|
Re: طلال حلفـا .. لو تعرف معنى الأشواق ( عـيديـة ) .. (Re: معتصم دفع الله)
|
معتصم يا رائع
كل سنة وانت طيب وكل الناس في الغربة يارب ينعموا بدوام الصحة والعافية وانا كان نفسي أقدم لكل الحبايب البعيدين عن الوطن عيدية وانت مشكور رسلت ليهم العيدية نيابة عني ، يارب المشاركة دي تعجب كل متصفحي سودانيزاون لاين .
أحبتي:
ونسجت من طوق الثريا والأزاهر كل غنوات التهاني والمني... وجدلت من شوقي اليكم اسمي آيات التجلة ما أظنه ممكنا... فاذا بلغتم الأعياد فتذكروا ان التهاني كلها مني أنا...
كمان لي اخ عزيز جدا" في كارديف بقول ليهو العيد بدونك ما ليهو طعم يا عثمان يا محي الدين يا فنااااااان كل سنة وانت بألف خير.
| |
|
|
|
|
|
|
Re: طلال حلفـا .. لو تعرف معنى الأشواق ( عـيديـة ) .. (Re: Talal Halfa)
|
طلال الجميل .. لك ولمن تحب كل الأمنيات الطيبة .. العيد يتبارك عليك والجايي يلقاك بخير ..
طائر الحنين يغرد بنا على شاطئ الذكريات ليصحي فينا حلو ما مضى من أيام .. هذا هو حالنا التمنى .. وقتها تطوف بنا لحظات كثيره نقف على محطاتها بصحبة الأهل والأصدقاء والأحباب .. العيد حالة حضور لمن غاب عنك وإفتقدته في تلك الأيام .. قد لا تكفي رسالة تحملها الأشواق عبر الأثير أو الهاتف .. ولكننا نصبر بها أنفسنا وما تحمله من حنين ..
شكراً يا صديق وأنت تحرك فينا صمت الحنين وتهدي لنا كل الأمنيات .. لك وللفنان عثمان محي الدين أجمل المنى وأسعد اللحظات ..
محبتي ..
| |
|
|
|
|
|
|
Re: طلال حلفـا .. لو تعرف معنى الأشواق ( عـيديـة ) .. (Re: هاشم أحمد خلف الله)
|
عزيزي الأخ هاشم
كل سنة وانت طيب واشكرك علي المعايدة ، وأحب أؤكد معلومة مهمة انت ذكرتها انا كنت داير اقولها في ردي علي الحبيب معتصم ولكن خفت من الأتهام بالتجني علي الصديق الفنان الهادي حامد. فعلا" هذه الأغنية للفنان النوبي المصري حسين بشير وانا قبل ما اقوم بترديدها زرته في القاهرة لأخذ الاذن بذلك ووجدته ترك المجال الفني لألتحاقه بالعمل الدبلوماسي في جامعة الدول العربية ووجدت منه كل الترحاب وهو شخص ودود وطيب جدا" وقام دلاني علي شاعر الأغنية وملحنها وهو أيضا" نوبي (رطاني من عندينا) اسمه عبدالعزيز زين العابدين ، تعرفت عليه بل تعدي الأمر أكتر من ذلك وقمت بشراء هذه الأغنية منه نصا" ولحنا" وقام بكتابة تناذل بذلك وهي من ضمن أغنيات الألبوم الجديد والذي سوف يطرح في الأسواق قريبا" ان شاء الله. الهادي حامد سمع الأغنية في فترة اغترابه في ليبيا وجاء الي السودان وكان بيغنيها في الحفلات العامة والخاصة والشهادة لله أنا سمعت بهذه الأغنية بصوت الفنان حسين بشير قبل أن أسمعها عند الهادي هي وأغنيات كتيرة تانية اذكر منها "أسمر سمار اللون جمال وعسل ... شغل بالي آه وعني رحل" أنا سعيد بالتواصل معكم وسعيد بسماع آراءكم والعمل علي الأستفادة منها بقدر الامكان.
