|
|
|
 Re: بحبها ... لكن ما عــاوز ارتبط بيها !!!!!!!!!!!!!!!!!!!!!!!!!!!!!!!!!!!!! (Re: ثابت محمد)
|
وانت عينك للشوق وتطعن في ضلو مالك
الحروف البتطير دي عيبا لي ...
قابلت ذات لحظة القناعة ... ويا لها من صدفة ...
صدفة جارية ...
فقالت: إلى الأمام دُر ثم انصرف ...
وتاني ما توريني وشك ...
هكذا كانت بكامل الحماقة ومُُر ما رأيت ...
بعدين لو محلولة على قولتك
البخليني اربطا شنو ؟؟؟
رباط ... ولا كترت غُلاط
واعلم !!!!
أن الزوايا كلها موجعة ... والقليل من مناطق التماس
حتى ضربة التماس كانت موجعة
موجعة لدرجة الغباء الغير مرتب
والرمية الغلط
ولو رميتك غلط!!!
أركب الزلط
ونقطة تفتيش ما تعتر ليك!!!
مرتب سنة
| |
 
|
|
|
|
|
|
|
|
Re: بحبها ... لكن ما عــاوز ارتبط بيها !!!!!!!!!!!!!!!!!!!!!!!!!!!!!!!!!!!!! (Re: بدر الدين الأمير)
|
Quote:
العزيز ود ابو عاقلة
تحياتي ....
راس المكنة عرفناه داير عمره ! بس راسك انت عشان يربط و يرتبط اظنه داير مفتاح انجليزي
تحية كمان تاني. |
مفتاح انجليزي للذين يتقنون فن الصمت ... ومعصلجون حتى العض ...
وكل عضة وراها ورطة ... وأصبع مصاب بداء الغيظ ... كان ما عضيتو ما برتاح ... و أدمن ... ولا أدري كيف أدمن (امكن لأني بقيت أعضعض ساي)
وهواجسي كتييييرة كان شفته ... أكتر من كيف الحال وازيك
وكمان المفتاح الانجليزي برضو بِلف ... ياخي دا خبر سعيد ... لكن ستين لفه ما بجيبن خبرو ... راسو القوي دا خليني منو ...
وسوف احتقر الذكرة بالقليل من التلج ... ليصبح فعل القشعريرة واجب ... والدنيا شتا ... ريثما أفيق ...
كان عندك (حبة) حرية أبلع ليك (حبتين) ... قبل عند اللزوم بوقتِ كافٍ ...
وقراري باختياري ...
| |
|
|
|
|
|
|
|
|
|
Re: بحبها ... لكن ما عــاوز ارتبط بيها !!!!!!!!!!!!!!!!!!!!!!!!!!!!!!!!!!!!! (Re: محمد أبوعاقلة الطريفي)
|
Quote: عــــــــــــاقــــــــــــل
|
اذا كانت من باب التريقة ... لابأس ...
المتتريقون والمتترقيات يحفظهم الله ... فهم كثُر ...
واذا فهمتي حاجة ... لابأسات كتيييييييرة ... واظنك عرفتي شعوري ناحيتي ...
وبعد الظن تاني في ياتو إثم !!!!
ويحك ... ترمينها مفردة وربما تعني الكثير لأمثالي الذين يخلطون حابلهم بوابلٍ من الإحساس ...
الإحساس الذي نبل ... وهطل ... ونزل وهكذا دواليك ...
وبكل بجاحة نعتبرها أحاسيس صديقة ... جاية من وين ما عارف !!!
ارآؤنا لم تر النور بعد ... ربما الآخرون تعجبهم العتمة ...
وكل عتمة والدنيا كتمة ...
كتمة وضلمة وانفلات ...
فالعاقل لا تُنحيه الانكسارات ولا يندرج تحت قائمة عُرف ... وقد تسد نفسي بعض ما أرى ...
ثم تنكفي على وجعٍ معبأ بالبذاءات ... لهم مزادهم ولي مزاج ...
