|
Re: قد بلغ السيل الزبى .. أرفعوا ايديكم عن المبدع حميد (Re: Abdel Aati)
|
تعرف.. ان اول ما تبادر لذهني حينما قراءت البوست الذي يتهم فيه حميد بتلك المبررات الواهية .. كان سؤالاً - ماذا لو قراء حميد هذا الكلام ؟؟ (نودي وشنا منو وين) .. وتمنيت لو ان لي صلاحيات اداريه لسحبة من البورد .. ولكن بعد حملة الردود التي طعنت في الطعن والتي احرزت وعياً عميقاً لمعنى ان يكون لنا (حميد) .. تعرف .. تمنيت لو ان حميد قراء هذا البوست ليدرك اننا نستحقه وانه وقع بوادي ذي زرع .. ان مثل هذه الحملات تدور حول نفسها.. (تدوش) .. تقع .. ينتصب على اثر وقوعها جسد حميد .
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: mutwakil toum)
|
الاستاذ متوكل
كثير من الناس؛ ليس لديهم الوقت لمتابعة كل ما يكتب هنا؛ والعديد منهم يكتفوا بقراءة العنوان والمساهمة الاولي؛ ثم يذهبوا؛ وهؤلاء يمكن ان تضر بحكمهم؛ مثل هذه البوستات المنفلتة.
تكرار نفس الاتهامات العارية من الصحة؛ والنعوت القاسية المشينة؛ في حق هذا الانسان الاصيل والمبدع الرائع؛ تشكل في حد ذاتها دلالة علي انخطاط عميق اصاب حياتنا السياسية والثقافية والاجتماعية. وصدقني ما كنت لاعجب للهجوم لو اتي من الكيزان الاوباش؛ لكن ان ياتي -لاسباب خافية علينا- ؛ ممن يدعوا الانتساب للصف الوطني والمعارض؛ فهذا ما يحير.
كما انك يا عزيزي؛ ولو كنت نظيف البدن والثوب؛ وترصدت لك مجموعة من الاشقياء؛ يرموك بالوحل كل يوم؛ لاتسخت ثيابك؛ ولظن بعض الناس - حين يروك عائدا بسوخ متسخ- ؛ ان العيب فيك؛ وليس فيمن يترصدوك.
لهذا فهذه الحملات خطيرة ومضرة؛ مهما كان رد الفعل عليها؛ وطعن الطعن فيها.
عادل
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: Abdel Aati)
|
في كتابات كتيرة لاحظت أنها بتتناول المبدع حميد في الفترة الأخيرة.... انا من غير شك بشوف فيها أجحاف كبير لي عدة أسباب ومن أهمها انك بتقدر تطلع من اشعار حميد أبعاد جديدة غير مطروقة لو قصدت تصل للقدرة التجديدية وغير كدة حميد ممكن لو ( ثقفنــا) معانيه أن صح التعبير وما أظنه صحيح لأن حميد أنسان يحمل كل ثقافات العالم بي طريقة بلدي قد تكون الاروع من نوعها في عوالم الكلمة ياخي الراجل دة أكتر من مبدع وأنا مشتّت شوية كدة لكن راجع ليك في مرة تانية تكون اللياقة الذهنية مساعدة عشان نقدر نقول حاجة
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: حبيب نورة)
|
عادل العزيز.....تحياتى
من عادتى ان لا اهاتر ولا احب الكتابات والتى يقصد منها الاثارة وعندما كتب اخدهم
يستنكر على حميد عمله،مع صلاح ادريس لم اعر الموضوع اى اهتمام..لان من حق حميد ان يعمل
حيث يريد...ولكن احقاقا للحق مع اننى غضبت كثيرا لاتهام حميد بانه مادى لم اريد ان
اكتب سطرا لاننى عرفت ان كاتب البوست اما انه يحب الاثارة او يريد ان يلفت اليه الانظار
بمثل تلك الكتابات النشاز..ما دعانى الكتابة الان فعلا هو بلوغ السيل الزبي كما
اسلفت ..وللحق طبع حميد كتاب حجر الدغش فى الامارات واحضر معه للرياض حوالى 500
نسخة ..وزع منها مجانا ما يقارب المائة نسخة..واخذت الباقى انا عنوة منه وقلت له هذه
الكتب يا حميد ريعها سوف يذهب لصالخ يناء مركز د/اشراقة لرعاية الامومة كما تعرف ولا
يحق لك التوزيع مجانا والى الان يبقى معى حوالى مائة نسخة وهى معروضة بسعر عشرون ريالا
للكتاب..ولم بتقاضى حميد مليما واحدة...ايضا طبعنا ديوانين احرين احدهما تفاصيل ما
حدث والثانى اهـ يا غبش وتم بيعهم ولم يتقاضى حميد مليما واحدة...تم طباعة شريط
مصايبح السماء الثامنة طشيش وتم تسجيل الشريط فى منزل الاخ مبارك الحاج شقيق الزميل
خالد الحاج وحتى مبارك دفع ثمن النسخة التى استلمها..ولم يتقاضى ايضا حمبد ريال واحد
اقمنا ليلة شعرية لحميد جمعية نورى بالاشتراك مع الرابطة الرياضية للسودانيين بالخارج
