|
مُـتتبعي العورات ( الحزنُ المعـصـور هباءاً )
|
الحرام بينٌ والحلال بينٌ.. والفرق بين مايجب ان ينشر على الملا ويُـملك للعامة وبين ما ليس عاماً ويقع في دائرة خصوصيات خلق الله ليس من جملة الالغاز وطلاسم اللوغريثم وهو واضحٌ وجلي.. والحد الفاصل بين ماذكرت ليس من المشتبهات..
يقوم (اولاد الناس) و(بنات الناس)بتتبع سوءات الخلق ونشرها على الملا بحجة (قضية راي عام) قاصدين الشينة ويقولو ليك (راي عام).. بنية الوعي الفضائحية التي يمتاز بها غالب السودانيين ارض خصبة مشجعة لهؤلاء المتتبعين من (اولاد وبنات الناس).. محاولات الاغتيال وتدمير الشخصيات عبر التشنيف بهم والإستئناس بسيرهم في صوالين(الناس) مرضٌ طفح..
مالكم وشؤون الناس الخاصة.. جات اكلت ليكم ميزانية طريق عام او كبري او منشأة حيوية؟؟ شالت وزعت ثروات البلد في جهات بعينها دون الاخرى؟ جابت ليكم نظريات الاقتصاد الوسخ والقيمة المضافة؟؟ قعدت اولادكم في قزايز ورفعتم في خوازيق.. اغفلتمٌ عن عورات الشأن العام وقصدتموها؟؟ اغفلتم عن بلادِ بلا وجيع وذمم تتاجر بملايين الادميين؟؟ اوليس فيكم رجلُ ُ رشيد وامراة رشيدة.. اوليس فيكم من يُميت الباطل بعدم ذكره.. الرجل اذا رايته منشغلاً يتتبع عورات الناس فاعلم انه قد مُـكِـر به.. امن المعقول ان يكون قد مُـكر بتلاتة ارباع هذه البلاد؟!! اوكلكم ذوي عاهات وبكم شبهات زنى ولواط؟؟ ماشفتو منها غير وجه حسن وحلاوة قاصدة.. ذنبها انها جملت دنياكم لبرهة .. دنياكم الوسخة التي لاجمال فيها.. دنياكم المعقدة التي انتشر القبح فيها فطفقتكم تبحثون عن عزاءٍ يشيل عنكم وش قباحتكم.. فما وجدتكم إلا حسناء تلوكون سيرتها.. مالكم ولها.. جاتكم في حلتكم شكت ليكم وجع اهلها؟؟ ام كلت بصائركم عن عيوب انفسكم وعيوب اهلكم؟؟ مالكم ولها.. عايزين تقوموا القيامة بما فعلت ؟!! القيامة الماقامت يوم كتلو الحسين ورموا الكعبة.. القيامة الماقامت يوم اغتالو الخلفاء.. القايمة الماقامت يوم دين البلد طلع واتعلق لافتات قرانية واحاديث نبوية في الشوارع.. عايزين تقوموها في نفراية نشذت في بلد فيها المارقات للربا والتلاف الوف؟!! مالكم ولها تمرق بلا اذن او تدخل بلا اذن او حتى تقرقش بصلة في جبل التاكا.. مارقة بي رجليكم ولا نشذت من بيوتكم؟! امن طهارة البيوت ونقاء السراير الفي السودان وخارج السودان؟! ومنو القال ليكم انو الاجهزة الرسمية قاعدة تنشر الفضيلة بين الناس؟! انتو منو ذاتو عشان تحددوا الاجهزة قاعدة تنشر ولا ماتنشر؟؟ ما مجموعة مواهيم لاتدري حتى كيف تدير وهمها.. فضيلة شنو النزلت عليكم في هذا المحفل ؟؟ وينها الفضيلة دي يوم جابو مدير الجمارك بتكلم عن التفاح الامريكي؟!! وينها الفضيلة دي لامن جابو المعتصم عبد الرحيم وتحدث عن السلم التعليمي الجديد؟! وينها الفضيلة دي لامن يقولو نحنا بندعم دارفور ولي يوم الليلة المعدات والاجهزة بتاعة حملة وليد دارفور رهن مستودعاتها في الرياض؟؟ وينها الفضيلة دي لامن يجي ضابط برتبة ويقول قلبناها لاجل الشعب.. وينها الفضيلة دي وسط اعلام مُـضلل ماتفرز فيهو الحقيقة من الوهم؟ ويجو يقولو ليكم (الحزن يعتصر قلوبنا) الحزن ده ما عصركم إلا فيها؟؟ انضبَ معين الاحزان التي تُعصر فما بقيت إلا هي؟؟ كملتم احزانكم الذاتية واحزان اهلكم فعصركم الحزن عليها؟؟ خافو الله واخشتوا وانعصروا في شي متقوم.. فكلكم عيوب وللناس اعين.. لتنتهون عن تتبع عورات الناس او ليفضحنكم الله في عقر دوركم.. ماهدي بلد بي حالها يتنازعها شذاذ الافاق و مامعروف لها سيد.. بس جات فيها هي الكايسين لها سيد..
