|
|
 كـــــــــــلام يا طـــــه ســليـمان قلت لى شنو!
|
بتغنو وغناكم يضاهي زمن الحقيبة دى قلبت فيها هــــوبة عديل كدا!..
الكلام دا كبير عليك وماقدرو! و كيف سمحو ليكم تقولو كلام زى دا فى التلفزيون كـــــــــــلام يا طـــــه ســليـمان
تعال عليك الله غني لينا حقيبة وبعدين نقارن هل أنت بتعرف تغني ولا لا.
لقيتوها فـــاضـيـة وقدلتو............................................... كـــــــــــلام يا طـــــه ســليـمان
|
|
 
|
|
|
|
|
|
|
 Re: كـــــــــــلام يا طـــــه ســليـمان قلت لى شنو! (Re: احمد معتصم الطيب)
|
لقاء فني درجة رأبعةوعدم الارتقاء لمستوى نقاش مثمر ومفيد
ضعف فى الاداء وصوت مرتجف .. وفى مثل هذه اللقاءات ينكشف المستور
والسبب المعالجات الصوتية التى تتم بعد التسجيل غير متوفرة ......
____________________________________
لو فى وأحد عندو تسجيل لقاء أول أيام العيد ينزلو
وحنسمع كــلام طــــه سليمان فى حق الحقيبة
والناس الغنو بيها ....
كـــــــــــلام يا طـــــه ســليـمان قلت لى شنو!!!
| |
|
|
|
|
|
|
|
|
|
Re: كـــــــــــلام يا طـــــه ســليـمان قلت لى شنو! (Re: احمد معتصم الطيب)
|
Quote: لقاء فني درجة رأبعةوعدم الارتقاء لمستوى نقاش مثمر ومفيد
ضعف فى الاداء وصوت مرتجف .. وفى مثل هذه اللقاءات ينكشف المستور |
اخي معتصم ..
غايتو انا لو كنت في لجنة النصوص كنت احلته بخطاب رسمي للنظام العام ووصيت بمحاكمته بالجلد او السجن او بالعقوبتين معا لازعاجه المتعمد للمستمعين ..
احاول بشتى الطرق ان اقنع اذني بالاستماع له فترفض المرة تلو الاخرى .
حليلكم يا ناس مرغني المامون واحمد حسن جمعة ...
ود الباوقة
| |
|
|
|
|
|
|
|
|
|
Re: كـــــــــــلام يا طـــــه ســليـمان قلت لى شنو! (Re: نادية عثمان)
|
نادية وأحمد ونوبي والجميع عامكم سعيد وعيدكم بهيج
تعرفي يا نادية زي ما عارفة نحن هنا بنحاول نبعد عيالنا من
إعلام الغرب والتلفزيون تحديدا وحرصنا على متابعة الفضائيات
العربية والسودانية على وجه الخصوص وهي محاولة يائسة لعدة أسباب
منها محاصرة الأبناء والتشتت الذهني مابين المجتمع وعلاقاته والمدرسة
بالطبع وأيضا عدم وجود مادة تلفزيونية خالية من الكوليسترول
وأعني ضمنيا سليمة وغير ركيكة ومفيدة لتكون حجة قوية نفاخر بها
أمام الأبناء وما دعاني لإثارة هذه النقطة ما قالته إبنتي تعليقا
على طه سليمان وهو يترنم :
| Quote: هااااااااااهااااااااهاهوهههههههههههههههاهوووووووووووووهاااااااا |
قالت إبنتي هو يابابا مالو فاتح خشمو كده ?
ولم أجد ردا أقوله وعلى رأي أخونا أحمد الخلاهم يقللوا من شأن
عمالقة الحقيبة يخليهم يفتحوا خشموهم ويبلعونا زاته .
ويا حبذا لو حرص المسئولين عن التلفزيون والفضائية تحديدا على
مراجعة أي مادة وحذف كل ما قد يحسب عليهم من الغث .
تحياتي
صلاح واسبه
| |
|
|
|
|
|
|
|
|
|
Re: كـــــــــــلام يا طـــــه ســليـمان قلت لى شنو! (Re: احمد معتصم الطيب)
|
كل عام و انتم بخير
الاخ احمد تحيه
منذ فتره وانا استمع من حين لاخر ل طه سليمان وكنت احس بان شيئ ما في غناه ....
