|
|
|
 Re: مني ..وبوح الموج (Re: salma subhi)
|
موجه واحده وخلاص يا سلومي؟؟
تعالي راجعه..
أختك داخله في مشاريع تحتاج لعقل من نوع خاص..
ما ينسي في بداية الطريق الغرض ويتسائل..
هو في شنو يا جماعه؟؟
| |
 
|
|
|
|
|
|
|
|
Re: مني ..وبوح الموج (Re: Mohamed Ahmaed Olyesh)
|
البوح شديد لكن حليل الماسنجر زي ماقال الملك
لكم البوح لحين اشعار اخر
عليش
البوح الشديد بدا..
هي امسيه صيفيه تحت سماء يزينها الحب بنجوم ساطعه..
هو بوح للنجوم والقمر..فمن غيرهم يحفظ الأسرار؟؟
وليس هناك غير حديث هامس لنجم واحد ..
ينظر لك فتنظر له بالفة من عاش معك الحب سنين..
يستمر الهمس وليس من تعب..
والسكون لا يسمع انفاس نفسه..
اصوات بعيده خافته تاتي بها نسمات الهواء..
تأتي تشاركك همس الحب وتشهد عليه..
يطير طرف فرش السرير فتنظر له دون غضب.. ثم ترجع لنجمك مبتسم..
ويسود صمتا أكبر يسعد القلب الحالم..
تستعيد الكلمات ..ترددها لنفسك ..فيخفق قلبك..
هوهو هوهو
الله يقلعه كلب عبدالله الشيخ القومه اسه للهوهوه شنو؟!
بس!
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
حافيآ هكذا
أمشي علي الحصي فأتلمسك بين تلافيف الرمل
وشهقة موجة تشتهي الشاطئ
فيعيدها الجذر الي زنزانة البحر
أشتهيك حد الأختناق
فأبحث عن نسمة مغرقة في عطرك
أملاء بها رئتي منك
وكل خلاياي الهاربة مني أليك
أجعلها تهتف باسمك
000000000
00000000000
000000000
البوست دة بوظو كلب عبد الله الشيخ
وقردين ندي القلعة ديل
النبي فيك شلتيهم منها كيف يا مني
| |
|
|
|
|
|
|
|
|
|
Re: مني ..وبوح الموج (Re: محمد الطيب يوسف)
|
Quote: حافيآ هكذا
أمشي علي الحصي فأتلمسك بين تلافيف الرمل
وشهقة موجة تشتهي الشاطئ
فيعيدها الجذر الي زنزانة البحر
أشتهيك حد الأختناق
فأبحث عن نسمة مغرقة في عطرك
أملاء بها رئتي منك
وكل خلاياي الهاربة مني أليك
أجعلها تهتف باسمك
000000000
00000000000
000000000
البوست دة بوظو كلب عبد الله الشيخ
وقردين ندي القلعة ديل
النبي فيك شلتيهم منها كيف يا مني |
أصله أنا عندي ميول عدوانيه بتقوم علي احيانا..
زي كلب عبدالله الشيخ ما بوظ علي ليلي قلت ابوظ عليكم انتو كمان!
..........
..........
اتخيل الحب في الأحلام في السودان محاصر..الكلاب باشكالها تحاصره
......
......
كلاب السودان لا تصلح للحراسه ولا لتوفير الأمن..
كلاب السودان تفرح للخراب وتفلح فيه..
دلوقتي شوف في كام بني آدم خربت عليهم الكلاب حياتهم؟؟!
تصدق يامحمد الطيب ..حتي الونسه في الحوش مع النجوم ما تقدر عليها؟؟
........
.........
أما القرود أصدقائي.. فلا أعلم علاقتهم بندي القلعه..ولكن علاقتي بهم قويه منذ الطفوله..
ويشهد بذلك جيراني في امتداد الدرجه الثالثه.. الذين صادقوا كوكو ثم تآمروا عليه حين أبدي
لهم شقاوته التي هي طبعه وطبع مرحلة عمره..
اشتكوني بدون رحمه لأمي لأنني كنت ام القرد بالتبني..ثم زادت أمي من الأحتجاجات واضافت لها ما تريد..حتي اضطررت أن اتركه يذهب الي محل آخر..
نحن في هذه الدنيا اسري!
تسكن مع اهلك يطلعوا عينك!
اسه أمي دي القرد ماكان مونسها مالها عليه؟!
أشوفك تاني بالله واقرا معاهم منك..
وسأغير الصوره..فان لم ترجع ويرجعوا..سارجع اصدقائي القرود..بس!
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
حافيآ هكذا
باطن قدمي يحتويك
أوتحتويه
لأن رهق الأحساس ينبع منك
حصاة تنغرز في لحم روحي
ويتدفق منها وجدي
موجات00 موجات
تتلقفني موجة الحياة
وترديني موجة غيابك القصري
عن تفاصيل الحضور
أقتربي مني
شيئآ من عبير
وألقآ من ضيائك يجتاحني
صمت الحديث في حضرتك
هبة للكره
كي يسقيه الحب وردة وردة
فيستحيل حديقة من حب وهيام
خارج النص
بالنسبة للقرود يامني
أصلو الضد يظهر حسنه الضد
شكرآ لأنك أخبرتنا كم هي القرود دميمة
| |
|
|
|
|
|
|
|
|
|
Re: مني ..وبوح الموج (Re: محمد الطيب يوسف)
|
Quote: حافيآ هكذا
باطن قدمي يحتويك
أوتحتويه
لأن رهق الأحساس ينبع منك
حصاة تنغرز في لحم روحي
ويتدفق منها وجدي
موجات00 موجات
تتلقفني موجة الحياة
وترديني موجة غيابك القصري
عن تفاصيل الحضور
أقتربي مني
شيئآ من عبير
وألقآ من ضيائك يجتاحني
صمت الحديث في حضرتك
هبة للكره
كي يسقيه الحب وردة وردة
فيستحيل حديقة من حب وهيام
|
لايهم كثيرا مالذي يحتوينا..
يصير الأحتواء معني الحاجه احيانا..
الحاجه لان نغضب..
أو نتالم في صمت..
الحاجه لان نرقص فرحا..
أو نتحسر علنا..
لا يهم لون العالم أحيانا..
فللنفس الوانها الاستثنائيه..
نبوح بالسر لانفسنا قبل غيرنا ولا يهم ان كان هناك من يسمع ام لا..
معك يحتويني الشوق فاخبئك في الأعماق..
يصير للزمن طعم مختلف..
فيه بعض الخوف من تكرر الغياب..
ان ذهبت فانه النصيب التعس..
وان بقيت فأنه المني...
ساكن الامواج..
| |
|
|
|
|
|
|
|
|
|
Re: مني ..وبوح الموج (Re: أبو ساندرا)
|
معقوله يعني يا أبو ساندرا..
تجي في بوست رومانسي يتحدث عن الحب ودبلة الخطوبه وعمر بنفتش ليه بالعافيه..
