|
كن صديقي
|
أجمل التجارب الإنسانية هي التي تتمخض عن إيجاد إنسان تصطفيه ،يتفق معك أحيانا ويختلف معك كثيرا في أريحيه و ودً وقلب صافي ، وعندما تتكدر بك الدنيا أول إنسان تتذكره وتلجأ إليه وتثقله بهمومك وتزيح عن كاهلك جزء كبير من معاناتك مع غدر الزمن ، وإنسان تأتمنه علي أدق تفاصيلك وإسرارك وأهل بيتك ، وتبوح له بتفاصيلك اليومية ، وتتقاسم معه الحجرة ولفافة التبغ وفرشاة الأسنان والكتب المستعارة والنساء والرجال ،وأيضا تتعاطى معه السياسة والكورة والصعود والشيشة وأشياء أخرى 000000 وعندما تختلس لحظات فرح وسعادة أول من تشاركه الفرحه وتتمنى وجوده معك ولو تباعدت الخطى بينكم، وأول من تحدثه بأخر نكته أو موقف حرج أو طريف حتى ولو عبر الأثير 0 وتختلف معه كثيرا إلي حد السب واللعن و000000ولكن دون اساءه أوتجريح ، وبعد لحظات ترجعوا بقلوب صافية كأن شيئا لم يكن بل تزيد العلاقة قوه وصلابة ومتانة،، ويمكن أن يكون ذكر أو أنثى دون تحفظ 0
إذن كن 00000000000000000000000000000000000000صديقي 0
|
|
|
|
|
|
|
|
Re: كن صديقي (Re: طارق عبد اللطيف نقد)
|
مثلك يندر وجوده في زمن اصبح فيه الشهر كالاسبوع والاسبوع كماليوم ..........
واصبحت القرفه لا تسع اثنين فما بالك بفرشاة الاسنان؟؟ فهلا كنت صديقي؟؟
| |
|
|
|
|
|
|
Re: كن صديقي (Re: ممدوح أبارو)
|
Quote: واصبحت القرفه لا تسع اثنين فما بالك بفرشاة الاسنان؟؟ فهلا كنت صديقي؟؟ |
العزيز ممدوح ابارو حضورك جميل واياديك البيضاء الممتده تنم عن صفاء واريحيه
دمت صديقي
| |
|
|
|
|
|
|
Re: كن صديقي (Re: الرفاعي عبدالعاطي حجر)
|
العزيز الرفاعي حجر
كنا تنم عن اليأس ولكن ما زلنا نحن في عز الشباب
Quote: بس كتابتك دي يانقد مع شوية ترتيب كان مضت الى حيث مبتغاها |
كيف نترتب مع الدوامين والمره والاولاد وهلمجرا
Quote: في داعي للحاجات المتناقضة دي كلها في مركب واحد |
ده عشان الماعون يكون اوسع!!!
كن صديقي
تحياتي
| |
|
|
|
|
|
|
Re: كن صديقي (Re: طارق عبد اللطيف نقد)
|
ألأخ/طارق نقد.. ............... لك التحية...........وخالص الود.. ............................... وتختلف معه كثيرا إلي حد السب واللعن و000000ولكن دون اساءه أوتجريح ، وبعد لحظات ترجعوا بقلوب صافية كأن شيئا لم يكن بل تزيد العلاقة قوه وصلابة ومتانة،، ويمكن أن يكون ذكر أو أنثى دون تحفظ 0
إذن كن 00000000000000000000000000000000000000صديقي 0 ..........................................................................................
الصديق يا اخى تعرفو وقت الضيق..عندما يقف معك فى محنتك ويواسيك فى حزنك ويحاول ان يخفف عليك..
الصديق كلمة مشتقة من الصدق..
كم من الناس تضحك إليك وببواطنها حقد وغل..ولذا قالوا فى المثل..((أسمع كلام من يبكيك لا تسمع كلام من
يضحكك))...
ومن الصعب جدآ أن تجد صديق وفى وإذا وجدته فحافظ عليه ...ولكن هناك أخوة صحبة زمالة تحت مسميات كثيرة نتماشا معها وتشكل للحياة جمال وروعة...
مودتى...
............................ تخريمة:
بصراحة رآى فيك إنت إنسان جميل الدواخل... ........................................ إسماعيل محمد احمد عباس...................
| |
|
|
|
|
|
|
Re: كن صديقي (Re: ismeil abbas)
|
الرائع اسماعيل عباس لك الود والتجله والتقدير الخاص
Quote: الصديق يا اخى تعرفو وقت الضيق..عندما يقف معك فى محنتك ويواسيك فى حزنك ويحاول ان يخفف عليك..