الصالحية.... ايضا لم يتقاضى حميد مليما واحدة..كل ذلك كان يخصص دخله لاعمال خير ية
والشهود كل السودانيين بالرياض ...الله يشهد على كل ذلك.. وبعد ده يخرج احدهم متشدقا
حميد مادى....يا اخوان حميد لو كان انسانا ماديا والله ما اختاج ان يخرج من السودان
شبر...اقل شى ناس قيقم وشنان وباقى المرتزقة لا اوزات لهم ان قارنتهم بحميد..فيا شباب
انتم لا تعرفون حميد وزهده...حميد اوجدنا له وظيفة فى احد المكاتب ويوم المعايتة
انتظرنى حميد وكنت المكلف باحذه الى مكان العمل فاذا بحميد يسر لى فى اذنى بان اخذ
للوظيفة اخد الاخوات لاته يتيم ومحمول وطول مالاقى شغل..وقد كان..بالله لاقيتوا ايثار اكثر
من كدة ....هذا هو حميد للذين يودون معرفته
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: Abdel Aati)
|
نعم يا اخوان حميد رجل زاهد بسيط حميد لا يفكر الأ في الأخرين وهنا اؤكد علي كلام الأخ صديق الموج فقد كنت شاهدا علي الليلة الشعرية التي اقامها حميد تحت جمعية ابناء نوري وكان الحضور مذهلا وتم تصويرها فيديو وقرر اعضاء الجمعية بيعه وتسويقة ،، فسجلنا الأسماء والعناوين ولكن علمنا اخيرا ان الرتئع حميد رفض المتاجرة والبيع وبعد ذلك بعام التقيته في يوم مفتوح لأبناء نوري بأستراحة النخيل بالرياض،، وكانوا يناقشون كيفية دعم بناء داخلية لطالبات نوري بالعاصمة ،،ورغم انني لست عضوا فقد ناقشت حميد خارج قاعة الأجتماعات في موضوع بيع الشريط من اجل دعم بناء الداخلية لطالبات نوري ،، فوافق دون تردد
هذا هو حميد الي من يجهلونه
نعم اخي عادل ،، النخبة السياسية فاشلة وبهذا الفشل والضعف كان استمرار الأنقاذيون حتي الأن
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: Abdel Aati)
|
الشاعر الذي اصبح للكثيرين مرادفا لضمير شعبنا يا(أخ )عادل سلامة ضميرنا النسبتو لحميد بعدين انتخبوك متين متحدث رسمي باسم عموم البورداب عشان تمسح بوشناوتعتزر باسمنا . لماذا تسمي انتقاد حميد تشنيعا وحملة جائرة وما الي ذلك....؟ والله ان هذا الوطن جدير بالرثاء حقا حينما يتحول فيه الناس الي عبدة صنم تدعي انت ظلما انه يشكل و بلا منازع كمان ضمير أمة وصوت شعب كادح اي شعب هذا الذي يكون ضميره فرد له ما له وعليه ما عليه ياخي الي متي تلهثون وراء عاطفتكم العمياء الشعوب والامم اكبر بكثير من يحاكي وجدانه حميد او خلافه يمكن ان يسهم في نظم الام وامال الشعب ولكنه لا يملك ان يكون ضمييييير لنا . بعديت تأدب ولو مؤقتا وماتسيئ سفهاء وماادراك ما سفهاء رسالة من إيفو اندريتش الي حميد واخرين
في ظل حكم امبراطور ياباني قاسي ومتجبر ومختل العقل ايضا , يلقي القبض علي عدد كبير من الثوار المناوئين , يكون بينهم شاعر . وتصبح مهمة هذا الشاعر في السجن الهاب حماس الثوار والجمهور وتحريضهم ضد الامبراطور , ونتيجة الصمود والمقاومة يتمكن الثوار من الاستيلاء علي السلطة , ويتقاسمون المناصب فيما بينهم , اما الشاعر فيغادر السجن , ورفاقه رفاقه بعد أن يكتب لهم الرسالة التالية : اشكركم ايها الرفاق , مؤكدا علي ما كان مشتركا بيننا من معاناة وعقيدة ونصر , وأرجو أن تعذروني لأني لا استطيع أن اتقاسم معكم السلطة كما تقاسمت معكم النضال فالشعراء خلافا للاخرين مخلصون لرفاقهم اوقات المحن ويتخلون عنهم اوقات النعيم . إننا معشر الشعراء إنما ولدنا من اجل الكفاح إننا مولوهون بالصيد لكننا لا نأكل من طرائدنا . إن الحاجز الذي يفصل بيننا وبينكم رفيع رقيق , لا يكاد يري اليس حد السيف رفيع رقيق وهو مع ذلك قاتل ؟ لا يمكنني ان اتجاوز نفسي لكي اتي اليكم لاننا نتحمل كل شي الا السلطة . لذا فانني اتخلي عنكم يارفاقي وسامضي باحثا عن مكان اخر لم تتحقق فيه فكرة او صبوة . احكمو بتعقل وليكن الحظ حليفكم . اما اذا تعرضت جزرنا السبع للفقر والمحن , مما يستدعي الكفاح او المواساة فارجوكم ابحثو عني .