مزاج من تسنيم الدنيا ... وشئٌ من تحلية الصبر ...
| |
|
|
|
|
|
|
|
|
|
Re: بحبها ... لكن ما عــاوز ارتبط بيها !!!!!!!!!!!!!!!!!!!!!!!!!!!!!!!!!!!!! (Re: محمد أبوعاقلة الطريفي)
|
Quote: أنت لسع بتحب وتربط كمان ؟؟؟
يا أغلى من نفس أخضر عامل كيف |
عارف يا بوكش ...
انا مما اشوف عويناتك المزرزرة دي بحبها أكتر ...
أكتر مما تتصور ... وانشغالي بذات الوقت بأغنية ما في الجوار ...
موسيقى تشحتفك ... وشغلانة تكتفك ... والأمر لا يبدو على ما يرام ...
لذا ... سوف أصمد حتى آخر الأنفاس ...
إنه الوجه الآخر للحب ...
بعيدا عن المسامات التي تنتح ... ثم تردح إلى أن تشويك بشئٍ ما من الخدر المحبب ...
وبعيداً حيث أمتهن الفوضى مهنة أولى ... وتتهمني بفقدان مركز ثقلي ... ولا قِبَل لها بي ...
ذاكرة مثخنة بالجراحات والتعب ... والدردرة .
واختلاف الرأي يفسد كثيرا من الود الفضل (حسب تداول الأنفاس اليوم) ... ما لم نضع هذا الود في كرتلة ...
| |
|
|
|
|
|
|
|
|
|
Re: بحبها ... لكن ما عــاوز ارتبط بيها !!!!!!!!!!!!!!!!!!!!!!!!!!!!!!!!!!!!! (Re: محمد أبوعاقلة الطريفي)
|
| Quote: تحت تحت انا عارفة اقول؟ |
بت الشيخ سلامة ... سلامات بعدد خريفين ومطرة ... مطرة (تضبك) أشان تآمنو ...
قبل ما تقولي إتريسي حبة ... خشية الوقوع في حفرة غلط ...
وما أكثر مطاباتنا هذه الأيام ... وأي مطب صعب ...
والكلمة في حلق (اللكك) ... مُرررررة ...
سألتها : عن كل الحالات التي تزورها بغتةً !!!
ردت بشرف : روحي التي بوخي ...
رجاء ... لا تمشي بعيدا فأنا على مقربة من روحي ...
وسخفٌ هذا الذي يسكنني وأنا على قيد ما يتململ ... بعوارة
ألف رحمة تنزل عليك وعلي المعاك ...
وبس
| |
|
|
|
|
|
|
|
|
|
Re: بحبها ... لكن ما عــاوز ارتبط بيها !!!!!!!!!!!!!!!!!!!!!!!!!!!!!!!!!!!!! (Re: محمد أبوعاقلة الطريفي)
|
Quote: تنهدات: (القاتل الحقيقى للحب هو الزواج)
وايضا: الزواج هو القرار السهل للذين يعيشون
على هامش الحياة وهو القرار الصعب للذين يشاركون
فى صنع الحياة
والعنوان العاقل لبوستك هو: مرتبط بيها لكن ماعاوز احبها
وحين لا تحب اذا الخيار بيدك والامر لك وحين تحب العكس هو الصاح |
رمى الله البِقدل والخيلاء ... بعمى ليلي لا يبصر ولا يغني عن شوف ... شوف الجهجهة دي عليك الله
وشوف ... القاتل الحقيقي إلى أن تثبت التهمة ...
والقرار السهل يبطل مفعول الرتينزات لأنه يفاجئ الجميع ...
أما بعد ...
صُناع الحياة هم نفسهم ... صُناع القرار ... وليست كل القرارات صائبة ووسبحان من رجم ...
أما فيما يخص البجم ... شائكة تلك المسألة التي تعني (صاح) بفعل أمر ...
والحب لا يأتي بقرار ... وارتباطك من عدمه يشعرنا بوجود عقل ...
عاقلا اما لا ... المهم وجوده ...
