معسكر للاجئي الداخل في ابريل من عام 1995م ادى الى مقتل 8.000 من الأشخاص. |
وبرجع ليك عشان ترشحي لينا حفيدة عجوبا الخربت سوبا منو ؟؟؟؟
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Kamal Karrar)
|
العزيز كامل كرار....
كل عام وانت بخير....
Quote:
YES WE ARE
نحن شعب فعلا حميم.. وحميم جدا..وهذه الحميمية غير المنضبطة كثيرا ما تكون سبب من أسباب البلاوي والنوازل الواقعة علينا.. حميميتنا عمياء.. لا تعرف أي خطوط حمراء.. وكثيرا ما تتخطى حميميتناحدودها.. وتتلون وتصبح أبعد ما تكون عن معناها الأصلي..كيف لنا أن نضبط معيار تلك الحميمية..حتى لا تنفجر في وجوهناتعصبا..ثم تعنصرا فتشرذما..فاضطرابا ثم احترابا..
تأملوا في مشاكل الأسر فيما بينها.. كثيرا من الإختلافات تنشأ بسبب أن فلانا رد السلام ببرود على الآخر.. ولربما كان ذلك من أسباب تصنع الحميمية في بعض الأحايين.. درءا للوسم بقساوة القلب والجفاء
ولا مو كدي؟؟؟ |
WAW يا متفائل انت.....قلت لي حميمين لما مدفقين؟؟؟ياريت يا اخوي.
برجع لك لاحقا....وشكرا على المرور وخليك معنا....
| |
|
|
|
|
|
|
|
|
 Re: هل نحن (شعب حميم)؟؟؟؟ (Re: Tragie Mustafa)
|
أستاذة / تراجي
مساء الخير ,,,
______________________________________________________
Quote: لانها بصراحه الحميميه الضمنيه دي ما بتسعد احبتنا في الحياة.
|
مشكلتنا الاساسية مع (الضمنيات) دي ...
الحاجات الما بنحس انها عوزة أجتهاد عشان نوصله لاحبائنا ...
خصوصاَ إن كان المعني( بالتواصل ) من ثقافة غير ثقافتنا
وممكن يحمّل تصرف بسيط بتتصرفوا ( بعفوية ) معاني أكبر من الممكن يحتملوا تصرفك ...
حيفتكرك مشاعرك باردة ما فيها حميمية أو دفي ...
وبتخليهوا في حته تسأول ...( شنو الغيرك ) !!!!!!!!
ممكن ما تكون أتغيرته لكين شكل حياتك وأهتماماتك العملية ودوامه مشاغلك ...
بخلوا حته التعبير المستمر عن ( المشاعر) شي ما ضروري .......
لانوا بدخل من ( الضمنيات ) الما بتحس أنك مطالب بأستمرار تجتهد في التعبير عنها
ممكن إجتهاد الطرف التاني ( وحميميتوا )
تخليك ( مجّبر تتصرف تصرفات من جواك ممكن تشوفه هبل ) ...
لكين عند الطرف التاني بشوفه ( أساسية ) وبتسعدوا جداً ....
زي تكون مضطر حتي في حوارك اليومي العادي تتخاطب بلغة ( حميمة )
أو تحس انك مطالب بأستمرار تعبر للطرف التاني عن ( حبك ) وأهتمامك ...
بكلام ( حيميم ) وباقة ورد أنيقة وحاجات تحسسك أنك لسه ( مراهق )
ما عن قناعة لانهوا دي ( ضمنيات ) مافي داعي ليها مدام الحياة ( ماشة ) ...
فبتبقي العوجة في طرف تاني بشوف الحياة من غير ( حميمية ) ما بتمشي ...
على فكرة ممكن ما تعبر عن حاجاتك و( تشفره) عن الطرف المستنيك تعبر عنها (وأضحة)
ما عن ( برود عاطفي) ,,, لكين طّبع غالب التطّبع ...وضمنيات
بس فعلا ( الصمت ) في حتات ما حيتفسر صمت (جميل) في حضرة (الجمال) .....
Quote: السؤال للجميع....
وبالذات ان اغلب العضويه هنا ممن اتيح لهم الاحتكاك
بثقافات ومجتمعات آخرى......
فهل سلوكياتنا كافراد....تجاه اسرنا وابنائنا وشركاء حياتنا
تتسم بحميميه كافيه.....وهل نحن راضين عن درجة الحميميه في حياتنا؟؟؟؟
|
الاجابة ببساطة لا ..... عقدنا أكبر من تحتمل الحميمية الزائدة !!!!
