|
كتب الكاتب الفاتح جبرا المتوفرة بمعرض الدوحة
|
|
 Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص (Re: Biraima M Adam)
|
Quote: ما رأيك فى الأتى:
أكل الكمونية النية ..
أكل التركين ..
أكل الفسيخ ..
أكل الكول ..
أكل الجراد ..
شراب المريسة ..
شراب العرقى ..
شراب الشربوت ..
شراب بول الجمال ..
الأستحمام ببول البقر ..
التداوى بلبن الحير من السعال الديكى
هل نحن ضمن الشعوب المثقفة أم المتخلفة؟
بريمة |
بريمه صباح الخير بالليل
كدي قوم من كرسيك ده وأمشي أدخل ليك مطعم ياباني بتلقى السمك الني أشكال وألوان !!!
وأغشى المطعم الصيني لعابك ماشي يجري جنس جري مع وجبات الحشرات والديدان؟؟؟؟
وكان لقيت ليك مطعم فلبيني أكيد أغلى وجبه فيه ستكون لحوم الكلاب؟؟؟
واللفه طويلة وبتوريك العجب...
بس جيت عند شغلتنا دي وداير تسويها تخلف....
يعني الخواجة كان زفت نصفق ليه وكان أكلنا مرارة ولا أم فتفت نبقى متخلفين؟؟؟؟
والله حقوا أمريكا دي تخليها كلو كلو ترجع لي البلد...
الشايقي
| |
 
|
|
|
|
|
|
|
|
Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص (Re: Biraima M Adam)
|
يا بريمة بول البعارين دا فخ ولغم انا نطيتو!
شوف ليك واحدن بوم غيرى!
Quote: نص حديث بول الابل
أن قوماً من عكل – أو قال من عرينة – قدموا على رسول الله صلى الله عليه وسلم ، فاجتووا المدينة، فأمر لهم رسول الله صلى الله عليه وسلم بلقاح وأمرهم أن يشربوا من أبوالها وألبانها، فانطلقوا، فلما صحوا قتلوا راعي رسول الله صلى الله عليه وسلم ، واستاقوا الغنم، فبلغ النبي صلى الله عليه وسلم خبرهم من أول النهار، فأرسل النبي صلى الله عليه وسلم ، في آثارهم، فما ارتفع النهار حتى جيء بهم، فأمر بهم فقطعت أيديهم وأرجلهم وسمر أعينهم، وألقوا في الحرة يستسقون فلا يسقون
صحيح أبي داود
فأمرهم رسول الله أن يكونوا في ابل الصدقة ، وان يشربوا من ألبانها وابوالها ، فقتلوا الراعى ، وارتدوا عن الإسلام ، واستاقوا الإبل ، فبعث رسول الله في آثارهم فجئ با فقطع أيديهم وارجلهم،وسمر أعينهم ، وألقاهم في الحرة . قال انس : فلقد رأيت أحدهم يكدم الأرض بفيه عطشا ، حتى ماتوا
صحيح النسائي
|
| |
|
|
|
|
|
|
|
|
|
Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص (Re: M A Muhagir)
|
استاذ بريمة
سلامات
فى ال U K الناس ما بتاكل
البطون ( مصارين كرشة فشفاش
أبودمام والعرنون والشغلات ديك
لا لا
من السلخانه
تنقل البطون وتخلط مع الاعلاف
وتعود للابقار كعلف .
..
لكن
خرجت دراسات من مراكز دراسات الاعلاف
تقول
العلف المخلوط بالبطون هو الذى
تسبب فى مرض جنون البقر
ومنها انتقل المرض الى بلاد العالم
..
دحين يا استاذ بريمة
الله بستر من جنون البقر
وفك الصواميل
الكمونية تطير
..
لبعض الاسباب لم تنشر
الدراسات
..
فى بعض البلدان الاشياء
التى تهبش الاقتصاد
الكلام فيها ممنوع
..
تحياتى
| |
|
|
|
|
|
|
|
|
|
Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص (Re: Biraima M Adam)
|
اسمع انا معاك تماما في النقاط:
1/
2/
3/
4/
6/
7/
8/
الباقي الفي السودان ميمكن يكون شغل علاج
بتاع الفلافل ديل زحو بعيد
الحبش بياكلو (الكيتفو) وهو لحم تقريبا ني، التايلنديين بيكلو مخ القرد(يعني الاسيويين ديل بيعملو حاجات الكمونية دي ولا اي شي جنبها) .. الافارقة اهلنا ودافنينا سوى .. الاوربيين والامريكان ديل مصو افريقيا واسيا دي لمن اوبرا عملت ليها ارداف اعرض من كبري شمبات وبقت تقول لينا آكلو نبات .. الاكل ده يا فاهم غريزة لا داير ليهو دين لا اخلاق يعني بكرة انت ممكن كدة نننننجف تلحس اخوك وهو نايم (غير مضطر ولا باغ) فما تأسس للحاجات الاساسية للانسان وهي:
1. اللحس
2. الجكس
3. العضة
| |
|
|
|
|
|
|
|
|
|
Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص (Re: Biraima M Adam)
|
بريمة سلامات..