دوّر أو ما دوّر ... إنت مخير ...
| |
|
|
|
|
|
|
|
|
|
Re: بحبها ... لكن ما عــاوز ارتبط بيها !!!!!!!!!!!!!!!!!!!!!!!!!!!!!!!!!!!!! (Re: محمد أبوعاقلة الطريفي)
|
| Quote: نستفيد من تجاربكم دى عشان الواحدة تكون فاهمة البحبها و عايز يرتبط بيها من البحبها و ما عايز يرتبط بيها |
اول حاجة ... متاريسكم ... تضاريسكم ...
تلك التى تدعى (اها وبعدين نهاية الحب شنو ؟)
السؤال الذي يقص ضهر الحب نصين ...
نص في الطاحونة ونص في الطابونة
النص الأول دراش ... والتاني محرّق
وحرقة الروح تطمس كل الحاجات الباقية ...
لذا ... لعن الله الشفقة ... والشحتفة ...
والزولة الذي تستعجل ...
فقطعنا دابر الاحتمال ...
| |
|
|
|
|
|
|
|
|
|
Re: بحبها ... لكن ما عــاوز ارتبط بيها !!!!!!!!!!!!!!!!!!!!!!!!!!!!!!!!!!!!! (Re: محمد أبوعاقلة الطريفي)
|
| Quote: لى ؟ ... عل المانع خير؟ |
ليه ما ممكن والمانع ايه !!!!
عارفه
سكيت الغربة وسجيت ما بجتني وفي مقولة شائعة ... ما بكتني والعكس صحيح
اتلفحت بطاطين الحاصل وكان الباطن اروش ...
والسكة تفتش عن سكة توديني هنااااك ...
وبركب راسي وعارفو بودي بعييييد ...
الغنية الفي البال ...
البال الميّل شبّال ...
الشبّال شيّال الحال ... وهكذا ... إلى أن تغيب !!!
لم تلده أمه إلا ليتسكع في ردهات وضيعة
وانا كنت براي
راقد فوق راي
والراي اروش أكتر مني ...
وكلو واحد عندو راي !!! يتكل على الله وعليهو ...
| |
|
|
|
|
|
|
|
|
|
Re: بحبها ... لكن ما عــاوز ارتبط بيها !!!!!!!!!!!!!!!!!!!!!!!!!!!!!!!!!!!!! (Re: محمد أبوعاقلة الطريفي)
|
Quote: هبطت درجة ليالة الليل من الأولى لليق ..
عمك فهرنهايت شال مخلاتو و .. ظيييييييييييييط .
|
لو بايدي كنت كلفتّه الليالي وكنت شلته الشعور ...
والبنيه تتناول محلول الداقسين بكامل الميك أب وبري مني
وتخ ...
كان صوت الجرح وحّاااااااح ... أح
ثم اندفق ذاك الأسف ... أف
كانت مواعين الروح تجووووووووط .. طوووووووط
أها ما قلت ليك ... إنها الخزعبلات وضيق التنفس ... ولا مفر ... أر
شر الهزيمة ما يضحك ... وبملء خشمي سجمٌ هنا ... وسجمٌ هناك ... فاااااااالت
يتبادلان التهاني ... ويفترشون دواخلهم لحين ...
أما صبأت !!!
ثم ...
كلم فهرنهايت بتاعك بأن أليلة الليل كضب ساكت !!!
فهنا الكهارب والعقارب والنمل ... جزء لا يتجزاء من الخدر اللزيز ... والململة
مرة تسخن ... ومرة تدخن ... ومرة تغلبني القراية
وعمك فهرنهايت لمن زهج زاتو ... اليوم كلو طالع نازل حتى كتابة هذه السطور ...
هو نوز ...
انني أعاني الأمرّين ... وعمك كذلك ...
نداء استغاثة ... إلى جميع الموجات العاملة الآن ... برد شديد
| |
|
|
|
|
|
|
| |
محمد أبوعاقلة الطريفي
ثابت محمد
hamid murahid
دينا خالد
Sidig Rahama Elnour
سلمى الشيخ سلامة
فرح
وصال عالم
بدر الدين الأمير
السر عبدالله
نهلة عمر
Emad Abdulla
فيس بوك
تويتر
انستقرام
يوتيوب
بنتيريست