ويمكن تكون عند ثقافات ومجتمعات تانية ( عادية ) بس برضوا شيفنها (Over ) زيادة
تحياتي ,,,
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
ام حازم
صباح الخير
| Quote: هل نحن (شعب حميم)؟؟؟؟ |
السؤال كبير ومهم جدا....
لكن ومن وجهة نظر شخصية بحته اعتقد اننا شعب حميمي من الدرجة الاولي ( اذا صحت تعبير حميمي دي...)
واحد وعشرين سنة غربة ....
عايشت..... وجاورت..... وتعاملت..... مع كل السودانيين ......سحنات .... قبائل .... معتقدات ....علما ان علاقاتي الاسرية انحصرت فقط مع السودانيين رغم الوجود الكثيف لكل الجنسيات.
برغم مرارتها.....
كان السودانيين في الغربة كالبلسم ....كان التداخل والتواصل ومازال هو القاسم المشترك بين الجميع...حتي عندما انجبت زوجتي.... وتوفي الوالد ....وتوفت الوالدة( وانا هنا كمثال) كان وجود الاسر السودانية بجانبنا المخفف لنا.
امثلة عامة.....
عندما تسمع خبر وفاة سوداني وتمشي المقابر وانت ماعارف الميت منو.... وتلقي نص الناس ماعندهم علاقة بالميت غير انوا سوداني ....دي حميمية.
عندما يعلن عن تبرع بالدم لسوداني مصاب في حادث وتجد غالبية المتبرعين لاعلاقة لهم بالمصاب..... دي حميمية .
عندما يقف لك احدهم في الشارع بسيارته فقط لانك سوداني .....دي حميمية.
عندما يتحدث احدهم في المقابر عن ان هناك سوداني متوفي وعليه ديون.... وخلال نصف الساعة يكون مبلغ الديون قد اكتمل ومن السودانيين البسطاء فقط ....دي حميمية.
واخر حاجة :
لما اخت عزيزة تتصل من كندا وتطلب المساعدة لاسرة سودانية متعطلة في المانيا وعاوزة ترجع السودان وهي ماعندها بيهم اي علاقة غير انهم سودانيين..... ويتوافد الجميع لاستقبالهم وبرضو بسبب انهم سودانيين ويتابعوهم حتي يصلوا السودان.... دي قمة الحميمية.
ده بالنسبة لي عن الخارج فقط .... اما عن الداخل فيكفي اني من بورسودان ...وراجع ليكي مخصوص.
وخليكي حميمية
التحايا
هارون دياب
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: haroon diyab)
|
العزيز هارون دياب
Quote:
ام حازم
مساء الخير
Quote: صباح الخير
على كل الحميم و الحميمات و المقتنعين بضروة مناقشة حمميتنا
نوم العافية |
يا اخوي هم خلوا فيها لينا نوم؟؟؟
حس جنس الدم السال في باكستان ده بالله خلى لينا نفس للحياة ذاتها؟؟؟؟
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
مقارنة ببعض الشعوب التي عرفتها يمكن
اقول نحن اكثر من حميمين في علاقاتنا العامة
ببعضنا كسودانيين او معارف.
هناك تقصير (عاطفي) داخل الاسر.
مثلا الزوجين المصريين مستعدان للتعبير عن عواطفهما
امام مليون شخص، يمكن ان تتأبط ذراعه وسط السوق.
نحن نخجل من ذلك بل غالبا ما تسير المرأة بضع خطوات خلف
زوجها.
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Zoal Wahid)
|
ظروف اجتماعيه منعتني منكم اخوتي....ونعود للقاء....
ودعونا نركز في اضافة زول واحد:
Quote:
هناك تقصير (عاطفي) داخل الاسر.
مثلا الزوجين المصريين مستعدان للتعبير عن عواطفهما
امام مليون شخص، يمكن ان تتأبط ذراعه وسط السوق.
نحن نخجل من ذلك بل غالبا ما تسير المرأة بضع خطوات خلف
زوجها. |
اقتربت من اللب يا خال...
ولكنه ليس تقصير فقط هو اكبر من ذلك....ولي عوده لاحقا....
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
أم سند
كل سنة و إنت و الأسرة بألف خير
Quote: فهل سلوكياتنا كافراد....تجاه اسرنا وابنائنا وشركاء حياتنا
تتسم بحميميه كافيه.....وهل نحن راضين عن درجة الحميميه في حياتنا؟؟؟؟ |
تتفاوت يا أخت تراجي هذه الحميمية في درجاتها بين أفراد الأسرة.
