|
الليلة يوم النسوان..
|
حوارات :-
- يا خالة سلام صباح الخير - اهلا ريهان ازيك وكيف اهلك - الحمدلله طبعا الليلة يوم المرأة العالمي - وين ده - يعني العالم كلو بحتفل بالمرأة الليلة - والله قصص..اسمعي امك مشت لي ناس البكاء ديل ؟
- سلامات كل سنة وانتي طيبة - ليه - شنو ال ليه؟ - ليه قلتي كل سنة وانتي طيبة - عشان الليلة يوم المرأة العالمي - بالله ..عشان كده قاشرة.....
- وين يا ..كل سنة وانتي طيبة - وانتي وجميع النساء طيبات - اها البرنامج وين الليلة - خلاص نمشي بالمساء لي النادي النوبي
-الووو -اها يا فردة -البوسترات خلاص خلصت - تمام خلاص نتلاقي بدري
- كل سنة وانتي طيبة؟ - وانتي طيبة.. ليه في شنو؟ - الليلة يوم المراة العالمي؟ - هو في مرأة زاتو ...
- يا عم امين ازيك - اهلا يا بتنا مالك اتاخرتي -والله الليلة يوم مميز - ليه انشالله خير - الليلة يوم المرأة -أيوة والله قريت امبارح عنو .
- الشيك مواعيدو نهاية الشهر - نهاية الشهر قربت - لا حولا لسة يا خي -هو الليلة يوم كم؟
يا اخوانا الليلة يوم النسوان ............
|
|
|
|
|
|
|
|
Re: الليلة يوم النسوان.. (Re: ريهان الريح الشاذلي)
|
Quote: - يا خالة سلام صباح الخير - اهلا ريهان ازيك وكيف اهلك - الحمدلله طبعا الليلة يوم المرأة العالمي - وين ده - يعني العالم كلو بحتفل بالمرأة الليلة - والله قصص..اسمعي امك مشت لي ناس البكاء ديل ؟
- سلامات كل سنة وانتي طيبة - ليه - شنو ال ليه؟ - ليه قلتي كل سنة وانتي طيبة - عشان الليلة يوم المرأة العالمي - بالله ..عشان كده قاشرة..... |
شفتي يا بت يا ريهان اها انا هنا المغصة بتكتلني
لما تلقي ناس ما جايبة خبر لحاجة زي كدا
عارفه دائماً بقول دا معناهو التقصير مننا
لأنو لسه ماقدرنا نوصل كل النساء عشان نساهم في توعيتن
الإجتهاد موجود بس كمان "يا عزة لسه مشوارك طويل"
أحلى حاجة في يوم النادي النوبي دا
إني لاقيت أم سهى بعد معرفة طويلة عبر النت
| |
|
|
|
|
|
|
Re: الليلة يوم النسوان.. (Re: انعام عبد الحفيظ)
|
Quote: شفتي يا بت يا ريهان اها انا هنا المغصة بتكتلني
لما تلقي ناس ما جايبة خبر لحاجة زي كدا
عارفه دائماً بقول دا معناهو التقصير مننا
لأنو لسه ماقدرنا نوصل كل النساء عشان نساهم في توعيتن
الإجتهاد موجود بس كمان "يا عزة لسه مشوارك طويل" |
انعام ام توب سلامات والله يا انعام حدث وناس تثور وتموت ويغيرو قوانين وقصص كتيرة وبعد ده كلو من بين كل 10 نسوان في واحدة بس عارفة الحاصل شنو...