(عدل بواسطة musadim on 05-24-2004, 12:20 PM)
| |
|
|
|
|
|
|
حميد....حاشاك (Re: Abdel Aati)
|
ليس حميد وحده.........ولكز......تلهب السياط ظهور الانقياء......ويتجاهلون القبح الزىيتشبح على سماحة المليون ميل..........ولااظن ان الله من وراء القصد
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: Abdel Aati)
|
Quote: هذا البوست ينبغي بعامل الزمن ان يكون في ارشيف العام الماضي. وما هو في الارشيف لا يمكن الرد عليه او رفعه؛ الا ان يكون لاحدهم صلاحيات ادارية؛ تجعله يحوله الي بورد آخر؛ ثم يرد عليه من بعد. فهل للعضو فرح الذي رفع البوست؛ صلاحيات ادارية تجعله يرفع مثل هذا البوست؛ ويعيده الي دائرة النقاش والضوء؛ بعد ان اشبع حوارا وقتل بحثا؛ وقد قيل لنا ان كل الصلاحيات الادارية قد نزعت من الجميع؛ غير أمين الموقع؟
|
قالو ليك ولا جابو ليك يالقراى انتو اظنو اكل الفواكه فى فى كوبر عمل ليك طشاش فكرى ياعدوله انت اظنك من مامرقت من السودان تانى ما كملت تعليمك خساره التعب فيك لكن برضوا ما بوريك جبتوا كيف لانوانت طلعت ما ناقش كمبيوتر وسموك كائن حى كمبيوترى كيف ؟
عادل انت فرح دا عامل لى فوبيا ولا شنو كدى انا راجيك تعمل فينى بوست نعيد فيهو مبارياتناالقديمه من زمن بلل والاقرع والفواكه والحبيبات وحتى بحرى عطبره بولندا وحتى سودان دوت نت رأيك شنو زى بوست بلير العامله فيهو دا لكن لعبك ما نضيف واها بوستك فى بلير طلع مضروب معا انو انت قريت مبادى القانون فى جامعه القاهره الفرع لكن ما حبكتو كويس كدى انا دايرك تمتحن فينى قانون فى بوست زى بتاع بلير دا رايك شنو ياعدوله روق واحلا ياخى يا منقه
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: Abdel Aati)
|
الأخ عادل بدايةً أحييك وقلمك الذي يكاد يكون أكثر الأقلام سيلاناً في البورد (إن جاز التعبير)، رغم أني أجد أحياناً في هذا السيلان رذاذاً غير محمود .. ولكن الإختلاف مع آرائكم يجب أن لا يمنع إحترامها .. وأعتقد أنه بهذا الفهم (أي احترام الرأي والرأي الآخر) يكتسب البورد قيمته كجسر للتواصل المفيد بين الجميع وللجميع. أما فيما يختص برأيك عن وجود حملة منظمة ضد الشاعر حميد وحديثك عن البوست الذي أطلقته أنا في العام الماضي تحت عنوان Quote: !!!إلي محمد محمد خير.. حمِّيد..القدال .. سيف الجامعة وآخرين: هذا لا يليق بك |
، فأرجو ان أوضح الآتي:
أولاً: لقد أطلقتُ ذلك البوست لمناقشة قضية عامة وهي مدي التزام المبدعين بقضية شعبهم وتحديداً مواقفهم أمام ترغيب وترهيب الأنظمة الشمولية، وقد أوردت أمثلة لمواقف بعض المبدعين من حكومة الإنقاذ وقلت إنها لا تنسجم مع تاريخهم وما يقدمونه من إبداع هو بالأساس مناهض لحكومة الإنقاذ. وقد أشرت في هذا الصدد لما نشرته بعض الصحف في ذلك الوقت عن قبول حميد ومحمد محمد خير وآخرين لتكريم وزارة الثقافة الإنقاذية، وعندما ثبت عدم صحة الواقعة فيما يخص المبدع (الحقيقي) حميد قلنا إن هذا هو عشمنا فيه. أخلص إلي أن البوست المعني لم يكن في إطار حملة ضد حميد أو غيره ولكن لمناقشة قضية حيوية وقد نجح في استدراج مداخلات جادة ومفيدة (وإن كنتُ قد استغربت عدم مساهمتك).
