|
Re: الصادق المهدى (الامام ).. يا حريف... (Re: محمد حامد جمعه)
|
اكيد خير ، والاهم من كدا انو السيد الصادق اثبت انو حريف ، وزول موضوعى وواقعى والاهم من كدا ديمقراطى
++++++++++++++++++++++++++++
ممكن يا ضابط أمن الكيزان تدينا مثال واحد من ديموقراطية الكيزان
مع تحياتي
للعميل العامل حريف مهند مأمون
| |
|
|
|
|
|
|
Re: الصادق المهدى (الامام ).. يا حريف... (Re: yagoub albashir)
|
يا محمد حامد .. زى ما قال اخونا يعقوب .. نحن عارفين ان السيد الصادق الصديق عبدالرحمن محمد احمد عبدالله المهدى رجل سياسى بارع وحريف وواقعى وومنطقى وديمقراطى.. لكن عاوزين نعرف الخبر الجديد شنو؟؟ما تقول لى عينوه رئيس وزراء.. لان السيد الصادق لا ياتى للحكم الا عن طرق الانتخابات الديمقراطية وبتفويض من الشعب.. فاذا كان هناك اى مناورات سياسية يتبعها الان فهو يفعل ذلك من اجل المصلحة العليا للشعب.. فهو باستطاعته وباشارة من يده ان يرفع نصف مليون بندقية فى الهواء ويحول عموم السودان الى ساحة من المعارك الدامية ويبقى السودان عراق اخر.. ولكن!!! السر
| |
|
|
|
|
|
|
Re: الصادق المهدى (الامام ).. يا حريف... (Re: Hussein Mallasi)
|
نعم يا محمد عثمان .. زى البنادق الرفعوها فى الجزيرة ابا.. وشهداء جسر الجاسر الموصل بين ربك والجزيرة ابا يشهد بذلك .. نعم زى البنادق الرفعوها فى ود نابوى (( المرتزقة)) .. ياتو مرتزقة ديل .. ديل كانوا سودانيين يحملون رؤوسهم فى اكفهم من اجل اعادة الديمقراطية بحد السيف.. وزى ما قال اخونا عماد.. نضيف زى البنادق الرفعوها فى كررى وشيكان وسقط الاف الشهداء من اجل طرد الاستعمار .. كفاية كده ولا ازيد؟؟ السر
| |
|
|
|
|
|
|
Re: الصادق المهدى (الامام ).. يا حريف... (Re: mohamed osman bakry)
|
الجديد شنو ؟؟!! جلابي إنتهازي إتلما علي جلابي مزنوق ....
البشير بحاسته ( الأخيرة) أدرك أن لا ضوء في نهاية النفق ....
بس من هسة بنقول للجميع: ما في واحد يجي بعدين يطرح السؤال الساذج : إنتو قروش البترول دي تودوها وين؟؟؟
لأن الإجابة الوقحة جاهزة و محفوظة ( تصرف عند اللزوم ) ....
| |
|
|
|
|
|
|
Re: الصادق المهدى (الامام ).. يا حريف... (Re: Mohamed Suleiman)
|
Quote: الجديد شنو ؟؟!! جلابي إنتهازي إتلما علي جلابي مزنوق ....
البشير بحاسته ( الأخيرة) أدرك أن لا ضوء في نهاية النفق ....
بس من هسة بنقول للجميع: ما في واحد يجي بعدين يطرح السؤال الساذج : إنتو قروش البترول دي تودوها وين؟؟؟
لأن الإجابة الوقحة جاهزة و محفوظة ( تصرف عند اللزوم ) .... |
يامحمد حتى فى دى لازم تدخل فيها جلابه وخلافه....هسه لو كلام محمد جمعه طلع ساكت حتكون شتمت زول يمكن يكون فى مقام والدك دونمااى سبب خليك موضوعى شويه ياحبيب
دودى
| |
|
|
|
|
|
|
Re: الصادق المهدى (الامام ).. يا حريف... (Re: Mohamed Doudi)
|
Quote: يامحمد حتى فى دى لازم تدخل فيها جلابه وخلافه....هسه لو كلام محمد جمعه طلع ساكت حتكون شتمت زول يمكن يكون فى مقام والدك دونمااى سبب خليك موضوعى شويه ياحبيب
دودى
|
يا عزيزي محمد دودي ..... أرجو ان لا تنخدع بهذه الأوعية المزيفة التي تسمي أحزاب و تنظيمات السياسة السودانية ....
هذه كلها تتحكم فيها (عوائل) جلابية ..... هذه عروش يتربع فيها الجلابة و اولاد الجلابة .... و البقية من الغرابة و أهل الشرق و غيرهم ....هم الجياد التي تجر عربات هذه العروش ... ( الشغيلة) .... و إلا قل لي : أي حزب علي رأسه غرابي أو من الشرق ؟؟؟
الصادق المهدي كنت لإحترمته إن إحترم هو دماء و تضحيات من ملأت جثثهم شوارع الخرطوم في يوليو 1976 .... شباب ترملت زوجاتهم في عمر الزهور في الدم جمد و الجنينة و رجل الفولة و منواشي و سرف عمرة و النهود و غيرها من قري و بلدات الغرب . نعتوهم بالمرتزقة ..... هل أنصفهم بالدفاع عنهم و هم ( الشباب ) قد دفعوا أرواحهم فداءا له و أستجابوا لندائه كما إستجاب أجدادهم لنداء جده في قدير و شيكان قبل أكثر من قرن ؟؟!!! لا .... دائرة المهدي كانت أغلي من دماء الغرابة ... لماذا لا يكون غرابي أو شرقي رئيسا للأمة أو الإتحادي ؟؟؟!!!