|
|
|
|
|
|
|
|
Re: مُـتتبعي العورات ( الحزنُ المعـصـور هباءاً ) (Re: DKEEN)
|
وصلني الخبر في بريدي الالكتروني بعنوان (الحقيقية الكاملة لـ..) وأغلقت النافذة و شعور بالغثيان يمسك بتلابيب روحي .. انا مالي؟ وما بتذكر انو أنا في يوم همتني حقيقة علاقات البشر بأهلهم و جيرانهم و ناس حلتهم! الحقيقة دي غير محرية كان كاملة كان منقوصة ... شأن الآخرين شأنهم لا يعنيني منه شيء مالم يمس حدود مساحتي الشخصية ناهيك انو إتباعها كخيط في خبر صحفي يقتات على مشاعر أب و ابنة! الأمر برمته شأن عائلي لا يعنينا من قريب أو بعيد و الله يهدي النفوس و يستر الحال...
الفضائحية و تتبع عورات الآخرين يا دكين مرض كل الشعوب على فكرة! ما بس انحنا علشان عالم ثالث،افتح اي قناة اجنبية و بتلاقي اتنين جهام بيتكلموا ليك عن فلانة الطلقوها و علانة اللي شوكشوها و فرتكان اللي السكر لمن وقع في الشارع... بيلاقوا مستمعين و مشاهدين .. هل المشاهدين هم الي حددوا سقف الحشرية و لا العرض جذب الطلب ما بقدر افتي ليك في هذه السانحة الضيقة... المهم، الناس بتتكلم و الناس بتتحشر بس كل زول منا عندو مسؤولية شخصية في دوره في وإعطاء هذا السخف عمر جديد بتدويره ... أحسن حل إن القصة بتفاصيلها تموت ونناقش الوضع كحالة من دون ايراد الحادثة معينة و يكون الطرح بعيد عن الشخصنة مع انو انا شخصيا اعتقد انو الأمور دي من الصعب الحكم عليها بتجرد في نافذة عامة و من دون مراعاة للخصوصية ...
وشكرا على حرصك على حرية الآخرين
| |
|
|
|
|
|
|
Re: مُـتتبعي العورات ( الحزنُ المعـصـور هباءاً ) (Re: حمزاوي)
|
والمؤسف ان قراء مثل هذه البوستات يفوق عدد قراء اى موضوع مهم
امك ما تضوق نارك
لان مثل هذه الكتابات تشبه النظام ايما شبه وتجعل الناس مشغولين بقضايا ليست هى ما نعنى واعنى فضح اليات النظام التى تقف فى حلوق الكثير من الناس
تانى امك ما تضوق نارك
| |
|
|
|
|
|
|
Re: مُـتتبعي العورات ( الحزنُ المعـصـور هباءاً ) (Re: DKEEN)
|
عفيت منك ، غضبك جميل،، يا عزو،،
هنا وهناك نصب الناس أنفسهم أولياء وكأني بهم لم يعرفوا الخطيئة يوما ،،
معظم الناس (ملخوخين لخ) في أموال اليتامى والمال العام وعاملين فيها شرفاء مكة!! دباب ينطح بجاه واحد أحد من أرادنا وأراد بناتنا بسوء،، دباب تاني يحملك على جناح الراحة والدعة ويوسع لك في رزقك ما ههمت بنصرة المسكينة هذه ،، تسلم عزو،،
(ومن ستر مؤمنا ستره الله يوم القيامة)
| |
|
|
|
|
|
|
Re: مُـتتبعي العورات ( الحزنُ المعـصـور هباءاً ) (Re: الجندرية)
|
الاخ DKEEN تحياتى لـك وانت تعبر بصورة جلية عن ما كن اود قوله .
