|
بقيت زي بت الطهـور الليلة !!
|
عارفين !!
و أنا تعبان هناك بقيت زي بت الطهور الشعرت بي آلام وضوع !! لا عارفين يعملوا ليها الطلق الصناعي ! ولا قادرين يودوها لي خجيجة الطهارة .....!!!!
بانجقلي الحاجات وسكاكر الأشياء عاملين هيصة في كفتيرة ست الشاي يعني الواحد حاسّي أنو صينية كنافة محشية طرشي علي قول اللمبي !
ويا حلوين مرارة الشوق ويا كعبين حلاوة و ذوق وياالفيني ودايماً فوق
جيتكم بي جنس واحد حنين ؟؟؟؟ محلك سر !!!
شكرن كتيرن !
|
|
|
|
|
|
|
|
Re: بقيت زي بت الطهـور الليلة !! (Re: حبيب نورة)
|
وحصرياً علي قناة القصة ذاتة بنواصل الهضربة حليلك يا عشم كان جد... دريب الضلمة فات الحد ... وكل ما تطل
نجمة نص الهم ...تفوت من وجعي خاتية الضو ...ممحّنة من قوة راس
الفرح يا ناس...موات شهقة غناوي زمان ...و حس الثكلي في الليل
البصارع الشمس..غلب جياتا بي الغيبات.. وبسرق من السما القمرات
حليب النوار.. معلّب في مجاهل الغيب.. فاقد لي طعم نجمة بعد ما
نامت القمرة... وكان في دربي صاحي النو!!!
شكرن كتيرن!
| |
|
|
|
|
|
|
Re: بقيت زي بت الطهـور الليلة !! (Re: حبيب نورة)
|
Quote: حليب النوار.. معلّب في مجاهل الغيب.. فاقد لي طعم نجمة بعد ما
نامت القمرة... وكان في دربي صاحي النو!!!
|
كل عام وأنت بخير حبيب الكل
جابتني ضريرة وربطة حريرة تخالط الشوق فوق يدي
،،،،أبوقصى،،،،
| |
|
|
|
|
|
|
Re: بقيت زي بت الطهـور الليلة !! (Re: مجدي عبدالرحيم فضل)
|
Quote: عارفين !!
و أنا تعبان هناك بقيت زي بت الطهور الشعرت بي آلام وضوع !! لا عارفين يعملوا ليها الطلق الصناعي ! ولا قادرين يودوها لي خجيجة الطهارة .....!!!! |
والله انتا بقيت غريب وعجيب وسبت الناس ياخي والله مشتاقين كتير كل سنة وانت طيب ونورة ظاتها طيبة . اظهر وبان عليك الله يا حبيب
| |
|
|
|
|
|
|
Re: بقيت زي بت الطهـور الليلة !! (Re: معتز تروتسكى)
|
تروتسكي أسكت يا فضيحة الله يضرك عاد يا أنت تتجازي وتاخد الاجازة
Quote: ماتنسى ترسل للبنية واحدة تكوي ليها شعرها |
بعد شوية ح تقول لي عايزين واحدة تدخّنا و تعلمها رقصة العروس لكن يا ربي منو البدخل عليها بنتك دي؟؟؟
شكرن كتيرن!
| |
|
|
|
|
|
|
Re: بقيت زي بت الطهـور الليلة !! (Re: حبيب نورة)
|
حبيب نورة كل سنة وأنت طيب... يا زول طهور شنو.. وعدل شنو؟؟ أنت من زمن الطهور...ما خلوه زمااااااااااااان.. شوف ليك دارة ثانية أعرض فيها!!! الطهور إن شاء الله بقى أثر بعد عين ... زيو وزي دق الشلوفة والنقرابي.. حفلات الطهور تحولت لأربعين النفساء.. صدقني!!! وعفون كتيرن
| |
|
|
|
|
|
|
Re: بقيت زي بت الطهـور الليلة !! (Re: Kamal Karrar)
|
حبيب الكل و نورة
كل عام و إنت بخير
Quote: ويا حلوين مرارة الشوق ويا كعبين حلاوة و ذوق وياالفيني ودايماً فوق |
و الله في البال .. لكن البال دايماً كسيح في هذا الزمان المنطلق بجنون. مشتاقون و بركة بالشوفة ياخي
| |
|
|
|
|
|
|
Re: بقيت زي بت الطهـور الليلة !! (Re: يوسف الولى)
|
حليل زمن الحليب طاعم
مسكّر زي حليب قلبا دفق ريق الشموس ناعم
وزي سكران وقف في النص,,, يرص العرضة بي كيفو
ويهز كتف النخل جنيات مطهرة بي سعف تمرا
بتش عين الوقع نايم
وحايم يرشي ضل الليل بعد راس الوجع صنقر ,, عتر تقّل عليهو الشيل
وضاق جيب الفرح عدمان مروة وايد
وسيد يخمج,,وناس غلبانة ايده الحيل
وما كان الهوج واحد,,, ولا كان العوج واحد,,, وسرج الموية هو الربحان
وعين صحرتنا بتجابد
مروق الروح علي الواسوق وعارف سوقنا هو اللابد
وعرضة سيفو فقرتنا
وما خسرانا (كسرتنا) وملاح طيبتنا زادو ملح
سكات البغلة في الابريق (وجق) سعن المراح املس
يكورك لي الخشيمو ملح وكايس قالوا سترتنا
ويا نايمين علي جمر الوطن والنوح
دحين ببقى الفرق واحد؟!!!!
سجم يسجمك يا حبيبة كان ممغسني وحاشيني تراب
عيد يخمك ويكشحك في قلب حبيبتك يا وهم
الشوق ما بالليد
وطن كبير يا معولق
(عدل بواسطة عبدالله وداعه الامين on 12-31-2007, 04:06 AM) (عدل بواسطة عبدالله وداعه الامين on 12-31-2007, 04:08 AM)
| |
|
|
|
|
|
|
Re: بقيت زي بت الطهـور الليلة !! (Re: عبدالله وداعه الامين)
|
عبد الله وداعة هريتني جنس مغايس الله يسخطك يا المسخوت
Quote: سجم يسجمك يا حبيبة كان ممغسني وحاشيني تراب
عيد يخمك ويكشحك في قلب حبيبتك يا وهم
الشوق ما بالليد
وطن كبير يا معولق
|
الكلام دة حنين فيه ريحة مني انا ضقت طعموا هسة!!
شكرن كتيرن!
| |
|
|
|
|
|
|
Re: بقيت زي بت الطهـور الليلة !! (Re: abubakr)
|
ابو بكر
Quote: العالم بشكلو الحالي ما يستاهل يقيفو ليهو ..خليك جالس احتجاجا |
والله فكرة!
انا حقوا ارفع شعار للحركة التغييرية صنقروا حتي لاتخسرو
أو دنقروا قبل أن تتفنقلوا
اها دي قعدة يا منقة!!
بس انتي جهز المزّة والشطوط!!
شكلن كتيلن!
| |
|
|
|
|
|
|
Re: بقيت زي بت الطهـور الليلة !! (Re: حبيب نورة)
|
حبيب نورة/
بالجد شوقنا فات الحد..
إشتقنا ليك يالحبيب زى شوق حبيب نور لنورة..
إنشاء الله تكون مسرور وهى مسرورة..
وجيتنا مجروح الليلة سلامتك..وبعد ما قريت البوست إتضحت الصورة..
سلمت..إسماعيل محمد احمد عباس..........
| |
|
|
|
|
|
|
|