وتجي تقول لي كلمه محبطه زي دي...بوظتيها؟؟
في دينك اسه البوظ الشغلانه كلها منو؟؟
ربنا يسامحك...
شوف الموج بيكتب قصايد لي رهيبه كيف؟؟
لا يهمها شباك مغلق باحكام ولا حتي مغلق بهلهله..
يا سلام علي الحب!
اسمع كلام ابوداؤؤد ده سمح..شوفه مليان معاني كيف..
سلم علي رشيده والبنات وعليك..
| |
|
|
|
|
|
|
|
|
|
Re: مني ..وبوح الموج (Re: أبو ساندرا)
|
معقوله يعني يا أبو ساندرا..
تجي في بوست رومانسي يتحدث عن الحب ودبلة الخطوبه وعمر بنفتش ليه بالعافيه..
وتجي تقول لي كلمه محبطه زي دي...بوظتيها؟؟
في دينك اسه البوظ الشغلانه كلها منو؟؟
ربنا يسامحك...
شوف الموج بيكتب قصايد لي رهيبه كيف؟؟
لا يهمها شباك مغلق باحكام ولا حتي مغلق بهلهله..
يا سلام علي الحب!
اسمع كلام ابوداؤؤد ده سمح..شوفه مليان معاني كيف..
سلم علي رشيده والبنات وعليك..
| |
|
|
|
|
|
|
|
|
|
Re: مني ..وبوح الموج (Re: الزبير صالح الزبير)
|
منى
سلام
غايتو بوح صديق ال نحن في الرياض عارفينو .. هو بوح من مكنونات ذاكرتو المترعة بكل جميل .. ذكرياتو في البقعة أم در .. و في ديار جعل ... و سياحتو في شعر الحقيبة ... و مع العكودابي .. و الدابي .. و بوحو بينو و بين نفسو لما الغربة تلفظ لهيبا و يقعد يتفاكر مع أم حيدر ربنا يخليها .. و لما يقعد يبوح مع وليداتو بمبدأ ( كان كبر ولدك خاويهو ) ...
ياهو دة بوحو ...
التحية لهذا الموج الصاخب
مع تحياتي لك
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
كشهقة الفجأة تاتى...الكلمة الصحيحة عادت (فقد كانت موجودة)
وكمطر استوائى دونما ادنى بوارق
تمطر فى احشائى صبيبا من الرذاذ المستطاب...
يا لضحكتها الجزلة...
الطفلة..
انا كارض اعتصرها اليباس ردحا...
وكضفادع نقش الجفاف على ظهورها طويلا...
اه يا زمان النزوح!!!
واه من صخرة سيزيف التى كتب عليه ان يجرها...
نواصل....
| |
|
|
|
|
|
|
|
|
|
Re: مني ..وبوح الموج (Re: سمية الحسن طلحة)
|
Quote: منى سلام كبير وشوق كتير
يكفي موجة واحدة لتوسعنا مداً وجزرا في ليلة مقمرة |
فعلا يا سمسم..موجه واحده تغير الكون ولونه وطعمه!
ليت أيامنا تمتليء بالأمواج اللطيفه..فيصير لها معني أجمل..
من ناحية شوق..فاسكتي ساكت..
هو شوق لا يشبه الا جمال الوقت الذي قضيناه نضحك من القلب..
لا يعكر مزاجه الا فكرة السفر المفرق..
وغروب الشمس لمن يسكن المسافات البعيده..
أحبك اختي كثرا..كان أمنا واحده..
أحبك لنقاءك وطيبتك وضحكتك..
صفات أصبحت نادره في ايامنا هذه..
| |
|
|
|
|
|
|
|
|
|
Re: مني ..وبوح الموج (Re: صديق الموج)
|
Quote: كشهقة الفجأة تاتى...الكلمة الصحيحة عادت (فقد كانت موجودة)
وكمطر استوائى دونما ادنى بوارق
تمطر فى احشائى صبيبا من الرذاذ المستطاب...
يا لضحكتها الجزلة...
الطفلة..
انا كارض اعتصرها اليباس ردحا...
وكضفادع نقش الجفاف على ظهورها طويلا...
اه يا زمان النزوح!!!
واه من صخرة سيزيف التى كتب عليه ان يجرها...
نواصل.... |
............
............
تري هل يحب يستطيع الحمار الذي يحمل أسفارا أن يحب؟؟
انت عندي الأمس والحاضر والغد..
بعضك ذهب في الماضي ثم رجع للحاضر وتحكر للمستقبل..
يالطال غيابك طال.زاكتر من سنه وزياده!
...............
...............
لا يهمني كثيرا ثمن الدبله التي شريتها لي..
أعلم أن قولك انك متمسك بالأسلام ولهذا احضرت ذهبيه عيار فالصو لي..وفضه لك لأنك رجل..
هو مجرد فلس..خجلت ان تعلن عنه..
أفضل ان تكون مفلسا علي أن تكون بخيلا!
ليس هناك شيء يمكن ان تكرهه اي امرأه في الدنيا مثل الرجل البخيل
الرجل البخيل في يده بخيل في عواطفه وفي الكلمه الطيبه..
البخيل يحسب كل شيء..
العاطفه..ومدي ماصرف..
لكن المفلس تجبره ظروفه ان لايدفع..
تخرج الكلمه الحلوه منه تعبر عن كرمه...
...............
...............
يا سلام علي دبلتك التي لا أكف عن لمسها والنظر لها...
تفتكر لو بعتها بتجيب كم؟؟؟
| |
|
|
|
|
|
|
|
|
|
Re: مني ..وبوح الموج (Re: صديق الموج)
|
Quote: كشهقة الفجأة تاتى...الكلمة الصحيحة عادت (فقد كانت موجودة)
وكمطر استوائى دونما ادنى بوارق
تمطر فى احشائى صبيبا من الرذاذ المستطاب...
يا لضحكتها الجزلة...
الطفلة..
انا كارض اعتصرها اليباس ردحا...
وكضفادع نقش الجفاف على ظهورها طويلا...
اه يا زمان النزوح!!!
واه من صخرة سيزيف التى كتب عليه ان يجرها...
نواصل.... |
يا موجي الصادق..
حتي يتوقف الجفاف من ظهور الضفادع..
واليباس من الأرض..
فاننا نبحر سويا في زمن النزوح بأحلامنا نحو دنيا السعاده
وفي نص البحر نرمي الضفادع...
| |
|
|
|
|
|
|
|
|
|
Re: مني ..وبوح الموج (Re: صديق الموج)
|
Quote: كشهقة الفجأة تاتى...الكلمة الصحيحة عادت (فقد كانت موجودة)
وكمطر استوائى دونما ادنى بوارق
تمطر فى احشائى صبيبا من الرذاذ المستطاب...
يا لضحكتها الجزلة...
الطفلة..
انا كارض اعتصرها اليباس ردحا...
وكضفادع نقش الجفاف على ظهورها طويلا...
اه يا زمان النزوح!!!
واه من صخرة سيزيف التى كتب عليه ان يجرها...
نواصل.... |
صديق..
