|
|
 اثيوبيا هي الامتداد الطبيعي للسودان و ليست الجنوب هل من معترض ؟
|
بعد ان قاربت سنين الوحده الانتقاليه على الانتهاء
و بعد ما يزيد عن الخمسون عاماً من الوحده المفتعله بين الشمال و الجنوب
اختلاف الثقافات بين الشمال و الجنوب يحول دون ان يصبح الشمال و الجنوب وطنا واحداً بالتراضي في المنظور الغريب
اختلاف الدين مسلم و مسيحي
اختلاف الثقافة الجنوبيون يفضلون الثقافة الغربيه التى ينفر منها الشماليون
اختلاف العرق عربي و زنجي
اختلاف المناخ صحراوي و استوائي النقيض الى النقيض
اختلاف كل شئ بين الشماليين و الجنوبيين
جعل كل تصرفات الجنوبي شاذه و غير مطاقه في وجهة نظر الشمالي البسيط
و كذلك تصرفات الشمالي في نظر الجنوبي
احتفالات الجنوبيين لا تلفت انتباهنا تعبيرهم عن الفرح لا يعجبنا و كذلك هم
نرجو من الاخوة المتخصصين المشاركه في هذا الموضوع بعيدا عن التناول العاطفي
|
|
 
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: حيدر حسن ميرغني)
|
اثيوبيا هى الاقرب للسودان من كل ناحيه
الشعوب متفاهمه
الشمالي لو نقلوه جوبا تلاهو ينقنق
لكن كل سوداني حلمو يزور اديس
و الاثيوبيون منتشرون في الخرطوم و عايشين وسطنا بكل اريحيه
و نسبة التزواج كبيره و اختياريه
و في تداخل قبلي تدريجي
يعني في جنوب النيل الازرق في انتقال تدريجي في المناخ و العرق بل الفاصل سياسيي فقط
و في الشرق في بعض الاحيان يصعب عليك التمييز بين الاثيوبي و البجاوي
يمكنك ان تصادق الاثيوبي و الارتري بكل سهولة و ذلك لا يحدث مع الجنوبيون
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: Ali Alameen)
|
هذا الطرح يتجاوز محاور اساسية :
*اثيوبيا لم تكن يوما هي السودان او جزء منه
*الجنوب هو السودان او جزء منه والدماء الجنوبية تمتزج بدماء معظم اثنيات اهل السودان وهذا ليس هو الحال مع اثيوبيا
*الاعراق السودانية مزيج من العربي والزنجي والزنجي واعراق افريقية اخري ولا علم لي بعرق عربي واحد في السودان لم يمتزج باعراق اهل السودان المتمازجة
*احتفالات الجنوب تدهش اهل الشمال متما هئ لهم ان يرووها واحتفالات كتنصيب رش الشلك كانت من اميز احتفالات اهل السودان
*اهل الجنوب يستمتعون باحتفالات الشمال ويغنون ويرقصون علي الحان السودان الافريقية ذات السلم الخماسي والتي لا تشبه الالحان العربية (وللمختصيين في ذلك ما يقولونه)
*في الجنوب مسيحيين ومسلميين وفي البيت الواحد تجد المسلم والمسيحي
من يطلع علي التركيبة الاثنية والعرقية لاهل اثيوبياوعاداتهم يعرف كيف انهم مختلفون ويكفي لاثيوبيا انها الدولة الوحيدة في كل القارة السوداء التي تتحدث بلغتها او اهم لغاتها رغم انها تعرضت لاستعمار ونزح اليها العرب قبل السودان بينكما تتحدث كل دول القارة بلغات الغير والسودان اخدهم
وربما في تشاد تشابها لا هل السودان اكثر من اثيوبيا ...
مودتي
ابوبكر
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: abubakr)
|
معذره الاراء التى تم بناء البوست عليها من قبل صاحبه فى مداخلته الاولى مضطربه وتفتقر للدقه والصدق فمثلال يقول بالاختلاف الدينى بين الشمال والجنوب وتناسى ان المسيحيه هى الديانه الرسميه فى اثيوبيا رغم كثره المسلمين بها ثم يقول ان المناخ فى الجنوب استوائى وفى الشمال صحراوى فهل تناسى ان المناخ فى شمال السودان بمفهومه العريض ليس كله صحراويا بل يتدرج من صحراء الى شبه صحرء الى سافنا فقيره ثم غنيه وصولال الى الاستوائى فى جنوب السودان ثم الخطا البشع هو القول بالاختلاف العرقى بين الشمال والجنوب " عرب / زنج" فاين يضع زنوج دارفور وكردفان ووسط السودان وشرقه ضمن عرب وسط السودان بل حى قبائل اقصى شمال السودان كالنوبين يعتبرون زنوج وليس عرب .....وان صح قول صاحب البوست ان اهل الشمال عرب فكيف يكون الاثيوبيون الذين شهد هيرودوتس بزنوجتهم فى تجانس معهم؟؟؟وهل المناخ فى اثيوبيا صحراوى او حتى قريب منه حتىتعتبر تلك البلاد امتداد للسودان ؟؟
اخيرا عنوان البوست يخرج الجنوب عن السودان ويحصره فى الشمال وهذا خطل بشع لان ان كانت العبره بالتسميه سواد اللون فجنوب البلاد هم الاولى بالتسميه مع العلم ان التسميه Sudan مردها الى التاريخى الى دولتى مالى والسنغال قبل انفصالهما بسبب سواد اهاب اهلهاوهم الاقرب سحنه الى سكان جنوب السودان اهل السودان الاصليين يضاف اليهم قبائل النوبه وبعض الزنوج فى الانقسنا ودارفور مع العلم عدم انتمائى لاى من هذه القبائل رغم افريقيتى .....