ثانياً: موضوع استعادة البوست من الأرشيف قضية فنية لا علم لي بتقنياتها ويمكن لأمين الموقع أن يرد علي تساؤلاتك في هذا الخصوص .. ولكن أعتقد أن الأخ فرح قصد باستعادته للبوست ورفعه تعضيد وجهة نظره حول محمد محمد خير وليس في إطار حملة منظمة ضد حميد، وأعتقد أن هذا من حقه. طارق
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: tariq)
|
الاخ طارق
تحية وشكرا للتوضيح
اعتقد ان عليك ان تخرج بوستا تعتذر فيه لحميد واي مبدع اصابه رشاش من بوستك السابق؛ لان اغلب الناس ليس لها صبر لتقرأ كل االبوست؛ وانما تقرأ العنوان والمساهمة الرئيسية؛ وانا في كثيرمن الاحيان افعل كذلك.
حول ما يريده العضو فرح فلن اجادلك؛ حيث اني اعرف فرح بما فيه اكفاية؛ لاتوقع اسؤا الاشياء منه.
عادل
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: طارق اسماعيل)
|
الاخ طارق اسماعيل
تحية طيبة ..
ربما تري انت ان حميد لا يحتاج لمن يدافع عنه؛ ولكننا لن نسكت اذيتحول هذا البورد اللعين الي محرقة يذبح فيها حميد وغير حميد قربانا لما لا نعرف من مصالح وامراض.
لا اعرف عن اي خساسات تتكلم يا صديقي؛ وعن اي عفن تتحدث؛ هل نحن من كتب بوستا بعنوان سقوط حميد؛ هل نحن من اتهمنا الرجل في شرفه ووطنيته والتزامه جانب البسطاء؛ وهل نحن من لا نزال نواصل ذلك؟
نحن يا عزيزي لم نذكر احدا بسؤء؛ لا اليوم ولا امس عندما دافعنا عن الموصلي؛ ولا غدا لو دافعنا عن طارق اسماعيل؛ تعرض طارق اسماعيل لظلم نعرفه وتشنيع ندرك كذبه؛ وانت اذ تضع الجاني ومن يدافع عن الحق في سلة واحدة؛ واذ تصف من يبصق علي الشرفاء ومن يتصدي لذلك ويقف في الوسط؛ مخاطرا ان سصيبه البصق هو؛ في موقع واحد؛ وتصفهمكلهم بالخساسة والعفن؛ فانما تثبت اما انك تعاني من سؤء الفهم؛ او سوء النية.
وسلامي وتقديري.
عادل
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: Abdel Aati)
|
عادل تحية واحترام
اما سؤالى هو هل هناك علاقة بين الهجوم على الشاعر القومى حميد وما يدور فى الساحة السودانية حاليا من صراع لطرح الهوية الافريقية بدلا من الثقافة الشمالية الغالبة فى التكوين الفكرىوشعر حميد القومى والتى تواجه فى هذه المرحلة بالهجوم باعتبارها عربية اقصائية؟
اتمنى ان تكون اوهام ظنون
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: Ahmed Osman)
|
الاخ احمد عثمان
تحية طيبة وشكرا للمرور من هنا.
والله انا لا اعرف بواعث هذه الحملة؛ وهي لا تخلو من ان تكون لاسباب شخصية او حزبية او شللية؛ ولربما لسببين او اكثر؛ علي كل هي حملة غير شريفة.
لا استبعد ان تكون الحملة للسبب الذي قلت؛ وعلي كل حال مطلقي الحملة في نفسياتهم المريضة هم من يعرفوا؛ ولكنهم لن يخطرونا بالحقيقة؛ كما هي عادتهم دائما..
عادل
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: Abdel Aati)
|
الشيوعين ديل حيرونا والله دايرين الشعراء يغنوا ليهم وهم يهزوا وسطهم ويموتوا بالجوع عليكم الله كان كفيتوهم شر العوز كان مشي اشتغل مع صلاح ادريس ولا صلاح طرمبة ما تخلو الزول ياكل عيشه الواحد فيكم قاعد برة ويلم في الاخضر ابو صلعة ويقول ليك شاعر الشعب باع القضية قبل ما هو يبيع القضية انت ما بعت زمتك واي واحد بتفاصح وبتكلم عن نضال وهو شتت من السودان دا اساسا منافق لو انت دايره يمسك الجمر وما يبيع القضية كان تصبر وتناضل محل النضال وما تخليهو يغني واقف براك ولا حرام عليهو حلال عليك ؟؟؟ عالم افاكة
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: اساسي)
|
سلام اساسي ومبروك الرجوع للبورد
استغرب معك كيق يتهم ويدان انسان بالسقوط؛ لانه يعمل في دارنشر خاصة بزيد من الناس او عبيد؛ وزيد هذا عضو قيادي بالاتحادي الديمقراطي؛ وممول مؤتمره الاخير؛ والاتحادي شريكهم في التجمع؛ ورئيسه رئيس تجمعهم لحمة الراس!!