و ماذا جد الآن ليجتمع الصادق مع البشير و يخرج و يصرح تصريحا ( هينا لينا .... سمع أضاني من قناة الجزيرة و ما كلام جابو محمد حامد جمعة ) ..... الصادق المهدي يريد أن يكون ثوريا و في نفس الوقت يريد أن يكون إقطاعيا يورث أبنائه و بناته حزب الأمة فلا يتزعم حزب الأمة غير من يحمل إسم المهدي .
و السؤال: ألم يفرط الصادق المهدي و السيد الآخر في الديموقراطية مرات و مرات بعد أن تموت ( الشماسة) عند كل إنتفاضة ؟؟؟
قل لي يا محمد دودي : بينما تموت بنازير بوتو و جون قرنق فداءا لشعوبهم ..... لماذا نجد ساستنا هنا يمنحون مضطهدي شعب السودان كل الود و الأمان ؟؟!!!
الصراع في السودان عرقي .... جلابة كوم و غير الجلابة كوم تاني خالص .... و راقب ... في ساعة الزنقة ..... من يجتمع بمن ؟؟!!! من يثق بمن ؟؟!! من يحس بالألفة و الأمان مع من؟؟!!!
| |
|
|
|
|
|
|
Re: الصادق المهدى (الامام ).. يا حريف... (Re: malamih)
|
بالمناسبة يا أخونا محمد دودي ...... الحرية في السودان .... إنتقائية .... بعد الهيلمانة بتاعة مبارك الفاضل و أقطاب الإتحادي .... تم إطلاق سراحهم بزفة و مزيكة ..... و بأمر جمهوري ... عفو جمهوري ... ظلم جمهوري ... بينما يقبع عسكريون و طيارون و مهنيون من دارفور في السجن و لسنين.... بتهم ملفقة .... و لكن التهمة الحقيقية أنهم رفضوا المشاركة في قتل أهلهم بدارفور ..... بالله أيهم أشرف موقفا ؟؟!
| |
|
|
|
|
|
|
Re: الصادق المهدى (الامام ).. يا حريف... (Re: Mohamed Suleiman)
|
Quote: هذه كلها تتحكم فيها (عوائل) جلابية ..... هذه عروش يتربع فيها الجلابة و اولاد الجلابة .... و البقية من الغرابة و أهل الشرق و غيرهم ....هم الجياد التي تجر عربات هذه العروش ... ( الشغيلة) .... و إلا قل لي : أي حزب علي رأسه غرابي أو من الشرق ؟؟؟
|
الأخ محمد سليمان أرجو أن يسمو طرحك فمثل الذي تقوله خطر على البلاد والعباد.. وبفهمك الغريب دا .. تعال أقول ليك.. نائب رئيس حزب الأمة... غرابي الأمين العام - الرجل التنفيذي الأول- غرابي مؤسسات الحزب يتبوأ أبناء دار فور وحدهم أكثر من 33% خذ على سبيل المثال الأمانة العامة.. المكتب السياسي - رؤساء لجان المكتب السياسي
يا أخي أصحى معانا شوية.. وسيبنا من حكاية جالب ومجلوب دي
. . يا كومندان.. جمعة الحاصل شنو
| |
|
|
|
|
|
|
Re: الصادق المهدى (الامام ).. يا حريف... (Re: Mohamed Suleiman)
|
الأخ محمد سليمان تحياتي.،
Quote: إسماعيل وراق .... أنسوا دارفور .... و مبروك عليكم من إمتهنوا دور الكومبارس من عيال دارفور في أحزابكم العنصرية . |
هذا ما لا يمكن لشخص أن يحدده لحزب الأمة مع إحترامي لشخصك الكريم.. أما نحن فلن ننسى دار فور.. ببساطة.. لأنها جزء من الوطن ولأنها معقل من معاقل حزبنا والقول الفصل سيكون لأبناء دار فور من أبناء الحزب.
Quote: كويس إنك أثبت ما سقته أنا من جهوية الأحزاب الشمالية القائمة الآن ... و بالذات حزب الأمة ... فقط تمعن في كلامك هذا:
|
يا حبيب كلامك غير صحيح.. فالدكتور عبد النبي على أحمد لم يأت بصفته من أبناء دار فور ولم يحدد منصب الأمين العام لجهة ما.. بل أن الرجل خاض إنتخابات حرة وفاز بهذا المنصب وكذلك الحال ينبطق على نائب الرئيس د. مادبو.. أما بقية الأمانات فتواجد أبناء دار فور أيضاً كان لعطائهم.. صحيح نحن لا نغفل تمثيل المناطق ولكنه ليس بالمفهوم السالب للجهوية.