البوست يحتاج لتعديل وتصحيح ليس فى الاراء بل فى المعلومات الاساسيه من قبل صاحبه حتى تتم مناقشته......
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: احمد الامين احمد)
|
الاخ احمد الامين احمد
انا عندما طرحت هذا الموضوح لم اتحدث عن التطابق بين السودان و اثيوبيا بل تحدثت عن التقارب
فالمناخ و الطبيعه الاثيوبيه اقرب للشماليين من المناخ و الطبيعه في الجنوب
| Quote: وتناسى ان المسيحيه هى الديانه الرسميه فى اثيوبيا رغم كثره المسلمين بها |
التقارب الذى اتحدث عنه على المستوى الشعبي و ليست الرسمي فاذا تحدثنا عن الرسميات فالجنوب و الشمال رسميا دوله واحده ولكن هل شعب الجنوب و شعب الشمال متقاربان على المستوى الشعبي
| Quote: القول بالاختلاف العرقى بين الشمال والجنوب " عرب / زنج" فاين يضع زنوج دارفور وكردفان ووسط السودان وشرقه ضمن عرب وسط السودان بل حى قبائل اقصى شمال السودان كالنوبين يعتبرون زنوج وليس عرب |
افارقة السودان من غير الجنوبيين يتحدثون اللغتين لهجاهم و اللغة العربيه عن طيب خاطر و اغلبهم مسلمين بالفطره و عامل اللغة و الدين يطغى على العوامل الاخرى مثل العرق و لا مجال للمقارانه بين الجنوبيون و بقية افارقة السودان كأهل دارفور
| Quote: وهل المناخ فى اثيوبيا صحراوى او حتى قريب منه حتىتعتبر تلك البلاد امتداد للسودان ؟؟ |
كما سبق و ان ذكرت انا لا اتحدث ن التطابق بل عن التقارب و مناخ اثيوبيا اقرب لمناخ شمال السودان من الجنوب
| Quote: اخيرا عنوان البوست يخرج الجنوب عن السودان ويحصره فى الشمال وهذا خطل بشع لان ان كانت العبره بالتسميه سواد اللون فجنوب البلاد هم الاولى بالتسميه |
في دي معاك حق
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: احمد الامين احمد)
|
قلت انت مساعد تدريس في جامعة وتقدم مثل هذا الطرح الفطير
واعرف انك تنطلق من منطلقات عنصرية وقلتها هنا بان التزاوج بين السودانيين والاثيوبين
الناتج (الابناء) لا مشكلة يعني انت تبحث عن لون ابيض فاقع - يالك من بائس- وما يجمع
جنوبي السودان باثيوبيا اكثر من شمالك الذي تبحث عن خارج للتؤمة معه - فقير حتى في ذلك-
ولا تعرف بالطبع ان هناك قبائل من النوير في اثيوبيا ومن الدبوسا- سمعت بالدبوسا من مناطق
كبويتا- لها جذور هناك والانواك ايضا ، امشي اقرا وتعال اطرح طرحك العنصري دة ...
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: مصطفي سري)
|
| Quote: مساعد تدريس في جامعة وتقدم مثل هذا الطرح الفطير |
برضو رأي حتى وان كان فطير وهو طرح يخضع للمناقشه فربما اقنعتني ناهيك عن ان اقنعك
| Quote: واعرف انك تنطلق من منطلقات عنصرية |
عرفت من وين
ما الذي يجعلني اتعنصر للاثيوبيين
Quote: ما يجمع
جنوبي السودان باثيوبيا اكثر من شمالك الذي تبحث عن خارج للتؤمة معه - فقير حتى في ذلك-
ولا تعرف بالطبع ان هناك قبائل من النوير في اثيوبيا ومن الدبوسا- سمعت بالدبوسا من مناطق
كبويتا- لها جذور هناك والانواك ايضا |
لا تتحدث عن شخصي اكتب ما يضحض ما ذهبت اليه
فند كلامي بالدليل فربما نتفق و لكن كيف يمكنني ان اتفق مع شخص لا يجد مجالاً للاساءه الا و استغله..........
| Quote: امشي اقرا وتعال اطرح طرحك العنصري دة ... |
اكتب انت و انا على استعداد لاعادة القراءة و تغيير افكاري ان اقنعتني لكن اكتب كلاما مفيداً بدلا عن"اعرف انك تنطلق من منطلقات عنصرية "
اكتب يا مصطفى سري لي و لغيري
ناقش الفكره و ليست صاحب الفكره
| |
|
|
|
|
|
|
|
|
 Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: abubakr)
|
Quote: هذا الطرح يتجاوز محاور اساسية :
*اثيوبيا لم تكن يوما هي السودان او جزء منه
*الجنوب هو السودان او جزء منه والدماء الجنوبية تمتزج بدماء معظم اثنيات اهل السودان وهذا ليس هو الحال مع اثيوبيا
*الاعراق السودانية مزيج من العربي والزنجي والزنجي واعراق افريقية اخري ولا علم لي بعرق عربي واحد في السودان لم يمتزج باعراق اهل السودان المتمازجة
*احتفالات الجنوب تدهش اهل الشمال متما هئ لهم ان يرووها واحتفالات كتنصيب رش الشلك كانت من اميز احتفالات اهل السودان
*اهل الجنوب يستمتعون باحتفالات الشمال ويغنون ويرقصون علي الحان السودان الافريقية ذات السلم الخماسي والتي لا تشبه الالحان العربية (وللمختصيين في ذلك ما يقولونه)
*في الجنوب مسيحيين ومسلميين وفي البيت الواحد تجد المسلم والمسيحي
من يطلع علي التركيبة الاثنية والعرقية لاهل اثيوبياوعاداتهم يعرف كيف انهم مختلفون ويكفي لاثيوبيا انها الدولة الوحيدة في كل القارة السوداء التي تتحدث بلغتها او اهم لغاتها رغم انها تعرضت لاستعمار ونزح اليها العرب قبل السودان بينكما تتحدث كل دول القارة بلغات الغير والسودان اخدهم
وربما في تشاد تشابها لا هل السودان اكثر من اثيوبيا ...