تحياتي لكم جميعا" والأخ حسام كذلك بقول ليهو عيد سعيد. اشكر برضو معتصم الاداني الفرصة عشان اتواصل معاكمز
| |
|
|
|
|
|
|
Re: طلال حلفـا .. لو تعرف معنى الأشواق ( عـيديـة ) .. (Re: Talal Halfa)
|
شكراً طلال على هذه المعلومات وهذا ما نحتاجه للإلمام بمثل هذه الأعمال من شعراء وملحنين وكويس انك زودتنا بشاعر هذه الأغنية الرائعة ومغنيها وبنرسل ليهم تحياتنا عبرك .. الكثير من الإخوة النوبيين في شمال الوادي يتغنون بأغنيات سودانية كثيرة حتى إختلطت علينا أغنياتنا مع اغنياتهم وبعضهم يقول ليك دا تراث نوبي وأعتقد حقوق المؤلف دي ضرورية جداً ليحفظ الشاعر حقه في ذلك .. لقد سمعت الأغنية عند الفنان الهادي الجبل ومن بعده عصام محمد نور لذلك جاء ذكر الهادي وتهنيتي له بالعيد ظاناً بأن الأغنية له .. شكراً مره أخرى طلال والشكر أيضاً للأخ هاشم أن نبهنا لذلك .. مع أمنياتنا أن نرى لك دائماً الجديد الجميل ..
| |
|
|
|
|
|
|
Re: طلال حلفـا .. لو تعرف معنى الأشواق ( عـيديـة ) .. (Re: أبووجيدة)
|
يوسف يا جميل .. شكراً على الأبيات المترعات بالحنين والأشواق .. العيد يمر علينا وبه تمر العديد من الذكريات .. أذكر جيداً تلك الكلمات الحنينة العفوية التي تخرج من الناس في ذلك اليوم وهي ترن في أذني الآن .. العيد يتبارك عليكم .. العفو في العافية .. لله والرسول .. إن شاء الله ربنا يعيده عليكم بالخير واليمن والبركات .. كلمات رنانة تعيد دوزنة القلوب وتطربها في عفوية ومحبة .. لا زلت أذكر لمة الناس بعد صلاة العيد وهم يتسالمون ويتقالدون .. أذكر واحدة من الطرف أن هناك قريباً لينا سالام خلاس منتظر الإمام يخلص من الخطبة عشان يمشي عليهو يعيد وهو جالس على أمشاط قدميه تأهباً لهذه اللحظة .. واحد من ظرفائنا بعد أن أنهى خطبته صاح فيهو يا شيخ اللمين أها قوم (أنفش) في الخلق دي .. وكل ما دخلت بيت في يوم العيد تجد الفطور جاهز في الصالون ولازماً تمد إيدك تعز أهله والبيوت في ذاك اليوم مفتوحة تستقبل كل الناس في بشاشة وترحاب .. يا لها من مشاهد ومشاعر جميلة أفقدتنا الغربة طعمها .. رد الله غربة الجميع .. وعاش الوطن وأهله في سلام ورخاء ..
شكراً جميلاً لأنك هنا ..
| |
|
|
|
|
|
|
Re: طلال حلفـا .. لو تعرف معنى الأشواق ( عـيديـة ) .. (Re: أبووجيدة)
|
ابووجيدة (:
عيد سعيد يدوم عليك بالخير والبركة.
يا معتصم ما تدخل لي واسطة نشيل الكلمات المدهشة دي ونعمل بيها لحن..
أنا بالجد مبسوط اني بتواصل مع ناس دمهم خفيف بالشكل ده
مرة رديت علي واحد في موضوع هو ما كان فاهم عنه أي شئ!!
تخيلو نبذني نبذ!!!! وبعدها بقيت ما بتصفح الموقع ذاتو وكنت فاكرو كلو مهاترات!!!
والآن انا شايف العكس تماما".