Quote: يا إسماعيل وراق .... نائب رئيس حزب الأمة أو الأمين العام ... الغرابة هؤلاء .... أسألهم .... ماذا فعل حزب الأمة لأهلهم ضحايا الإبادة و التشريد هناك بدارفور .... عمق حزب الأمة ( سابقا) ؟؟
|
أخي محمد.. أنا شخصياً أصاب بدوار عندي سماعي لمصطلحات مثل غرابة أو بحارة أو جلابة.. وعندما ذكرت كلمة غرابة كان إستخدام فقط للمصطلح الذي أستخدمته أنت.. أما ماذا فعل هؤلاء لأبناء منطقتهم وأهلهم فهذا ما يقرره أبناء المنطقة بالحزب والتاريخ لن يرحم.. ولكن قل لي بربك أليست كل مواقف حزب الأمة كانت متسقة مع بعضها وداعمة لقضية دار فور..
| |
|
|
|
|
|
|
Re: الصادق المهدى (الامام ).. يا حريف... (Re: ahmed haneen)
|
شكرا محمد سليمان لتشخيص الداء الحقيقي لدولة ابارتايد الجلابه مبروك للسيد الامام النهاية المتوقعه و الطبيعيه للكنكنشه في السطلة.
Quote: و راقب ... في ساعة الزنقة ..... من يجتمع بمن ؟؟!!! من يثق بمن ؟؟!! من يحس بالألفة و الأمان مع من؟؟!!! |
خليهم يسمعوا خطبة ميشيل اوباما ويعوا لماذا قالت انها تعتبت من التخويف من الآخر!! حتى متى سيظلون يخافون من الآخر المختلف عنهم؟؟ حتى متى وهم حريصين على هذا السودان القديم التقليدي؟؟؟؟
| |
|
|
|
|
|
|
Re: الصادق المهدى (الامام ).. يا حريف... (Re: حيدر حسن ميرغني)
|
Quote: وللا بنادق المرتزقة في ود نوباوي? |
ديل اشرف واعز منك يا وغد يا محمد عثمان
سعادتو
تصدق نحنا البربطنا بحزب الامة فكر وبرنامج لا مصالح اقتصادية ولا ازمات نفسية
وانا اديك البشرى حزب الامة ليس حزب افراد من ال البيت بل هو حزب مؤسسات
وفي النهاية برنامجناالممكن نقدموا للنظام زي ما ذكر الحبيب يعقوب اعلاه
موش تفرح ليك بحتة بشرى وتجي جاري كده بالجد ح تنفزر
واهو زي ما انت شايف ما عندنا مجالس تاديب بتاعت عضوية كلامنا بنكتبوا على الهواء مباشرة وزي ما حصل في صحيفة صوت الامة وكتب عووضة عن ( اختراق ) الامام وعويس عن الجهوية ولنا عن غياب المؤسسات ..
وفي اسؤا الفروض ( لو ) شارك بعض اهل الحزب سيكون مصيرهم الحزبي نفس السبقوهم ولو كان الامام نفسه ..
| |
|
|
|
|
|
|
Re: الصادق المهدى (الامام ).. يا حريف... (Re: محمد حسن العمدة)
|
Quote: من الله خلقكم .. شفتوا ليكم زول يجيب لجيشو البوليس!! |
وعشان كده قلنا من الاول ده ما جييييييييييييييييش
افهموا يا ناس
في جيش بتكون من اقل من عشرة افراد ؟؟
دي حتى فصيلة ما تامي
هي محاولات مستمرة من قبل النظام لاغلاق منبر الديمقراطية دار حزب الامة
وكما صادروا من قبل دار هيئة شئون الانصار ومسجد الخليفة يحاولون الان
ارتقي يا ملاسي
| |
|
|
|
|
|
|
Re: الصادق المهدى (الامام ).. يا حريف... (Re: حمزاوي)
|
Quote: يا وراق
بقيت تسأل زينا كدا |
المكاتل حنين وحات الخوة عايز أعرف أخر الكومندان دا شنو..
. . أما تلميح بالمشاركة ورغم أن كل أحزاب السودان شاركت عدا حزب الأمة إلا أنني أقول للحزب خط واضح وهو عدم المشاركة في هذا النظام.. مستجدات جديدة والله دي إلا يكون بعض القيادات قطعوها من رأسهم ساكت..
