كتب الكاتب الفاتح جبرا المتوفرة بمعرض الدوحة
|
Re: واحــدة قـالت ( ممغوووووووووسه من الرجال) (Re: ALGARADABI)
|
القرضابي سـلامات يا حبيب
أخبارك يا زول إنت فين
إت لسه مع المفاريك !!! اقولك رأي ابقى على حقت الخشب باقي بتاعت الحديد والكهرباء ديل بيودن الإستبالية
يا أخي والله الشوق بحر أبوروف
شفت الحالة دي صعبة كيف!!! الله يخارجنا من المغسة دي
مودتي التي تعلم
خارج النص: صاحب كان في خارج البلاد لعلاج وهو بخير الآن
إسماعيل حميم
.
| |
|
|
|
|
|
|
Re: واحــدة قـالت ( ممغوووووووووسه من الرجال) (Re: ابو جهينة)
|
أستاذي العزيز أبوجهينة هلا بيك ومرحب كنت متوقعك ضيف في البوست التاني منتظرك . . .
Quote: دي جضوم متعوب عليها سماد و كيماوي |
هي القصة كان بقت على الجضوم بس مالو كمان فيها صلعة لي اللياقة وكرش مدورة ، صورة كاركتيرية الزولة دي باقي لي كاركتيريست
والله حالتنا صعبة عديل
مودتي التي تعلم
إسماعيل حميم
.
| |
|
|
|
|
|
|
Re: واحــدة قـالت ( ممغوووووووووسه من الرجال) (Re: ALGARADABI)
|
غايتو يا حميم
الزولة دي باين عليها ممغووووووووووووووسة من الرجال ومن حاجات تانية كمان
Quote: ياخوي كان كدي أخير المفاريك
|
شفت ناس القردابي ديل إتجرسوا كيف!!!
قال مفاريك قال
يااااااحليلك المفاريك ذاتها بقت بالكهرباء
شيل شيلتك ساي يا خوي
| |
|
|
|
|
|
|
Re: واحــدة قـالت ( ممغوووووووووسه من الرجال) (Re: انعام عبد الحفيظ)
|
إنعام سلامات وين الناس
Quote: الزولة دي باين عليها ممغووووووووووووووسة من الرجال ومن حاجات تانية كمان |
حاجات تانية كمان . . . ولا حاميني!!
Quote: يااااااحليلك المفاريك ذاتها بقت بالكهرباء
شيل شيلتك ساي يا خوي |
مالك عليه يا بت الناس هسه كان فهمت الشيلة دي حقت المرة التانية!! صاحبنا دا يمشي وين الله يستر بس
نصيحتي ليهو يلبس خوذة أصلها الدنيا برد
مودتي
إسماعيل حميم
.
| |
|
|
|
|
|
|
Re: واحــدة قـالت ( ممغوووووووووسه من الرجال) (Re: إسماعيل حميم)
|
استاذ اسماعيل سلام كلام زي العسل لكن الواطة عصرت ومخي طق من الشغل البرة والجوة ولسع راجياني مذاكرة الشفع وشاي المغرب والعشاء وغسيل هدوم بكرة وسندوتشات بكرة ايييك لستة كويلة النخلي باقي المخ الفي دة لباقي الشغلات ديل وبجيك من الصباح بعد ما اشرب لي كباية قهوة ونشوف المغسة دي حدها ويين
فتك بعافية صفية
| |
|
|
|
|
|
|
Re: واحــدة قـالت ( ممغوووووووووسه من الرجال) (Re: sudania2000)
|
سلالالالالالالالالالالالام خQuote: ربشة : النبي كلم الواحدة قول ليها سودانية بتقول ليك في زمن الطفابيع ورجال من ورق احسن تقفل نفسها علي نفسها وتنسي العوالم الخارجية |
ربما 00 هناك رجال من ورق وآخرون من كرتون وبعضهم من قصدير لكن هناك رجال من ماس وآخرون من يورانيوم لا اتفق معك بان تقفل نفسها على نفسها لماذا لاتلتقي برجل يحملها بين طيات قلبه رجل يبثها همومه وأشواقه رجل يضمها اليه فتتفجر آلاف الأنهار بينهما رجل يحملها بين اجنحته فيحلق بها عاليا حتى تتحول هي الأخرى الى فراشة من نوووووووووووووور !!! لماذا تتقوقع وهي بامكانها أن تتفتح كزهرة ندية كل يوم؟؟ زهرة تخضر معها كل حقول العالم لا اتفق معك أن تموت المراة موتاً دماغياً ربما وهي تبحث عن رجل تلتقي به فيعيد التروية الى قلبها ولو بمجرد همسة دافئة همسة تتغلغل بين كل مساماتها فتتغير حتى فصيلة دمها !!! صدقيني 00 هناك رجال أعادوا الحياة الى نسائهم وقفوا بجوار أنفاسهن وملأووا قواريرهم منها فكانت عطرهم المفضل مدى الحياة ستجدين بيننا نهراً عذباً ينساب ما بين الأهداب والأهداب ليروي كل اودية الجفاف المشتاقة وحتماً ستجدين برزخاً يعكر عليك كل صفو الحياة هناك رجال لايصدأوون وهناك رجال كتب الله عليهم أن يحملوا المراة يحملوها في عيونهم وقلوبهم الى كل عوالمها صدقيني انا أكتب اليك وقد انهيت العمرة قبل قليل تذكرت دعوة البوردابي فوقفت بجوار الحجر الأسعد ودعوت الله لك دعوته بان يوفقك مدى الحياة وأن يمنحك كل انهار السعادة في العالم وأن يجعلك دائماً عالمة تداوي لنا كل جراحات الوطن وعثراته وأن يجعلك كما أنتي 00 إمراة بنكهة الياسمين اذا استجاب الله دعوتي وأنا ابن شيوخ فأرجو أن ترسلي لي البياض !!!!
