كتب الكاتب الفاتح جبرا المتوفرة بمعرض الدوحة
|
|
 الفطور فى الشارع وراء مدرسة المؤتمر
|
منذ وعيت او قبل ان اوعى وجدتنى افطر كل رمضان فى الشارع المكان جنوب غرب مدرسة المؤتمر
برش جدنا الجرق رحمة اللة علية ورحم ن توفى من ولدة وجعل العافية والصحة فى اولادة واولاد اولادة
قبل رمضان ب15 يوم نفرش الرمل فى المنطقة وننظف البروش منذ وقت انا وعمر مختار وبمبيدو
نجهز البروش ونعمل بروفة جلوس ونقلد من نقلد ينقسم البرش طبقيا الى اثنين شمالى وجنوبى
اهل الشمال عرفو دائما بالاثرياء وواسعى النفوذ واهل الجنوب0انحنا) عامة الشعب الذى ياتى محملا
بطيبة اهل السودان زمان وبسط كلما جادت بة ايديهم من خير ورزق كسبوة كان زعيم هذا الجزء
الوالد رحمة اللة علية بعدها ورث الرئاسة زوج اختى العمدة سليمان القاسم علية الرحمة
كانو حريصين اشد الحرص على تفقد البرش والمناكفات اللذيذة التى تجرى بين الحين والاخر
مع الطرف الاخر من الشمال كان اهل الشمال يضمون فى رئاسة منطقتهم العم الحاج التوم وعوض التوم
علية الرحمة ومختار التوم يدية الصحة والعافية ومولانا عبد اللة التوم والكابتن عمر التوم
والجد التجانى سعد علية الرحمة واحمد حسن علية الرحمة ........يتضامن معهم مالك شجرة
رغم انة ينتمى طبقيا الى الجنوب وهنالك من بالوسط رجل جوة ورجل برة منهم القمندان سعد احمد حسن
معاوية التجانى ......الامين البنا ..احمد الرباطابى .......نسيت من اركان الشمال السفير عثمان السمحونى
اما اهل الجنوب فكثر كل يوم تجد الجديد الجديد ابرزهم ااسرة المرحوم قسم السيد واولادة الخير المرحوم مصطفى
على قسم السيد ابناء المحمية ...بنى... قسم البارى ...عطا النور ...واخية حسين النور
اسرة المرحوم سعد على التوم الزعيم الرشيد سعد وازهرى واسامة ...
كان ضيوف اهل الشمال عادة من الوزراء والمتنفذين وكانت اطباقهم لا تشابة اطباقنا البتة
اشياء نراها لاول مرة كنا نتامر لنسرق منهم صحن ندعم بة جبهة الجنوب الفقيرة او نعلن التمرد
كان الامام الطيب ابو سليم خلفة الخليفة محمود عوض واخوانة محمد عوض وازهرى عوض التوم
خلفهم الامين البنا ....ابناء الطيب ابو سليم ناصر .....
عادة ما تبدا المناكفات بالكورة لان العم مختار موردابى كان رئيس نادى الموردة اخية الحاج
معروف من حجاج المريخ والجيل العظيم للمريخ...وعوض التوم علية الرحمة موردابى بيشاكل
اما عبدالة فهو مريخابى معروف ....تاما الكابتن عمر التوم معروف كلاعب حريف الى يومنا هذا
ياتى بما لا يقدر علية اى لاعب عاجبة نفسو الان لدية كنترول بول الى الان لم ارة يتحكم فى الكورة
كانة يتحكم باصبعة مستعد ان يضرب الكورة فى اى منطقة تحددها لة من على بعد مسافىة بعيدة
كان دائما ما يبدا النقاش بان يفتن عمى الحاج عمى مختار مع اخى ازهرى وهو هلالابى متعصب
الا ان يتدخل الاجاويد ............
|
|
 
|
|
|
|
|
|
|
 Re: الفطور فى الشارع وراء مدرسة المؤتمر (Re: عمر سعد)
|
الجلوس كما اتذكرهم من الشمال العم الحاج يقابلة عم عوض على يمينة مختار يقابلة عمر
يقابلهم العم الطيب ابوسليم يقابلهمه السمحونى يقابلمهم الامين البنا يقابلهم سعد احمد حسن
يقابلة معاوية ياقبلهم مالك وهو لا يركز فى مكان بعينة يزحف يزحف الى ان يلتصق باقصى الشمال
يقبل مالك معاوية فيصل الرشيد الباشمهندس مبارك التجانى عادل التجانى ناصر هاشم شجرة الزعيم
على قسم السيد قسم البارى الخير ازهرى عطا حسين النور قاسم بميبدو عمر الخليفة محمود محمد عوض ....اسامة سعد ....كان ما يميز البرش الرشيد سعد كان دائما يجلس الخر البرش
ودائما طيلة وجودى فى السودان كان اول من يقوم من البرش كانت لة عادة ان يشرب ليمون
ولقمة فقط من تافول بعدها يتوجة الى البيت مباشرة مع مداعبات من الخلف ا(ايوة عندو طحنية
فى الدولاب لاحقة لالا ماشى لى امو محضرة ليهو حاجة خاصة وهو لا يلتفت ابدا الى ان يصل البيت
وكنت انا اخر من يقوم من البرش نخلص من الاكل وكان اول من يصلى المرحوم عوض التوم سادلا
كان لاهل الشمال دائما تحلية مميزة لانهم دائما مضيوفين بضيوف من الطبقة الراقية كما قلت
دائما اتحرك واتى بها اوزع لاهل الجنوب بعد ان ينادينى العم مختار التوم تعال يا عمر
وكنت اعرف المطلوب دائما وكنت انظر الى اهل الجنوب وهم منفرجى الاسارير ينتظرونى محمل باطباق لا يعرفون اسمائها
بعدها اغدق عليهم باللقيمات والشاى والقهوة .....وكنا نسميها بغزوات دعم الجنوب
بعد الصلاة نتسامر وتبدا الحكاوى الجميلة ...من الحاضرين من البروفيسور المرحوم عون الشريف
قاسم....عبد اللة بدرى ......مرات محمدية العازف ....وكانت مداخلات السمحونى دائما ما تكون مميزة
وغلاط العم عمر التوم الدائم والمعارض الدائم ....هكذا كان للبرش نكهة خاصة فى رمضان
افتقدة كثيرا جدا منذ سنين خلت اتمنى فقط ان اشتم دعاش المنطقة الرطبة بعد ان نبلل الرمل
حتى رؤية الشماشة بعد ان نفرق من الاكل ولمتهم افتقدها...................