و لكني تاكدت اليوم بان هذا ال طه ليس له علاقه بالغناء .
فهو يحتاج للكثير ليؤهل نفسه كي يستمر كفنان..
و ده كلو كوم و مقارنة غناه بغناء الحقيبه ده كوم براااااااااه... من يظن نفسه الكابلي؟
وردي؟
لكن الغلط ما منه ...الغلط من مسؤلي التلفزيون (و مننا نحن البنشاهد زي ديل)
| |
|
|
|
|
|
|
|
|
|
Re: كـــــــــــلام يا طـــــه ســليـمان قلت لى شنو! (Re: احمد معتصم الطيب)
|
تحياتي يا أحمد وكل عام وأنت بألف خير
إضافة لما ذكرت فقد توقفت - أيضاً - عند فقدان اللباقة
فقد سألت المذيعة الفنانين المستضافين - بعد مقدمة طويلة عن خصوصية وضع الفنان - عن كيفية تعاملهم الإجتماعي كـ ( فنانين ) مع العيد في أحيائهم . بدأ الفنان جمال فرفور بما معناهو أنه قد ( لف ) على الفريق وبارك العيد على أهل حيه وبعد ذلك حضر لهذا التسجيل .
بدأ ( الفنان ) طه قوله " أنا ما حأكضب عليك زي جمال وأقول ليك لفيت الفريق ....
وأعاد مرة أخرى ( كضب جمال ) وبدأ يغالطه عندما حاول جمال الإستشهاد بأحد العازفين
فعلاً الحق علينا نحنا البنحضر زي الكلام دا
| |
|
|
|
|
|
|
|
|
|
Re: كـــــــــــلام يا طـــــه ســليـمان قلت لى شنو! (Re: عاطف عمر)
|
الأخ العزيزعاطف عمر
وكل عام وأنت بألف خير
فعلآ حوار خاوى وأدارة الحوار كانت تشكل صعوبة بالنسبة لمقدمة البرنامج
مع وجود مشاكل كثيرة والسبب الضيوف !!! كانت أجاباتهم خاوية وغير منطقية وتخلو من اللباغة وفى هذه الحالة يصعب على مقدم البرنامج أدارة حوار جاد يخدم صلب الموضوع الأساسي وهو الخروج بخلاصة تفيد المشاهد
ولكن الظاهر هذا استخفاف بعقول المشاهدين ليس إلا..................
والكلام ماليك يافخري فلقد كنت فاكهه الحلقة وشمارها وعليك الله تانى قبل ماتجي التلفزيون اعزل ليك ناس بعرفو طــق الحنك والمنطق والفصاحة وبتغني
حقيبة قديمة ما حقيبة هسع..... وكلام يا طه ســلــيــمــان
| |
|
|
|
|
|
|
|
|
|
Re: كـــــــــــلام يا طـــــه ســليـمان قلت لى شنو! (Re: احمد معتصم الطيب)
|
أحمد المعتصم.
كل سنة وأنت وأسرتك وكل السودان طيب.
لو انت فى السودان وحضرت التلفزيون فى العيد أقول ليك: تستاهل!.
ولو مسكين زينا أقول: يا عينى خرمان محنة وأهل وربنا يعوضك.
حتى عضو فرقة تيراب فخرى خالد طلع أى كلام من وجهة نظرى!!.
لمن قالوا ليه النكات عندكم مجرد هرجلةولا تحمل معانى وحكمة من وراءها, قال ان كل النكات عصارة فكر وفيها حكم وقيل له قل اسرع نكتة قال: ابكر قال لزوجته يا هبسة عليك الله كم عمرك? قالت أمرى تلاتين سنة! قال: سبهان الله نفس مقاس جزمتى.??!!
طلع الحكمة بقى إنت !!.
فرفور غناي وأحب غناه وخاصة الحقيبة, ولكن يا للصدمة!!, ما بيعرف بيتكلم كلو كلو ليس بطريقة مرتبة وسلسة فحسب بل يكاد يكون عيا!!مع انه خريج قانون!!---------
أما داك فكفاية كلام أساسي حفلة وداع ما بجيبو!!.
| |
|
|
|
|
|
|
|
|
|
Re: كـــــــــــلام يا طـــــه ســليـمان قلت لى شنو! (Re: ابوالقاسم ابراهيم الحاج)
|
الأخ الفاضل ابوالقاسم ابراهيم
وأنت ومن معك بخير
والله لوكنت فى السودان مع عدم اللحمة دى وحلقة مخستكة زى دى كنت موته وشبعتة موت ..