عليك الله اسه ده حال زول بيهدي دبل خطوبه نتيجة حب؟؟
ياخ المفروض المرحله دي فيها جوابات كتيره..مليانه درابات عاطفيه..
المفروض تكون نوع شنو بقول ليك..
نوع بتكتب في عيوني العسليه مع انها سودا..
ماممكن يا صديق تكتب عن الصخره وبكره تكتب عن عذاب السخره!
واسه انا من قريت الضفادع ونقش الجفاف عليها..وانا شاعره بضهري محتاج لكل أنواع
الكريمات العلاجيه!
ياخ انت مش عارف انه الحاجات الزي دي بتتقمصني؟؟
مش انت قلت لي مره ذات خيال اني زوله حساسه؟؟
خلاص عليك الله ما تحكي جنس ده..علشان انا نفسي قام.. وتمزقت عضلاتي من جر الصخره مع
سيزيف ود عمة ابوي..
منتظراك وانت مقدر لحرج المرحله..
| |
|
|
|
|
|
|
|
|
|
Re: مني ..وبوح الموج (Re: صديق الموج)
|
صديق ياخ ما ممكن؟!
يعني ضيعت علينا استرجاع الأحلام وعيشتها مره اخري برومانسيه..
وذكرتني بموقف رمت فيه صديقتي الدبله التي شبكتها مع خطيبها بعد قصة حب سريعه ومتسرعه..
رمتها في مكان ما تحت الأرض.. في غضب ودون ندم يتبعه بعد ان اخبرها أن الحب يحتاج لاجازه
يوم الجمعه..
اشمعني الجمعه يا حبيبي؟
رد بصوت خشن لئيم لا يشبه صوته في الاسبوع السابق عندما كانا يتحدثان عن موعد زواجهما..
من اسه اعرفي..الجمعه ده مخصص للعب الكوتشينه مع اصحابي!
صورتك دي يا صديق تشبه الكوتشينه
ناقصاها كروت الأرقام..
أترك الجميله مع احد الصداديق بدون زهور..فالجميله زهره لحالها..
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
كم كان الحاردلو يقرأ الغيب!!
وكم كنا ضيقى الافق..
اطلقها دعوة قبل ما يزيد عن المائة عام..
ولم نكن نعى صدق النداء...
الخبر اللكيد الليلة احمد جابو
قال الوادى سال واتقرنن تقابو
شن سالونا قعادنا شن اسبابو؟؟
لامصروف لا زولا بنتسلابو
قالها هارون الرشيد ذات امنية:
ركبنا المطهم من الخيل،حتى عفناه
واكلنا الطيب من الطعام حتى لم تعد لنا نفس
ولبسنا الناعم من الخز والحرير حتى استخشناه
ولم يبقى لنا الا انسان يرفع عنا مؤونة التكلف!!
| |
|
|
|
|
|
|
|
|
|
Re: مني ..وبوح الموج (Re: عمر سعد)
|
عمر كيفك؟
أول دبله زي أول حب.. ليها معني براه..
فيه طعم التجربه الأولي..مرحله سعيده تتبعها مرحلة حلم اكبر..
اما اذا تكرر الأمر..
فان الدبله قد لا يصبح لها معني سوي معني الطقوس التي يجب اتباعهااجتماعيا..
وبالزمن أو بالتجربه لا تدري ان كانت دبلة الخطوبه بيلبسوها في الشمال ولا اليمين..
تنسي..فاتجربه التي يموت فيها الشوق تموت فيها التفاصيل..
لكن لها في التفكير الجمعي اصبع محدد ويد محدده..
مثل الساعه تلبسها في يد محدد..
ومثل التوب السوداني له اتجاه واحد..
اي مخالفه للأتجاه او الموضع لها تفسيرات أخري..
علي الرغم من عقارب الساعه التي تعمل بالنبض ..لا يهمها الشمال من اليمين..
وكذلك الثوب الذي يلف الجسد ثم يرمي بطرفه فوق الكتف ليستقر خلف الظهر..
فهو يلف الجسد كما شاء له المصمم.. لكن اختلف الأتجاه كما شاء له العقل الجمعي
وتاويلاته..
.........
.........
الطقوس قد تكون جميله..لكن المعني والأحساس فيها هو الأجمل..
الأحساس والمعني هو الذي يجعل لتلك الدبله المعني..
ولهذا نحتضنها وهي تحيط بالأصبع في سعاده حقيقيه عندما نحب من اهدانا لها..
ونرميها بعيدا باقصي قوتنا مثل رمينا لأسنانا في الطفوله..
والتي عندما نرميها نقول معها في توسل....
خد سن الحمار..وادينا سن الغزال..
نرمي الدبله ولانتمني معها سوي رميه بعيده تزيح معها الآلام..
وخنقتها للروح قبل الصبح..
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
ـــــــــــــ
غالي وغالي نور عيوني
لو يبعد مهما يطول الصد
شوفة الحبيب ساعة عقب البطى تسعد
أنا الذي أهواه وعنه الصبر ما أقواه
لو طالت الأيام كل يوم أقول يرد
إنت الذي في البال وإنت بريت الحال
أشكي وأقول خلي ليش الجفا والصد
للفنان عباس البدري
ولكم الود والحب
| |
|
|
|
|
|
|
|
|
|
Re: مني ..وبوح الموج (Re: emad altaib)
|
Quote: غالي وغالي نور عيوني
لو يبعد مهما يطول الصد
شوفة الحبيب ساعة عقب البطى تسعد
أنا الذي أهواه وعنه الصبر ما أقواه
لو طالت الأيام كل يوم أقول يرد
إنت الذي في البال وإنت بريت الحال
أشكي وأقول خلي ليش الجفا والصد
للفنان عباس البدري
ولكم الود والحب |
في سلامه روح من الطيبه والنبل الجميل..
يمشي الخطوه باقدام مهذبه تعرف اين يكون موضعها..
يحب كالآباء بحنان عاقل وشهم..
عذب الحديث والصوت..
تتوقف الساعات عنده ولا يكون في عيون الروح سواه..
.........
.........
امتد الشوق بيننا حتي احتار الشوق..
فجاه افترقنا...
وضاعت ايامي في حزن السنين...
اخترته لأيامي كما اختارني..
ثم اختاره هو الموت!
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
يا سمائى الضحوك....
ويا ارضى الخصيبة...
ويا هوائى....
حتى لو وضعوا اطلس الكون على كتفى....
.سوف اظل اضبط خطواتى وراك..
عندما التقيك سوف اربط نفسى الى ريشك
كما فعل السندباد مع الرخ..
وانطلقى بعدها فى المدى..
دون ان يهدك اللانهائى فى الفضاء...
حلقى ....امرحى..
بعيدا عن اى جاذبية..
وهاتى الحب كيفما شئت..وانى شئت،،
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
كذبابتين تحاولا اهداء الوجود فراشة!!!
نضحى تافهون حين يكون الامر متعلق بنا!!
ولكن ماذا نفعل للاوار والعصف الداخلى..