أحياناً نجد الأسرة منقسمة في دلْق الحميمية بينها .. حيث نجد الأب له ( كومه ) و الأم لها ( كوم ) لوحدها ...
ينطبق هذا على الخالات و العمات و الأخوال و الأعمام .. كل زول له كوم في الحميمية ..
ثم ينسرب هذا أيضاً ليطال الجيران .. كل زول و زولة عندها جار أو جارة بتيرموميتر معين في الحميمية ...
ثم يطال ذلك مقاعد الدراسة في مختلف مقاعد التعليم ...
يبقى السؤال : وهل نحن راضين عن درجة الحميميه في حياتنا؟؟؟؟
أنا أقول : لا .. غير راضين ..
و على وجه الخصوص في هذا الزمان المكشر عن أنيابه.
تصدقي يا تراجي .. في عطبرة تفتحتْ عيوننا على جيران من : التعايشة و الفلاتة و الحلفاويين و الحلب و الأقباط .. الحميمية كانت مفرطة ... كانت مدلوقة بكرم زائد ...
و بدلاً من أن تكون على الأقل في مستوياتها العادية .. هي الآن في أدنى درجاتها ... بل تكاد معدومة في بعض المجتمعات ...
يقولون أن الحميمية تنبع من التصالح التام مع النفس .. و كان ذلك ديدننا قديما و إلى عهد قريب.
فماذا حدث لنفوسنا؟
دمت
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: ابو جهينة)
|
اخوتي واحبتي اعذروني للغياب
للواجبات الاجتماعيه
فاخوتي اشرف شاشاتي وليلى كانوا بحوجة لوجدي معهم...
اعود لكم وانا مثقله بالاحزان..ولكن لابد من الاستمرار.....
شكرا لكل من مروا
وركزوا برضوا معاي في مداخلة اخونا عبد الناصر الخطيب....
Quote:
أستاذة / تراجي
مساء الخير ,,,
| Quote: لانها بصراحه الحميميه الضمنيه دي ما بتسعد احبتنا في الحياة. |
مشكلتنا الاساسية مع (الضمنيات) دي ...
الحاجات الما بنحس انها عوزة أجتهاد عشان نوصله لاحبائنا ...
خصوصاَ إن كان المعني( بالتواصل ) من ثقافة غير ثقافتنا
وممكن يحمّل تصرف بسيط بتتصرفوا ( بعفوية ) معاني أكبر من الممكن يحتملوا تصرفك ...
حيفتكرك مشاعرك باردة ما فيها حميمية أو دفي ...
وبتخليهوا في حته تسأول ...( شنو الغيرك ) !!!!!!!!
ممكن ما تكون أتغيرته لكين شكل حياتك وأهتماماتك العملية ودوامه مشاغلك ...
بخلوا حته التعبير المستمر عن ( المشاعر) شي ما ضروري .......
لانوا بدخل من ( الضمنيات ) الما بتحس أنك مطالب بأستمرار تجتهد في التعبير عنها
ممكن إجتهاد الطرف التاني ( وحميميتوا )
تخليك ( مجّبر تتصرف تصرفات من جواك ممكن تشوفه هبل ) ...
لكين عند الطرف التاني بشوفه ( أساسية ) وبتسعدوا جداً ....
زي تكون مضطر حتي في حوارك اليومي العادي تتخاطب بلغة ( حميمة )
أو تحس انك مطالب بأستمرار تعبر للطرف التاني عن ( حبك ) وأهتمامك ...
بكلام ( حيميم ) وباقة ورد أنيقة وحاجات تحسسك أنك لسه ( مراهق )
ما عن قناعة لانهوا دي ( ضمنيات ) مافي داعي ليها مدام الحياة ( ماشة ) ...
فبتبقي العوجة في طرف تاني بشوف الحياة من غير ( حميمية ) ما بتمشي ...
على فكرة ممكن ما تعبر عن حاجاتك و( تشفره) عن الطرف المستنيك تعبر عنها (وأضحة)
ما عن ( برود عاطفي) ,,, لكين طّبع غالب التطّبع ...وضمنيات
بس فعلا ( الصمت ) في حتات ما حيتفسر صمت (جميل) في حضرة (الجمال) .....
Quote: السؤال للجميع....
وبالذات ان اغلب العضويه هنا ممن اتيح لهم الاحتكاك
بثقافات ومجتمعات آخرى......