| |
|
|
|
|
|
|
Re: الصادق المهدى (الامام ).. يا حريف... (Re: محمد حامد جمعه)
|
Quote: حريف ... عديل كدا ... يا ابو بشرى والله مبروك ... |
العميد محمد حامد جمعة تحية طيبة المعلومة وصلت عبر الهاتف من أحد الأحباب
الراجل كنيته أبو أم سلمة. لكن ما بتفرق أبو بشرى و لا أبو عبد الرحمن المهم في الأمر حزب الأمه غير مسئول من تصرفات أي عضو من أعضاءه حتى لو كان إبن رئيس الحزب، وكل شاة معلقة من عصبتها، و كل تصرف من أعضاء الحزب يؤثر على مستقبل العضو السياسي و ليس على مستقبل الحزب . لك الود ياسعادة الملازم، آسف أقصد سعادة العميد. يعقوب
| |
|
|
|
|
|
|
Re: الصادق المهدى (الامام ).. يا حريف... (Re: yagoub albashir)
|
Quote: مستجدات جديدة والله دي إلا يكون بعض القيادات قطعوها من رأسهم ساكت.. |
الحبيب وراق تحياتي
طبعا زي ما قال يعقوب
كل ما يفعله العضو او القيادي يؤثر عليه هو من قبل فعلها مبارك الفاضل ومن معه وقال فيهم الحزب كلمته اذا كان بشرى او محمد الدوريك - اذا صحت الاخبار - الذي عين معتمدا فهي لا تعدو عن سقوط اخلاقي في المقام الاول ولكن ما يهمنا هو الحزب وخط وبرامج الحزب ولن نرحم من يحيد عنها
نحن قوم لا نجيد التصفيق بل نجيد المواقف
وحتى ان فعلها الامام نفسه وهذا محال فسنقول له وداعا وسنقف مع حزبنا وجماهيرنا
| |
|
|
|
|
|
|
Re: الصادق المهدى (الامام ).. يا حريف... (Re: Saber Abdelhadi)
|
Quote: المعلومة وصلت عبر الهاتف من أحد الأحباب |
Quote: لكن ما بتفرق أبو بشرى و لا أبو عبد الرحمن المهم في الأمر حزب الأمه غير مسئول من تصرفات أي عضو من أعضاءه حتى لو كان إبن رئيس الحزب |
يا اخوانا شنو الاشارات المبهمة دي .. هل انضم السيد عبد الرحمن السيد الصادق أو السيد بشرى السيد الصادق للمؤتمر الوطني و للا الحكاية شنو؟!!
| |
|
|
|
|
|
|
خبر السواد (Re: محمد حامد جمعه)
|
Quote: طيب نقول نحن
نقلا عن صحيقتنين صدرتا اليوم بالخرطوم ، فان السيد بشرى الصادق المهدى قد عين ضابطا بجهاز الامن والمخابرات الوطنى برتبة الملازم اول ، |
خبر السواد جاية تاني
| |
|
|
|
|
|
|
Re: الصادق المهدى (الامام ).. يا حريف... (Re: مجاهد عبدالله)
|
طبعا الخبر يؤكد عندى ان السيد الصادق المهدى رجل ديمقراطى للغاية ويحترم خيارات ابنائه لانهم فى النهاية لهم ميول وطموحات ، الخبر سيجده البعض سانحة للنيل من الامام والذى يثبت بالفعل انه رجل حريف وسياسى يجيد اقتناص انصاف الفرص ( ودى تفاصيلها بعديييييييييييييين لكنها حتعمل جلطة لمبارك الفاضل وناس كتار )
| |
|
|
|
|
|
|
ده اختراق أول يا كيشة بعد ده أقدرو أقبضو و عزبو ليكم زول من أبنا و بنات الشرفاء الصادق فعلا حريف لأنو عرف بي وين يدخل جحر الدابي.
| |
|
|
|
|
|
|
Re: الصادق المهدى (الامام ).. يا حريف... (Re: مجاهد عبدالله)
|
Quote: عموما على السيد الصادق المهدى التحسب لاعظم حملة شواء يمكن ان تتعرض لها اسرته ومواقف حزبه
|
ما هـذا هو مخطط الجبهـة من الأساس.. ما شفت سـوو بالمرحوم الهندى كيف؟ إستقبالات حاشـدة فى المطار، مثل ترحيبكم بالصادق الأن، ومنذ أن وضع فى الجيب شـاهـد ما كان فى الغيب! يا سيـدى جماعتكم ديل لما يرفعـوا الزول فووووووق، تأكد أنو اليونيـة جاياه!