الصديق كلمة مشتقة من الصدق.. |
الغول والعنقاء والخل الوفي من المستحيلات او من الخيال لكن هناك اناس اثروا دواخلنا كالأحلام وكنسمة الربيع كالورد وايضا كالجبال الشوامخ كالطود في الصلابة والمواقف الصعبة
Quote: بصراحة رآى فيك إنت إنسان جميل الدواخل... |
هذا من طيب اصلك ومن نفيث معدنك
لك الود والتحايا النواضر والفال الحسن وكمان حسن الخاتمه
اذن كن صديقي
| |
|
|
|
|
|
|
Re: كن صديقي (Re: ادريس خليفة علم الهدي)
|
الليلة والليلة يا ( طارق ) .. انت تاني رجعت لحركات اولاد ( العمارات ) دي .. تعالوا نطلع ( رحلة ) .. و كن ( صديقي ) .. انت قاعد ( تدردق ) ليك في زول ولا شنو .. !!
| |
|
|
|
|
|
|
Re: كن صديقي (Re: humida)
|
العزيز حميدة
Quote: انت تاني رجعت لحركات اولاد ( العمارات ) دي .. تعالوا نطلع ( رحلة ) .. و كن ( صديقي ) .. انت قاعد ( تدردق ) ليك في زول ولا شنو .. !! |
انتو اصلو الواحد ما يحاول يبقى شفيف بعدين انا من يوم شفت السيارة الجديدة حاسي اتجاهك بي حقد طبقي كدة
| |
|
|
|
|
|
|
Re: كن صديقي (Re: طارق عبد اللطيف نقد)
|
أبو عبد اللطيف
تحياتي
كنا و نكون و سنكون أصدقاء .. فأنت رجل نادر الوجود في هذا الزمان الكئيب.
أما بعد :
Quote: الصعود و الشيشة وأشياء أخرى 000000 |
أشياء أخرى دي ذكرتني بقصة في حلفا الجديدة.
عمك ( .... ) كان بيعمل دعاية للفيلم المعروض مساءا في السينما .. كان عندو كارو مجرور بحمار داراوي .. و على الكارو مثلث خشبي ضخم به ملصقات دعائية عن الفيلم .. عمنا كان معاهو جرس .. يدق الجرس و ينادي و هو يتحاوم في السوق و بين البيوت :
الفيلم الهندي الخطير ... شامي كابور ... أغنيات جميلة .. و هناك مفاجآت أخرى ..
أها مفاجآت دي ما بيفهمها إلا ناس الكيف .. لأنها ( شيفرة ) تعني أنو عمنا دة عندو صنف كارب من البنقو ... و بالفعل الكييفين أول ما يجوا جنب السينما يميلوا على عمنا جنب الكارو .. بيكون خاتي البضاعة جنب برسيم الحمار ( لزوم كب الزوغة عند اللزوم )..
أو أشيءك الأخرى دي يشرحا لينا د. نجيب زيادة .. المختفي تماما هذه الأيام
| |
|
|
|
|
|
|
Re: كن صديقي (Re: ابو جهينة)
|
موضوع قيم لو أتقلب كويس
والصديق كلمة تضيق بها العبارات كلها، فهو:
عينك الثالثة يحمل معك همومك وهو الاخ الذي لم تلده أمك بل إخترته اخاً بمحض تمحيصك واختيارك و
| |
|
|
|
|
|
|
Re: كن صديقي (Re: ابو جهينة)
|
الريس ابو جهينه لك الود والاحترام و التجله
التجله دي جايه من جلال داؤود
Quote: كنا و نكون و سنكون أصدقاء .. فأنت رجل نادر الوجود في هذا الزمان الكئيب. |
الله يديم الصداقه والعلاقات الجميلة والاشياء الاخرى
الفيلم الهندي الخطير ... شامي كابور ... أغنيات جميلة .. و هناك مفاجآت أخرى ..
والله د0نجيب ذيادة وحشنا عديل كده دمت
| |
|
|
|
|
|
|
Re: كن صديقي (Re: طارق عبد اللطيف نقد)
|
Quote: انتو اصلو الواحد ما يحاول يبقى شفيف |
الشفافية الكتيرة دي بتعوق يا طارق
جميلة هي الصداقة لما تحمل في مضامينها المحبة والوفاء .. فبتكون خالية من أي غرض .. لذلك نحرص عليها ونعمل على تمتينها ..