مودتي
ابوبكر |
اخي ابو بكر
لن اضيف شئ على كلامك ابدا..
لسانك حالك هو لسان حالي...
مهما صارت هناك دولة في الجنوب واخرى في الشمال
تظل هناك روابط اسرية حميمة وربما عدنا كما المانيا الي وحدة
قوية متينة بعد تجربة دولتين.
لك تحية
جوك بيونق
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: Ali Alameen)
|
Quote: اثيوبيا هى الاقرب للسودان من كل ناحيه
الشعوب متفاهمه
الشمالي لو نقلوه جوبا تلاهو ينقنق
لكن كل سوداني حلمو يزور اديس
و الاثيوبيون منتشرون في الخرطوم و عايشين وسطنا بكل اريحيه
و نسبة التزواج كبيره و اختياريه
و في تداخل قبلي تدريجي
يعني في جنوب النيل الازرق في انتقال تدريجي في المناخ و العرق بل الفاصل سياسيي فقط
و في الشرق في بعض الاحيان يصعب عليك التمييز بين الاثيوبي و البجاوي
يمكنك ان تصادق الاثيوبي و الارتري بكل سهولة و ذلك لا يحدث مع الجنوبيون |
العنصري علي الامين.
علشان ما نضيع زمن الناس ساكت. كده راحع عنوانك ده كويس بعدين نجي لتفاصيل البوست.
أنت في عنوان البوست بتوصف السودان الشمال بأنه السودان ووصفت السودان الجنوبي بالجنوب.
شفته أنت طلعت عنصري كيف ومن عنوان البوست فقط؟ وده طبعا قبل تفاصيل البوست التي تفتقر الى أبسط المعلومات عن السودان وإثيوبيا.
دينق.
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: Deng)
|
| Quote: علشان ما نضيع زمن الناس ساكت. كده راحع عنوانك ده كويس بعدين نجي لتفاصيل البوست. |
يا دينق انا اوافق على انو عنوان البوست محتاج تعديل و اسم السودان زاتو محتاج تعديل
من سمانا السودانيون؟
لقد سمانا الاخرين كان من الافضل ان يكون اسم السودان بشكله الحالي ارض النيلين او وادي النيلين او اي اسم اخر
مش لانو اسم السودان دلاله على السواد ؟
بل لانو اسم السودان غير مميز
فكل شعوب القاره تحمل اللون الاسود
لذا اذا كان لون الشعب هو من يعطيه الاسم كان من المفترض ان يكون في القاره السوداء عشرات السودان
اكثر شيئ يميز بلدنا هو النيلين
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: Ali Alameen)
|
لو كان الـموضوع يتطرق للعلاقات السودانية الاثيوبية منـذ قـديـم الزمان وحـتي الأن وتناولت اوجـه التمازج بيـن الشـعبييـن ولبعض العادات والتقاليـد الـموجودة هنا وهناك لـكان الموضـوع شيق وجـديـر بالنقاش.
ولكن وان يتم النقاش علي حـساب الـجـنوب السـوداني واسـتبعاده تـمامآ مـن الـحـوار وانه جـنوب ليـس مـعنيآ بـهـذه العـلاقة... وان الـموضـوع شـمالـي مـع اثيـوبيا ...
فأسـمـح لـي ان اقول لك:
" الـي مـتـي سـنظل نعامـل جـنوب السـودان بـهـذه السلبيـة والتعالـي عليـه.... وان نبـعده عـن عـمد ومـع سـبق الاصـرار والتـرصد عن كل الـمواضيع الـمشتـركة وننفـرد شـماليآ بالـحلول والتطبيق?.
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: وليد محمد المبارك)
|
كتبت علي الامين (لا تتحدث عن شخصي اكتب ما يضحض ما ذهبت اليه
فند كلامي بالدليل فربما نتفق و لكن كيف يمكنني ان اتفق مع شخص لا يجد مجالاً للاساءه الا و استغله..........)
طبعا اذا كلام البوست دة قلتو في سرك او تحت عامود الحلة او مع اصحابك لما علمت به
وانا لمن اقول انت عنصري لا تعني الاساءة لكنها تعني الحقيقة انت تكتب كلام هنا وتتمنى
ان نتعامل معه ونتحاور فيه ، ما كتبته لا يستحق الحوار فقط ان نقول لك هذا ينم عن
عنصرية ، وبعد دة الاحباش الذين تتمناهم اضطهدتهم الحكومات في السودان والذهنية
الشمالية في الوسط والشمال النيلي تتعامل مع نساء الاحباش كجاريات يقضوا معهن الوقت
وراينا التعامل معهن في الخرطوم ومعسكرات اللاجئين ، والكشات التي يقوم بها النظام
العام لمنازلهم في الخرطوم والديوم في استحقار لثقافتهم ، تقول لي اثيوبيا هي امتداد
طبيعي للسودان ...