| |
|
|
|
|
|
|
Re: واحــدة قـالت ( ممغوووووووووسه من الرجال) (Re: doma)
|
Quote: لووووووووووووووووول كلامها كله صحيح اهم شئ يا بنات تضبحن الكديسه اول الكمده بالرمده . |
ســلامات DOMA
إنت من زمن الكديسة والضبح دا عصر البترول القصة بقى فيها أنابيب غاز . . كــدا
الله يستر من إيرانيات والنووي
مودتي
إسماعيل حميم
.
| |
|
|
|
|
|
|
Re: واحــدة قـالت ( ممغوووووووووسه من الرجال) (Re: sudania2000)
|
Quote: ممغوسة يعني شنو ؟؟
خربشة : النبي كلم الواحدة قول ليها سودانية بتقول ليك في زمن الطفابيع ورجال من ورق احسن تقفل نفسها علي نفسها وتنسي العوالم الخارجية |
سودانية سلامات
إجتهاد شخصي ممغوسة = ممغوصة (تحريفنا الدارجي للحروف للتخفيف) ممغوصة من المغص المغص = تقلصات عضلية في الاعضاء تسبب الآلام (ما يجوني دكاترة ناطين أنا بجتهد ساكت)
وتستخدم مجازاً في الآلام الغير عضوية (الحسية) قبضة النفس والقلب
والزولة موضوع الحديث مقبوضة (ممغوسة) من الرجال ديل والواو المجرورة تعبير عن حجم المغسة والألم. والله أعلم
أما الخربشة فمحول للرد أعلاه
مودتي
إسماعيل حميم
.
| |
|
|
|
|
|
|
Re: واحــدة قـالت ( ممغوووووووووسه من الرجال) (Re: Safia Mohamed)
|
Quote: استاذ اسماعيل سلام كلام زي العسل لكن الواطة عصرت ومخي طق من الشغل البرة والجوة ولسع راجياني مذاكرة الشفع وشاي المغرب والعشاء وغسيل هدوم بكرة وسندوتشات بكرة ايييك لستة كويلة النخلي باقي المخ الفي دة لباقي الشغلات ديل وبجيك من الصباح بعد ما اشرب لي كباية قهوة ونشوف المغسة دي حدها ويين
فتك بعافية صفية |
إخيتي صفية
إنت لسه ما خلصتي عشان تورينا حد الشغل وبعده نشوف حد المغسة
في الإنتظار
مودتي
إسماعيل حميم
.
| |
|
|
|
|
|
|
Re: واحــدة قـالت ( ممغوووووووووسه من الرجال) (Re: إسماعيل حميم)
|
حميم !!!!
ودي ,,,
هي الممغوووووووووووسة واحدة بس ؟ والله إنت متفائل جدا !!!
على فكرة بالنسبة للبتقول في رجال من ورق هو الورق ذاته يا ودأمي خشم بيوت في ورق محارم ( كلينكس)
وفي ورق تواليت ولا مؤاخذة طبعا دة ما كلامي كلام الممغوسات الباقيات اللي ما عندهم باسورد غايتو
يكفينا الله شر المغس والدغس ( بيني وبينك الاتنين حاصلين ) عندي واحدة جارتي كلما تشوف ولدي تقول
ليه متين يا مجاهد تتخرج وتبقى لينا دكتور عشان تعالجنا من المغس والدغس ؟ قام قال ليها المغس
عرفناه يا خالتو أها والدغس دة شنو ؟ قالت ليه دة الأحر من المغس ( وش ضاحك ) وفتك بعافية !!!