Quote: يقوم (اولاد الناس) و(بنات الناس)بتتبع سوءات الخلق ونشرها على الملا بحجة (قضية راي عام) قاصدين الشينة ويقولو ليك (راي عام)..
|
ابـنت وافصحت حين اوجـزت .
لك التحية والاحترام .
عبدالواحد.
| |
|
|
|
|
|
|
Re: مُـتتبعي العورات ( الحزنُ المعـصـور هباءاً ) (Re: الجندرية)
|
بردت بطني يا دكين ... .... بس عشان ما (تتورم) أكتر فقط أدخل قوقل وأكتب (فضيحة مذيعة) !!!! وسترى (300) رابط .... لذات العنوان .... ولو كتبت كلمة (فضيحة) فقط فستحتاج إلى 366 يوم وليلة لتقرأ العناوين فقط مطلوب تعميم (عرضحالنا) يا دكين على عموم قراء النت بالعربية الحال من بعضو يا ديكو ............
| |
|
|
|
|
|
|
Re: مُـتتبعي العورات ( الحزنُ المعـصـور هباءاً ) (Re: DKEEN)
|
ألأخ/دكين
الكلام السمح ده لسان حال كل عضو صادق أو شخص به إنسانية...
ولكن الذين غير ذلك سوف لايحرك فيهم شعرة...لآن قلوبهم عميت وإسودت ضمائرهم وصاروا يرون كل شىء
بأعينهم التى غطاها القذى...
سلم لسانك....وسلمت..
ونسأل الله الستر والعافية.......
إسماعيل محمد احمد عباس...........
| |
|
|
|
|
|
|
Re: مُـتتبعي العورات ( الحزنُ المعـصـور هباءاً ) (Re: DKEEN)
|
يستشهدون في ادانتها باحاديث شريفة.. الحقُ حين يُـراد به الباطل غير المنظور.. الخاص حين يلبسونه على عجل عقائدُ السماء هاربين بالادانة الى الاثم ظانين انهم بذلك امنو من الخوض في سيرة الغافلات ... فقهاء الفضيلة الذين لم يأتهم الباطل في اهلهم وفي انفسهم ومابصروا بها.. المنزهين عن الاثام والخطايا.. يفتون ويرجون مالايُرتجى غامزين لائكين السيرة .. ويختمون غُـثائم بالتمنيات ان يهديها الله سواء السبيل.. يقولون في اسى (فاقد الشي لايعطيه).. اونتم ملكتم رشد انفسكم وسواء سبيلها لترشدوا الناس الى سواء سبيلهم؟!! انتو وينو سواء سبيلكم فيما اخرجتموه من غثاء سبيليكم ؟!!