فهل سلوكياتنا كافراد....تجاه اسرنا وابنائنا وشركاء حياتنا
تتسم بحميميه كافيه.....وهل نحن راضين عن درجة الحميميه في حياتنا؟؟؟؟
الاجابة ببساطة لا ..... عقدنا أكبر من تحتمل الحميمية الزائدة !!!!
ويمكن تكون عند ثقافات ومجتمعات تانية ( عادية ) بس برضوا شيفنها (Over ) زيادة
|
اصبت كبد الحقيقه اخي واتمنى عودتك لتبصير الصغار منا بالذات
اقصد هنا عضويه تستفيد من تجاربنا...فعلينا بمحاولة اثراء حياتهم بتجاربنا الزاخرة.
ويا ابو جهينه احس بك شخصا حميم
وقد كتبت كثير عن اسرتك ولذا...اتمنى ان تثري البوست بمداخلات الثرة.
ولي عودة.
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
انا ما بعرف بس حاحكي عن نفسي وشوفني اذا كنت حميم,,
قبل الزواج كنت هاريها كلمات حب , صباح ومساء
بعد الزواج ,, تقلصت كلمات الحب وصرت اقولها ليلا وعند اللزوم تمهيدا لمارب اخرى
عندما حملت بمولودتنا الاولى كنت اخاف عليها من الهوا الطاير
واذكر تماما لحظة الولاده , حتى بعد ان تمت بحمدالله وفضله كنت مشغولا بها وكانت محور اهتمامي
لكن لم اعبر عن ذلك بالكلمات ,,
في كثير من الاحيان يخونني التعبير فمثلا عندما تلبس فستان جديد تضيع مني الكلمات ,, واكتفي بالرسائل التي ترسلها عيوني,,
احتفل معها بعيد زواجنا,, ربما كنوع من الموضه والظهور بمظهر الاسره العصريه,,,,,
بالنسبه للاولاد وخاصة البنت فهم جيل LBC وتمكنوا من ادراجي في لغة التعبير الحميمه وبرنكدوكهم الخاص كمان ,,,
تخريم مسالة بكاء الرجال بجيها راجع
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
أستاذة / تراجي
مساء الخير ,,,
_____________________________________________________________
عظم الله أجركم وجعلها أخر الاحزان ,,,,
عودة لبوستك الرائع
من مداخله أستاذنا الكبير / أبو جهينه
Quote: يقولون أن الحميمية تنبع من التصالح التام مع النفس .. و كان ذلك ديدننا قديما و إلى عهد قريب.
فماذا حدث لنفوسنا؟
|
أجدني متفق معك تماماً ( الحميمية ) تنبع من صفاء النفس ثم إضف ( تؤدي لصفاء .... النفس !!!) ...
في توافق مميز ... لتصل ( لحميمية ) ... لا بد أن تصفي نفسك ....و( الحميمية ) نفسها تصفي النفس ...
من السموم والرواسب ... تشفي الروح بيد حانية تحس أنها ( ترتب ) الدواخل دون أن .... تحس أو تشعر
تصحوا في لحظة ( كائن جديد ) ...
( الحميمية ) تلغي كل المشاعر ( السلبية ) تجعل الانسان كائن أخر ....
بابعاد ( جديدة ) ..... تشعر وكأن كل خلاياك تجددت وعدت كائن مفعّم ( بالحياة )
Quote: اصبت كبد الحقيقه اخي واتمنى عودتك لتبصير الصغار منا بالذات
اقصد هنا عضويه تستفيد من تجاربنا...فعلينا بمحاولة اثراء حياتهم بتجاربنا الزاخرة.
|
أستاذة تراجي حتما لى عودة
حتى ولو كانت تجاربي إجمالا غير ( مفيدة ) مطلقا الا للعبرة و ( الإعتبار ) ,,,
لكن كلما أمتحنتك الحياة بتجارب مّرة عمقّت من معرفتك بها أكثر ...
وجعلتك تحس قيمة الاستقرار والرضا و إن كل يوم يصبح عمر جديد حينما نكون بقرب من ( نحب ) ,,,
حكمتى الوحيدة التي يمكن أن تفيد:
لا تياس مطلقة قد تصادف السعـــــــادة كلها في (المنحنى ) .....القادم من الطريق
مثلما صادفتها
ولكم أكيد ودي ,,,
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: عبد الناصر الخطيب)
|
اسمحوي لي اخوتي
ان ارد على اخونا عبد الناصر مرة آخرى متجاوزة الترتيب....