هل هؤلاء الا مستهبلين كبار؛ وسفهاء وفاسقين؟
عادل
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: Abdel Aati)
|
الاخ عادل تحية واحترام لقد القيت بالاخ حميد قى حفل زواج رقم صفر وتحدثت معه فى اشياء كثيرة واخبرته بما يكتب ضدة وان هذا الامر لايرضينا واننا بصصد الرد القوى على منتقديه وذكرت له اتهامات البعض له بانه اصبح من الراسمالية يعمل معهم ويجالسهم ومصالحه مرتبطة بمصالحهم قضحك الاخ بحميد باسي وقال لا لاتردوا على احد اتركوهم يكتبوا ما يشاءون لان الرد عليهم يعطيهم قيمة وبحقق مخططهم اتركوهم فقط ياريت نلبي طلب حميد وترك خفافيش الظلام فى جحورها
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: Abdel Aati)
|
Quote: حول ما يريده العضو فرح فلن اجادلك؛ حيث اني اعرف فرح بما فيه اكفاية؛ لاتوقع اسؤا الاشياء منه.
عادل |
عيب عليك ياعدوله تقول انك تتوقع منى السوء ياخى انا كم مره بقول ليك انا معجب بيك ومره طلبت منك اوتغراف ووعدتنى انك ترسلوا لى يعنى دا حب من طرف واحد ولا شنو مامشكله برضوا بنحبكم يامنقه بعدين ياعادل هسى عليك الله عليك الله فاتح فينى نيران عشان كلمت فوق الكتبتها فى البوست دى يعنى العفرته الانا عملتها دى وحات الخوه ياعادل والملح والفواكهه والملاح انا لا فى الاداره ولا بعرف اداره ولا بعرف كمبيوتر زول مواطن عادى وانت عارف الاداره فى يد امين الموقع وحده كل الموضوع انو انا كنت فاتح بوست زى ماقال ليك طارق عن الكندى محمد محمد خير طبعا بتكون قريته ولا انت ما قاعد تقرى لى بوستاتى. لقيت فى اخر صفحه البوست بتاع حميد وسيف الجامعه ومحمد محمد خير يعنى ما من الارشيف يعنى دى بوستات السنه دى قمت قريت البوست وعجبنى النقاش ولقيت الناس متوحده ضد المثقفين الذين لا يعجزون عن التبرير اى الانتهازيين وركزت فى محمد محمد خير وعفرتا البوست اساعد بيها البوستات المنتشره فى المنبر عن الهويه السودانيه فى خط محمد محمد خير التصفوى والاقصائى زى بوست عصام الجاك وغيره وعملت فوووووووووووق للبوست وحميد زول مبدع ومحجوب شريف زول مبدع ووردى زول مبدع والكابلى زول مبدع وانازاتى برضوا زول مبدع لمن القى بوست جميل لى عادل عبد العاطى بهضرب فيهو واوريهو انو استعجل فى كلامه وما اتحرى الدقه ولا انا ما زول مبدع زيك ياعدوله وعادل عبد العاطى برضوا زول مبدع . حلوه معاك دى ولاقلت ولا كلمه فى المبدع حميد لكن كلمه فوق دى اظنها حرقتك نزلت فينى العضو فرح العضو فرح العضو فرح العضو فرح انتا ياعادل رايح ليك فرح ولا شنو يالذيذ يارايق وقع ليك يالذيذ يارايق ولا اجيب ليك الدكشنرى كدى خت اللعب واطه وما نحن اتفقنا وقلنا شرف الخصومه برضوا انا معجب بيك ودايرك ترسل لى صورتك ومعاها اتوغراف ياعدوله لك حبى وتقديرى واعجابى عادل عبد العاطى
حقو تعتذر لى وتنتقد نفسك نقد ذاتى ولا انت ما بتعرف تعتذر وفوق للنقد الذاتى ---------
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: Imad El amin)
|
لقد قال الاخ بحميد باسي لا لاتردوا على احد اتركوهم يكتبوا ما يشاءون لان الرد عليهم يعطيهم قيمة وبحقق مخططهم اتركوهم فقط ياريت نلبي طلب حميد وترك خفافيش الظلام فى جحورها
الاخ عادل ماهكذا تورد الابل ؟؟؟ انت تعرفنى جيدا يااخونا عادل اذاكنت احمل سوء نية او مابفهم لكن احسن نخلي الفهم ليك وشكرا ياصديقي برضو مهم اختلفنا ياعادل نحن اخونا واكلنا الملح والملاح مع بعض
د.طارق اسماعيل
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: طارق اسماعيل)
|
الاخ طارق
نعم اكلنا ملح وملاح؛ وانا احترم راي حميد جدا؛ ولكن ماذا تظن هذا الرجل الكريم قائل؛ في مثل هذه الحالة؟
هل سيقول نعم نعم دافعوا عني؟ هو اكرم وأرقي واسمي روحا من ذلك!!