| |
|
|
|
|
|
|
Re: واحــدة قـالت ( ممغوووووووووسه من الرجال) (Re: عواطف ادريس اسماعيل)
|
Quote: هي الممغوووووووووووسة واحدة بس ؟ والله إنت متفائل جدا !!! |
إخيتي عواطف تعرفي هم كتار بس الصرحت الباقيات دايرين زولة تفتح ليهم الدرب
Quote: على فكرة بالنسبة للبتقول في رجال من ورق هو الورق ذاته يا ودأمي خشم بيوت في ورق محارم ( كلينكس) وفي ورق تواليت ولا مؤاخذة طبعا دة ما كلامي كلام الممغوسات الباقيات اللي ما عندهم باسورد غايتو |
مالك علينا هسه سيد الحوش يجي يقول ليك دعاية وتسويق ومخالفة قوانين وتودينا التوج . . ولا الخور ما عارف إنت يا زولة مندوبة مبيعات؟
Quote: يكفينا الله شر المغس والدغس ( بيني وبينك الاتنين حاصلين ) عندي واحدة جارتي كلما تشوف ولدي تقول ليه متين يا مجاهد تتخرج وتبقى لينا دكتور عشان تعالجنا من المغس والدغس ؟ قام قال ليها المغس عرفناه يا خالتو أها والدغس دة شنو ؟ قالت ليه دة الأحر من المغس ( وش ضاحك ) وفتك بعافية !!! |
يكافيك ويكفينا من كل الشرور آمين
بس بيني وبينك كدا أبعدي مجاهد دا من دعوات جارتك دي لمن تكبر . . وتبقى لينا دكتور . . وتبقى لينا مهندس ... مسلسل مصري؟؟ خلي الولد يمشي حسب رغباته وإمكانيته سمح!! تبراك العافية محل ما تقبلي
مودتي
إسماعيل حميم
.
| |
|
|
|
|
|
|
Re: واحــدة قـالت ( ممغوووووووووسه من الرجال) (Re: إسماعيل حميم)
|
Quote: ارفعي انبوبة الغاز بيد واااااحد ونزليها( أنبوبة فاضية طبعا بس انتي ما حتقولي ليه )) وبعدين كوووووركي وقلبي ليه القديم والجديد ...و بعدين بكل لطافة ورقة وحنية كرري طلبك ! و ان شاء الله حيحصل. |
عليك الله يا إسماعيل أسأل لينا ( الممغوووووسة ) دي.. خليها تشوف لينا بدائل لأنبوبة الغاز دي..
ممكن سلاح أبيض؟!!!
| |
|
|
|
|
|
|
Re: واحــدة قـالت ( ممغوووووووووسه من الرجال) (Re: mamkouna)
|
Quote: عليك الله يا إسماعيل أسأل لينا ( الممغوووووسة ) دي.. خليها تشوف لينا بدائل لأنبوبة الغاز دي..
ممكن سلاح أبيض؟!!! |
ممكونة سلامات وبي تعبير اصح "الماكنه ليها زول"
خيارات من حميم تمشي
أبوجا - للإتفاق والهدنة أو إيران - اليومين ديل في كلام عن مفاعل جديد أو تكوين فصيل - لدخول الغابة
هسه في ذمتك المحتاج سلاح منو الرافع الانبوبة ولا المرفوعه ليه؟؟
الله يعين الممكون الكبير
مودتي
إسماعيل حميم
.
| |
|
|
|
|
|
|
Re: واحــدة قـالت ( ممغوووووووووسه من الرجال) (Re: إسماعيل حميم)
|
حميم كيفنك؟
Quote: المرة من الفجر تصحي الاولاد تحشي السندوتشات تعمل الشاي تنضف البيت تعمل الاكل |
Quote: مرتو بعد شغل النهار دا كلو تغسل عدة الغدا وتبدا تقري الاولاد وبعدين شاي المغرب بعدين العشاء |
بالله النوعية دي في؟ ... ياخي دي نوعية عاشت في العصر الديناصوري.
| |
|
|
|
|
|
|
Re: واحــدة قـالت ( ممغوووووووووسه من الرجال) (Re: إسماعيل حميم)
|
Quote: لكن الواطة عصرت ومخي طق من الشغل البرة والجوة ولسع راجياني مذاكرة الشفع وشاي المغرب والعشاء وغسيل هدوم بكرة وسندوتشات بكرة ايييك لستة كويلة النخلي باقي المخ الفي دة لباقي الشغلات ديل وبجيك من الصباح بعد ما اشرب لي كباية قهوة ونشوف المغسة دي حدها ويين |
يا دوك صفية
صدقي أنا لسه منتظر صباحك
في ناس قالت الموديل دا إلا في العصر الديناصوري ولا الحجري ما عارف
مودتي
إسماعيل حميم
.
| |
|
|
|
|
|
|
|