معتصم ، حبايبك أكيد حبايبي وانا سعيد بالمداخلات الدمها خفيف جدا دي
دمتم ودامت لكم محبتي
يارب هذا التواصل الأليكتروني يمتد ويبقي تواصل دائم و حقيقي واشوفكم جميعا" بألف خير.
| |
|
|
|
|
|
|
Re: طلال حلفـا .. لو تعرف معنى الأشواق ( عـيديـة ) .. (Re: نها محسن أبورأس)
|
Quote: تمر بنا الأيام ونحن بعيدين عن الوطن وعن ترابه .. كيف نعزي أنفسنا في لطول هذا الغياب .. أتكفينا ذكرياتنا أن تحمل كل هذا عنا .. أم نصبرّها على وعد اللقاء ..
|
لا عزاء لنا ياصديقى ...خصوصا لمن الغربة تدخل العضم
معتصم امنياتى لك بدوام الصحة والعافية....
وتحياتى لطلال حلفا والف مرحب بيهو...
مع محبتى....
| |
|
|
|
|
|
|
Re: طلال حلفـا .. لو تعرف معنى الأشواق ( عـيديـة ) .. (Re: على محمد على بشير)
|
وبعرف كيف ليها أشتاق .. علي محمد علي كيفك يا زول يا أمير .. كل سنة انت والحوليك كلهم بخير ..
Quote: والسنه الجايه انت وهناى داك عرسان |
ما هو هناي دا الواقف لينا في وشنا زاتو .. بيني وبينك أنا عايز أعمل زغبير وأبيع ليك الشغلانة دي في عقاب السنة الجاية دي .. لكن يحلني الله من العصابة ديل
أبقى طيب يا زول يا زين ..
| |
|
|
|
|
|
|
Re: طلال حلفـا .. لو تعرف معنى الأشواق ( عـيديـة ) .. (Re: Amira Elsheikh)
|
Quote: لا عزاء لنا ياصديقى ...خصوصا لمن الغربة تدخل العضم |
لكن يا أميرة لقيت دميعاتك قريييبه والشوق حارق الجوف .. الغربة بتعمل هشاشة الحنين وتزيد آلامه وأوجاعه .. ما أحوجنا لتلك الديار وريحة الأرض والناس الحنان .. إن شاء الله دائماً طيبة يا صديقة .. ويعيده عليك بالخير وأنت بين أهلك وأحبابك .. محبتي بلا حدود ..
| |
|
|
|
|
|
|
Re: طلال حلفـا .. لو تعرف معنى الأشواق ( عـيديـة ) .. (Re: نها محسن أبورأس)
|
Quote: لكن أهم حاجة يمتحن إمتحان التوفل النوبي عشان نديهو الجنسية بجدارة |
خلاس دا يكون تحت اشرافك يا نهى ..
Quote: يعني يدينا عدد واحد أغنية نوبية ونترك التقييم للجنة التحكيم... |
اللجنة دي برعاية الخال حمزاوي ..
Quote: واللا إنت رأيك شنو؟ |
على قولك بس بعدين ما يقوم يطلب لجوء ..
تحياتي نهى ..
| |
|
|
|
|
|
|
Re: طلال حلفـا .. لو تعرف معنى الأشواق ( عـيديـة ) .. (Re: معتصم دفع الله)
|
أستاذناالفاضل معتصم تحيات طيبات أنا لي عظيم الشرف إني أكون ضمن اللجنة خصوصا إذا كنت تحت إمرة الأستاذ حمزاوي... وبعدين الزول ده طلع من عندينا فعلا يعني بجنسيتو وما محتاج للجوء لكن ده ما بعفيهو من تقجيم أغنية نوبية أصيلة خالية من تدخلات أو تداخلات أجنبية وقصدي كلمات من لغاة تانية...يعني نوبية مية مية...وإنت ركز معانا في النقطة دي مودتي
| |
|
|
|
|
|
|
Re: طلال حلفـا .. لو تعرف معنى الأشواق ( عـيديـة ) .. (Re: نها محسن أبورأس)
|
أختي نهي
كل سنة وانتي بصحة جيدة وخير وعافية
انا صحيح حلفاوي
بس ماتقليد (رطاني عدييييييل)
اول كاسيت لي كان سنة 99 بعنوان "بحلم بيك"
واحدة من أغنيات الكاسيت ده كانت "اسمر اللونا" وهي طبعا من التراث النوبي القديم
يعني امتحانك ده أنا باصيتو قبل 8 سنوات
انا خايفك تكوني من حلفاويات العاصمة (ديل لا بعرفوالجرجار لا بعرفوالسلابية!!)