انا يا عزيزي قلت كلمتي؛ لوجه الحقيقة والتاريخ اما انت فوضعت من يشتم حميد ويغتال شخصيته؛ ومن يدافع عنه في نفس السلة؛ وبدأت فينا شتما في مساهمتك الاولي؛ دون ذنب جنيناه.
علي كل حال حصل خير.
عادل
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: sheba)
|
الأخ عادل حميد قال
الداخلة فيكَ ومارقة منِّي وشايلة حنِّي .. ضريرة .. حُق سيرة .. دلوكة وتدُق وتنطلق من بُق لِبُقْ تنهرد دارات تغنِّي رابَّة حس درويش مفرتك صانّة زي شيخي التبنِّي . ومن بعد دا ولا يهِم المغنِّي مع قضيتو يقضوا ليلات القِسِم ؟ كلما تنبح كلاب كلما اِنكشَّح عذاب كلما طفّح سِباب كلما عانى الجسم كلما غروهو سم كلما كان المغنى كما المعاتيه يبتسم على التجنى كأنو جنى سديد بصيره وملتزم
أخى عادل يظل العزاء إن من وصم حميد بالسقوط شخص واحد ومن دافعوا عنه كثر رغم أن حميد لايحتاج من يدافع عنه وما بشبه حميد إلا نخلته القال فيها
النخلة في الليل المهول وِِحِّيدا في عِز الرياح فارس يدارِق في الرماح الجايّه من كلِّ إتجاه رغم الجراح شُح ألمِي والزاد والسلاح راكز .. يصول لا أنّة .. لا حنى للجباه لا خان بصيرتو الإنتباه لا حتّى قال ديل المغول و لا ختّا آه على عز قديم روّح عجول ... طوّل مداميك الصبر سدّابه شُرمات النباح كل ما نزف من جوفو دم كل ما عزف لحنو الصباح ... نجم الميامين الحِمِش ينضارى شان تشرف شمش تدّي الحياة الناس .. الحقول الدابّة .. والطير والبمِش لكنو ماب يخبر أفول ... والأرض مخلاية التعب مصلاية العِشق الصعب ماب تستباح زي نخلة في الليل المهول كانت بتختبر الفصول كانت بتمتحن الرياح كل ما تطول ... ... والدنيا خوف عابر يشوف عنف الرياح × النخلة ولاّ النخلة × عنف الرياح × ليل مهول ... ... طوّالي راح يحلف يقول النخلة ماب ترجى الصباح والطيّب الصابر سنين راجيها باكر حقُّو راح لا فكَّ دين لا سدََّ جوف رزقو المعلَّق في السبيط مشهادو أصبح بيّنَ بِين فالنخلة ماب ترجى الصباح ؟! ... ... لكِن ضراعاً في البلد عارف عروق النخلة وين خابِر صمودا المِن متين ضامن ثبات ساقه الهطيط سامع مناتقة الرياح ساكِت صياح النخلة ماب تقدر تخون الأرض ماب تقدر تكون غير المراح لي همبريب يغشى البيوت عند الصباح نُص النهار عند المغيب وشان تدِّي ضُل والصيف غريب تاخد الهجائر بارتياح ... عِز الرياح النخلة تنجاسر تصون عِش الطيور البينا تفرِد للجناح ترقص تميد الساق هطيط والجو براح وفي الأرض ماشي عرِق بعيد ... ييبس جريد ينحت سبيط والنخلة تشده بالجريد النخلة تتعِب في اللقيط النخلة ياها النخلة لاب تعرِف تخاف قِل المطر تُقل الجفاف لا فتوة الريح العبيط طوَّالي في أجمل وشاح وكل الرياح فوقا بِتمر ومن كلِّ أصناف الرياح النخلة ماب تخبر خلاف ريح اللقاح والهمبريب ريح الصلاح ... ما ليها غير تطرح تمور تملأ الشواويل والقُفاف ينتمَّ زين ينحلَّ دين يطلق ضهر زولاً بسيط واقف على حد الكفاف ومن ركَّة الرزق المتاح رزقو المعلّق في السبيط ينزل كم الطير الخفاف يقدِل نشيط يخضرَّ زي شتل الضفاف كلما النشاف بدأ في السبيط ... والنخلة لو عنف الرياح الصاقعة .. أهوال الفصول .. البودي آفات الذبول .. قِدرن على ساقه الهطيط تقع .. وآب تموت روحا المدردحة ماب تفوت جسدا المعمَّر بالخلود ... تلقاها خشَّت في البيوت وبي كل صراح تقروقة سجَّاجة طهورة طبق من العرجون ضِنيب هبّابة طاب .. طبْطابة قُفَّة .. وكَسْكَسِْيكَة