| |
|
|
|
|
|
|
Re: مُـتتبعي العورات ( الحزنُ المعـصـور هباءاً ) (Re: DKEEN)
|
Quote: فضيلة شنو النزلت عليكم في هذا المحفل ؟؟ وينها الفضيلة دي يوم جابو مدير الجمارك بتكلم عن التفاح الامريكي؟!! وينها الفضيلة دي لامن جابو المعتصم عبد الرحيم وتحدث عن السلم التعليمي الجديد؟! وينها الفضيلة دي لامن يقولو نحنا بندعم دارفور ولي يوم الليلة المعدات والاجهزة بتاعة حملة وليد دارفور رهن مستودعاتها في الرياض؟؟ وينها الفضيلة دي لامن يجي ضابط برتبة ويقول قلبناها لاجل الشعب.. وينها الفضيلة دي وسط اعلام مُـضلل ماتفرز فيهو الحقيقة من الوهم؟ |
شكرا دكين
و لى عودة
| |
|
|
|
|
|
|
Re: مُـتتبعي العورات ( الحزنُ المعـصـور هباءاً ) (Re: Gaafar Ismail)
|
Quote: وصلني الخبر في بريدي الالكتروني بعنوان (الحقيقية الكاملة لـ..) وأغلقت النافذة و شعور بالغثيان يمسك بتلابيب روحي .. انا مالي؟ وما بتذكر انو أنا في يوم همتني حقيقة علاقات البشر بأهلهم و جيرانهم و ناس حلتهم! الحقيقة دي غير محرية كان كاملة كان منقوصة ... شأن الآخرين شأنهم لا يعنيني منه شيء مالم يمس حدود مساحتي الشخصية ناهيك انو إتباعها كخيط في خبر صحفي يقتات على مشاعر أب و ابنة! الأمر برمته شأن عائلي لا يعنينا من قريب أو بعيد و الله يهدي النفوس و يستر الحال...
الفضائحية و تتبع عورات الآخرين يا دكين مرض كل الشعوب على فكرة! ما بس انحنا علشان عالم ثالث،افتح اي قناة اجنبية و بتلاقي اتنين جهام بيتكلموا ليك عن فلانة الطلقوها و علانة اللي شوكشوها و فرتكان اللي السكر لمن وقع في الشارع... بيلاقوا مستمعين و مشاهدين .. هل المشاهدين هم الي حددوا سقف الحشرية و لا العرض جذب الطلب ما بقدر افتي ليك في هذه السانحة الضيقة... المهم، الناس بتتكلم و الناس بتتحشر بس كل زول منا عندو مسؤولية شخصية في دوره في وإعطاء هذا السخف عمر جديد بتدويره ... أحسن حل إن القصة بتفاصيلها تموت ونناقش الوضع كحالة من دون ايراد الحادثة معينة و يكون الطرح بعيد عن الشخصنة مع انو انا شخصيا اعتقد انو الأمور دي من الصعب الحكم عليها بتجرد في نافذة عامة و من دون مراعاة للخصوصية ...
وشكرا على حرصك على حرية الآخرين |
شكرا ... عزاز ... دكين ... وكل المتحاورين
| |
|
|
|
|
|
|
Re: مُـتتبعي العورات ( الحزنُ المعـصـور هباءاً ) (Re: ترهاقا)
|
عبد العزيز يا إبن عمي
هذا محْضر كامل الزوايا و الأركان .. و لكنه لن يُغْلق ... لأن ساقية العورات المتَّبعة ستكون دائرة .. و الحزن سيبقى معصورا دون أن تنتهي قطراته ...
إنتهتْ الدهشة في دواخل الناس و لم يتبق غير فرقعات الفضائح تجعل الناس يفغرون أفواههم و تجحظ عيونهم..
أمر محزن يا دكين .. محزن للغاية
| |
|
|
|
|
|
|
Re: مُـتتبعي العورات ( الحزنُ المعـصـور هباءاً ) (Re: DKEEN)
|
نفسي احضر قيامة هؤلاء الناس .. اشوفم بس يوم تكشف سرائرهم وتعرض الاعمال عند الملا الاعلى.. وتحدثنا اياديهم وارجلهم والسنتهم وفروجهم بما كانوا يكسبون.. فعائلهم ورغائبهم وشرور انفسهم.. عفاناتهم وماستره الله عنهم وعن اهلهم من ذلل ومهلكات...
الاشكال مافي زول حيكون فاضي يلوك سيرة زول اويسمع ليهم.. فكل الناس يومئذ مشغولٌ في فضيحتة الخاصة.. وانا حاكون في كوارثي الخاصة التي ما تسعت لها اعين شرطة امن المجتمع او شرطة منطقة الرياض.. نسال الله السلامة والستر..