| |
|
|
|
|
|
|
Re: الصادق المهدى (الامام ).. يا حريف... (Re: Abureesh)
|
يا محمد حامد .. الخبر ده اذا كان صحيح .. معناه بالفعل السيد الصادق اثبت انه حريف زى ما قلت .. لان المصائب كلها تاتى من جهاز الامن ولمن يكون عنده واحد جوه الجهاز فهذا معناه..... وبعدين ابن السيد الصادق حر يفعل ما يشاء وممكن يتحول للحزب الشيوعى او الاتحادى الديمقراطى .. والصادق دخله شنو فى خيارات ولده.. ولا انتو عاوزين تمارسوا الدكتاتورية حتى داخل بيوتكم.. فهل انت تعلم بان عبد الرحمن .. ابن الصادق كان ضابط فى القوات المسلحة قبل الانقلاب وطرد... وبعدين مهما يشتد الهجوم عليه فهذا لن يؤثر فى مسيرته السياسية.."" الكلب ينبح والجمل ماشى"" السر
| |
|
|
|
|
|
|
Re: الصادق المهدى (الامام ).. يا حريف... (Re: السر عبدالله)
|
الاخ محمد حامد ود جمعة والاخوان المتداخلون تحياتي لا ادري اين المشكلة او الخبر في دخول شاب سوداني في جهاز الامن .. ان كان ابن الصادق او من ابناء الغبش في بلادي. الدستور واتفاقية السلام والاتفاقيات الموقعة مع المعارضة كلها تنص على قومية الاجهزة واولها جهاز الامن واعادة هيكلتها بما يحقق هذه القومية.. هذا الخبر لا ينبغي ان يكون محل متاجرة سياسية، فقد انخرط كثير من اعضاء الحركة الشعبية بعد اتفاق السلام في جهاز الامن وغيره من المؤسسات انفاذا للدستور. ما يهم هنا هو انفاذ اجراءات حقيقية تضمن الوصول الى قومية هذه الاجهزة وضمان الانتساب لها بمعيار الكفاءة لا غير. وما يهم اكثر هو تعديل القوانين لتتواءم مع ما ينص عليه الدستور. نريد النأي عن المكاسب السياسية الضيقة .. نريد وطنا يسع الجميع .. يجد فيه ابناء الغبش حقهم مثلما يجده ابن الصادق وابن الترابي. اكتب لنا يا ود جمعة بان ابواب جهاز الامن اصبحت مفتوحة امام ابناءنا جميعا، وليس ابناء المؤتمر الوطني وابناء الزعماء السياسيين بغرض المتاجرة الرخيصة. اكتب لنا بان اجراءات حقيقية اتخذت لاعادة هيكلة الجهاز والمؤسسات السياديةالاخرى لضمان قوميتها. لا يهمني ان دخل ابن الصادق او غيره الى جهاز ما .. ما يهمني هو ان اشعر بان هذه الاجهزة تمثل الجميع وان الانتساب اليها هو حق لابني كما هو حق لابن الصادق والترابي. وما يهمني حقا هو ان تتسم هذه الاجهزة بالشفافية وان تلتزم ضوابط قانونية نرتضيها جميعا.
| |
|
|
|
|
|
|
Re: الصادق المهدى (الامام ).. يا حريف... (Re: محمد حامد جمعه)
|
Quote: يا ناس الأمة ..
وقتين بقا يشكركم محمد جمعة
اتبنوا رأس حزبكم ؟؟؟
ونورونا معاكم .. كان بقيتوا عارفين ؟؟؟ |
الاخ أحمد حنين.
واضح جدا أن أنصار وأعضاء حزب الامة بالبورد لا علم لهم بما يدور في الخفاء بين المؤتمر الوطني وبين الصادق المهدي وأسرته من طبخ صفقات.
أنظر لهم فهم مندهشين أكثر من محمد حامد جمعة نفسه. علشان كده أنا بقول أن الحزب هو حزب أسرة الصادق المهدي فقط ولا غير.
دينق.
| |
|
|
|
|
|
|
Re: الصادق المهدى (الامام ).. يا حريف... (Re: محمد حامد جمعه)
|
Quote: تصدق نحنا البربطنا بحزب الامة فكر وبرنامج لا مصالح اقتصادية ولا ازمات نفسية
وانا اديك البشرى حزب الامة ليس حزب افراد من ال البيت بل هو حزب مؤسسات
وفي النهاية برنامجناالممكن نقدموا للنظام زي ما ذكر الحبيب يعقوب اعلاه
موش تفرح ليك بحتة بشرى وتجي جاري كده بالجد ح تنفزر |
محمد حسن العمدة.
هسع أنت ما بتخجل من ذي كلامك الفوق ده؟
ياتوا "مؤسسات" دي يا ود العمدة وألصادق المهدي وأسرته مكوشين على الحزب؟
دينق.
| |
|
|
|
|
|
|
Re: الصادق المهدى (الامام ).. يا حريف... (Re: محمد حامد جمعه)
|
Quote: نقلا عن صحيقتنين صدرتا اليوم بالخرطوم |
الحبيب محمد حامد جمعة، الخبر كما تقول نقلاً عن صحيفتين صدرتا اليوم بالخرطوم. طيب انت عرفت البارح الخبر دا كيف؟؟!!!!!!!! و برضو تقول إنك زول أغبش ساي؟ بعد دا نقول ليك سعادة العميد و نحن على يقين. يعقوب
| |
|
|
|
|
|
|
Re: الصادق المهدى (الامام ).. يا حريف... (Re: yagoub albashir)
|
يا ناس حزب الامه هوووووووي بطلوا دجل واعرفوا انه ناسكم دخلوكم في كستبانه (بشرى) الصادق المهدي يلتحق بـ(جهاز الأمن) !! الموضوع ليس محمد حامد جمعه امنجي ولا غيره الموضوع ليه مصرين تقعدوا في عماكم ده؟؟؟ ياناس دي اكثر من صفعه لكل نضالاتكم ومواقفكم. غايتو يا محمد حسن العمدة يا ويلك من شماتة دينق فضلت شغال ليه الحركه الشعبيه شريك الحركه الشعبيه ما عارف ايه اهو لحد ما ولد رئيس حزبكم وقيادته المستقبليه بقى امنجي؟؟!!