| |
|
|
|
|
|
|
Re: الليلة يوم النسوان.. (Re: ريهان الريح الشاذلي)
|
ـــــــــــ الاخت ريهان سلام التحية ليك ولي كل النسوان الفوق وجن .. والتحية لكل نساء بلادي الحيات يرزقن والميتات يسعدن.. فرتوناتا كواشي وبتول محمد عيسى ومدينة عبدالله ونفيسة عوض الكريم خالدة زاهر سرور السادات وفاطمة طالب اسماعيل وفاطمة أحمد إبراهيم وملكة الدار محمد عبدالله ونفيسة احمد الامين وعزيزة مكى عثمان ازرق ونفيسة ابوبكر المليك ونفيسة دفع الله وحواء على البصير وسعاد الفاتح البدوى وسعاد عبدالرحمن وعائشة حسن ونفيسة محمد كامل ومحاسن جيلانى ورحمة علي جاد الله وثريا امبابى وكرستينا أبان فريك وخادم الله عثمان وفاطمة محمد عبدالرحمن وزفقة بهتا ونعمات الزين مصطفي وسعاد نصيف منصور ( سعاد لبيب) وميرى بسيوني وسعاد ابراهيم عيسى وتكوى سركسيان وحاجة كاشف بدري وام سلمة سعيد وصفية عثمان محمد على وبتول الغبشة وأمونة بت عبود ووالتحية ساره الفاضل .. والتحية لنساء دارفور الفي بالحرب تشدن والتحية لسناء وربي يكتب لها الشفاء عاجلن .. والتحية لنساءالفي حوش بكري يتبخترن . والتحيةلي ليلي زكرياعبدالرحمن والتحية للقالوا فيهن ناس الحقيبة يم ضفاير قودي الرسن والتحية لي بت مسيمس وغيرها فوق ودحبوبه يوم الشنق تغزلن .. والتحية لي امي الماشفتي من كم زمن .. والنسيتهن سهوا يتشرفن ..
| |
|
|
|
|
|
|
Re: الليلة يوم النسوان.. (Re: emad altaib)
|
Quote: التحية ليك ولي كل النسوان الفوق وجن .. والتحية لكل نساء بلادي الحيات يرزقن والميتات يسعدن.. فرتوناتا كواشي وبتول محمد عيسى ومدينة عبدالله ونفيسة عوض الكريم خالدة زاهر سرور السادات وفاطمة طالب اسماعيل وفاطمة أحمد إبراهيم وملكة الدار محمد عبدالله ونفيسة احمد الامين وعزيزة مكى عثمان ازرق ونفيسة ابوبكر المليك ونفيسة دفع الله وحواء على البصير وسعاد الفاتح البدوى وسعاد عبدالرحمن وعائشة حسن ونفيسة محمد كامل ومحاسن جيلانى ورحمة علي جاد الله وثريا امبابى وكرستينا أبان فريك وخادم الله عثمان وفاطمة محمد عبدالرحمن وزفقة بهتا ونعمات الزين مصطفي وسعاد نصيف منصور ( سعاد لبيب) وميرى بسيوني وسعاد ابراهيم عيسى وتكوى سركسيان وحاجة كاشف بدري وام سلمة سعيد وصفية عثمان محمد على وبتول الغبشة وأمونة بت عبود ووالتحية ساره الفاضل .. والتحية لنساء دارفور الفي بالحرب تشدن والتحية لسناء وربي يكتب لها الشفاء عاجلن .. والتحية لنساءالفي حوش بكري يتبخترن . والتحيةلي ليلي زكرياعبدالرحمن والتحية للقالوا فيهن ناس الحقيبة يم ضفاير قودي الرسن والتحية لي بت مسيمس وغيرها فوق ودحبوبه يوم الشنق تغزلن .. والتحية لي امي الماشفتي من كم زمن .. والنسيتهن سهوا يتشرفن |
وانت طيب يا عماد ونسائك المذكورات بالف خير
| |
|
|
|
|
|
|
Re: الليلة يوم النسوان.. (Re: Kamal Karrar)
|
Quote: سلام عليكن في العالمين زوجتي.. أمهاتي..أخواتي .. خالاتي .. عماتي.. حبوباتي.. صديقاتي.. زميلاتي.. حمواتي.. جاراتي..
التحية والتقدير في يومكن |
شكرا جزيلا كمال وكل سنة وانتم طيبون
| |
|
|
|
|
|
|
Re: الليلة يوم النسوان.. (Re: ريهان الريح الشاذلي)
|
والله قشرتك عينة يا ريهان
يعني كلام دكتورة ندى على بتاع اعادة النظر في ادوات نضالنا كنساء بتثبت اهمية مناقشته والتداول الواسع حوله كل شوية سلام ومحبة لك ولدكتورة ندى ولنساء السودان والعالم قاطبة
| |
|
|
|
|
|
|
Re: الليلة يوم النسوان.. (Re: الجندرية)
|
جد جد
يوم النسوان
ما دايرين معانا عديل كده
شنو ياخى .. خوفتونا امس
احنا كلنا عشرة خمستاشر بس
ما خايتو نسوان امس الا جبتوهن فى الحفلة
احنا ذاتنا دايرين نعمل يوم الرجل
| |
|
|
|
|
|
|
|