شايفة اليومين دي بوستاتك حاجات غميسة كده..
يوم التبحًت في النت ده بجيب اجلك..
..
زي ما قالو ليك الأعزاء الفوق..
ما برانا البناكل اللحم الني..
"الكبًة النية" أشهى طبق بريدوه الشوام.
أصحاب البيت الساكنة فيه بيعملوها في المناسبات العزيزة. ويصرًوا آكل منها.
جرًبتها مرة واحدة. وبينما الشوكة كانت في طريقها لخشمي. شميت ليك الريحة بتاعت اللحمة.
اللقمة ما قدرت احتفظ بيها أكتر من نص ثانية وأعتذرتا.
ومن يومها ما طلبوا أجربها..
غايتو باقي الحاجات الراصيها دي فيها حاجات أول مرة اسمع بيها في حياتي.
هو الناس بتشرب حاجة تانية من الإبل غير حليبها؟
تحياتي
| |
|
|
|
|
|
|
|
|
|
Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص (Re: Biraima M Adam)
|
الاخ العزيز بريمة
في إعتقادي إنه الثقافة الغذائية لشعب ما ليس بالضرورة أن تعبر عن مدى تقدمه أو تخلفه.
في اليابان اليابانيون ياكلون السمك الني ويسمى " سوشي" وازيدك من الشعر بيت والكبدة النية عديل كده" ويطلقون عليها " ناما ليفر" وأشهر محلات يتم تقديمها فيها هي محلات الـ " ياكي نيكو " وتعني بالياباني " محلات اللحم المشوى " . ياخي إتخيل شية وكبدة نية وموية الصحة البحبها حبيبنا دينق.
رأيك شنو اعزمك إنت والحبيب دينج لزيارتنا.
كبدة نية وانا بموت فيها
طبق سوشي
| |
|
|
|
|
|
|
|
|
|
Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص (Re: Adam D.El-Asha)
|
أدم العشا
| Quote: والله ضربنا ليك المرارة في احياء كليمو وتافري ضرب غرائب الإبل |
لوووول .. المرارة النية جابت زول من أهلى ناس كادقلى ..
التحية والمحبة لكل أهلنا فى جنوب كردفان .. وناس كلميو وتافرى ..
شقيقتى وأبناء أعمامى ساكنين فى حى أم بطاح جوار الحامية ..
فتش شجرة الحميضاية الكبيرة جنوب غرب الحامية .. محل المضخة .. ونادى قول ال بخيت .. بطلع ليك زول بقارى من البيت المجاور للحميضاية .. دا أبن عمى ..
| Quote: والعجب تديله حبة من الوسابي |
الوسابى دا شنو؟
بريمة
| |
|
|
|
|
|
|
|
|
|
Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص (Re: Biraima M Adam)
|
بريمة إزيك تاني..
Quote: الكلام دا أنا أخذته إنك ما زولة مرارة نية ..
هل تصنفى أكلنا للمرارة النية ثقافة أم تخلف؟ |
أنتا لو شفتا أكلتي حتعرف إني اساسا ما زولة لحمة أساسا.. نجيضة أو نيًة
والسبب ببساطة لقناعتي إنه حرام إستضعاف الحيوانات الما عندها حيلة وإستحلاء لحمها.
يعني الموضوع لو كان لحم أسد. مستعدة آكله بدون الشعور بالذنب القاعد يجيني كل ما آكل لحمة ..
المهم: في المرارة باكل البصل بتاعها والشطة ..
وعمري ما ربطتا بينها والتخلف. لأنها أكلة كل المجتمعات (جلابة ومهمشين )
التخلف الجد جد أكل راس القرد وهو حي عند الكوريين..
تحياتي
| |
|
|
|
|
|
|
|
|
|
Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص (Re: معتصم محمد صالح)
|
بريمة:
الصاقعة شنو..؟
| Quote: لقناعتي إنه حرام إستضعاف الحيوانات الما عندها حيلة وإستحلاء لحمها. |
وبعدين إنتو الإفتاء ده بتجيبوهو من وين يا بريمة..؟
يا زول الأكل الصحي صحي وكمان بسيل ليهو اللعاب جداول (الأجبان القديمة )عند أخوانا المصريين..
يا زول دي الحاجة بتنشل من الطشت وبتكور فيها والدود مارق بين أصابعينها..
على وزن أُكل مٍشك بدودو.. [ما تقول أخ تُف]..
غايتو مسألة الأكل دي بيقولوا ثقافات..
والأم فتفت والمرارة النية ليها مترادفات وجماعات..
يستلذون بأكلها وهم غائبون عن الوعي..
غايتو..