مجرد آمنجي كمان وزير ما لقى فقط آمنجي!! سبحان الله.
يا ملاسي عليك الله خفف شويه ناس خالد عويس الفيهم مكفيهم اوع تكاوي.
| |
|
|
|
|
|
|
Re: الصادق المهدى (الامام ).. يا حريف... (Re: Tragie Mustafa)
|
الموضوع ليه مصرين تقعدوا في عماكم ده؟؟؟ __________________________________________ يا سلام لمن الفكره تسبق الغفله. شكرا تراجى مداخله حلوه. _________________________________________ محمد حامد جمعه ياخى ما يبقى ! الناس ديل لازم يكبروا وبس! اول النار ولا طيش الجنه!!
| |
|
|
|
|
|
|
Re: الصادق المهدى (الامام ).. يا حريف... (Re: محمد حامد جمعه)
|
Quote: الأخ الكريـم يعقوب،
وتصرفات رئيس الحزب المســؤول منهـا منو؟ |
الحبيب أبو الريش تحية طيبة تصرفات رئيس الحزب إذا كانت تصرفاته بصفته الشخصية فهي تصرفات مسؤول عنها هو أما إذا كانت تصرفاته بصفته الاعتبارية فهي تصرفات مسؤول عنها الحزب. فمثلاً، لو تم تعين السيد الصادق المهدي في أي منصب سياسي هذا شأن يخصه هو و يؤثر على مستقبله السياسي هو، و على حزب الأمة أن يعقد مؤتمره العام السابع باسرع فرصة ممكنة لانتخاب رئيس جديد . أما أذا تم تعين السيد الصادق المهدي رئيس حزب الأمة في أي منصب سياسي باعتبار أن ذلك نصيب حزب الأمة في قسمة السلطة، هذا تصرف مسؤول عنه حزب الأمة و يؤثر على مستقبل الحزب السياسي. لك الود يعقوب
| |
|
|
|
|
|
|
Re: الصادق المهدى (الامام ).. يا حريف... (Re: yagoub albashir)
|
Quote: غايتو يا محمد حسن العمدة يا ويلك من شماتة دينق |
بالعكس يا تراجي .. تصدقي حسع انا شمتان في كل الناس الجات كاتلا الشمار ومنتظره قنبلة سعادتو وزي ما قال الزميل مجاهد عبد الله تمخض والاصح في الحالة دي تمخط ود جمعة فولد بعوضة وبعمل اقتباس عشان اوثق للمهزلة دي وقلة شغلة الكثيرين من مهرجلي المنبر
ياخي تتكلمو عن بشرى وقبلو كان مبارك الفاضل بذاتو ؟؟ وقبلو احمد المهدي وقبلو التهامي وووالخ
وده التوثيق
والله حريف ، ولعاب ، عجبتنى يا الامام
حريف ... عديل كدا ... يا ابو بشرى والله مبروك ...
زميلنا محمد الحسن العمدة عليك الله صفق معاى ، اوعى تشاتر اكيد خير ، والاهم من كدا انو السيد الصادق اثبت انو حريف ، وزول موضوعى وواقعى والاهم من كدا ديمقراطى
يا جماعة شيلو الصبر نحن نظامنا هنا حاجات نجيضة يعنى عشان ما نجى نقعد انا بعتذر وانا بنفزر ، المهم فى ناس كتار حقو يساعدونا ... بالسكات والموية الباردة ... الايام الجاية دى صعبة عليهم .. صعبة خالص ومحبطة
يا السر براحة ، ما تمشى بعيد ، براحة يا زميل
ابو الريش : محمــد،
ما دام مبسوطين منو كدا، معناهـا واللا بلعتوه والله ختيتوه فى جيبكـم.
ابو هريرة :
صفقات خفية لمشاركة بعض احزاب المعارضة في السلطة
تراجي : غايتو بالغته يالامام الشمته ملاسي قدر ده في ناس خالد عويس!!
الباقر موسى : أها غشيتوهو تاني?
المرة دي إسمها
"تنخدعون"
أو
"تلدغون" للمرة المليون
الباقر موسى
جني : المهدى مصابق المرغنى! الظاهر المرغنى المرة دى حياكل مقلب اصلى! جنى
محمد سليمان: الجديد شنو ؟؟!! جلابي إنتهازي إتلما علي جلابي مزنوق ....
البشير بحاسته ( الأخيرة) أدرك أن لا ضوء في نهاية النفق ....
بس من هسة بنقول للجميع: ما في واحد يجي بعدين يطرح السؤال الساذج : إنتو قروش البترول دي تودوها وين؟؟؟
لأن الإجابة الوقحة جاهزة و محفوظة ( تصرف عند اللزوم ) ....
احمد حنين: يا ناس الأمة ..
وقتين بقا يشكركم محمد جمعة
اتبنوا رأس حزبكم ؟؟؟
ونورونا معاكم .. كان بقيتوا عارفين ؟؟؟
تراجي تاني : شكرا محمد سليمان لتشخيص الداء الحقيقي لدولة ابارتايد الجلابه مبروك للسيد الامام النهاية المتوقعه و الطبيعيه للكنكنشه في السطلة.
