|
هجين الضلمة..نور أعمش.
|
في الزمن الحكايتو عجيبة مابتدهش شفتك يابلد دورين على مد السماء الأغبش حواليك النجوم أحلام وحلمك ليلو كان أروش سرق الفرح منك حزنك..حكاياتك.... شليل جوّاك مافتّش.. صباحاتك هجين الضلمة نور أعمش ومامنك من الزمن الحكايتو عجيبة مابتدهش
مشيت منك بعيد عنك ومامني غلبني أراضي القُدرة لو مافي وتعاندني غلبني أجيب المافي من قُدرة بتعاندني أبعد عن طريق..ممنوع..إجيبني عليو وإناديني أماشي الصاح يكون..مفروض ..أغالط فيو..وإغالطني أمد للغلط..رأيي..إسوق فيني..وإسمحني أمد للسمح..رأيي..إرجّع ليَ راي مكسور وإقمحني
قول ليّ كيف الحل؟؟ معاك الكيف ..مجنّني أظن...مني بقول ..مني ومامني من الزمن الحكايتو عجيبة مابتدهش
حكاية الزول بقول صاحب ..تحلف بي قلوب الناس تقول زولك تشوفو وراك..شال حالك..تعيش محتار..مع ظنّو وصحيح قولك بعرفك صحبي بتقول ليّ هديك الشينة في وشي بعرفك صحبي مع غيري تلز السمحة ليّ تمشي ومامنك من الزمن الحكايتو حزينة مابتدهش
يابلد كل ماأشوفك تندهيني تمشي في عيني الغمامة تنده الخليتو فيكي لسّه مديني الملامة أيّامو ليه بتزيد ضلاما كلِّميهو...كلِّميهو ..ياحمامة يرفع الايدين معاكي تحضن الدعوات سلامة يابلد شقيانة انتي ..وفيك كم شقيان وياما قولي للزمن المعاند بكرة حنصلي المحبة صادقة في كل المعابد بكرة نرجع لي ربوعك بكرة تتمدَّ الأيادي..المابتخونك وأي قاعد فيكي حيسالم عيونك وشان عيونك زولو عائد. ماكان غيابو عشان عيونك.. ماغريبة تجيبو تاني.. ويابلد ..مامنك من الزمن الحكايتو حزينة مابتدهش.
|
|
|
|
|
|
|
|
Re: هجين الضلمة..نور أعمش. (Re: تماضر الخنساء حمزه)
|
تماضر تحياتي
تسلم يمينك
Quote: بكرة حنصلي المحبة صادقة في كل المعابد بكرة نرجع لي ربوعك بكرة تتمدَّ الأيادي..المابتخونك وأي قاعد فيكي حيسالم عيونك وشان عيونك زولو عائد. ماكان غيابو عشان عيونك.. ماغريبة تجيبو تاني.. |
| |
|
|
|
|
|
|
Re: هجين الضلمة..نور أعمش. (Re: تماضر الخنساء حمزه)
|
Quote: في الزمن الحكايتو عجيبة مابتدهش شفتك يابلد دورين على مد السماء الأغبش حواليك النجوم أحلام وحلمك ليلو كان أروش سرق الفرح منك حزنك..حكاياتك.... شليل جوّاك مافتّش.. صباحاتك هجين الضلمة نور أعمش ومامنك من الزمن الحكايتو عجيبة مابتدهش |
يسلم إحساسك يا بت الناس .
| |
|
|
|
|
|
|
Re: هجين الضلمة..نور أعمش. (Re: تماضر الخنساء حمزه)
|
Quote: شفتك يابلد دورين على مد السماء الأغبش حواليك النجوم أحلام وحلمك ليلو كان أروش سرق الفرح منك حزنك..حكاياتك.... شليل جوّاك مافتّش.. صباحاتك هجين الضلمة نور أعمش ومامنك من الزمن الحكايتو عجيبة مابتدهش
مشيت منك بعيد عنك ومامني . |
| |
|
|
|
|
|
|
Re: هجين الضلمة..نور أعمش. (Re: تماضر الخنساء حمزه)
|
Quote: مشيت منك بعيد عنك ومامني غلبني أراضي القُدرة لو مافي وتعاندني غلبني أجيب المافي من قُدرة بتعاندني أبعد عن طريق..ممنوع..إجيبني عليو وإناديني أماشي الصاح يكون..مفروض ..أغالط فيو..وإغالطني أمد للغلط..رأيي..إسوق فيني..وإسمحني أمد للسمح..رأيي..إرجّع ليَ راي مكسور وإقمحني |
ما اجمل هجين حروفك ....يا خنساء
تماضر ..داش جعلتوا وقع كلمة هجين على انفسنا كالغنا
ما اقرب هجينكم من دواخلك خليتونا عشقنا الكلمة بعد كرهناها
في ....قوات هجين .... من طرف اللسان
| |
|
|
|
|
|
|
Re: هجين الضلمة..نور أعمش. (Re: تماضر الخنساء حمزه)
|
أركِز مع الزول البريدك لاتفوت وكتين يجيك إخطارو بي ساعة الوقوف حد احتياجات الصديق..لي زول بشوف حضنك..وطن أركز مع السمح البقيف وسط النوايا وايه لزوم يعني الحبايب؟ وكت الحزن لو مالقيت الباب بصرصر مبتهج مع الدفر الكتير مع الزحمة البتخنق فسحة الحوش الوسيع إذا حلّت..نوائب. شوف كيف تدوب فيهو المحن..لما تتوزّع دميعتك في كتوف الناس تعزّك ولمّا منديلك يكون شكلو..الحضن.
| |
|
|
|
|
|
|
Re: هجين الضلمة..نور أعمش. (Re: تماضر الخنساء حمزه)
|
تماضر
...العز اهل...........................
وايه لزوم يعني الحبايب؟ وكت الحزن لو مالقيت الباب بصرصر مبتهج مع الدفر الكتير مع الزحمة البتخنق فسحة الحوش الوسيع إذا حلّت..نوائب. شوف كيف تدوب فيهو المحن..لما تتوزّع دميعتك في كتوف الناس تعزّك ولمّا منديلك يكون شكلو..الحضن.
والله ألأنسان بدون الناس البحبوهو لايسوى شى..وإنشا ء الله المجاملات تكون فى ألأفراح..
مودتى...
إسماعيل محمد احمد عباس......
| |
|
|
|
|
|
|
|