|
|
 محمد عادل يبدء فى ترتيبات خطوبته
|
بعد كده الواحد يفكر انو يخطب عديل كده
الحمدلله سيد مبارك طلع من المعتقل وتانى
والواحد باقى ليهو سمستر بالضبط ولازم الواحد يكمل نص دينو
او يضع حجر الاساس بالكلام او الخطوبه او ربط كلام
وذى مابدء الكلام والتعارف فى رمضان
باذن الله بحلول شهر 8 وبعد التخرج تبدء مراسيم الخطوبه
تعاين لى انا مابقدر تعاين لى بشتهيك اكتر
والشامه مرسومه فى خدود مرمر
|
|
 
|
|
|
|
|
|
|
|
Re: محمد عادل يبدء فى ترتيبات خطوبته (Re: محمد عادل)
|
محمد عادل ملح المنبرسلامات يا حبيب,
Quote: تعاين لى انا مابقدر تعاين لى بشتهيك اكتر
والشامه مرسومه فى خدود مرمر |
حمدا لله على سلامة السيد مبارك وفكّ الله أسر
كل معتقل فى سجون السودان من سجناء راى
ومناضلين,,
الخطوبة أم (مراسيم) الله يحضرنا ليها,,,
وبعدين الشامة دى ( طابع الُحسن)فيها غنا
كتير خلاص للمثال وليس الحصر هاك( الشامة
فى خديدا زى بدر إكتمل)وربنايتمم ليك على
خير ياالحبيب.
أسمع!!!دى خواطر فيل ولا شنو.
مبروك مقدما اللحاق بركب المكوكرين
من قلب الماساة تخرج النكته والبسمة وطوبى
لمن إستطاع رسم أبتسامة على شفاه أطفال
المعاناة.
محمد عادل,,, فى الله نحب قلبك الصافى وضميرك
الأبيض.
وبرضو لازم أجى القاهرة ونمشى ديسكو الميناهاوس.
.
| |
|
|
|
|
|
|
|
|
|
Re: محمد عادل يبدء فى ترتيبات خطوبته (Re: أيمن الطيب)
|
الحبيب الراقى ايمن الطيب
وينك ياراجل قاطع اخبارك دا ياخى
كيف احوالك
الله يسلمك وعقبال ماينفك اسر الشعب السودانى من قيود الجبهه
لازم يايمن تحضر المراسيم كلها ياحبيب بدايه من التعارف نهايه بالعقد لازم
ياخوى حبابك عشره فى القاهره والله بعد كده الديسكودا نسمع بيهو سمع بس
بعد كده اى خطوه لقينا نعمل ليها الف حساب
| |
|
|
|
|
|
|
|
|
|
Re: محمد عادل يبدء فى ترتيبات خطوبته (Re: محمد عادل)
|
| Quote: محمد عادل مبروك....لكن طلوع (سيد) مبارك الفاضل من المعتقل علاقته شنو بخطوبتك؟ |
حيشتغل وين والسيد مقبوض ....
غايتو نحنه لما اتخرجنا كان همنا نرد شويه من الدين لاهنا التعبو لامن خلقو مننا ناس
الله يتمم ليك على خير يا مان ...وان شاء الله تكون المحظوظه دى حزب امه واصلاح برضو
| |
|
|
|
|
|
|
|
|
|
Re: محمد عادل يبدء فى ترتيبات خطوبته (Re: محمد عادل)
|
دا اليوم الدايرنو ليك يامحمد مبروووووووووووك عليك
محمد ياجبل الضره
مشئ لمصر وقراء
اخد دروس وكمله
واخد زهرة جامعة مصر
مع الشهاده
محمد ياودحنان مبروك
حيعزم كل الاخوان ومعهام رجال الاحزاب
ود الراجع للسودان
| |
|
|
|
|
|
|
|
|
|
Re: محمد عادل يبدء فى ترتيبات خطوبته (Re: محمد عادل)
|
ألف مبروك مقدماً يا محمد عادل...وربنا يتم على خير...