ده بؤس والله
وزي ما سال كمال عباس
هل بشرى الصادق المهدي عضوا بحزب الامة ؟
| |
|
|
|
|
|
|
Re: الصادق المهدى (الامام ).. يا حريف... (Re: محمد حامد جمعه)
|
و الله منبر بكري فيه عجايب و غرايب تخلى الواحد يتحير في انو بكلم ناس واعية وفاهمة و متعلمة و مثقفة و اشخاتص صادقين حتى لو كان على حساب انتماءتهم الحزبية و الطائفية و الفكرية و العقدية. شوف بالله زي المداخلة التالية دي
Quote: إمام إبن إمام إبن إمام.
دين سوداني (حريف).
لم نأخذه (سكند هاند) من حسن البنا في مصر ولا من محمد بن عبدالوهاب في نجد.
تماما مثل إسلام الأستاذ محمود محمد طه. نسختنا الخاصة من الإسلام. |
هو الاسلام عندو نسخ خاصة بدول و قبائل و نحن ما عارفين؟ شئ يحير. يا صاحب المداخلة الفوق اذا كان فكر السلفين و الاخون المسلمين سكند هاند طيب امامكم اخترع فكر علمنة الدولة و نحن ما عارفين. ياخي اذا كان في شئ سكند هاند في نظريات الصادق هي السكند هاند ...
اما ياود العمدة بالغت في كلامك التحت ده ... اجزم انو كلامك كتبتو في لحظة انفعال و لم تكن في وعي الكامل ... كدي راجع كلامك و شوف انك بتؤمن به كله.
Quote:
سعادتو
تصدق نحنا البربطنا بحزب الامة فكر وبرنامج لا مصالح اقتصادية ولا ازمات نفسية
وانا اديك البشرى حزب الامة ليس حزب افراد من ال البيت بل هو حزب مؤسسات
وفي النهاية برنامجناالممكن نقدموا للنظام زي ما ذكر الحبيب يعقوب اعلاه
موش تفرح ليك بحتة بشرى وتجي جاري كده بالجد ح تنفزر
واهو زي ما انت شايف ما عندنا مجالس تاديب بتاعت عضوية كلامنا بنكتبوا على الهواء مباشرة وزي ما حصل في صحيفة صوت الامة وكتب عووضة عن ( اختراق ) الامام وعويس عن الجهوية ولنا عن غياب المؤسسات ..
وفي اسؤا الفروض ( لو ) شارك بعض اهل الحزب سيكون مصيرهم الحزبي نفس السبقوهم ولو كان الامام نفسه .. |
الكلام التحت خط او كتب بالبنط العريض ما اظنك قاصدوا و طلع منك زلت لسان .... كدي بينك و بين نفسك هل الكلام ده ممكن يحصل او حاصل على ارض الواقع هل الكلام ده منطقي على حسب وجهة نظركم اعضاء الحزب .... ياخوي حزبكم ده من غير الاسرة دي ما بسوا شئ ... يعني يكون لا وجود لحزبكم ده من غير اسرة المهدي.
و بالمناسبة لقب ال البيت ده بتطلقوا على هذه الاسرة لانهم من احفاد الرسول ثلى الله عليه و سلم ... اذا كان ده السبب ورينا لانو الرسول صلى الله عليه و سلم وصى باحترام ال بيته.
| |
|
|
|
|
|
|
Re: الصادق المهدى (الامام ).. يا حريف... (Re: Alfarwq)
|
Quote: قرار التعيين تاكيد على قومية الجهاز وانه مؤسسة مفتوحة للجميع ( طبعا الكلام دا البجيب ليكم الاكولة والحنكلو ) |
شفت الفضائح دي كيف يا جنابو ؟؟
بنحاول لينا 19 سنة نثبت للعالم انو مؤسسات النظام في السودان من خدمة مدنية وعسكر وقضاء والخ الخ مؤسسات المعايير البتحكما معايير خاصة بالنظام و حسابات النظام ولا علاقة لها بالمهنية والخبرة والمؤهلات .. انتي حسع جيت في سطر واحد بس لخصت كل همنا طوال السنين الراحت دي .. موش قلت ليكم كادر الجبهة الاسلاموية باباح خلاص وفكت منو ؟؟
ما هي مؤهلات وخبرات وشهادات بشرى الصادق المهدي حتى يتم تعيينه ضابطا بجهاز( الامن ) وكمان ضابط ولا فرد ساي ولا ضابط صف ؟؟
اها انا يتخيل لي بعد ما عملت ارسال الرد ناسك جاتم الاكولة والحنكلو
بعدين الغريبة ليه جبت خبر بشرى وما جبت خبر محمد الدويريك العينو معتمد بجنوب كردفان ولا لسع الجرائد ما جابتو ولا عشان بشرى ود المهدي ؟؟
وطيب مبارك موش برضو ود المهدي ؟؟ عندما شارك النظام هل قامت القيامة ؟؟ ببساطة هو الخسر والحرق نفسو
ونفس الشي مع بشرى ومع كل من باع ذمته ونفسه لنظامكم البائس
Quote: يا صاحب المداخلة الفوق اذا كان فكر السلفين و الاخون المسلمين سكند هاند طيب امامكم اخترع فكر علمنة الدولة و نحن ما عارفين |
Quote: ياخوي حزبكم ده من غير الاسرة دي ما بسوا شئ ... يعني يكون لا وجود لحزبكم ده من غير اسرة المهدي. |
الهرطقة دي شنو ؟؟
| |
|
|
|
|
|
|
Re: الصادق المهدى (الامام ).. يا حريف... (Re: محمد حسن العمدة)
|
يا محمد حسن العمدة كان عضو عضو وكان ما عضو برضو عضو.