هل ستتركنى ويكون مرورها كما تمر ريح الصباح على شباك مهمل؟؟
لا اظن فقد خرج الامر من يدها..
لا اظنها ستقول هنا شئيا ذا معنى..
لايهمنى!لا يهم!!!!!
سوف اترك بيادر القش تلتهب فى صدرى..
حتى تتطفئهم ذات وجد..
غدا يشرق الصباح....
من اجل الحقيقة فقط..سوف اكتب لها يوميا!!
وساظل اسود هذه الصفحات يوما تلو الاخر...
ترى كم هو حجم الغبار الذى تراكم على وجهى؟؟
هل استطاع الجليد ان يغطى ما بنينا؟؟
لا اظن!!لا اظن!!
اتراها فى نفس المكان؟؟
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
الرائعان الاستاذة مني والاستاذ صديق
هزتني كلماتكما
ودفعتني لمحاولات يائسة للفظ دواخلي
علي أصل لقليل من السكينة
ألف شكر
وأنتما تعطران سماء البورد
بهذا الفيض الجارف من الإبداع
مودتي وتقديري
| |
|
|
|
|
|
|
|
|
|
Re: مني ..وبوح الموج (Re: نها محسن أبورأس)
|
Quote: الرائعان الاستاذة مني والاستاذ صديق
هزتني كلماتكما
ودفعتني لمحاولات يائسة للفظ دواخلي
علي أصل لقليل من السكينة
ألف شكر
وأنتما تعطران سماء البورد
بهذا الفيض الجارف من الإبداع
مودتي وتقديري |
وبعدين برضه يا نهي قال وهو يتذكر ماضي ولا حاضر ماعارفه..
لو انساك يا عمري حنايا القلب تنساني..
بالله يا معتصم ممكن ابو داوود وأغنية في حب ياخوانا أكتر من كده؟
ممكن تخليكي بايحه معانا يا نهي؟؟
اتاريها الدبله دي حلوه خلاص!
| |
|
|
|
|
|
|
|
|
 Re: مني ..وبوح الموج (Re: د.محمد حسن)
|
شقيقتي الحبية منو
صباحك سعيد وجميل ،،،
هسع يا جماعةالزول ده قالوا ليه بوح ولا أكتب لينا شعر .... 
غايتو يا تبوح يا بخلي عادل جبارة يـ .................. .
مودتي
عماد
| |
|
|
|
|
|
|
|
|
|
Re: مني ..وبوح الموج (Re: د.محمد حسن)
|
Quote: منى
والقول بجبك عندك
زي نغم مليان حفيف سعف النخل
نديان بموج النيل وانوار القمر
يا احلى من شهد العسل
واقف هنا
ابوح |
وابوح للنخل بحبي الصافي..
احدثه عن طهر قلبه العطوف السامي..
.........
.........
في سعف النخيل تسكن امنياتي البسيطه..
بان يلازم النخيل حياتي..
ومعه القمر الذي لا تحجبه غيوم..
محمد الحسن..وينك؟
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
Quote: منى
سلام
غايتو بوح صديق ال نحن في الرياض عارفينو .. هو بوح من مكنونات ذاكرتو المترعة بكل جميل .. ذكرياتو في البقعة أم در .. و في ديار جعل ... و سياحتو في شعر الحقيبة ... و مع العكودابي .. و الدابي .. و بوحو بينو و بين نفسو لما الغربة تلفظ لهيبا و يقعد يتفاكر مع أم حيدر ربنا يخليها .. |
غايتو يا ابو جهينة جنس شتارة...
ام حيدر؟
مين زكى جمعة ده؟؟؟؟
| |
|
|
|
|
|
|
|
|
|
Re: مني ..وبوح الموج (Re: صديق الموج)
|
Quote: غايتو يا ابو جهينة جنس شتارة...
ام حيدر؟ مين زكى جمعة ده؟؟؟؟ |
منى خوجلي صديق الموج، قول يا بوح
قاريين .. أوغلوا برفق وابعدوا لينا
من سيزيف والجبال والغابات، خليكم في
الرملة الدقاقه وفلق الصباح وروحك
خفيفه وليك جاذبية وكلام من النوع ده
ويمنع الاقتراب والتصوير ودخول الاطفال
صغارا أو كبارا
| |
|
|
|
|
|
|
|
|
|
Re: مني ..وبوح الموج (Re: ابو جهينة)
|
| Quote: صح لسانك يا محجوب شريف |
كل واحد يتكلم عن تجربته..
سلام يا ابوجهينه..
بس بالله اسه خلونا في دبل الخطوبه الأول..
نشوف قصة الحروف الفيها دي..عندها معني ولا خايفين ساكت زول يتسلبط فيها ويقول حقته
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
العالم في حالة سبق مع البوح..
مني تحياتي
لان العالم دائما في حالة سبق فلن نستطيع ان نتجاوزة او نحازية مهما أوتينا من قوة وصرعة وسنظل دوما نركض لاهثين خلفة، قلة منا من تدركة والغالبية من تنظر الية متحسرة من بعيد.
أتمني من كل قلبي لكي سيدتي ان تكوني ممن استطاعوا سبر أغوارة.
| |
|
|
|
|
|
|
|
|
|
Re: مني ..وبوح الموج (Re: الزبير صالح الزبير)
|
*
*
| Quote: محمد أنت وكيلي بعد الله.. |
منى ســـــــــــلام مربع وربنا يتمو على خير
وقالوا الحب لايسأمه الإنسان إلا بعد الوصل أما قبل الوصل فلا .
ويا موج هل تعتقد أن محمد عبد الجليل وعودهـ الطرى كفء
لأن يكون وكيلا ...... كلا و ألف كلا !!!!!
تحياتى ،،،،،،،،،،
| |
|
|
|
|
|
|
|
|
|
Re: مني ..وبوح الموج (Re: salma subhi)
|
الوكيل قاعد ساكت محتار فيكن يسوي ليكم
شنو؟! وانتو اكان ختيتو راسكن مع بعــض
إلا نجيب القوات الهجين، وشايف معتصـــم
تولى يوم الوزارة، وعبدالمنعم ود حبوبة
قال أنا عودي لا يقوى على حمل قدر كده ..
فيا تدخلوا لينا في الكلام يابجيب ليكـم
كلام الحكيم:
نصف البشر مخلوقين من طين
والنصف الآخر أيضاً
| |
|
|
|
|
|
|
|
|
|
Re: مني ..وبوح الموج (Re: Mohamed Abdelgaleel)
|
منى سلامات و جميع المتداخلين تحية طيبة
ربما هو اشبه بطباق ناقص لكن جرس الكلمتين ربما افضل من التام.لم اسمع يوما هدير الموج لكننى سمعت همسه.