كن صديقي ..
| |
|
|
|
|
|
|
Re: كن صديقي (Re: معتصم دفع الله)
|
Quote: فبتكون خالية من أي غرض .. لذلك نحرص عليها ونعمل على تمتينها .. |
الصديق معتصم جميلة هي بلا ريا ولا منفعة
إذاَ كن صديقي
| |
|
|
|
|
|
|
Re: كن صديقي (Re: معتصم دفع الله)
|
Quote: جميلة هي الصداقة لما تحمل في مضامينها المحبة والوفاء .. فبتكون خالية من أي غرض .. لذلك نحرص عليها ونعمل على تمتينها .. |
| |
|
|
|
|
|
|
Re: كن صديقي (Re: طارق عبد اللطيف نقد)
|
* *
أكون صديق ......... ليك إنت معقولة دهـ لكن ياطارق !!!!! يعنى الجماعة ناس مصطفى و الموج .....الخ حا تطردهم ؟؟ أطلب المعقول يا أخى !! . .
. . وقالو طارق :
.ليس الإعجاز أن نصنع ألف صديق في السنة ... و لكن الإعجاز أن نصنع صديقاً لألف سنة ...
تحياتى ،،،،،،،،،،،،،،،،
| |
|
|
|
|
|
|
Re: كن صديقي (Re: طارق عبد اللطيف نقد)
|
.Quote: ليس الإعجاز أن نصنع ألف صديق في السنة ... و لكن الإعجاز أن نصنع صديقاً لألف سنة ... |
الريس عبدالمنعم عمر لك الود والتحايا النواضر
حقيقي انت صديق الكل
ومش اطرد ليك مصطفى وصديق اطرد ليك امنه عبد الكريم كمان
تحياتي و احترماتي
| |
|
|
|
|
|
|
Re: كن صديقي (Re: humida)
|
Quote: انا زاتي بقيت حاقد علي ( المجتمع ) .. |
اذن نحن متفقين في حاجه اذن كن صديقي
Quote: آمنة عبد الكريم دي بتاعت ( البليلة ) ..!! |
دي بتاعت الفته دي الاثبتت لينا انه الناس دي كلها قاعدة علي الهبشه ولا من الغربه ما عارف
| |
|
|
|
|
|
|
Re: كن صديقي (Re: طارق عبد اللطيف نقد)
|
أخي الكريم طارق نقد
صباحاتك بنكهة القوة وطعم الفراولة .....
أكون أو لا أكون تلك هي القضية .....
إذاً لنكن أصدقاء وإخوة في الله فشخصك النبيل جدير بإضافتيه إلى عالم المحبة والمودة والأخوة .
إذاً أصبحنا أصدقاء ....
مودتي
عماد
| |
|
|
|
|
|
|
Re: كن صديقي (Re: عماد محمود علي)
|
الحبيب عماد محمود
Quote: صباحاتك بنكهة القوة وطعم الفراولة ..... |
صباحات شوقنا بي خيرن 000صباحك طلة الياسمين
Quote: إذاً لنكن أصدقاء وإخوة في الله فشخصك النبيل جدير بإضافتيه إلى عالم المحبة والمودة والأخوة . |
عمدة ياجميل انت الصفاء والنقاء والخوة وكل السمح فيك
Quote: إذاً أصبحنا أصدقاء .... |
اصدقاء للابد انشاء الله ياعمدة
تسلم ياعزيز تحياتي واحترامي
| |
|
|
|
|
|
|
Re: كن صديقي (Re: طارق عبد اللطيف نقد)
|
Quote: أجمل التجارب الإنسانية هي التي تتمخض عن إيجاد إنسان تصطفيه ،يتفق معك أحيانا ويختلف معك كثيرا في أريحيه و ودً وقلب صافي ، وعندما تتكدر بك الدنيا أول إنسان تتذكره وتلجأ إليه وتثقله بهمومك وتزيح عن كاهلك جزء كبير من معاناتك مع غدر الزمن ، وإنسان تأتمنه علي أدق تفاصيلك وإسرارك وأهل بيتك ، وتبوح له بتفاصيلك اليومية ، وتتقاسم معه الحجرة ولفافة التبغ وفرشاة الأسنان والكتب المستعارة والنساء والرجال ،وأيضا تتعاطى معه السياسة والكورة والصعود والشيشة وأشياء أخرى 000000 وعندما تختلس لحظات فرح وسعادة أول من تشاركه الفرحه وتتمنى وجوده معك ولو تباعدت الخطى بينكم، وأول من تحدثه بأخر نكته أو موقف حرج أو طريف حتى ولو عبر الأثير 0 وتختلف معه كثيرا إلي حد السب واللعن و000000ولكن دون اساءه أوتجريح ، وبعد لحظات ترجعوا بقلوب صافية كأن شيئا لم يكن بل تزيد العلاقة قوه وصلابة ومتانة،، ويمكن أن يكون |
عزيزي طارق في هذا الزمن الله العلم يوجد هذا النوع ..