الشعر الأخير لعل ما كاتبو انتا؟ يا عريس أتقل
ذكرتني واحد قريبنا...مشو يخطبوا لولدو...لما رجع قال أبو العروسة خفيف ! بدعوى انو قال ليهم شعر مرحب بيهم...شفت تخلّف اهلنا الجرب؟
مبروك مجدداً
أنور زميل سامي صاحب معاذ حسن جار صلاح غريبة في الرياض
| |
|
|
|
|
|
|
|
|
|
Re: محمد عادل يبدء فى ترتيبات خطوبته (Re: صلاح الفكي)
|
الاخ محمد عادل
| Quote: تبدء مراسيم الخطوبه |
يا زول إنت أنصاري موديل كم ؟
إحنا اهلنا الانصار في بحر ابيض في الدويم ما عندهم خطوبة
عقد طوالي
عمي الشريف "عبد السلام احمد فضيل" عليه رحمة الله كان مشهور بأنو طوالي بيقلب الخطوبة إلى عقد
و خاصة لو تقدموا لي واحدة من بناتنا طوالي بعد التعارف يقترح عليهم كتب الكتاب مباشرة
انا زاتي لمن مشيت للخطوبة و بعد التعارف طوالي عمي عبد السلام إقترح عليهم نكتب الكتاب
وحاتك طلعت من الخطوبة و شايل قسيمتي في يدي و فعلا كانت فاتحة خير و بركة علي.
يازول اقول ليك حاجة !!
ما تنتظر الإمتحانات زاتها
و اعمل زي ما عملت انا أكتب كتابك وشوف الخير الح يحصل ليك
و بكرة تقول "عاشق بخت الرضا" قال لي.
تحياتي و تهاني مقدما
عمار يس النور
عاشق بخت الرضا
| |
|
|
|
|
|
|
|
|
|
Re: محمد عادل يبدء فى ترتيبات خطوبته (Re: عمار يس النور)
|
الحبيب عمار
عاشق درة العلم بخت الرضا
الله يبارك فيك ياود بحر ابيض
انا انصارى موديل الالفيه الثالثه طبعا
ياخوى عقد دا كان زمان
لازم فى الاول نمشى نخطب وتعرف وكده ومويات رمضان ودق الريحه
والحاجات دا كلها وبعد كده نفكر العرس وين
ولازم اهله اشوفو الشهاده عشان بعدين مايقولو انت لسع بتقراء وكده
ياخوى ذى ناس عمك الشريف عبدالسلام ديل انتهو
انا ابوى لما مشى يخطب امى والله العظيم عمل ذيك
طوالى عقد وساق امى ومشى
لكن دا كان زمان ياحبيب
الله يخليك
وفعلا بخت الرضا مصنع العقول والنور
| |
|
|
|
|
|
|
|
|
|
Re: محمد عادل يبدء فى ترتيبات خطوبته (Re: عمار يس النور)
|
Quote: عقد طوالي
عمي الشريف "عبد السلام احمد فضيل" عليه رحمة الله كان مشهور بأنو طوالي بيقلب الخطوبة إلى عقد
و خاصة لو تقدموا لي واحدة من بناتنا طوالي بعد التعارف يقترح عليهم كتب الكتاب مباشرة
|
أخـــــي العـــزيز عــمـــار يسن النــور
الحصــــل عليك نأمــل ان يحصـــل علي الحبيب محمد عادل. خير البر عاجلـــه.
الانصـــار عموما ما عندهم اي تعقيدات في حكاية العرس.
| |
|
|
|
|
|
|
| |
محمد عادل
أيمن الطيب
سلمى الشيخ سلامة
Adil Ali
Muna Khugali
يوسف الولى
osman righeem
Ahmed Yousif Abu Harira
ناذر محمد الخليفة
Ali Alameen
معاذ حسن
فدوى الشريف
عاصم ابوبكر حامد
AnwarKing
Alsa7afa_30
إسماعيل وراق
Salah Waspa
ALGARADABI
ABDALLAH ABDALLAH
الصادق خليفة
صباح احمد
قاسم المهداوى
ghariba
نيازي مصطفى
Rawia
عبدالمنعم الرزوقي
Tragie Mustafa
محمد عثمان محمد طه
عمار يس النور
حيدر حسن ميرغني
فيس بوك
تويتر
انستقرام
يوتيوب
بنتيريست