منى بوح الموج هو رمز عالى الدقة اشبه بالماس
---------------------
ربما اختلف معك لمن بى هناك... ربما
لكن قطع شك بعتزر لو كنت غلطان
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
الأعزاء جدا
منى وود الموج
تحياتي ومشتاقة ليكم ولقفشاتكم جدا والله
بعدين الواحد يغين عن البورد يجي يلقى بوستات محبة
وحاجات تانية حامياني 
هو فيه إيه يا جدعااااان؟ 
لكما تحياتي ومعزتي
غادة
| |
|
|
|
|
|
|
|
|
|
Re: مني ..وبوح الموج (Re: غادة عبدالعزيز خالد)
|
Quote: الأعزاء جدا
منى وود الموج
تحياتي ومشتاقة ليكم ولقفشاتكم جدا والله
بعدين الواحد يغين عن البورد يجي يلقى بوستات محبة
وحاجات تانية حامياني
هو فيه إيه يا جدعااااان؟
لكما تحياتي ومعزتي
غادة |
غاده ما تخلي أي حاجه تحميكي..
تعالي بوحي زي ما عايزه..
وخليك معانا ..
اصلو بقي مافي حاجه غير البوح..
نبوح عن الخيال..
وعن الذكريات..
عن التمني وعن الأحلام...
لمن كانت ومع من كانت ومتي كانت...لا يهم..
المهم البوح في حد ذاته..
فتك بعافيه..
| |
|
|
|
|
|
|
|
|
|
Re: مني ..وبوح الموج (Re: الزبير صالح الزبير)
|
Quote: العالم في حالة سبق مع البوح..
مني تحياتي
لان العالم دائما في حالة سبق فلن نستطيع ان نتجاوزة او نحازية مهما أوتينا من قوة وصرعة وسنظل دوما نركض لاهثين خلفة، قلة منا من تدركة والغالبية من تنظر الية متحسرة من بعيد.
أتمني من كل قلبي لكي سيدتي ان تكوني ممن استطاعوا سبر أغوارة. |
ازيك يا الزبير..
الحكمه ان الحياه قصيره..
بها كل الجمال وايضا كل القبح!
يصادفك ايهما في حياتك في اوقات مختلفه..بداية عمرك او منتصفه..
يتعاقبان..
واحيانا يتلازمان..
ان نستطيع ان نغير اقدارنا ولا حركة العالم..لكن نستطيع ان نغير تصرفاتنا وافكارنا وحركتنا حتي ولو لحد ما....نحاول حينئذ أن نسبر غور الحقيقه كما قلت انت..
كل مافي الكون له معني وله وجود..فقط كيف ننظر له نحن ونحكم!
وكيف هذه ليست سهله..تجاربنا تغرقنا وتتحكم فينا لحد كبير..تسير كثيرا خطواتنا..ويبقي الأمر مختلطا وصعب التمييز..
يجري العمر وتضيع حكم التجارب أو بعضها..مع "كيف"..
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
*
*
| Quote: و بوحو بينو و بين نفسو لما الغربة تلفظ لهيبا و يقعد يتفاكر مع أم حيدر ربنا يخليها .. و لما يقعد يبوح مع وليداتو بمبدأ ( كان كبر ولدك خاويهو ) ... |
والله يا أبو جهينة قطعت مصارينا بالضحك كلامك سمح خلاص والموج يستاهلو ....
ذكرنى قصة قديمة و نحن طلبة وصاحبنا أحمد دفع الله خالط خلطة قوية أشد
من بتاعت الموج دهـ وعايش فى عالم تانى والكلام مع حبيبتو كان همسا
ودقاق وفجأة ظهر واحد من أصحابنا خرمان وداير ليهو (تنباك) ولم يجد
غير أحمد وطوالى صاح ليهو (يا أحمد أدينى الكيس النسف) ..... قلت
لى كان كبر ولدك خاويهو هو الموج عندو أولاد؟ ماشفتهم تب .
ولك مودتى ،،،،،،،،،،،،
| |
|
|
|
|
|
|
|
|
 Re: مني ..وبوح الموج (Re: عبد المنعم عمر عثمان)
|
| Quote: لم اسمع يوما هدير الموج لكننى سمعت همسه. |
منى البواحة كيفنك وكيف يسن ?
الرجل المخضرم البواح ود الموج العالي ألف تحية وتجلة .
طبعا يا جماعة ما لينا في الشعر لكننا زواقة يعني زي واحد يقول
ليك أنا بحب المكرونة بالباشميل بس ما بعرف أعملها .
لكن بنعرف نبوح عند اللزوم ولو بهمسة وبمناسبة همسة هذه نكتة
مهداة لأهلي الرطانة وعلى رأسهم الشاب الوجيه الصغيروني (كيتن في ود
شيقوق) أبوبكر سيد أحمد :
أستاذنا وردي أثناء أداءه لأغنية لو بهمسة أصبح يكرر لو بهمسة
بصورة أزعجت واحد حلفاوي من النوع البشاكل ضله فقام على حيله
وكورك ياهي (ياخي) لو بهمسة ولا ستة خلص خلينا نروه(نروح) .
تحياتي
صلاح واسبه
| |
|
|
|
|
|
|
|
|
|
Re: مني ..وبوح الموج (Re: Salah Waspa)
|
Quote: منى البواحة كيفنك وكيف يسن ?
الرجل المخضرم البواح ود الموج العالي ألف تحية وتجلة .
طبعا يا جماعة ما لينا في الشعر لكننا زواقة يعني زي واحد يقول
ليك أنا بحب المكرونة بالباشميل بس ما بعرف أعملها .
لكن بنعرف نبوح عند اللزوم ولو بهمسة وبمناسبة همسة هذه نكتة
مهداة لأهلي الرطانة وعلى رأسهم الشاب الوجيه الصغيروني (كيتن في ود
شيقوق) أبوبكر سيد أحمد :
أستاذنا وردي أثناء أداءه لأغنية لو بهمسة أصبح يكرر لو بهمسة
بصورة أزعجت واحد حلفاوي من النوع البشاكل ضله فقام على حيله
وكورك ياهي (ياخي) لو بهمسة ولا ستة خلص خلينا نروه(نروح) .
تحياتي
صلاح واسبه |
صلاح..
انت ليه ما بتبوح معانا؟؟
بوح ولا تخاف ولا تحتار..
وحياتك ليل ونخار..
حبك أقوي من النار..
صدقني..صدقني... صدقني
ياسين نور حياتي كتير..
شوفت آيه بحبها قدر شنو؟؟
ياسين كمان زيها ..
وسبحان الله كاني اعيد أيم ميلاد آيه..
تصدق بقيت اغير البمبرز؟!
آيه غايتو مستغربه!
لكن عندما نحب..
كل ما هو غير معقول في ظننا يصبح معقولا فيما بعد..
الحب يغير اشياء كثير..ويغير نظرتنا له..
ماتغيب يا صلاح..البوح عايز تشجيع..
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
مثل ما قلت لك ذات وجد سوف اسود هذه الصفحات يوما تلو الاخر..
لا اعرف ماذا يتعين على ان اكتب..
ولا ادرى ماذا ساكتب!!!
فقط اريد ان اكتب..
اعلم تماما انك لا تردين..
ولا يعنينى لو رديتى ام لا...
سوف يقرأ البعض حروفى..
ومنهم شاكرا ومنهم كفورا..