حبل متين فتلوهو في ضل الدليب نشلوبو من بئر للشراب نسجو بُو بنبر .. وعنقريب .... تلقاها خشّت في البيوت جوبيل جريد يعرش سقوف بيتاً جديد أول دخلتو عريس سعيد مبسوط يقرقر بانشراح ... أو حتى واقوداً تقيدو السمحة في نار بارتياح لي يوم عزيز يطلع خبيز دكّاي صُفاح يطلع ملاح برُّوبو ناساتاً ضيوف أو زول وراهو شغل بعيد يمرق قهيوتو وشاي صباح ... ... ... آخر المطاف والموت بيشرق نسمة في كف الصَبا الموت بيسر ق بسمة من شال الصِبا وتوب الزفاف النخلة ترباية العباد بجلاله تتحول رماد ورمادا يتحول سماد وسمادا يدخل كم بلاد وديانه تخضر والبطاح ... ... شوف كيف كفاح النخلة يوت لا حيله تتحدّى الرياح تصبر على مُر الحياة وتتمطق الموت بي جلد من بعدِ ما ملَت البلد شتلاً معمِّر بالألوف شايل مخلِّف بارتياح طول المصير النخلة حوت الصحراء أو جدي الجروف تلقاها مرتاحة الضمير ... يكفيها دا ويكفيها صاح بجراحه رجَّتنا الصباح يا القلتُّو ماب ترجى الصباح النخلة تحت الواطة سِر والنخلة فوق جهرة نصاح والأرض أعمق ما تكون والجو براح ... ... يكفيها صاح عِز المطر عز الجفاف ما استسلمت لي ريح غريب وكلّ الرياح فوقا بتمر ومن كلِّ أصناف الرياح النخلة ماب تخبِر خِلاف ريح اللقاح والهمبريب يا معوِّض الليل بالصباح يا معوِّد النار اللهيب روِّض نخلنا على الرياح وفي لجة البحر الغريب أدَّ الرواوِيس الصلاح
| |
|
|
|
|
|
|
Re: قد بلغ السيل الزبى .. أرفعوا ايديكم عن المبدع حميد (Re: Abdel Aati)
|
حميد لايحتاج لدفاع عنه لانه قامة سامفة والكل يعرفه بما قدم للوطن وللغلابة بصفة خاصة جميد لن تجود بلادنا بمثلة على الاقل فى العصور القريبة يجب انم لانلتفت للاقزام التى تريد ان تترتفع هلى حساب ابن البلد الوفيء حميد *****************************
تعال قص البلد وارجع تعال ادي الغبش طلة بقالا اليل غطى ومقنع سترتك يا صباح الله ضراعك مدو لي رضع ضروع اماتا قطن قط مراكب شوفا لا مشرع ولا بان في مداين شط تعال يا شافي يا كافي شموخاً في زمن منحط من الفي تعال بجي المافي معاك وهطنا نتوهط تعالنا نحن من شفع نفك الحيرة بي حيرة متين ما الليل نصن نسمع وراء الاهات غلب نوره ابوى قالولنا جيبن ده صباحات الله بخيرها تويب امي الزمن هدا صباحات الله بخيرها وصباحات الله لاقيتا لا كراسا لا قلما صباحات الله لاقيتا ململم في العيون الما صباحات الله لاقيتا تجود في الضحى وتضفر صباحات الله لاقيتا تليس في شقوق بيتا صباحات الله لاقيتا اكان لاقيتا في مشرع محل لاقيتا تنذمر مكان خليتا تتوجع اكان لاقيتا في مستشفى في طندايا جامع سوق محطة ملمة اكان في بيتا أو مصنع محل لاقيتا تنذمر مكان خليتا تتوجع تكد تكدح تباصر كم رجاء اتقطع ابت تطلع طلع خازوق خوازيق البلد زادت طلع نمراً وراهو ضباع وضاع ما ضاع وكان ما كان طلع خازوق يفيض النيل نحيض نحن يظل حال البلد واقف تقع محنة طلع خازوق خوازيق البلد زادت سالت عليها مشيت ومشيت مشيت خشيت على حلة لاقيت شعاع ضال من ضو صباح الله لاقيت شعاع اسمر قاعدلو فوق بنبر كابي المرس يسكر قنبت جنبو معا دار الحديث ما دار حدثني بحرقة حبيتا من جواي حبيتا حبيتا في الحلوة والمرات شايلا القداحا معاي ادتني واديتا حبيتا حبيتا في يوم من الايام هلوست مع الفجاج هلوست دون احلام من دكة الحجاج ضلوا الشمس ريحين واحد عماك يا ام زين والتانى شالك وطار باعوني للفرقة ملعون ابو الدولار