Quote:
حكمتى الوحيدة التي يمكن أن تفيد:
لا تياس مطلقة قد تصادف السعـــــــادة كلها في (المنحنى ) .....القادم من الطريق
مثلما صادفتها
|
يا عبد الناصر يا اخوي الحميمه الغرقانه فيها دي باين عليك
وفي صورتك وكتاباتك الرايقه ومرتبه...اوعدنا يا رب.
ويلا يا شباب وحتى المنحنى القادم كما بشرنا اخونا عبد الناصر من حياتنافاليتواصل النقاش عن جدوى الحميمه في الحياة.
ويا عبد الناصر الاداك بالكوريك يدينا بالمعلقه بس راضين.
ما حاسدين صدقني وماشاء الله عليك بس بنهظر.
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
تراجى كل سنة إنتى والأبناء بكل الخير Quote: اذكر اكثر ما كان يلفت انتباهي وانا صغيره
تباعد الرجل السوداني عن زوجته وقت الولادة!! |
عليك الله دى الحميمية القدرك عليها الله ؟
دة تفكير أنثوى .. على وزن ذكورى ..
الخواجات زى ما عارفة بهتموا بالحاجات دى "منظرة" وبدربوهم عليها قبل الوضوع .. نحن ناس تانين .. النساء بسرعة بيتأثرن بحياة غيرم .. دى ما حيمية ولا يحزنون ..
وبعدين نحن ناس لا حميمين بالمعنى ده ولا حاجة .. زى ما قالت إشراقة نحن ناكل اللحمة النية ونقول نحن شعب متسامح ..
هسة الإبادات العرقية دى .. والإعدامات .. وبيوت الأشباح .. والعنصرية .. ونبز المنابر .. و .. ..
تصحى من النوم وتقولى لى شعب حميم ؟؟
نحن شعب عااااااادى .. زى كل خلق الله .. بس ماخدين مقلب فى روجنا ..
قال حميم ..
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: رأفت ميلاد)
|
رافت يازعيم
تحياتي لك والسنة الجاية اكتر حميمية
Quote: نحن شعب عااااااادى .. زى كل خلق الله .. بس ماخدين مقلب فى روجنا ..
قال حميم .. |
والله كلامك ده كلام زولا .... الحميمية مفرتكه فهمه....يعني حميم ونص وخمسة.
وخليك حميم .... ياحميم.
التحايا العطرات باعياد الميلاد المجيد
هارون دياب
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: رأفت ميلاد)
|
يا ميلاد يلا لذيذ يا بتاع اللحمه النيئه
| Quote: نحن ناكل اللحمة النية ونقول نحن شعب متسامح .. |
يا جماعه حرام عليكم اللحمه النيئه دخلها بالحميميه شنو؟؟
تعال شوف جنس المحن دي النكشها ولدنا ناصر الغرباوي الذي يكتب عندنا بمبنر السودان الجديد...
يعني لو كتبتها تراجي كان اولاد درافور مرقوني من البلد
Quote:
العزيزة/تراجى
الحميمه بتواجهنا عندما نبحث عن شريك الحياة
وتلك اللحظات بنكون مثلنا حد التصديق
ويصطدم بنا عند الزواج وهنا نشعر بأهمية الحميمه
الحقيقية ودورها في حياتنا.
الحميمه نادرآ ما يتعامل بها الأباء في دارفور
لأنها لا وجود لها في تربيتهم إلا ما ندر ولذلك تجدها مفقودة في الأبناء
الطيبه والرجولة والكرم والصبر والإحترام و الأخلاق والقرآن والتحمل
لقيناها من والدينا.
لكن الحميمه و مشاكل الحياة الزوجية
وكيف نعبر عن شعورنا دا إسمو الكلام في الممنوع.
من الأشياء العجيبة في البلد عندما تسمع عن فلان قد سافر تأكد
بعد فترة تنجب زوجته هذا يدل علي أن هنالك شئ لا نستطيع
أن نقاومه إلا بالهروب والسفر بعيدآ .هذا داخل السودان بوجود الأهل
فما بالك في المهاجر .
|
ووووووووب على اخيتنا يا ناصر يا اخوي....
الغريبه تجد ان هذه الام ايضا لن تقبل مستقبلا
ان يظل ابنها يرعى زوجته في ولاداتها!!
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
ام حازم
مساء الخير
وحمد الله علي السلامة
Quote: الغريبه تجد ان هذه الام ايضا لن تقبل مستقبلا
ان يظل ابنها يرعى زوجته في ولاداتها!! |
معقولة بس يا..... يعني نخليها تاكل ناره براها......