ولكن ليس للذين يرون بعين غير ما النساك ،فتلك عادة بها غشاوة!!
ضعوا كل هذا على الهامش فقد تحتاجونه فى مستقبل الحروف!!!
كل مرة اشعر بمثل هذا الانتماء لانثى سرعان ما تعاودنى
مخاوفى الازليه من بنات حواء...
ومن اجل ذلك ظللت اوفى الناس للتعاسه وسوء الحظ...
ولكن هذه المرة اشعر بانتساب حقيقي. ذلك الانتساب الذي يدغدغ
اذانك حين تصحو في الصباح: مجلجلا لك شيء في هذا العالم فقم....
اتسأل؟؟
يامكانها ان تخترق العالم على منقار صقر...
فلماذا تختار حصان طرواده؟؟
لا ادرى!!!لاادرى!!!
انا لا انتظر منها اجابه..
اعرف تماما انها تعنى لى اضعاف ما اعنى لها..
حتى ذلك لايغضبنى..!!
فانا اعرفها تماما..
صمتها اكثر من حديثها..قطيعتها اكثر من وصالها..
ولكن كل هذا لايعنينى،لانه لايغير من حقيقة الاشياء..
هذا ما يعنينى..
اتوقف الان ولكن!!
تاكدى لا شىء يشوقنى غيرك،،،،
| |
|
|
|
|
|
|
|
|
|
Re: مني ..وبوح الموج (Re: صديق الموج)
|
| Quote: مثل ما قلت لك ذات وجد سوف اسود هذه الصفحات يوما تلو الاخر.. |
سود الله وجهها مادامت هذه رغبات الحبيب..
Quote: كل مرة اشعر بمثل هذا الانتماء لانثى سرعان ما تعاودنى
مخاوفى الازليه من بنات حواء... |
نفس حالي مع ابناء جنسك..أخاف منهم مثل خوفي من الفئران..
تعال خت خيبتك علي خيبتي ونعيش الأتنين خايبين في دنيا خايبه....
ياريت!!
| |
|
|
|
|
|
|
|
|
|
Re: مني ..وبوح الموج (Re: صديق الموج)
|
الخبر اللكيد الليلة احمد جابو
قال الوادى سال واتقرنن تقابو
شن سالونا قعادنا شن اسبابو؟؟
لامصروف لا زولا بنتسلابو
سلام ياصديق الموج
وأظن الحال بتغير حسب كلام ودشوراني :
شاف عقد العبارين والعوالي بدنلو
صوقر وشرفهن داناهو ما طوللو
هجيم دكة أم طعم البعيدة محلو
ما بصعب بعد تيس الحنو أتجفللو
قال الوادى سال واتقرنن تقابو
( خطأ مطبعي أعتقد تبابو جمع تب )
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
Quote: قال الوادى سال واتقرنن تقابو
( خطأ مطبعي أعتقد تبابو جمع تب ) |
بت شيوخ العرب كلامك صح واصلو تطير عيشة الباء كان واقعة تحت القاق مباشرة
شكرا للتصحيح وراجع ليك لى ود شورانى،،
| |
|
|
|
|
|
|
|
|
|
Re: مني ..وبوح الموج (Re: صديق الموج)
|
Quote: ليك رساله
لو روحك يوم تنسى دلالها
ونعود أحباب زي ما كنا
في دنيا الحب نلقى الجنه
يا حبيب الروح يا أغلى غرام
أسأل قلبك برضو يقولك
لو كان حنّ |
| |
|
|
|
|
|
|
|
|
|
Re: مني ..وبوح الموج (Re: اسيا ربيع)
|
اسويه انا كنت قايلاك ستقطمين ظهر البوح ثم تواصلين في غيك يا ظالمه!
مالك ما جيتي تاني ؟؟
علي كل حال شكرا علي الدفع القويه..
ومازلنا نطمع في رجوعك..
ود الموج انت الرحله دي ماعاجباك؟؟
ولا ما بتحب توتي؟؟
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
Quote: نظرت الي دبلتها وبرق الخجل في عيونها..
تدلت خصله شعرها علي جبينها تشاركها الخجل والفرح...
تحسست الدبله...
كم من الوقت مضي انتظارا؟؟ |
منى العزيزة بعد ان نشكر معتصم على اغنية هدية للفنان محمد وردى
لابد من ان نشير على ان شاعرها هو السر دوليب،،،
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
Quote: منى البواحة كيفنك وكيف يسن ?
الرجل المخضرم البواح ود الموج العالي ألف تحية وتجلة .
طبعا يا جماعة ما لينا في الشعر لكننا زواقة يعني زي واحد يقول
ليك أنا بحب المكرونة بالباشميل بس ما بعرف أعملها . |
صلاح واسبه يا اخوى كيف حالك
انا كنت بواح ,,,,,هسه بقيت نواح،دواح، سواح،سباح،ضباح
اى اح اخرى....
دى جرسة ساكت..تسموها شعر وادب..
دى ريده منكم ساكت ،الله يديمها،،،،
| |
|
|
|
|
|
|
|
|
|
Re: مني ..وبوح الموج (Re: صديق الموج)
|
Quote: نخلي الحب يسرح بينا
يبقى جناحين ويطبر بينا |
يوديكن وين يا شقي .. خلى اللف
وأدخل في موضوع الدبلة أم حروفاً
صم، والمهر طبعاً بنقبل مهر معنوي
فدنياواتنا أخر.
وانتا يا صديق مما انفتح البوست
ده شايفك ما براك، الله يهدي سرك
قبل البوست كنت مجنون هسع مفروض
تكون اتعافيت واستقمت على جادة
البوح .. مش في المدرسة بقولو
سالب + سالب يبقى موجب .. والله
يا صديق دي كانت بتزهجني زي
س + ص - 5 = صفر، معليش ابعدنا
من معادلات الدرجة السابعة دي
ورجعنا لسته غير التنتنه يا فقري
وحاذر من الاجابات بلا أو نعم فكيف
يكون بوح الموج وترقد تحته الاسماك
والحوت الأكولا .. يالله بوح بقلبك
الأبيض زي (نية الشعوب) ومنى عاوزة
تكتب عن الانسنة وانتا عن التنتنه
وتشابها فتشاكل الأمر .. فكأنما خمر
ولا ماء وكأنما ماء ولا خمر، أكتبوا
حتى نرود سماء الخيال، وحتى قمركو
يطلع والشمس تطلع ومعتصم مشى يجيب
اللبن ويجي، وود البادية ممسكا
بعوده الليله سار الليله سار الليله
سار
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
Quote: والله جنس بوح
متابعين البوح .. بس ما تختوا لينا نقطة فى الـ ح
خلونا مستمتعين بالأغانى |
رافت ميلاد....صباحاتك ندية
بدل نخت ليك نقطه فى الجيم
ما تخلينا نجيب ليك الحاء مكان الباء وكده،،،
| |
|
|
|
|
|
|
|
|
|
Re: مني ..وبوح الموج (Re: صديق الموج)
|
الموج الازرق فى عينيك ينادينى نحو الاعمق
فأنا ما عندى تجربة فى البوح ولا عندى زورق
منى ، الموج ،،،
أخشى عليكما من بوح تقذفكما أمواجه نحو البعد الخامس
من أسطورة روميو وجوليت
الموج
البوح جنون أو كما قال ...