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: Ali Alameen)
|
Quote: يكفي انو قبيلة النوير باقيها هناك ياتو قبيلة عربية من الشمال باقيها في اثويبيا اللهم الا البجة والبني عامر وديل ممتدين مع ساحل البحر الاحمر وتقريبا وجودهم في اريتريا اكتر من اثيوبيا لحدي مصر
كمان جميع القبائل النيلية نزحت الى جنوب السودان من الهضبة الاثيوبية بسبب الكثافة السكانية في فترة ما . او كما قيل |
علي الامين.
أقرا كلام وليد المبارك ده كويس وحاول أن تتحرى منه لأنه مهم جدا بالنسبة لواحد مثلك غير ملم بتاريخ وقبائل بلده.
دينق.
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: Deng)
|
| Quote: مثلك غير ملم بتاريخ وقبائل بلده. |
دا هدفي يا دينق انو واحد ملم بالتاريخ يكتب و نحن نقراء
لكن المشكله انو انا ما ملم بالتاريخ طرحت طرح من اجل النقاش اسئله تبحث عن اجابه
و المصيبه يجي واحد تاني ما ملم بالتاريخ يكتب و يسب و يصنف(كوز عنصري ) و يعمل فيها ملم بالتاريخ
خلو الناس الملمين بالتاريخ يكتبو لو سمحتو ؟
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: Ali Alameen)
|
| Quote: يمكنك ان تصادق الاثيوبي و الارتري بكل سهولة و ذلك لا يحدث مع الجنوبيون |
كلامك ده شين يااستاذ
المفروض تراجع فهمك للصداقة ذاتها قبل ماتقسم خلق الله لى كيمان كيمان
ياخى في زول بيصادق ليهو زول عشان دولتو ولا قبيلتو .؟
ومنو القاليك الدول والقبائل هى البتسهل الصداقات بين الناس ؟
كلام شييييييييييييييييييييييييييييييييين شديييييييييييييييييييييييييييييييييييد
وكل سنة وانت طيب
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: Nasr)
|
يقول صاحب البوست " احتفالات الجنوبيين لا تلفت انتباهنا تعبيرهم عن الفرح لا يعجبنا" انتهى....
اذا تمكن صاحب البوست من مراجعه ارشيف مجله الثقافه السودانيه سنوات السبعين يجد حوارا ممتعا اجراه الشاعر ابوذكرى مع الشاعر الذى " سودن"الغه العربيه وادخلها فى الطقس الافريقى عبر "جنوبياته" كما وصفه عبد الحى فى ىالصراع والانتماء محمد المهدى المجذوب سليل اكبر عائله دينيه بالسودان " المجاذيب" حيث يقول فى ذلك الحوار انه وجد عند نقاره الدينكا وطبولهم الضخمه صدى وتشابه لطبول الذكر التى يجدها عن الساده القادريه بالسودان الى غير ذلك من مظاهر الفرح المتماثل بين الشمال والجنوب ثم اى شخص يشاهد الاوركسترا السودانيه فى مراحلها العديده يشاهد عازفين جلهم من جنوب السودان وزنجه الى جنب جاز كمال كيلا الساخن الذى رقص على ايقاعه كل شمالى السودان وان كان مظاهر احتفالات الجنوب لا تثير اهتمامنا فلماذا نندهش فى الشمال ونهيج فرحا عندما نسمع اى مارش عسكرى عبر الاذاعه او الزفات مع العلم ان كل المارشات العسكريه فى الجيش السودانى اصلها من الجنوب او الغرب الزنجى وليس من القبائل الاخر بالغرب ذات الاصل العربى .....
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: Ali Alameen)
|
Dear Ali
| Quote: اختلاف الثقافة الجنوبيون يفضلون الثقافة الغربيه التى ينفر منها الشماليون |
يعنى الجنوبين ديل ما عندهم ثقافة من اصلوعشان كده كان من المفروض يتبنو الثقافة الشمالية – من الاخر كده الثقافة العربية والإسلامية - كانو ريحوانفسم و بقو سودانين من زمان---هو ده قصدك ولا كلام تانى.