ان الشعاع الضال انينا انينا غنا الشعاع الضال صنينا صنينا غنالي بحرقة غنالى يا هاجر عقبت يا باكر قاطعني يا هاجر رددت يا هاكر في الضلمة اولادك في الفيها طول اليوم لازادا لازادك يا مرمى لا ضل بيت لا ارث من اجدادك يلا وجراحاتك طحلب ضلام الليل دهده صباحاتك السولبك خلاك برد الخمور مفتون في افقر وضع ختاك فاجر وسخ مافون يلا وهياك يلا لا عن صباح الله صبح الغنا الميمون صن الشعاع الضال غنا الشعاع الضال ما صن غنا وقال يا هاجر التسعى بين الوطن والبال باب الفجر بفتح فتح القلب موال فتح اللبق في الصيف تالا الشتل تربال باب الفجر بفتح يا وضع يا دجال باب الفجر بفتح عند دقة الرجال غنا الشعاع الطال غنينا طلنا سوى شال النغم عتال بايتين عيالو قوى باكرنا سترة حال ياكر رغيف وروى باكرنا بقة فال باكر كتاب ودوا باكرنا للاجيال ينشر نور وهوا لا تلاقي فيهو وبال لاهم بعاد لاجوى باكرنا يا ضلال لسع بلال ما زال وما دام بلال لسع على الرمضا وهجير يلسع ما دام في اطفال بتتوجع صباحات الله يا بيضا لحيحة نوره لاهسع فجيعة يا نوره يا فقرا ترف من شدره لشدره تلف الدنيا كايسلكم صباحاتو ما انتو بقوا من الارض مطره تعالى وشى الوطن دركان عساكر اخر الزمن واطه تعالى وما على كيفك تعالى وريحي الواطه بلدنا أن جيتي دي الكوكب تعالي من اليسار شمساً تشرق الغربوا المركب تغربي يا غرب يا باني الكلب يا تجار الموت والرعب لو ريح ليلكم طف الصحوة نسل الصحوة في جوف الشعب بق وضو نواحى الدرب التالا الفجر الوطن القلب القلب الشايلك وما ختاك وكان ختاك ابداً ما خطاك بس يا نوره الصاح و الصبر لمي معانا قطنة البدري نغزل منها كفن الليل ننسج منها توب الفجر فجر تكسو محنتو الفقرا من التعب البلا صالح يجبد الكدح الاجرا يلا بوليس بلا اجرا شنو الخايفينلو يا فقرا بيوتا جنها المطره دقيقاً ما يفك الريق سمكة مافي في بحرا شنو الخايفينلو يا فقرا شديراتن بقت حطبها تمرة ما تفك طلبها شنو الخايفينلو يا فقرا بهيماتاً تسوى الميع مغبش كالترب بصرا شنو الخايفينلو يا فقرا كلبةً لا قلب لا حيل وهوت في شبح فوق خيل كان يتداعر اخر الليل نجرت والشبح حدرها صدت للصريف فى ترى كان صوت الرصاص قفرها انت والخلق نايمين صنت والخلق نايمين عفنت البلد يومين كلب العمدة جاب خبرا شنو الخايفينلو يا فقرا شنو الداخرنو في متره ابو الاربل لابو الواسوق ابو المحرات وساقية تسوق لابو بقرا يا بقر السواقي السايقى للامرا شنو الخايفينلو يا فقرا ابو البوليس اذا ما كان اباتم من طرف فقرا يحرسوا القصر للتلفان وللفي الليل زنى ودعره ويقوموا مع النهار وزراء ابو اذا ما كان اراضيهم يبس شدرا يحرسوا طلمبة الجازولين يقيفوا على الينوك غفرا اذا ما الشارع استنفر غبش عزل بستنكر على القيصر خساستو تقول للغيم محل مطر قراب منك دالفينك يضم صدر الوطن حاني يهز للظلم ساساتو تحن لباكر الاخضر يعم بخيرو ناساتو تنادى الفارس الاسمر تطالب بي قصاصاتو من الفجار من العسكر ابو البوليس اذا فكر يفك فيهم رصاصاتو ايابوليس يا نازل من المريخ جباة الدم من التاريخ أيا واقفهم كالسيخ تقيفلنا لامتين دغري حقارتك تبقى فى فقرا فضيحة فجيعة يا بوليس وجايين من فرد شدرا جنانا العاق متين تصحى تشوف الحاصل المذري متين تدري يانو الصوت ده ما مكري معتق للوطن دغري و بانو الجاري ما منك على صدر الوطن يجري وخطاهو التيربت بس قدرها تلاقى الفجر والفقرا
| |
|
|
|
|
|
|
|