ولكن بدون شك هذه الصفات تتوفر فيك
-اذن انت صديقي وصاحبي-
كل مودتي واحترامي
| |
|
|
|
|
|
|
Re: كن صديقي (Re: عبدالله كع)
|
Quote: عزيزي طارق في هذا الزمن الله العلم يوجد هذا النوع ..
ولكن بدون شك هذه الصفات تتوفر فيك
-اذن انت صديقي وصاحبي- |
sorry I have some proplme in my keybord
| |
|
|
|
|
|
|
Re: كن صديقي (Re: طارق عبد اللطيف نقد)
|
إني نزرتك روعة الأشياء عندي ...
كيما أعانق أنسجة الدواخــل ...
ثُـم أبذرُ من رحيـق الـــود ...
تــاجـاً تزينه الحـــروف ....
الغالي جداً / طارق عبداللطيف
أنت جديــر بأن تهدى كل جمــيل ومستطاب ...
فأنا دعوتك رغم همس الصمت في زمن البُكاء أن نستعيد
صياغة الأشــواق والعشق البري ...
... تخريمه ...
أنا عايز أكون صديقك بس من السادسة صباحاً وحتى السادسة مساءً رايك شنو ؟.
| |
|
|
|
|
|
|
Re: كن صديقي (Re: طارق عبد اللطيف نقد)
|
الغالي / ود نقد
شنو يا خوي الحكاية الكلام ده ما عجبك ولا شنو ...
بعدين أنا قلت ليك صداقتي معاك نهاراً جهاراً ...
عامل فيها ما سامع ولا وقت دوام الصداقة ما مناسب معاك ...
المهم يا سيد أنا قلت العندي إستخير وإستغفر ربك وبعدين نشوف معطياتك ...
ممكن أوقع معاك عقد صداقة وما عايز أي واسطة ... إتفقنا .
| |
|
|
|
|
|
|
Re: كن صديقي (Re: أبووجيدة)
|
العزيز ابو وجيدة لك الود وكل الشوق
Quote: بعدين أنا قلت ليك صداقتي معاك نهاراً جهاراً ... |
الله الكلام ده سامعوا وفايت اضاني لكن دايرين صداقه كامله غير مشروطه ولا منقوصه
وممكن نشرك ليك بي عصير الضحيه
اتفقنا يا صديقي تحياتي
| |
|
|
|
|
|
|
Re: كن صديقي (Re: طارق عبد اللطيف نقد)
|
الصديق كالذهب لايصدأ
لكن في سؤال مهم جدا
هل لازم صديق يكون من نفس الجنس؟
ام يمكن ان يكون هناك صديقين من الجنسين ؟
وهل الصداقه المتينه مع شخص واحد فقط اوممكن مثنى وثلاث ورباع ؟؟؟
هل ممكن يكون صديقك من الاسرة اي من البيت ؟؟؟
يالله منتظرين ارائكم النيره وتجاربكم الثرة
| |
|
|
|
|
|
|
Re: كن صديقي (Re: طارق عبد اللطيف نقد)
|
صديقنا منقو ( اقصد صديقنا طارق )
نحن جميعا اصدقائك من غير ما تطلب
فانت من يعتز بصداقته
تخريمة :
بس ابعد من ناس ( انا مافى كلام ماما انا كلام ..)
أحمد العمار
| |
|
|
|
|
|
|
Re: كن صديقي (Re: طارق عبد اللطيف نقد)
|
العزيز/طارق نقد
بوست جميل
وكلنا نحتاج لصديق لألف سنة كما قال الأستاذ/ عبد المنعم
انا شخصيا
لدي صديقة واحدة في الدنيا دي
ربنا يخليها لي
لكن
عندي الالاف الصحويبات
بالمناسبة
انا شايفة ناس الرياض ديل كلهم متسابقين
لصداقتك
والصف طويييييييييييييييييل
وطالما الباب مفتوح للجنسين
مفروض يقدموني في الصف
لاني ما بقدر علي الوقفة
طارق
دمت صديقا
ودام كل بورداب الرياض
| |
|
|
|
|
|
|
|