المشكلة ما فى إختلاف الثقافات و الاعراق لانو ده واقع السودان----المشكلة فى إنو كيف نتقبل الاخر رغم هذا الاختلاف و نعيش كلنا سودانين فى وطن بيعترف بالتنوع العرقى و الثقافى و الدينى و بيعطى كل ذي حق حقه- كيف و فى فئة معينة بتتمع بكل شئ على حساب الاخر – على حساب ثقافو، دينو و حتى إنسانيتو
و قبل ما نتكلم عن عدم الإلمام بثقافة الاخراتمنى تكون عارف انو فى ناس فى الشمال مقتنعين قناعة تامة إنو جنوبين بياكلو الناس – ليه نمشى بعيد واحد من اعضاء المنبر المرموفين مرة ذكر الكلام ده – و كلو جنوبى عاش فى الشمال او إختلط مع الشمالين بيتصدم بكترة المعلومات الخاطئة عن الجنوب و الثقافة الجنوبية – و انت طبعا واحد منهم ما قادر حتى تنطقا واسهل ليك تقول الثقافة الغربية (و هنا مربط الفرس) – فرضنا إنو الجنوبين المتعلمين بيفضلو اللغة الإنخليزية و الثقافة الغربية طيب "السواد" الاعظم من الجنوبين الما دخلو مدارس ثقافتم شنو
Regards,
Lily
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: Ali Alameen)
|
إذا لقيت متعلم جنوبي بيتكلم مع أهلو غير المتعلمين بيتكلم معاهم بلغتهم، وإذا لقيت شمالي متعلم بيتكلم مع أهلوا غير المتعلمين بلغة عربية نص كلماتها مفردات أنجليزية وكما يتأفف عشان ما قادر يعبر باللغة العربية كويس، وبعد داك يكون خريج جامعة بتعلم بلغة غير الإنجليزية(عربي ولا روسي ولا تشكيي) في الحالة دي تقول شنو؟؟
التعليم بالإنجليزي لم يك خيار الشماليين ولا الجنوبيين. حتي 1964 كانت المدارس الثانوية في كل السودان تعلم معظم المواد بالإنجليزي وحتي بداية التسعينات من القرن الماضي كانت الجامعات تعلم بالإنجليزي. ولا زالت إحتجاجات الشماليين تتوالي علي التعريب. وإتخيل الجذاب في المدارس الخاصة في الشمال شنو؟ الإنجليزي!!!!!!
النخبة الشمالية الما عارفة تتأسلم، تتغرب، تتعرب ولا تتأفرق هي المشكلة، مش الجنوبيين. وبالمناسبة الإثيوبيين يعتزون جدا بثقافتهم وبلغتهم.
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: Ali Alameen)
|
Mr. Alaameen's ordeal is a cry for help because his problem is a very serious one. His learned predecessors like Abdalla El Thaib, Awon El Sharif Gassim and historian like Yousif fadhul had made a conscientious choice that the image of the Sudanese of themselves should be anything except what it really is.The identity crisis and the quest for a one is the real issue and if some elites in the North find confort zone in Arabia or in the Ethiopian Plains while running a way in disgust from theire own, then the search, I'm afraid, may take a while and it will then be too late.
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: Ali Alameen)
|
الاخوة الاعزاء
رغم ما اعتبره البعض من ان البوست يحمل مفاهيم غريبه استهجنها الكثيرين الا ان طرحه يمنحنا الفرصه لمراجعه الارتباط التاريخى بين السودان واثيوبيا وهذه العلاقه التاريخيه ليست خصما على احد فى السودان جنوبيا كان اوشماليا وهى روابط لايمكن لاحد ان يفض الطرف عنها او انكارها
اثيوبيا هو الاسم القديم الذى عرفت به المنطقه من اسوان حتى بلاد اكسوم وسميت بكوش فى بعض مراحل التاريخ وابثينيا وكل تعنى الارض السوداء والمنطقه شهدت تمازج عرقى بين سكانها منذ غابر الازمنه كل ممالك كوش ونبته ومروى احتفظت بعلاقات قويه مع اثيوبيا وفى فترات كان تخضع المنطقه بكاملها لنظام حكم واحد ونظام دينى واحد ايضا حيث ان كل الالهه التى عبدت فى العصور التى سبقت الديانات السماويه كان مصدرها ارض الاله ) بونت ) التى هى جزء من اثيوبيا بما فيها الهه الفراعنه والاغريق ولهذا اثيوبيا لها قيمه روحانيه لدى هذه الشعوب وفى مرحله تاريخيه كانت البركل هى نقطه الاتصال الروحانى بين شمال وادى النيل ( مصر ) وبين جنوب الوادى ( بونت - ارض الاله ) حيث كانت مركزا دينيا هاما ونلحظ الى الان ان المصريين يسمون الجنوب قبلى وهى من القبله اشارة الى البركل
وفى مرحله تحول وادى النيل من عباده امون الى اتون فى (عصر الفرعون اخناتون ) تحولت اثيوبيا بكاملها ( السودان واثيوبيا الحاليه ) الى ديانه التوحيد ( اليهوديه) والتوراة ذكرت ترهاقا بالملك الاثيوبى ( سفر الملوك)
Quote: 2 Kings 19:9
19:9: And when he heard say of Tirhakah king of Ethiopia, Behold, he is come out to fight against thee: he sent messengers again unto Hezekiah, saying |
37:9 And he heard say concerning Tirhakah king of Ethiopia, He is come forth to make war with thee. And when he heard it, he sent messengers to Hezekiah, saying,Isa.43
.
NEW TESTAMENT
Acts
8:27 And he arose and went: and, behold, a man of Ethiopia, an eunuch of great authority under Candace queen of the Ethiopians, who had the charge of all her treasure, and had come to Jerusalem for to worship.
