بي جدك يا ابوعلي فول من إثيوبيا فول وين فول السليم الحبة منو تفلق طفل وترمي على وشو
استوردو فول وطماطم يا حليل الحديقة الخلفية الباك يارد لو قلت كلامي ده مافي واحد اضحك مني كنا في مدني ونحن ضغار في بيوت الري الجنب السكة حديد جوار مدرسة السكة حديد الشرقية كان عندنا حديقة خلفيةوكان فيها كل شئ طماطموخدرة وجرجير وعجور وخيار كنا من خيار ناس الحي واتذكر في مرة جو نا الصحة وقلعوا لينا البامية وعرفنا فيما بعد لانو كان البامية فيها حشرة بتأثر على القطن حتى العيش كان عندنا فرنفي البيت يعني السوق الا يوم الجمعة الكلام ده في مدني مدني الجمال فول من إثيوبيا
03-09-2008, 07:43 AM
حسن طه محمد حسن طه محمد
تاريخ التسجيل: 03-01-2007
مجموع المشاركات: 3653
والأنكى أن السودان بيستجلب أيدي عاملة من الخارج والشباب السوداني من حملة الشهادات وغيرهم عاطلين يقتاتون الصبر ويقتلون الوقت تحت الشجر زي ما لمحت دكتورة صفية محمد في { بيتكم بي وين يا عينيا }
03-09-2008, 10:18 AM
حسن طه محمد حسن طه محمد
تاريخ التسجيل: 03-01-2007
مجموع المشاركات: 3653
يستورد ماعز استرالي ماعز من جبال الصين ترعى في جبال تقلي تماسيح امريكية عشان تعشر تماسيح النيل حتى نقدر نعملا افلام مرعبة فلنستورد زهور استوائية بعد ما كنا بنصدر الوينكا للخليج نستورد حميض بدل الحميض الحامض بتاعنا نستورد العاب مسرطنة من اليام يام ومعاها عقول مضروبة نستورد قرود اجنبية لانها افهم من القرود المحلية تخيلو القرد المحلي لحد حسي قرد تخيلو
03-10-2008, 10:02 AM
حسن طه محمد حسن طه محمد
تاريخ التسجيل: 03-01-2007
مجموع المشاركات: 3653
Quote: ]عند حضوري لأول مرة لمدينة الرياض شاهدت النبق بذلك الحجم الكبير عندها قلت لبعض الاخوة : أنا كنت بعتبر من أقول الترغيب في العطاء و الكرم و المبالغة في ذلك لما يقولوا (أصحاب النبي اتقسموا النبقة الواحدة) و لكن بعد ما شفت نبق البلد دي فعلا ممكن يتقسم بين مجموعة من الأشخاص!
ما أظن يا حاج الناس البيشتروا النبق الكبير دا في السودان بيقسموه
لانو البيشتروه ما فقرا .. بس قروشم ما عارفين يودوها فين
03-10-2008, 05:58 PM
الرفاعي عبدالعاطي حجر الرفاعي عبدالعاطي حجر
تاريخ التسجيل: 04-27-2005
مجموع المشاركات: 14684
Quote: بي جدك يا ابوعلي فول من إثيوبيا فول وين فول السليم الحبة منو تفلق طفل وترمي على وشو
استوردو فول وطماطم
العزيز حسن طه محمد ... نسيت ان تذكر انهم في السودان ووفق شهادة كثير ممن حضروا لقاء الفريق عبدالرحيم محمد حسين قال وبالفم المليان في اجابة على احد الاخوان أننا سنستجلب فلاحين ومواطنين لتحسين نسلكم وكان يخاطب نوبي وكل من يدافع اليوم عن لم حضور ولم يجرؤ أحد بنبس في حضرة السلطة ... بمعني آخر وددت القول للأخ السني ... أضف لقائمة المستوردات سكان جدد من دول مجاورة نحن في زمن المشروع الحضاري يافنان ... مصداقا لما تقول والله شاهدت النبق الفارسي بأم عيني يباع في بحري ومكتوب عليه نبق فارسي ... هذا زمان الهوان ياصاحبي...سأعود فبوستكم شيق . ............................................................................................حجر.