ثقافتنا جذورها ضاربة في القدم..
وقديمك نديمكـ بس طورو ولا تجافي ثقافة جدودنا القدماء طالما سودانية المنشأ..
وما تدي فرقه لبشاشا..
يباهي بيك الأمم..
يا بريمة..
هل من الممكن نطورها ونصدرها..
| |
|
|
|
|
|
|
|
|
|
Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص (Re: Biraima M Adam)
|
ول ابا بريمة.. حبابك
ياخي البوست ده.. جاب لي تلفونات و سؤالات ما ليها حد..المهم كتر خيرك..
| Quote: لعلمك الحيوان الوحيد لا يمكن تغرقش عظمه .. لما تصل العظم تمصه مص .. |
اها مالك زايغ من السبب؟..و لا الأسطورة عنو ما جايه هنا..
بعدين ما تنسى.. دود مانيه العرد القصار..
الصديقة.. دوما..حبابك
نحن لغاية عمر متقدم.. كنا مفتكرين العبالينج (مفرده عبلانج.. و هو القرد الأصفر.. او قرد الطلح كما يقولون) هي عبارة عن ناس من اقوام بعينها..و استحمت بلبن الجمال فصارت ما صارت اليه..
الصديق ادم العشا.. حبابك
ياخي الشافك شاف السرف اللحمر..اما لوفو.. فهي وهج الذاكرة من ايام الصبا..
اخر الوصية يا بريمة.. الثقافة و التخلف خلهن غادي..و اسمع كلام اهلك الحكيم.. اكل البعجبك..و ألبس البعجب الناس..
و كن لقيت لي فرقة بجي اكتب ليك عن ام سباغة (صباغة) عصاة الشيطان..
بالمناسبة الورل ياهو ابو الحسل.. الضب عند اخوانا عربان امجزيرة العربية..و في السودان ثلاثة انواع.. اب عاج (الورل الأصفر)..و حماري..و بريتلو النفاخ ..
كان والدي له تفسير عجيب لأغنية البلابل ( تسلم يا اب عاج اخوي دارج المحن)..و كنت اقول له اب عاج تعني النمر ابو عاجات..و كان يقول.. النمر من اكثر خلق الله ضيقة اخلاق (يعني ما عندو الصبر الببل الآبريه)..لكن الورل مشهور البصبر .زو منها قولهم (الصبر الكتل الورل)..و قطع شك تدريج المحن محتاج صبر كتير..يعني بكلام ابوي.. البلابل كانن بتريقن على النميري..و بيقولن ليهو يا ورل هوي..و الله اعلم..
كبر
| |
|
|
|
|
|
|
|
|
|
Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص (Re: Kabar)
|
كبر
| Quote: بالمناسبة الورل ياهو ابو الحسل.. الضب عند اخوانا عربان امجزيرة العربية..و في السودان ثلاثة انواع.. اب عاج (الورل الأصفر)..و حماري..و بريتلو النفاخ .. |
ول أبا يبدو عليك مدافع عن أكل الورل .. لكن الغريبة أهل الغرب بأكلوا الورل أب عاج ويتركوا بريتلو .. تقدر أنت تفسر لى ليه؟
| Quote: و كن لقيت لي فرقة بجي اكتب ليك عن ام سباغة (صباغة) عصاة الشيطان.. |
كبر لازم تكتب عن هذه النقطة قبل ما يذهب البوست للأرشفة .. هل هى أكلة .. غريبة لم أسمع بها؟؟
Quote: كان والدي له تفسير عجيب لأغنية البلابل ( تسلم يا اب عاج اخوي دارج المحن)..و كنت اقول له اب عاج تعني النمر ابو عاجات..و كان يقول.. النمر من اكثر خلق الله ضيقة اخلاق (يعني ما عندو الصبر الببل الآبريه)..لكن الورل مشهور البصبر .زو منها قولهم (الصبر الكتل الورل)..و قطع شك تدريج المحن محتاج صبر كتير..يعني بكلام ابوي.. البلابل كانن بتريقن على النميري..و بيقولن ليهو يا ورل هوي..و الله اعلم..
|
أيوه .. الورل مشهور بالصبر .. على الأقل وسط البقارة .. الغريبة الورل بفتكر نفسه أن الأنسان لم يراه لذلك يظل قابع فى مكانه حتى يخبطه الصياد.
بريمة
| |
|
|
|
|
|
|
| |
Biraima M Adam
doma
Elmoiz Abunura
معتصم محمد صالح
بكري الخير
Al-Shaygi
رأفت ميلاد
حيدر حسن ميرغني
jini
محمد الطيب حسن
M A Muhagir
محمد عادل
Osman Musa
ASHRAF TAHA
Raja
الفاتح ميرغني
Frankly
Adam D.El-Asha
شهاب الفاتح عثمان
A.Razek Althalib
Kabar
فيس بوك
تويتر
انستقرام
يوتيوب
بنتيريست