واستمرت اليهوديه فى مروى حتى سقوطها على يد الملك الاكسومى عيزانا الذى كان اول ملك اكسومى يتنصر متحولا عن اليهوديه الى دين المسيح والمصادر التاريخيه تشير الى ان دخول المسيحيه فى اثيوبيا كان سابقا على دخولها فى مصر
وبعد سقوط مروى باكثر من فرنين انتشر الدين المسيحى فى المنطقه النوبيه مملكتى علوه والمقره وكانتا المقره واثيوبيا على مذهب دينى واحد مرتبط بكنيسه الاسكندريه مما اوجد علاقه عقديه خاصه بينهما اقوى من العلاقه بين علوه واثيوبيا لاختلاف مذهب علوه رغم قربها الجغرافى من اثيوبيا
وحتى الدين الاسلامى فى وسط السودان و النيل الازرق واغلب اجزاء السودان ماعدا الشمال والشرق قدم من اثيوبيا( حرر) بواسطه الفونج
ومنطقه (هرر) تجمع فيها عدد كبير من المسلمين يدعى معظمهم انهم من الاشراف ( ال البيت ) فى اواخر القرن الخامس عشر الميلادى وبعضت المصادر ربطت بين اماره حرر الاسلاميه وسقوط الاندلس الذى نتج عنه فرار المسلمين العرب وتفرقهم فى ارجاء الارض ومنهم جزء استقر فى هر ر وكونوا اماره اسلاميه اغلب عناصرها من قبيله الارومو( الجالا) عذه الامارة المسلمه دخلت فى صراعات وحروب مع نصارى اثيوبيا استمرت لحوالى 20 سنه وكانت الحرب سجال وشهدت تفوق المسلمين فى اغلبها ونتجه للخسائر الكبيره التى لحقت المسيحيين فى اثيوبيا استنجدت الكنيسه الاثيوبيه بالبرتغال الذى قدموا لهم المساعده وزودوهم بالاسلحه المتطوره الامر الذى مكن نصارى اثيوبيا من الانتصار على اماره هرر الاسلاميه واميرها المسلم الامام( جران ) واضطر المسلمون الى النزوح من اثيوبا خوفا من الاباده الى السودان وقدر عدد الذين نزحوا فى ذلك الوقت الى السودان الوقت 500 الف مسلم اثيوبى تزامن نزوحهممع ظهور الفونج كقوه عسكريه فى المنطقه
ومن هنا يمكننا القول
1- ان الاسلام الذى انتشر فى السودان بعد القرن الخامس عشر قدم من اثيوبيا باستثناء الشمال السودانى والشرق الذى تمت اسلمته بالتدريج على يد قبائل عربيه مثل (بنى ربيعه وبلى وغيرها من العناصر التى استقرت وتصاهرت مع النوبين والبجا)
2- اغلب العناصر والتجمعات البشريه التى تشكلت فى وسط السودان والنيل الازرق بكافه مسمياتها امتزجت بالدم الاثيوبى ( قبائل الارومو) التى استقرت فى المنطقه ولعبت دورا كبيرا فى نشر الاسلام
تخيلوا وبعد 6 قرون من نزوح 500 الف اثيوبى الى السودان العدد الحالى للسودانين الذين نتجوا من التزواج والمصاهره معهم
يمكننا القول ان ما يقارب من نصف تعداد السكان الحاليين يحملون دماء اثيوبيه
لمزيد من المعلومات يمكنكم الرجوع الى كتاب
تحفه الزمان (فتوح الحبشه) لكاتبه عرب فقيه الجيزانى الذى كان شاهدا وعاصر الامام (جران) ودون كل تفاصيل المعارك والحروب بين مسيحى ومسلمى اثيوبيا فى ذلك الوقت
ومن ما ذكر اعلاه نخلص الى ان العلاقه مع اثيوبيا فى كل مراحل التاريخ كانت لها خصوصيتها واتوقع ان الكشف عن الابجديه المرويه قريبا سيمكننا من فهم النصوص المرويه المدونه التى ستكشف طبيعه العلاقه بين مملكه مروى ومملكه اكسوم
(عدل بواسطة خليل عيسى خليل on 12-17-2007, 02:13 AM)
(عدل بواسطة خليل عيسى خليل on 12-17-2007, 02:17 AM)
(عدل بواسطة خليل عيسى خليل on 12-17-2007, 02:36 AM)
(عدل بواسطة خليل عيسى خليل on 12-17-2007, 05:10 AM)
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: خليل عيسى خليل)
|
| Quote: اثيوبيا هي الامتداد الطبيعي للسودان و ليست الجنوب هل من معترض |
نعترض!!!! لا ما بنعترض.
يبدو أنه و لأسباب تعلمها وحدك قمت بأختيار أثيوبيا ذات الخمسين مليون نسمة متعددة الأثنيات و اللغات و الأديان لتكون امتدادا طبيعيا للسودان ..و من هنا فأنا أدعو لأعطاء هذا الحق -حق تقرير الأمتداد الطبيعي - لكافة شعوب السودان ليختاروا بكل حرية امتدادهم الطبيعي الذي يريحهم..فلماذا لا تكون تشاد هي الأمتداد الطبيعي خصوصا وأن التشاديين و السودانيين لا تستطيع أن تميز بينهم إلا من خلال وثائقهم الرسمية..ثم لماذا لا تكون مصر هي صاحبة الأمر و هنالك كل هذا الأرث الكبير من آمال الوحدة و العمل السياسي و الأقتصادي المشترك و ماذا عن اريتريا الدولة الفتية التي تمسك بكذا ملف سوداني؟ ..و طبعا حسب تقسيمك لا يمكنني هنا طرح اوغندا و كينيا و الكونغو في مائدة الحوار حيث أنهم ليسو امتدادا طبيعيا "للسودان" بل "للجنوب".
ملحوظة :
افريقيا الوسطى و ليبيا ما أظن في زول دايرهم. 