ليك وحشة يا وحِشِ ...
| |
|
|
|
|
|
|
|
|
|
Re: مني ..وبوح الموج (Re: الفاتح الجنيد)
|
منى يا أخت زمان أأمل أن يعود ..
بوحي أنت كما يحلو لك يا أخت الشهيد وبوحي ..
أليس في البوح بلسما لنفوس ثقل حملها في زمان تعيس ؟؟
التحية لك .. وسلامي بلا حدود لأسرتي هناك فردا فردا .
ابنكم المشتاق أبدا : خضر عطا المنان
| |
|
|
|
|
|
|
|
|
|
Re: مني ..وبوح الموج (Re: خضر عطا المنان)
|
تابعت كما تابع رافت
استمتعت
ولمن فاض بي واستفزاني الكلام قلت كدي ادخل واشارك
متى يعود الربيع
تخضر الارض اليباب
ونسمع شقشقة العصافير
فوق الاشجار
وتعزف المياه الحان
وسط الانهار
ونبوح
للعاشقين ولمن من احببنا
كم اشتريت لك دبلة من حر مالي
لا يهم حجمها ولا سعرها
ولكنها اليك
لونها اصفر
براق
وعليها حرفان
حرف نسجته لك انت
واخر هو حرفك
وبحت
بامواج
اقوى
من موجات صديق
صديق الذي ضل الطريق
ذهب هناك في الرياض
يحسب انه سيخضر الصحراء
ااخضرت الصحراء يا صديق
تعال هنا وقول
هل جنيت العمر كله سراب
تعال للدار للاهل للاحباب
وغنيت اليك يامنى
كم داعبت كلماتك اعماقي
وسكنت في الفؤاد
كم قرات اليك يا منى
وكم هالني ما قرات
انت ياطفلة
تحفظين اغنية الخريف
ترددينها مع الصباح
مع العصافير
ايا عصفورة هل اغرقتك الامواج ؟
وساعود
| |
|
|
|
|
|
|
|
|
|
Re: مني ..وبوح الموج (Re: badr alkalika)
|
Quote: تابعت كما تابع رافت
استمتعت
ولمن فاض بي واستفزاني الكلام قلت كدي ادخل واشارك
متى يعود الربيع
تخضر الارض اليباب
ونسمع شقشقة العصافير
فوق الاشجار
وتعزف المياه الحان
وسط الانهار
ونبوح
للعاشقين ولمن من احببنا
كم اشتريت لك دبلة من حر مالي
لا يهم حجمها ولا سعرها
ولكنها اليك
لونها اصفر
براق
وعليها حرفان
حرف نسجته لك انت
واخر هو حرفك
وبحت
بامواج
اقوى
من موجات صديق
صديق الذي ضل الطريق
ذهب هناك في الرياض
يحسب انه سيخضر الصحراء
ااخضرت الصحراء يا صديق
تعال هنا وقول
هل جنيت العمر كله سراب
تعال للدار للاهل للاحباب
وغنيت اليك يامنى
كم داعبت كلماتك اعماقي
وسكنت في الفؤاد
كم قرات اليك يا منى
وكم هالني ما قرات
انت ياطفلة
تحفظين اغنية الخريف
ترددينها مع الصباح
مع العصافير
ايا عصفورة هل اغرقتك الامواج ؟
وساعود |
هو شوق فريد كالشوق "للبدر" ليلة كماله
لحضوره مضيئا لنا..
شوق لمشاعر دبله فيها احرف تعنينا وحدنا ..
مختلفه عن المنحوته في باطنها..
احرف استقرت في القلوب فصار حرفه وحرفها هما الوجود..
شوق لأيام كان للحب فيها فرح بسماع خطوة الحبيب..
وقبله احساس بقرب حضوره وترقب للساعه التي لاتتحرك عقاربهافي الأنتظار..
شوق لمشاعر تجعل لليل معني وللصباح تفاؤل..
شوق يجعل للقلب دقات ان سمعها الغير عرف انك في شوق وريد..
............
............
أبقي معنا يا بدر..فبوح الموج يحتاجك...
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
Quote: قال الوادى سال واتقرنن تقابو
( خطأ مطبعي أعتقد تبابو جمع تب ) |
كلامك صح يا سمية
لكين خطأ صديق بكون مقصود
ويقصد أتقرنن نيرانيو أصلو:
الليله الولد نظر الملك في مصره
نلعب في الكشاتين بالورق والخسره
وقعت منو ورقة
أنا عند طلعت بصره
| |
|
|
|
|
|
|
|
|
|
Re: مني ..وبوح الموج (Re: الفاتح الجنيد)
|
Quote: الموج الازرق فى عينيك ينادينى نحو الاعمق
فأنا ما عندى تجربة فى البوح ولا عندى زورق
منى ، الموج ،،،
أخشى عليكما من بوح تقذفكما أمواجه نحو البعد الخامس
من أسطورة روميو وجوليت
الموج
البوح جنون أو كما قال ...
ليك وحشة يا وحِشِ ... |
انت في البعد الخامس ولا في كمية البوستات المفتوحه للمسنجر؟؟
حالته في وسائل اتصال أخري!
قال ليك البوح ذاته في سودانيزاونلاين لابد له من الأحساس بالتربه التي غذته..
وبذيك يكون مسنجر سودانيزأولاين مختلف عن مسنجر الهوت ميل..
حتي ولو الهوت ميل فيه امكانية صوت
رايك شنو في بوح المسنجر يالفاتح ود الجنيد؟؟
علما نحن نتحدث في هذه اللحظه عن بوح محدد..ومسنجر سودانيزاونلاين فيه اكثر من البوح..
فيه تدبير خطط ودعوات للمشاركه وسلامات لطيفه وعتابات..وخلاص
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
Quote: ايوه !! بقي كده !!! نحنا نكتب في الشعر ونغني برانا
واتاريك يا مني عاملة ليك منتدي مع صديق الموج , شيلو
شيلتكم انا تاني ما طالع من هنا , جني منتديات . |
هشوم الخاتى اللوم رياد البلوم،ما تطلع ياخى، انت ما زول
حبوب ،ثم تانى انت ما بيتك من (بواح ما اظن تطقعنا بالحجارة)
الخوف من مقصوف الرقبة اللى ما يتسماش داك..
بكون لابت فوق راى.. او هو الهدوء الذى يصبق العاصفه.
الله يستر!!
اين هو (المدعى) عادل جبارة..
| |
|
|
|
|
|
|
|
|
|
Re: مني ..وبوح الموج (Re: إسماعيل حميم)
|
Quote: إخيتي
منى بت خوقالي
سلام واشواق
مرور من باب التحية لك وللحبيب الموج
تعبر عنهم أقماري المرفقة إهــداء لكم
مع خالص ودي |
يا حليلك يا سمعه يا جميل..