أنا خرمان محنةوأهل زى حلاتك كدا ويجوك ناس طه ديل يطلعو زيتك زيادة. مرض يا صاحبي مرض ....
فرفور متكبكب زى الباك الجناحو مجهجهو لاقادر يطلع فى الاوت ولا يقرش للقون
ومن ناحية بغنى بغنى بس فى الحنك قاعد كنب وطق حنك مافى يعنى طلع كيييت  .........
.......
| |
|
|
|
|
|
|
|
|
|
Re: كـــــــــــلام يا طـــــه ســليـمان قلت لى شنو! (Re: احمد معتصم الطيب)
|
سلامات أحمد معتصم .
عندما تناقشنا في هذا البورد في بوست مطول حول تجربة فيديو كليب طه سليمان الجديد دافعت عن تجربته بإستماتة حقيقية وطلبت من المعارضين إعطائه فرصة له ولجيله لإثبات وجودهم كجيل له كينونته الخاصة ويجب على على النقاد إحترام تجربته وخصوصيتها ، بل وذهبت أبعد من هذا البورد حين كتبت مقالا في صحيفة السوداني للدفاع عنه ضد من يهاجمونه في ذلك الوقت ..
وقد كان أخشى ما اخشاه هو أن يصيب طه سليمان الغرور والتكبر لما أعتبرناه عملا فريدا يحسب له ولجيله وأن عليه أن يسير بخطى ثابتة تجاه إثبات نفسه ولكن ..!
أن يستبد بـ طه سليمان الغرور ليقذف بهكذا قبح وبكل إستهتار وأن يحاول (مجرد محاولة) مضاهاة ما يحدثونه في الساحة الفنية هذه الأيام بأغنيات الحقيبة فهذا لعمري هو الشطط بعينه !!..
ويبدو أننا على أعتاب سقوط أمل أخر كنا نضع عليه الكثير لإحداث نقلة للأمام ، ولكن بدلا من أن يفعل ما كنا نرجوه بإذا به يعود للوراء للحط والنيل من قدر من سبقوه من عمالقة وملحني الحقيبة !
| |
|
|
|
|
|
|
|
|
|
Re: كـــــــــــلام يا طـــــه ســليـمان قلت لى شنو! (Re: ناذر محمد الخليفة)
|
الأخ ناذر الخليفة
كل عام وأنت والأسرة بخير
كلنا نتمنى للشباب الواعد المتطلع للارتقاء بالغناءالسودانى كل خير ونحترم مايقدموا فى حدود المقنع ليس إلا.. ولكن عندما يصل الأستهزاء والمقارنة بمن تغني ولحن وكتب أغاني الحقيبة فهذا تعدى على الملكيةالعامة وهى من حق الشعب السوداني أجمع ولانسمح بمثل هذا أبدآ.... لقد كتب هذا الــ طـه..........
نهايته وحكم على نفسه بالاعدام بل الشنق على ساحة الغناء السوداني الذي قدم فطاحلة الفن ولازال يقدم والامثلة كثيرة وليس مجبرين أن نوضح لـ طه من هم ...وعليك أخي ناذربتوصيل هذا الاحتجاج بنفس الطريقة التى دافعت بها عنه وأن تستميت فى توصيلهاله.....
مع شكرى..
| |
|
|
|
|
|
|
|
|
|
Re: كـــــــــــلام يا طـــــه ســليـمان قلت لى شنو! (Re: احمد معتصم الطيب)
|
يجب على جميع الاقلام التى اقامت الدنيا لترفع مكانة طـه سليمان أن تكون صادقة أيضآفى الرد ومعاتبة طـه فى هذا الكلام الذى اصاب الحقيبة بجراح.
وأنا هنا لم ولن انادى بأن يتوقف طه عن الغناء وليس لى الحق فى ذلك ..