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: سيف النصر محي الدين محمد أحمد)
|
نعم يا استاذ هنالك معترض
| Quote: اثيوبيا هي الامتداد الطبيعي للسودان و ليست الجنوب هل من معترض |
المعترض اثيوبيا نفسها ..قالوا لك لم عقدك وقرفك وحل عننا
نحن الجنوبين اقرب لنا منك انت.ولو ما عارف اسال اثيوبيا لماذا احتضنت معارضة الحركه الشعبيه ولم تحتضنكم انتم؟؟!!
عامل فيها مسلم واضرب واطرح ما تتلصق في تشاد المسلمه
ماشي لاثيوبيا المسيحيه ليه؟؟؟اثيوبيا قالت لك هي الجنوب المسيحي اقرب ليها
ولست انت العروبي الاسلامي المعقد.
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: Tragie Mustafa)
|
اثيوبيا هي مسيحيه رسميا فقط يا استاذه اما الحقيقه فعدد المسلمين فيها يزيد او يساوي عدد المسيحين
و انا اتكلم عن التقارب على المستوى الشعبي
موضوع احتضان اثيوبيا للحركه الشعبيه كلو سياسه في سياسه و السياسه لا تنبني على الحقائق (لماذا يتحالف حزب الله المسلم مع تيار العماد عون المسيحي في لبنان) و سبب تحالف اثيوبيا مع الحركه هو محاولة اغتيال حسني مبارك عبر اراضيها و التي اشير فيها باصابع الاتهام للنظام السوداني و كان دا حلف مؤقت
| Quote: عامل فيها مسلم واضرب واطرح ما تتلصق في تشاد المسلمه |
لو السبب انو المسيحين هم البيمنعو التقارب بين دولتين تشاد برضو فيها مسيحين لكن انا برضو موافق على تشاد للتداخل التدريجي في الثقافات بينهم و شمال السودان عبر دارفور و الدين عامل من عدة عوامل للتقارب و ليست هو السبب الرئيسي يعني لو كان الدين مختلف و تشابهت اشياء اخرى ما مشكله
| Quote: ماشي لاثيوبيا المسيحيه ليه؟؟؟اثيوبيا قالت لك هي الجنوب المسيحي اقرب ليها |
زي ما مشيتي انتي لاسرائيل اليهوديه على الاقل ديل جيرانا غلطنا معاهم اكتر من انو غلطو معانا ما تنسي غزوات الخليفه عبد الله .
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: Ali Alameen)
|
يا اخى الطرح دا غريب جدا
نعم الاثيوبيين شعب رايع ومهذب ونتمنى ان نتوحد معه يوما ما.
لكن مش بالطرح الفقير دا
.
اذا كنت تعتبر نفسك عربى , اصفر البشرة وتنفر من الجنوبيين/ ثقافتهم فلماذا لا تذهب وتطلب الوحدة مع مصر او ليبيا او السعودية.
لانو ديلك ح يقولوا ليك عب.
عشان كدة جاتك الفكرة عشان تحول كراهيتك للجنوبيين الى شئ ايجابى فى نظرك.
والشئ دا هو الوحدة مع الاثيوبيين الطيبين وبناتهم الحلوات
.
مش كدا??
انت قايل الناس ديل اغبياء.
هم برضه بعرفو يميزوا فى السودان مين ال بحترمهم ومين ال بطضهدهم.
فكرة مريضة بشكل !!!!
ما تزعل الكلام دا ما موجه لشخصك.
سلام
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: M A Muhagir)
|
Ustaz Muhagir
Untill people like Mr. Alaameen come to terms with the fact that they are black Africans and are essentially products of a slaved-great-grand mother and be proud about it, they will never live in peace. Southerners will never wish to be anything except what they are: proud black Sudanese. It is conforting to me, at least, that the likes of Mr. Alaameen's are finding virtue in voicing their digust of people like us in the hope they will find people like themselves somewhere else. This problem is somebody else's and certainly not mine.
Note: I sympathize with Mr. Alaameen tremendously because he is a victime of centuries of stereotypes and prejudices-the image Mr. Alaameen and others in that part of our country share of themselves is of somebody else and here lies the tragedy.
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: نيازي مصطفى)
|
Mr. Ali has no identity conflict nor did he wake up this morning to discover that Ethiopia has very strong ties with Sudan historically and even culturally. And frankly, we should care less about any identify conflict he’s undergoing, all we should care about is why should Southerners, who are in peace with what and who they are, be crushed by people who are yet to appreciate their heritage; whatever that heritage would be; why should we bear their nonesense.
Mr. Ali did not open this post to discuss the cultural differences between the North and the South, we all know that these differences do exist, and Mr. Ali is, of course, not insane nor is he sick. Anyone who makes such claims should not be labeled as sick so that he/she doesn’t get away with their in-your-face hate propaganda. Mr. Ali like Frankly and many more are very sane people and they should be treated as such.
Mr. Ali opened this post to remind us of who we are and how are we perceived. He is intelligent enough to know that we will be able to read between the lines.
Lily
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: Ali Alameen)
|
Quote: دا هدفي يا دينق انو واحد ملم بالتاريخ يكتب و نحن نقراء
لكن المشكله انو انا ما ملم بالتاريخ طرحت طرح من اجل النقاش اسئله تبحث عن اجابه
و المصيبه يجي واحد تاني ما ملم بالتاريخ يكتب و يسب و يصنف(كوز عنصري ) و يعمل فيها ملم بالتاريخ
خلو الناس الملمين بالتاريخ يكتبو لو سمحتو ؟ |
علي الامين.