ـــــــــــــــــ
تحية لكل من سطر حرفاً ضد شغيلة اعمال الفضيحة..
| |
|
|
|
|
|
|
Re: مُـتتبعي العورات ( الحزنُ المعـصـور هباءاً ) (Re: DKEEN)
|
صديقي الجميل
أنها غضبة حق، تؤكد أي نوع من البشر هو الغاضب، وأي نوع هو المغضوب عليه...الضالين. أعلم أن هذه الصرخة في وجه هؤلاء ليست بنية اصلاحهم، فهذا أمر ميئوس منه، ولا قبل لك ولا بكل اصلاحيي الكون قدره عليه فعوجهم وفسادهم واصرارهم على المضي فيه، أكبر من أي قدرة على الاصلاح. فالروح الفضائحية (مع اعتزاري للروح)، التي باضت وأفرخت وأبانت نواجزهم في مؤخرة نشرة التاسعة، حين كانت تصك آذاننا محاكم الخرطوم (1) و(2) و(3)، -والأرقام للمحاكم وليس للخرطومات ، ببياناتها حول الاحكام الصادرة...تلك البيانات التي أرست وأسست لنشرات وبيانات الفضائح عبر الأجهزة الرسمية..والآن تخصص لها صحف خاصة ومتخصصة.
شكرا والتحية لك ولعزاز
| |
|
|
|
|
|
|
Re: مُـتتبعي العورات ( الحزنُ المعـصـور هباءاً ) (Re: DKEEN)
|
صحافة شنو دي التي سلطها اهل الدبار تلتهم عورات الناس لتلفظها من ُدبرها الى الملا مثيرة الغثيان.. مزيدا من خصوصيات الاسر على عناوين صحيفة باهتة .. مزيدا من الانتشار ..ومزيدا من المال.. كيف يرضى احدهم بان يقبض راتباً لانه اوغل في خصوصيات اسرة لاتخصه ولاتخص غيره؟!! كيف يرضى بان يسوق الى اولاده وامه وذوية مالا مُـكتسب من التشهير باسرة ؟!! كيف يبارك الله له في رزقة وولدة وحاله؟! وماكلة ومشربة من هتك ستر البيوت؟!! كيف تكون الحياة ذات امتاع وكل متاع منزلك من إثر فضيحة ما وسر بيتٍ ما؟!! كيف ترى فضيات بيتك المجلوبة من إثراء ونسات الصوالين وتكريث الفضيحة..؟!! كيف ترتدي حلتك الانيقة وانت تعري بيتاً لست قيماً عليه؟!! كيف ترى في اهلك الامانة وانت بك كل سوءات هذه الظنون؟!! تُـرى كيف ينامون والفضيحة تتلبس كل مايملكون؟!!
ده كلو كوم وناس شنو ديل البشترو عوجات الناس بي قروش؟!! امن إعتدال رقابهم المعووجة ام انه حـال من عُــوجت رقبه بيته فطفق يتعزى بعوجات اخيه..
| |
|
|
|
|
|
|
Re: مُـتتبعي العورات ( الحزنُ المعـصـور هباءاً ) (Re: DKEEN)
|
Quote: ده كلو كوم وناس شنو ديل البشترو عوجات الناس بي قروش؟!! امن إعتدال رقابهم المعووجة ام انه حـال من عُــوجت رقبه بيته فطفق يتعزى بعوجات اخيه.. |
دكين صفحة كم وكمين في سفره اصلاح الضمائر شكرا دكين فهل من مدكر هل من مدكر حتى ظهر بياض ابطيه او كما قال
| |
|
|
|
|
|
|
Re: مُـتتبعي العورات ( الحزنُ المعـصـور هباءاً ) (Re: DKEEN)
|
Quote: الأخ/دكين
الكلام السمح ده لسان حال كل عضو صادق أو شخص به إنسانية...
ولكن الذين غير ذلك سوف لايحرك فيهم شعرة...لآن قلوبهم عميت وإسودت ضمائرهم وصاروا يرون كل شىء
بأعينهم التى غطاها القذى...
سلم لسانك....وسلمت..