وكماذكرت أتمنى لكل شاب دخل هذا المجال كل التوفيق ولكن حين يصيب الغرور
البعض ويتعدى على أهرامات الغناء فهذا مرفوض مرفوض ..ويجب على الصغار أحترام الكبار. ولم نطالبهم بالسير فى نفس الطريق ولكل شخص حرية التعبير عن نفسه وبالطريقة التى يراها مناسبةوالى من يستمعون له..
| |
|
|
|
|
|
|
|
|
|
Re: كـــــــــــلام يا طـــــه ســليـمان قلت لى شنو! (Re: احمد معتصم الطيب)
|
أنا انبح اليوم كلو أمس بوستى بوستى وأقول الزووول طـه دا قال كلام عجيب
وغريب فى ناس الحقيبة لحدى ما الباشمهندس رجع لى البوست بتاعى .وأحد فيكم ماقادر يقول لى طــه دا عينك فى راسك مافى!!!.. بس لو نزلو غنيوة ليهو تجو جارين عمل جميل .لحن مبالغ فيه.. سلسل فرعونى.جزمة إيطاليا.
أنتو طــه عامل فيكم عمل ولا بتخوشو بوستى دا تعاينو فى الصورة وتتخارجو !!!
| |
|
|
|
|
|
|
|
|
|
Re: كـــــــــــلام يا طـــــه ســليـمان قلت لى شنو! (Re: ناذر محمد الخليفة)
|
Quote: يجب على جميع الاقلام التى اقامت الدنيا لترفع مكانة طـه سليمان أن تكون صادقة أيضآفى الرد ومعاتبة طـه فى هذا الكلام الذى اصاب الحقيبة بجراح.
وأنا هنا لم ولن انادى بأن يتوقف طه عن الغناء وليس لى الحق فى ذلك ..
وكماذكرت أتمنى لكل شاب دخل هذا المجال كل التوفيق ولكن حين يصيب الغرور
البعض ويتعدى على أهرامات الغناء فهذا مرفوض مرفوض ..ويجب على الصغار أحترام الكبار. ولم نطالبهم بالسير فى نفس الطريق ولكل شخص حرية التعبير عن نفسه وبالطريقة التى يراها مناسبةوالى من يستمعون له.. |
تحية طيبة أخي أحمد
في مر من المرات سمعت شاعر من البطانة يقول :
نحن أهلنا ربونا للأعور أعور .. بل نقول أن فلان كريم عين. وأن لا نقول للشحاد شحاد بل نقول فلان متعشم. والسراق لا نقول له حراحي بل نقول مهاجري أو همباتي.
الأدب صفة ماطفت على شخص ألا كسته حُلة من أفخر أنواع الحُلل.
المتابع للحركة الفنية في السودان ومنذ قديم الأمد كانت في حالة تطور هادئ وعلى نار خافتة ويتم فيها تسلم الراية جيل بعد جيل ودوماً كانت الإضافة الطيبة الجميلة من الجيل الذي يعب الذي سبقه.
ولو نظرنا مثلا ودعنا نحدد من زمن الغناء والطمبرة وكان هناك من الفطاحلة في هذا الزمن وعقبهم زمن الحقيبة أضافو فأحسنو وأجادو ثم جاء الكاشف بمدرسة جديدة وكانت الروعة ثم وثم.
نلاحظ دوما تكون هناك فترة معاصرة وإغتداء بمن سبق ثم تحمل الراية والامانة والتطور فجاءةً تسمكرت هذه الحركة ووقفت وصارت الحركة أكثر من الهادئة بل يمكن أن نقول ركود ( من نهاية الثمانيات إلى الآن ) لا أقول كل هذا الجيل فاشل لا حاشا وكلا هناك من بينهم من هم سائرين بالطريقة الصحيحة لذا ظل جسم الفن السوداني هذه الأيام كما جسم بشر في غرفة الإنعاش يتغذئ بالدربات.
والسبب في ذلك خالف سابقه الذي كان معاصرة وتشرب ثم تطوير في حين أنه الآن الكثير منهم مجرد ماسمع أن صوته جميل في الحمام جاء وعاوز يطور وفي الحقيقة هو يطمس ويغير .. هذا رأي شخصي
| |
|
|
|
|
|
|
| |
احمد معتصم الطيب
..
فيصل نوبي
Salah Waspa
waleed dawash
اساسي
عاطف عمر
ابوالقاسم ابراهيم الحاج
ناذر محمد الخليفة
خالد علي محجوب المنسي
فيس بوك
تويتر
انستقرام
يوتيوب
بنتيريست