Quote: وزي ما سال كمال عباس
هل بشرى الصادق المهدي عضوا بحزب الامة ؟ |
مش ده واحد ممن عنتهم ساره الفاضل عندما قالت كل اولادنا بصلحوا للحكم؟؟؟؟ هل قالت كل اولادنا اعضاء الحزب؟؟ام اعتبرت كل الوادهم اعضاء اتومتكيا؟؟!!
| |
|
|
|
|
|
|
Re: الصادق المهدى (الامام ).. يا حريف... (Re: محمد حامد جمعه)
|
بشرى الصادق المهدى عينوه ضابط فى جهاز الامن والمخابرات كيف؟ ضمن وظائف معروفة ومعلن عنها ومفتوحة للكافة للتنافس حولها؟ ومعاينات وشهادات واختبارات؟ الخ؟
ما هى مؤهلاته ودرجة تعليمه؟ وكم عمره؟
بعدين ضابط الأمن مش مفروض يكون غير معروف؟ ولا شنو؟
| |
|
|
|
|
|
|
Re: الصادق المهدى (الامام ).. يا حريف... (Re: Adil Osman)
|
يا تراجي
اعتذر عن السؤال الغبي الذي طرحته هل كان عضوا
لسبب بسيط ان كان عضوا ام غيره فليس اول عضو بحزب الامة يترك الحزب ويرتمي في احضان النظام هو برغم نسبه لا يساوي محمد علي المرضي او مبارك الفاضل او اي من الذين سبقوه
الاهم من ده كلو هل تعيين بشرى في جهاز الامن يعني مشاركة حزب الامة ؟؟
لقد سئمنا مثل هذه التحليلات الفطيرة
لقد قال الكثيرون اكثر من ذلك بعد اتفاق جيبوتي وقالوا ان هنالك اتفاق مسبقا لتعديل الدستور حتى يصبح الصادق المهدي رئيسا للوزراء مقعده المحبوب !! قالوها في جيبوتي وقبل جيبوتي ودينق ماشاء الله ما مقصر تب كل ما يكون في لقاء او عشاء بين البشير والمهدي يجي يعمل بوست وبقية الكورس يغنو
شاركت الحركة الشعبية وشارك التجمع بكل فروعه اتحادي وشيوعي وشخصيات وما بين ذلك وشارك مني اركوي وشاركت جبهة الشرق وبقى حزب الامة صامدا ولا يزال صامدا
اقول ليكي يا تراجي نحن لسنا وفي معظمنا كتاب عابرين في سودانيز اون لاين بل كثيرون منا يشغلون اجهزة حساسة ومهمة جدا في الحزب لن نستقيل او نجمد عضويتنا اذا ما فعلها قادتنا بل من موقعنا سنعارض اي مشاركة مع النظام وسنقف بعنف ضد اي محاولة لجرجتنا للنظام اقول هذا وانا واثق من ان حزب الامة ليس كما السابق بل صار اقوى بكثير وتحكمه مؤسسات
| |
|
|
|
|
|
|
Re: الصادق المهدى (الامام ).. يا حريف... (Re: محمد حسن العمدة)
|
Quote: بعدين ضابط الأمن مش مفروض يكون غير معروف؟ ولا شنو؟ |
اها لو تم كشف اسم ضابط امن او حتى عسكرى امن للاعلام فان القانون فى كل الدول الغربيه يحاكم من كشف اسم عميل الامن ولقد فقد اسكوتى ليبى منصبه وتمت محاكمه بافشاءه لاسم عميله المخابرات الامريكيه زوجه السفير الامريكى السابق فى قضيه يورانيوم النيجر الشهره وطبعا مستر ليبى هو مدير مكتب نائب الرئيس الامريكى....وعليه نطالب جهاز الامن بمقاضاه الانتباهه ومحمد حامد جمعه لكشفهم شخصيه ضابط الامن بشرى الصادق اذا صحت الروايه ....اذا تمت تصفيه بشرى الصادق فان المسئوليه تقع على محمد جمعه والانتباهه...هنالك العديد من ابناء الشعب من تم اغتصابه وتعذيبه بواسطه افراد جهاز الامن واذا سنحت لهم الفرصه وتعرفوا على جلاديهم فالقصاص وارد وارد....
دودى
| |
|
|
|
|
|
|
|