|
|
 الف مبروك للاخ تبلدينا الحصول علي القيد الصحفي
|
Quote: .
كدى قبال ما ارد اتداخل ..
قول لى مبروكـ ..
وبالله لو عندكم عمود فاضى
خلونى اتكل تحتو ..
حصلت على القيد الصحفى بالخبرة ..
وعضوية الاتحاد ..
_________
بكرى الخير دا الا يشوف ليهو زول تانى يشففوا
والاسبتنغ انا اتبرعت ليهو بيهو ..
يحيا العدل .. |
الاخ صالح تبلدينا عندما ذهب لاتحاد الصحفيين للتسجيل لامتحانات القيد الصحفي وجد انه مستوفي الشروط للحصول عليه بالخيرة
واكمل اجراءته ووافقت لجنة تسجيل الصحفيين علي منحه اياه بالخبرة
فالف مبروك له وعقبال طارق جبريل
|
|
 
|
|
|
|
|
|
|
 Re: الف مبروك للاخ تبلدينا الحصول علي القيد الصحفي (Re: ود الباوقة)
|
..
.
الف شكر يا عمر على هذه التهنئة
وشكر لكل الاخوة الاعزاء على التبريكات ..
وعلى بال ما اجيكم واحد واحد ..
وصراحة والله انا ما كنت متوقع ..
قلنا نقعد للامتحان ونجتازوا ونحصصل عليها
لكن صراحة اشكر الاخت ( ..... )*
التى قامت بسؤالى هل سبق اننى عملت فى مجال الاعلام
او الصحافة ..
فاخبرتها باننى كنت معد ومقدم برامج باذاعة الابيض الاقليمية
ومتعاون بالتلفزيون وبعض الصحف السودانية لفترة ليست بالقصيرة
فسألتنى ..
هل معك شهادات خبرة .. تثبت ذلك ..؟؟
قلت بالتأكيد ..
وقمت بالتبحت حتى عثرت عليها وسلمتها لهم منذ اسبوع
وقالت لى بتعرض ملفك على اللجنة لو مستوفى الشروط
سوف تحصل على القيد الصحفى ..
فاخبرتها ما مشكلة المهم تورينى مواعيد الدورات متين والامتحان
قالت يا زول انت اعلامى ما بتحتاج باذن الله
واتخارجت وانتظر مكالمة منها بموعد الامتحان
ولم تمر خمسة ايام الا امس رن الهاتف ..
لتسالنى عن اسمى وتخبرنى بان اللجنة اجتمعت
وقررت على ضوء الشهادات والخبرة باحقية حصولى
على شهادة القيد الصحفى وعضوية الاتحاد والحضور يوم الاحد لتسديد
الرسوم واستلام البطاقات ..
صراحة ..
اول مرة من اتخرجت .. وقدمت لعدد من الجهات
بغرض العمل او الحصول على مستند او شهادة معينة
وووفقت فى القليل واحبط فى الكثير
ومنهاكانت رغبة الاغتراب ..
اشعر بأن هناك لجان حقيقة وصادقة فى هذا البلد
تجتمع وتدرس وتتخذ قرارات بتمنح كل شخص حقه..
نصيحة
لصديقاى جبريلا وحمور
غايتو رسلو شهاداتكم وخبراتكم موثقة
وانا بقدم ليكم وان شاء الله تحصولو على القيد الصحفى
وتجوا نعمل صحيفة مميزة .. قلتو شنو ؟؟
ما تضيعوا الزمن ساى ..
__________
الشكر مجدا للجنة ولاتحاد الصحفين
ولكل الاخوة المهنئين ..
* اعتذر على عدم تذكر اسم الاخت الكريمة ..
| |
|
|
|
|
|
|
|
|
 Re: الف مبروك للاخ تبلدينا الحصول علي القيد الصحفي (Re: وليد محمد المبارك)
|
..
.
Quote: الف الف مبروك يا ولدي
الكلمه امانه
اتمني لك التوفيق |
تسلمى يا يمه
وان شاء الله نكون عند حسن الظن
Quote: هاهاهاهاهاهاهاهاهاها
والله بعد ده جنس معط
مبروك يا فرده |
معط سااى
قرقر قرقر قرقر
حسي مع القيد دا الواحد يرد يقول
شنو ؟؟
شكرا يا مان
______
والعجب صلاحية البطاقة
تانى .. الواحد ينحشر فى اى مؤتمر
خارجى وداخلى
| |
|
|
|
|
|
|
|
|
|
Re: الف مبروك للاخ تبلدينا الحصول علي القيد الصحفي (Re: Tabaldina)
|
Quote: نصيحة
لصديقاى جبريلا وحمور
غايتو رسلو شهاداتكم وخبراتكم موثقة
وانا بقدم ليكم وان شاء الله تحصولو على القيد الصحفى
وتجوا نعمل صحيفة مميزة .. قلتو شنو ؟؟
ما تضيعوا الزمن ساى .. |
مبروك يا صالح ..
تمرق من القيد بمناتلة العافية يا اخوي.