ربنا يديم المعروف .... ويديم الحميمية.
تحياتي
هاروندياب
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
| Quote: ويلا يا شباب وحتى المنحنى القادم كما بشرنا اخونا عبد الناصر من حياتنافاليتواصل النقاش عن جدوى الحميمه في الحياة. |
يا تراجى ويا عبد الناصر الخطيب..
(المنحنى القادم )ده بى وين دلونا عليه..
| Quote: ويا عبد الناصر الاداك بالكوريك يدينا بالمعلقه بس راضين. |
أشم رائحة حسد هنا
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
Quote: هل تعتقد بانه اولادنا شبعانين احضان وقبلات مننا؟؟ولاحظ كشعب وليس كافراد؟؟؟
هل تعتقد زوجات السودانين وازواج السودانيات سعداء بمستوى التواصل الانساني لعلاقتنا الخاصه؟؟؟ |
ام حازم
كل عام انتى بخير
اعتقد انو فى جيلنا دى الحميمية قلت شوية .. مجرد ملاحظة ..
بين الابناء و الحبوبات و الجدود كان فى حنية و حميمية اكتر ..
اما بين الازواج و الزوجات فاعتقد ان الجيل الجديد .. افضل مننا ..
لكى خالص التقدير
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: اسعد الريفى)
|
اسعد الريفي سلامات
ومنور البوست:
Quote: ام حازم
كل عام انتى بخير
اعتقد انو فى جيلنا دى الحميمية قلت شوية .. مجرد ملاحظة ..
بين الابناء و الحبوبات و الجدود كان فى حنية و حميمية اكتر ..
اما بين الازواج و الزوجات فاعتقد ان الجيل الجديد .. افضل مننا ..
لكى خالص التقدير |
مرحلة منتصف العمر عايزة دفرة بتاعت حميمه كاربه
عشان كده نحن لم نتنازل عن حقنا في علاقات حميمه....خلونا نتناقش
ونصل لحلو ولا نقتنع بما هو كائن فقط..لابد من التحسين و التعديل للافضل.
تحياتي وانتظر مقترحاتك بكيفية تطوير ادائنا الانساني تجاه بعضنا وتواصلنا بشركائنا.
شكرا لمروك ويا ريتك ترج بالمزيد.
| |
|
|
|
|
|
|
|
|
|
Re: هل نحن (شعب حميم)؟؟؟؟ (Re: Tragie Mustafa)
|
أستاذة / تراجي
مساء الخير ,,,
________________________________________________________
عام سعيد وبتمناها سنه خير وبركه على .... الجميـــــــع
عام سعـــــادة وبحــــبوحة ورضــــــــــا
بعتزر عن تأخر الرد
لانوا ( الأيام دي ) أنا في سفر مستمر ( لدواعي العمل )
Quote: يا عبد الناصر يا اخوي الحميمه الغرقانه فيها دي باين عليك
وفي صورتك وكتاباتك الرايقه ومرتبه...اوعدنا يا رب.
|
معاك الانسان ( بحالتوا )الداخلية وهي البتعمل صورتوا وتنعكس على سلوكوا وتعاملوا
ولما دواخلوا تروق أكيد ده بنعكس على سلوكوا وتفكيروا وترتيب حاجاتوا .
أمنياتي لك دوما بالسعادة والرضا ,,,
Quote: يا تراجى ويا عبد الناصر الخطيب..
(المنحنى القادم )ده بى وين دلونا عليه
|
أستاذة أمنه مختار
حياة الانسان ما طريق معبد أكيد ملان منحنيات وكل منحني بعمل طريق جديد ووجهه جديدة
في الدرب البمشيهوا الانسان (مشيناها خطي كتبت علينا ومن كتبت عليه خطي ... مشاها )
المهم يكون الانسان ( مشاء ) وما يقيف في أى مطب أو ( منحني )
وللجميع صادق تقديري ,,,
| |
|
|
|
|
|
|
| |
Tragie Mustafa
Mustafa Mahmoud
إيمان صالح
Al-Shaygi
خالد علي محجوب المنسي
AMNA MUKHTAR
عمر سعد
نهلة عمر
أبو عبيدة البصاص
العوض المسلمي
yasiko
النذير حجازي
بشير دفع الله
Kamal Karrar
haroon diyab
ابو جهينة
عمار عبدالله عبدالرحمن
رأفت ميلاد
اسعد الريفى
فيس بوك
تويتر
انستقرام
يوتيوب
بنتيريست