بقيت تجينا مره في الحول..
مالك مكتر الغياب؟؟
وكل ما اشوف قمر بتذكرك..
واتذكر البوست بتاعك السمح داك وصوره عنه..
وبتذكر لمتنا في الخرطوم..
وعضة ولدك اللذيذ داك..
مشتاقين كتير أخوي..عليك الله ماتغيب..
| |
|
|
|
|
|
|
|
|
|
Re: مني ..وبوح الموج (Re: nourelhadi awad)
|
Quote: الناس الفي الديوان مااتكفو
وراهم مقطاع بحر |
والبوح بفرشاة التلوين له طعم آخر!
عليك ان اتيت هنا ان تؤمن السبيل والطريق..
فان ضاع منك مقطاع البحر.. لا ندم يعتريك..
ازيك يا نورنا؟؟
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
Quote: إخيتي
منى بت خوقالي
سلام واشواق
مرور من باب التحية لك وللحبيب الموج
تعبر عنهم أقماري المرفقة إهــداء لكم
مع خالص ودي |
ياحميم جدا جدا...
يا قمر يا ريتنى لو اقدر اطولك..
شهيتنى مشيه مع الملهمة بالكرعين فى رملة ساقطة
تحت القمر ده وهى شايله شبطها فى ايدها...
وباليد التانية شابكة اصابعيها فى ايدى..
واقول ليها فترتى نرجع.
تقوم السمحة تقول لى:
لا،نقيف محل ما القمر ده يقع،،،
| |
|
|
|
|
|
|
|
|
|
Re: مني ..وبوح الموج (Re: صديق الموج)
|
لكين خطأ صديق بكون مقصود
ويقصد أتقرنن نيرانيو أصلو:
محمد عبد الجليل
عاد ياخوي أنت الوكيل
ما نقدر نقول معاك شي
بس انت ذااتك عندك خطأ مطبعي ( نيرانيو!!!)
وموكلتك التقابة ولا التقاة ما فارقة معاها
والموج وافقني في كلامي
يامنى أبعدي لي من القمر دا وما تهبشي
| |
|
|
|
|
|
|
|
|
|
Re: مني ..وبوح الموج (Re: سمية الحسن طلحة)
|
Quote: لكين خطأ صديق بكون مقصود
ويقصد أتقرنن نيرانيو أصلو:
محمد عبد الجليل
عاد ياخوي أنت الوكيل
ما نقدر نقول معاك شي
بس انت ذااتك عندك خطأ مطبعي ( نيرانيو!!!)
وموكلتك التقابة ولا التقاة ما فارقة معاها
والموج وافقني في كلامي |
لازم تحرجونا يا جماعه؟؟
الوجوه الضاحكه ابت تلبي العزومه يا سمسم..
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
| Quote: الوجوه الضاحكه ابت تلبي العزومه يا سمسم.. |
ما مشكلة يازولة أنا بضحك ليك
أها ..... سمعتي ؟
إتي أكتبي لي وأنا أضحك ليك زي ماكنا في قندهار
لكنك سويتي ليك دريبات قش وماشة أسوان ...وأفترقت دروبنا
معروفة أم الدنيا لكن أنا ماشة السودان أشوف ليك أبوها منو
| |
|
|
|
|
|
|
|
|
|
Re: مني ..وبوح الموج (Re: سمية الحسن طلحة)
|
Quote: مشكلة يازولة أنا بضحك ليك
أها ..... سمعتي ؟
إتي أكتبي لي وأنا أضحك ليك زي ماكنا في قندهار
لكنك سويتي ليك دريبات قش وماشة أسوان ...وأفترقت دروبنا
معروفة أم الدنيا لكن أنا ماشة السودان أشوف ليك أبوها منو |
درب مصر براها ودرب السودان براه..
هناك اتولدت وفتحت عيني..وهناك اتربيت كل عمري..
وزي ماعارفه أولاد الأصول مابينسوا الأفضال..
مصر علمتني من اولي لغاية الجامعه..ومجاني..
يبقي ليها علي فضل كبير..
ومش انا بس..كل اسرتي..
وفي أرضها مدفونين أغلي الناس..
زيارتهم واجبه...
ده غير الحسين والسيده عيشه والسيده زينب
وشيخ حسن الأدريسي..واولياء الله بنحبهم برضه لله..
أما السودان..فهو اصلي وأرضي..
وهو طفولتي ومراهقتي وجزء من شبابي..
والجزء التاني ببريطانيا كله احلام في السودان..
انتماء بلا شروط او حدود..
في أرضه الأعز من الأغلي من حبايبي..
فيها دفن الزوج الغالي..
وفيها غرق دم أخي الشهيد ارضها..
وفيها قبر الصالح الخليفه عوض خوجلي..
وقبور أجدادي..
لذلك حبيبتي لآاسافر للسودان دون المرور بمصر..
او اسافر لها من السودان فللهويه قلوب غرقت في الحب..
ولكن..
ان تفضلتي وتكرمتي بدعوتي لقريتك فأني قطعا قابله لها في حبور..
فللقري واصحابها مكان عظيم في قلبي..
احب بساطتهم ونقاءهم وسجيتهم..
سأدعوكي ايضا للزومه حيث أهلي اللطيفين العزاز..
وستحبك حبوبه كما تحبني وتناديك بالبنيه في حنيه..
وسنقضي وقتا جميلا بين الزومه ومقاشي حيث يسكن جدي خضر وبين البركل وكريمه ثم
مروي..وقري أخر..
ثم نرجع الخرطوم ومنها الي وطن ثالث أضافته الظروف لهويتنا,,
...............
...............
قلتي شنو؟؟
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
Quote: لكين خطأ صديق بكون مقصود
ويقصد أتقرنن نيرانيو أصلو:
محمد عبد الجليل
عاد ياخوي أنت الوكيل
ما نقدر نقول معاك شي
بس انت ذااتك عندك خطأ مطبعي ( نيرانيو!!!)
وموكلتك التقابة ولا التقاة ما فارقة معاها
والموج وافقني في كلامي |
سمية بت القبائل
عيناك مراجع عام لشئون التراث والمسادير
اما هذا المتحيل الذى تبكيه الريشة لم يعد قادرا على امر التوكيل
لشىء فى نفس يعقوب....
عليه نوصى منى بتبديل الوكيل وقد رضينا بالاخ عبد المنعم عمر وكيلا،،،
| |
|
|
|
|
|
|
| |
Muna Khugali
Mohamed Ahmaed Olyesh
salma subhi
أبو ساندرا
الزبير صالح الزبير
ابو جهينة
صديق الموج
عمر سعد
معتصم دفع الله
emad altaib
نها محسن أبورأس
د.محمد حسن
Mohamed Abdelgaleel
غادة عبدالعزيز خالد
Salah Waspa
رأفت ميلاد
اسيا ربيع
الفاتح الجنيد
هاشم أحمد خلف الله
إسماعيل حميم
Raja
فيس بوك
تويتر
انستقرام
يوتيوب
بنتيريست