03-11-2008, 06:55 AM
حسن طه محمد حسن طه محمد
تاريخ التسجيل: 03-01-2007
مجموع المشاركات: 3653
إزيك يا مرتضى إنشاء مبسوط, أيام عيد الضحية مشينا السلخانة عشان نجيب خروف الضحيةمن بوشر،شفتا خروف أسترالي سمين زي منتصر الخليفة و ليهو ضنب كمان، فسألتا البنغالي: الخروف ده جنسو شنو ؟ فقال لي: بابا أسترالي و ماما سوداني، فضحكحتا قايل البنغالي بيهظر، بعدها بيومين حكيت لدكتور عمر الشايقي الشغال مع عاطف كروم في دار الدواء فقال لي الراجل كلامو صحي لأنه الأستراليين لما الخروف السواكني ضايقم في الأسواق الخليجية إستوردو نعاج سودانية و هجنوها مع ذكور أسترالية!! الخوف تبقي علينا بعد ما بقت علي بهايمنا!!! و لك ودي أستاذي محمد الجمري
03-11-2008, 07:03 AM
حسن طه محمد حسن طه محمد
تاريخ التسجيل: 03-01-2007
مجموع المشاركات: 3653
كيف الأحوال.. أزيدك من الشعر بيت ، قبل فترة كنت في شركة شحن بجدة و كان هناك حاوية تحمل للسودان ، وجدت من ضمن الحاجات البشحنو فيها للسودان ملح..ملح يا أبو علي! مستغرب مالك؟ملح عديييل ... سألت الأخ المسئول ملح للسودان؟ ابتسم (طبعا ما ابتسامة الرضا) و رد علي : انت شفت حاجة الحاوية الفاتت كانت فيها دكوة (طبعا مكتوب عليها زبدة فول..يعني يا أبو علي ح يكتبوا دكوة)..تعيش في السودان تشوف العجب (هسع الرشاشات يجوا ناطين يقولوا ليك هيثم مالو؟)
03-11-2008, 07:20 AM
حسن طه محمد حسن طه محمد
تاريخ التسجيل: 03-01-2007
مجموع المشاركات: 3653
" منقول " النبق بسكون الباء وتشديد النون وتخفيف القاف وهو ثمر السدر الواحدة نبقة ونبق ونبقات مثل كلمة وكلم وكلمات , والنبق بارد يابس وبرده أقل من برد الرطب وفيه تجفيف وتلطيف وهو قابض يقوي المعدة , وخاصة إذا قلي ودق مع نواه , وقيل : النبق رطب , وقيل : رطبه رطب ودفع مضرته بالشهد وغذاء الناس من النبق يسير والنبق يسكن الصفراء ويشهي الطعام ويولد بلغما وهو بطيء الهضم , وورقه وهو السدر معتدل مجفف قابض لطيف يقوي الشعر , ويمنع من انتشاره وينضج الأورام وفيه تحليل والطري منه مع الخل ينفع من تقشير الجلد وطريه أيضا يلصق الجراحات ويقوي العظام الواهنة الواهية إذا ضمدت به أو نطلت بالماء المطبوخ فيه .
03-16-2008, 09:45 AM
حسن طه محمد حسن طه محمد
تاريخ التسجيل: 03-01-2007
مجموع المشاركات: 3653
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حسن طه محمد
محمد سنى دفع الله
أبو ساندرا
الرفاعي عبدالعاطي حجر
كمال سالم
عمر الفاروق
محمد المرتضى حامد
مازن الجمّال
Hassan Makkawi
hajhamad
فيس بوك
تويتر
انستقرام
يوتيوب
بنتيريست