عقبال القيد الذهبي.
بالنسبة للنصيحة ..
انا ابدا ما كان طموحي في يوم أكون صحفي و لحدي هسه ما عندي النية او الرغبة ان اعمل كصحفي.
عشان كده قصت اسجل و احصل على قيد صحفي و اكون عضو نقابة ده اظنو بيكون تلبط مني في الصحفيين ساي ( و بيقود لعملية فساد سياسية تانية في موضوع اتحاد الصحفيين ده ما مكانو ).
العمل الصحفي المارستو هو كتابة مقالات الراي في صحيفة المستقلة مع اخونا عمر صديق و بعدها عملت في الاشراف على الصفحة الثقافية في الاخبار .. يعني عمل ثقافي ما عمل صحفي نهائي.
يعني زي الدكتور البيشرف على الصفحة الطبية او احد زملاء المنبر هنا الناشطين في العمل الانساني الاتفقت معاو واحدة من الصحف انو يشرف ليها على صفحة انسانية ..عمل اداري اشرافي ليو علاقة بناشطك و خبرتك.. و ليس وظيفة كالصحافة.
و الكلام ده على ما اذكر كان وضحوهو مجموعة من الزملاء الصحفيين منهم عمر صديق و غيرم في ايام حجة القيد الصحفي بتاعي داك الانت زاتك كنت فاهم انو الموضوع ما قيد و لا شي.
عشان كده اخوي ما اظن في يوم احاول احصل على القيد ده و حاظل مكتفي بكتابة مقالات الرأي و العمل الثقافي في الصحف.
الى أن يقضي الله أمرا كان مفعولا.
سلاماتي يا الحبيب و نشوفكم قريب فقد تآكلت ايام السفر و اوشكت على النفاذ.
| |
|
|
|
|
|
|
|
|
|
Re: الف مبروك للاخ تبلدينا الحصول علي القيد الصحفي (Re: WAD ELGAALI#4)
|
..
.
Quote: والله تبلدينا راجل ملك وودقبايل واخواخوان ويستاهل الف مبروك
واكيد حيكون قلمو نضيف لانوزول نضيف مع تحياتى |
تسلم يا ود الجعلى يا غالى
ان شاء الله لمن نشوف لينا صحيفة تصدق لينا
بعمود الواحد يكون عند حسن الظن .. بكم
وبهذا الشعب المطحون ..
_______
تقترح ياتو صحيفة بالله
| |
|
|
|
|
|
|
|
|
|
Re: الف مبروك للاخ تبلدينا الحصول علي القيد الصحفي (Re: البحيراوي)
|
واطتنا اصبحت بعد ده
هو من غير قيد وهارينا كمان ينال القيد؟؟(وجه غامز)!!
مبروك يا صالح
واعتقد بعد ده مفروض تتخلص من لقب تبلدينا ده
ما تعمل لي ادروب ووليف ولا بتاع
مفروض اسمك يتوضع في وقوقول تكون كل مشاركاتك متناسقه
وتنسب لنفس الاسم...ولا عايز تبهلها بهنا وتظل تردح فينا
ردحاتك اياها..ناس انداحي يا فلانه و الفوره مليون يا علانه(ههههه)!
اول شروط انضباك حنصدقها لو شوفنا تغير أسمك من (تبلدينا)
لصالح عبد الرحمن.
ويلا خلينا نخلص منك بالمره ونزفك لقفص الذهبي العمر راح يا شاب.
| |
|
|
|
|
|
|
|
|
|
Re: الف مبروك للاخ تبلدينا الحصول علي القيد الصحفي (Re: عاطف رميتي)
|
مبرك للأخ تبلدينا
هو بالله ما عندو كان قيد صحفي يا أخي حرام والله
أوعى يكون امتحنوه كمان
لمن كنت متفرج بره المنبر ودخلاتي قليلة ما اشوف اسمه اجرى اقرى كاتب شنو واستمتع بالكلام العاقل الموزون حتى حدته جميلة وطيبة وشرف وفخر مزاملته هنا واتمني نشوف منه كل طيب وجميل وتتواصل كتابته الموزونه وليه التحية
شكرا يا أخي تبلدينا انت من افضل الناس البكتبوا في سودانيز اون لاين
| |
|
|
|
|
|
|
|
|
|
Re: الف مبروك للاخ تبلدينا الحصول علي القيد الصحفي (Re: ميسرة سيد أحمد)
|
العزيز صالح اولا نبارك لك الوقوف على المبادي وهي الاهم
ثانيا الحق ولا شي غير الحق و نحن نعلم انك اهلا لها اذا
كان ذلك عن طريق الشهادة؟ الممنوحة او دونها لاننا نعلم
علم اليقين هؤلاء المتشبسين بالسلطة كما منحوك الشهادة
يستطيعون ان ياخذوها و لكنك دونها نصير للحق والغلابة من
اهل شعبي الضعفاء ؟
اكرر ترحيبي بك قلما صادحا في وجه كل جبار اثم !