انتي عارفاهم؟ (شكلك كده حتستعيني بصديق)!!
شكرا لتهنئتك وعيدك دائما سعيد يارب (آآمين)
| |
|
|
|
|
|
|
Re: طلال حلفـا .. لو تعرف معنى الأشواق ( عـيديـة ) .. (Re: Talal Halfa)
|
أخي الكريم طلال أولا شكرا ليك علي الأغنية الإنت قدمتها من ثمانية سنين وأنا علي فكرة سمعتها وعجبني أداءك فيها جدا...لكن الحاجة دي زعلتني..إنو مواطن رطاني مية مية وأداءو يفوق الخيال في الأغاني النوبية ويكون مقل فيها بالطريقة دي واخر أغنية قدمها كانت قبل سنين يازول نحن ممكن نسحب منك الجنسية عدييييل لو ما أثبت حسن النية ولحقت نفسك وقدمت لينا عمل نوبي متكامل لأنك من غير مجاملة بتحمل كل المواصفات الفنان النوبي الأصيل... أنا حلفاوية ويمكن فعلا مقلة في سفري لحلفا وده لظروف دراستي وعملي في العاصمة لكن ده مابمنع إني بستنشق عبير النوبة وبفتخر بأصولي ودائما ببحث عن تقاليدنا وحاجاتنا المتوارثة الأنا بفخر بيها جدا وخصوصا الجرجار"اليونيفورم الرسمي للحلفاويات يا جماعة"..ولو إنت محتاج لكورسات عن حلفا أنا ممكن أساعدك مودتي الصادقة وشكرا ليك كتير
| |
|
|
|
|
|
|
Re: طلال حلفـا .. لو تعرف معنى الأشواق ( عـيديـة ) .. (Re: حمزاوي)
|
Quote: انت بقيت من اندنا ولا ايه اني احس تحت الكلام أحي احي حلفا دغيم ولا القلقالة انا مستعد اعلمك الرطانة واخليك سيبويه الرطانة |
مع العرس يا خال .. بس على شرط تكون بتعمل شعيرية مظبوط
Quote: امبارح بالليل عملتو زغبير بدري ليه كبشور عمل هجيج شديد |
بيني وبينك التعب حاصل واليوم دوام .. إكتفينا بين الحبان في جبل مره ونور العين انت وينك وين .. جمل الله أيامك يا خال .. وكل سنة وأنت بألف خير ..
| |
|
|
|
|
|
|
Re: طلال حلفـا .. لو تعرف معنى الأشواق ( عـيديـة ) .. (Re: عبدالله داش)
|
يا داش دي بقولوها .. لا حولااااااااااااا .. ومعاهة شهقة الأشواق (المدسي) جوه الضلوع .. عارف يا صاحب وكت الحنين يتاور والجو حزين .. تقوم تشوف أقرب زول ليك يطبطب عليك .. وانت عارف انو الحال من بعض لكن شوق الجماعة عيد .. والدنيا عيد وأيه الفايده غير لمة ناس في زي الحاله دي .. وبرضو تقول لي ما بتعرف معنى الأشواق ؟
عبدالله أبقى كما أنت جميل الدواخل ..
| |
|
|
|
|
|
|
Re: طلال حلفـا .. لو تعرف معنى الأشواق ( عـيديـة ) .. (Re: معتصم دفع الله)
|
Quote: عارف الواحد كل ما يتذكر ونسة يوم العيد ديك يموت من الضحك .. خايف السيردباك بتاعك لسه يكون ساكي الزول .. |
الونسة كانت رهيبة يكون من الشربوت ربنا يجعل دائما ايامنا اعياد
بالله طلال حلفا عضو في المنبر !! والله ما لاحظت لي الا هسه دي
يا استاذ طلال كل سنة وانت طيب انا لمن اشوف بوستات اصحابي ديل بدخل مغمض والاغنية اجمل عيدية منك ومن مو الجميل دا
| |
|
|
|
|
|
|
|