ونسأل الله الستر والعافية....... |
| |
|
|
|
|
|
|
Re: مُـتتبعي العورات ( الحزنُ المعـصـور هباءاً ) (Re: DKEEN)
|
حميدة.. شايفك بتسال عن القيد الصحفي بتاع احمد علاء الدين وعزاز.. تفتكر انو القيد الصحفي ده مناط لاهليتي لصحافة ما؟!! انتا شايف انو الامتحان بتاع (علوم اللغة العربية) و(ماهي عملة البيرو وحاضرة ولاية القضارف وماعارف وما اسم الجريدة التي بها الوان هي اسئلة تؤهلك لتكون ذا قيد صحفي؟!! حرم مروان صحبي ده وهسي بكتب في جريدة الخرطوم محلل سياسي.. حرم في ونسة في (main road) قال لي انا من دربي ده اخش امتحن وانجح.. وحرم وماطالبني حليفة ود العبادي ده مرق من المين طاااخ خشا الامتحان بتاعهم ده وهسي عندو الهناي الصحفي الانتا متحجج بيهو ده.. جابو حليفة وغلاط اصحاب ساي .. وماكان محتاج ليهو ذاتو.. حرم الجنى ده بكتب ما مالم يخطر على بال اعتى ذو قيد في بالك ولو بلغ قيده سبعون الف ذراع.. موش لانو زول فكرة انك تكون صحفي فكرة سبهللة..بس لانو زول مؤهل .. والمؤهل ما بتقيم بي قيدكم العاملنو ده طالما نفس هذه القيود اطلقت صحفيي العورات هؤلاء.. قيد صحفي باع راس قلبك؟!! هسي في ذمتك دي صحافة يعملو ليها قيد؟!! البلد بي طول عرضها عرضحال جاهز ومكتوب وهم ساكين عورات البنات والغافلات وخصوصيات العوائل... عاجبنك يعني ذوي القيود الصحفية المنفكين في خلائق الله وبرعو بلا قيد ولا دستور؟!! جاي تتحجج مُـتحزم بي قيدم؟!! وبعدين منو القال ليك انو استنادر الصحفيين في السودان مُـلزم لي جميعة صحفية في نقطة تفتيش القلابات مع حدود الحبشة ذاتو؟!! ياخي انا من حقي انشي هسي دي جمعية الصحفيين السودانيين الممتازين في (ديم النور) ويكون من اول شروطها انو العضو مايكون عندو القيد الصحفي السوداني.. ومايكون بسطر حرف واحد في الاعلام الداخلي..
اها النقول ليك ياحريف.. امش من دربك دا وجيب اعتى صحفي سوداني مالي عينك كان عندو قيد ولا كان ساي بلا قيد.. وتعال خلي يجي يشغل منصب سكرتير عــزاز ابو الشام دي.. والنبشرك اهي دي عزاز دي بي عدم قيدها ده شغالة في منصب اعلامي سيدو بصحى الصباح عشان يحدد اتجاه الاعلام في ستة دول في الشرق الاوسط لمدة اسبوع لي قدام يكون عامل كيف.. عزاز دي رقوها ناس خلو ليك إعلام الدنيا ده يدور حول نفسه كده في محاور بعينها دون اخرى.. صنعو حقيقة الاعلام ووهم الاعلام وجن الاعلام ودين الاعلام ذاتو.. رقوها لحدي اخر منصب ممكن يترقى ليهو بني ادم من جنسها.. وبعد ده كلو ماعاجبا.. وشايفة انو ده طموح قليل ومحدود.. كونها تصحى الصباح تضرب اخماس اسداس اتجاه الاعلام في منطقة قدر وهمك في القيد الصحفي شايفاهو طموح قليل وما مناسب ليها.. فكرة انك تصنع اتجاه الراي العام في منطقة كاملة بها سبعتلاف قيد لمؤسسة إعلامية موش تكتب عمود في جريدة لاتتعدى القطينة في الخريف إلا بعد السادسة مساءا .. وبعد ده كلو ماعاجبها.. وتجي تقول لي وينو القيد الصحفي بتاعها.. ياجنى هوى.. ارعى بي قيدك ده غادي..
| |
|
|
|
|
|
|
|