و لك مودتي :
| |
|
|
|
|
|
|
|
|
|
Re: الف مبروك للاخ تبلدينا الحصول علي القيد الصحفي (Re: موسي عيسي)
|
..
.
Quote: العزيز صالح
اولا نبارك لك الوقوف على المبادي وهي الاهم
ثانيا الحق ولا شي غير الحق و نحن نعلم انك اهلا لها اذا
كان ذلك عن طريق الشهادة؟ الممنوحة او دونها لاننا نعلم
علم اليقين هؤلاء المتشبسين بالسلطة كما منحوك الشهادة
يستطيعون ان ياخذوها و لكنك دونها نصير للحق والغلابة من
اهل شعبي الضعفاء ؟
اكرر ترحيبي بك قلما صادحا في وجه كل جبار اثم !
و لك مودتي : |
الاخ الفاضل والسنير العزيز
موسي عيسى
شكرا لمرورك الكريم
ونسال الله ان يقدرنا على كتابه كلمة الحق
والمستضعفين فى اللارض ونبض الشارع السودانى
وقضاياها الملحه ..
_____
لك الود والتقدير؛
| |
|
|
|
|
|
|
|
|
 Re: الف مبروك للاخ تبلدينا الحصول علي القيد الصحفي (Re: Tabaldina)
|
Quote:
ويلا خلينا نخلص منك بالمره ونزفك لقفص الذهبي . |
والله الف مبروك اخونا صالح وعقبال . . . . . .بس ما عارف بقولوا عقبال شنو للرتبة البعدها
لكن ياخوى بالله الموضوع دا فيه علاوة وشوية فكة وكده ؟
اخوك طبعا ما بفهم فى الحاجات دى لكن والله فرحت ليك شديد لما شفت كل الناس ديل فرحانين وقلت اكيد الموضوع دا وراه قروش كثيرة
ياسيدى الف مبروك وتكملها بعرق العافيية
| |
|
|
|
|
|
|
|
|
|
Re: الف مبروك للاخ تبلدينا الحصول علي القيد الصحفي (Re: صلاح شكوكو)
|
..
.
الاخ العزيز /
م.بكرى ..
بارك الله فيك ..
ونشكرك اذ ساهمت بموقعك هذا
فى زيادة كثير من حصيلتنا المعرفية وعلاقتنا الشخصية
وكتاباتنا الصحفية ..
الاخ الكريم
صلاح شكوكو ..
لك الشكر على التهانى الطيبات
ونسال الله ان نلحق بركبكم الميمون
---------
التوفيق للاخوة الذين يشاركون هذه اللحظة
فى الكورسات التدريبية استعدادا لخوض الامتحانات
فى الاسبوع الاول من مارس ..
وفقكم الله..
| |
|
|
|
|
|
|
|
|
 Re: الف مبروك للاخ تبلدينا الحصول علي القيد الصحفي (Re: Tabaldina)
|
..
.
Quote: لكن ياخوى بالله الموضوع دا فيه علاوة وشوية فكة وكده ؟
اخوك طبعا ما بفهم فى الحاجات دى لكن
والله فرحت ليك شديد لما شفت كل الناس ديل فرحانين وقلت اكيد الموضوع دا وراه قروش كثيرة
ياسيدى الف مبروك وتكملها بعرق العافية |
اخونا عادل سهل؛
صدقنى هؤلاء هم الفقراء المعذبون فى الارض ..
قوة لسان ساى ..
والموضوع لا فيه علاوة ولا فكة ..
بس بطاقة تمنحك الحق الصحفى بالكتابه
وميزة الاكسس لكل الجهات الرسمية والشبه رسمية
وحق الترشيح والانتخاب والتصويت ..
واشياء قليلة اخر
------------
اعتقد ان الحصول على بيت فى مدينة الصحفيين
وتأمين طبي لك ولاسرتك ميزة تستحق هذا القيد ..
| |
|
|
|
|
|
|
| |
عمر صديق
إحسان عبدالمتعال أحمد
Dania Elmaki
محمد الأمين موسى
WAD ELGAALI#4
الشفيع وراق عبد الرحمن
وجن
معاوية عوض الكريم
هند محمد
طارق جبريل
العوض المسلمي
تولوس
Dalal Ezzaldin
ناصر جبريل
عماد الدين عبدالله
احمد معتصم الطيب
doma
حمور زيادة
البحيراوي
Tragie Mustafa
أمين محمد سليمان
محمد الجيلى
عبدالدين سلامه
Adam Omer
محمد عبد الماجد الصايم
بكري الخير
ابو جهينة
عفاف الصادق بابكر
جلال عثمان
naeem ali
ميسرة سيد أحمد
سامي عبد الوهاب إدريس
موسي عيسي
بدر الدين اسحاق احمد
عبدالرحمن طبيق
محمد عبدالله مختار
سجيمان
moaz elsir
عادل سهل
عبود عبد الرحيم
بكرى ابوبكر
صلاح شكوكو
JAD
فيس بوك
تويتر
انستقرام
يوتيوب
بنتيريست