أنت كاتب لك موضوع وزكرت به بعض المعلومات الملفقة, ولقد تعمدت أن تقول ذلك بكل عنصرية وبجاحة, وفي نفس الوقت تريد مني أنا أتعامل معك بالطريقة التي تريدها أنت؟ تأكد إذا كنت لا أعلم شئ عن القبائل السودانية أو الثقافة السودانية لما تداخلت معك هنا. أنظر فقط الى البوست وقارن. كم عدد الذين يوافقونك في الهباب الذي كتبته هنا؟ أرجوا منك أن تطلع على عدد القبائل المتداخلة بين اثيوبيا والسودان جيدا وعن مواقعها بين البلدين.
دينق.
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: Deng)
|
الاخ دينق ، سلامات
الراجل دة اذا كان طرح الموضوع لكي يعرف فلا حرج لكن عنوان البوست واضح
انه افترض افتراضاته الغريبة ويتسأل بنوع من الاستعلاء لذلك فان المقدمة
الخاطئة تقود الى نتائج خاطئة ، ومن اول البوست قلنا له انت (عنصري)
لم يقبلها ليس لانه غير ما قلنا ولكن يرفض ان يتم اكتشافه من اول وهلة
الامر الثاني القضية تحتاج معرفة جغرافية وتاريخ وثقافات سودانية
وهو لا يطلب من الاخرين ان يساعدوه بل وضع العنوان كما هو موضح ، الامر
الثالث الاخ علي الامين في عنوانه قال ( اثيوبيا هي امتداد طبيعي للسودان
وليست الجنوب هل من معترض ؟) وهو يعني الشمال ويعطيه اسم السودان كله
ويعتبر الجنوب ليس هو السودان ، وقد تم الرد عليه لكنه يصر على قولته
اظن ان صاحب البوست اما انه يحاول ان يتلاعب بعقول الناس ويستهتر بها
ويسخر بعنصرية فجة من الاخرين قراء او اعضاء او انه جاء لمعركة نزقة
وهو لا يملك ادواتها ، والامران سيان ...
| |
|
|
|
|
|
|
|
|
|
Re: اثيوبيا هي الامتداد الطبيعي للسودان و ليست الجنوب هل من معترض ؟ (Re: خليل عيسى خليل)
|
يا جماعة باركوا الحكاية ... على الامين فتح البوست ... بلعتوه كلامه و نشفتو ريقه ... حتى آثر الهروب التبريرى ... قال ماشى العيد ... رحم الله البروف قال كلما جنوب بلاد النوبة احباش ... اكسوم حدودها بعد سنار شمالا بين اربجى و سوبا... المك نمر حينما فكر فى الجرى اول خاطرة كانت الحبشة ... و الامام الهادى جماعة النميرى لحقوه فى الكرمك حدود الحبشة .. و كانت الحبشة الملجأ الاول للشريف الهندى ... تهتدون الامام رست فى الحبشة ... و الى الحبشة ذهب لاقو و من بعده قرنق ... اتفاقية اديس ابابا ... كوكادام ... بالمقابل منقستو ابوه سودانى ... و من السودان انطلق الثنائى ملس و اسياسى ... طردوا منقستو و قسموا بلاد الحبشة ... مين قال مافى قبايل مشتركة مع الحبشة ... رحم الله مجذوب الخليفة ... كل هذا الحراك الاجتماعى و السياسى يؤكد عمق الجذور بين اثيوبيا و السودان ... اما تفضيل اثيوبيا على الجنوب هذا مالم يوفق فيه على الامين ... الجنوب جزء اصيل من السودان ... و لا افهم كيف له ان يعطى نفسه الحق فى اطلاق اسم السودان على الشمال فقط ... و عنوان البوست كلام تبريرى لسلبيات نيفاشا ... < مادام الجنوب رايح رايح احسن نفكر فى الحبشة > دولتين .. عاصمتين ... جيشين ...علمين ... نشيدين ... ترسيم حدود ... اعلان الاستقلال ... نزاع حدودى ... اثيوبيا اريتريا ... حرب ... هكذا فشل طباخين نيفاشا ... طبيخ نيئ و النيئ للنار ... الوحدة الجاذبة ... حلم الا يرجعوها فى الحلة و علبها شوية نار ... ضاع الجنوب و الشمال و راح السودان فى ستين ... و هذا ما لا اتمناه ... لكن واقع الحال يسير فى هذا الاتجاه ... و عند حدوث هذا الزلال ... لا يستطيع احد ان يتكهن بتوابعه الزلزالية ... و الى كم قطعة سيفتت السودان ... و كم عدد الايادى التى ستمتد لاخذ نصيبها ... يومها لا تندهشوا ان عادت كاب الجداد لاكسوم
| |
|
|
|
|
|
|
| |
Ali Alameen
حيدر حسن ميرغني
abubakr
احمد الامين احمد
مصطفي سري
محمد مختار جعفر
JOK BIONG
Deng
وليد محمد المبارك
Ahmed Alim
Mahjob Abdalla
الطاهر ساتي
Nasr
محمدين محمد اسحق
Zakaria Joseph
Tragie Mustafa
M A Muhagir
نيازي مصطفى
Adil Osman
خالد حاكم
فيس بوك
تويتر
انستقرام
يوتيوب
بنتيريست