افتقد فريك الخالة اسماء ........وشايها اللذيذ .........
افتقد الزوقة من شيل الصينية ....والتعذر باشياء وهمية ........
افتقد الوجوة الاليفة والاتكائة على البرش والونسة والمشاغبات ...
افتقد امدرمان كلها افتقد خور ابوعنجة ....ونيل ممدد يهددنا كل مرة بالغرق ونهددة بالمحبة
والتالف ولعب كرة الماء حين يغمر النيل ميدان الاحرار .
افتقد مدرسةالمؤتمر وكيف كنا ندور حولها كتسخينة للتمرين الان اجدها غير قابلة للاحاطة
افتقد سيد الخور ونادر واسامة ومجدى ومحمود وابتة ......
افتقد نفسى حين انظر اليها عبر مراة لا تعكس صورتى بل يمتد خيال طويل يلفنى بكل ممن احب
انا عازمكم فطور فى برشنا حتى وانا بعيد عنة 4 ساعات بالطائرة
ستجدون ظلى هنالك ورائحتى وضحكتى وكثير
وباقى من ابرى او فول اندلق منى
.......................................
| |
|
|
|
|
|
|
|
|
|
Re: الفطور فى الشارع وراء مدرسة المؤتمر (Re: عمر سعد)
|
يا عمر سعد
الله يطول عمرك
أولا رمضان كريم وتصوم وتفطر علي خير
هذا البوست فعل بي العجب العجاب....وأنهمر دمعي...وأنا رجل عصي الدمع...وهاك الأسباب بكل بساطه...لأنو الدنيا ضيقه...
أولا أنا قريت في المؤتمر الثانويه...رجعتني بذلك الأسم... القهقري...لن ننسي أياما مضت... فذكراها مازالت عالقة بي
ثانيا كم أكلنا الفول في فسحة الفطور عندذلك الدكان خلف مدرسة المؤتمر... والذي تراه من زحل ...رغم أنف ناظر المؤتمر في ذلك الوقت الطيب شبيكه طيب الله ثراه...بيسكنا سك ...ونجري بالصحن.... وندخل زقاق صغير نتم الأكله...والزيت كلو يكون إدفق...
ثالثا...ذكرك لعائلة المرحوم التوم الجرق...هل تعلم أنه جدي وأولاده كلهم أعمامي خاصة المرحوم عوض وأخيه الكابتن القدير عمر التوم أطال الله في عمره..فهؤلاءالأثنيين إزدادت علاقتهم بي شخصيا بعدما صار والدي أطال الله عمره سكرتير نادي المورده في عهدها الذهبي...عمر التوم... عمر عثمان...ختم دريس...المحينه...محمود الزبير...عصمت...رابح....كباكا....نور الجليل..وصفيحه القون...كل هؤلاءبالنسبه لوالدي محمود متوكل أبنائه... وبالنسبة لي كنت أخوهم الصغير...ولك أن تسأل عمر التوم عني ...فهو حي يرزق
قبل أيام كنت مع أخي الصغير صلاح الجرق بنيويورك وهو الآن بروفسير كبير بجامعة كورنيل
أعرفت الآن وأدركت لماذا بكيت من هذاالبوست
ولما كان الليله أول يوم في رمضان ماكنت غفرت ليك
لك كل محبتي وحبي
يا ولدنا ود المورده لوتدري ما معني هذه الكلمه عندنا
نعم قراقير... وبنعرف نلعب في المطره... والزمن الضائع
سلامي لكل من يسأل وتسأل عني وأنا الذي لم يعد للسودان في ال 24 سنة الماضية
لهذا أجبرني بوستك هذا أن أضعف وأذرف الدمع سخينا
سامحك الله
ومن الشوق والوصل رسول بيننا
أخوك د.متوكل محمود متوكل
| |
|
|
|
|
|
|
|
|
|
Re: الفطور فى الشارع وراء مدرسة المؤتمر (Re: عمر سعد)
|
دكتورنا الرائع اولا كل سنةةوانت طيب
طيب طلعنا قرايب ....عارف انا لى سنتين فقط وافتقدت الاشياء دى كلها العم عمر التوم امد اللة فى عمرة والعم الحاج التوم امد اللة فى عمرة كل لة نكهتة .....
عارف لو فى زول ممكن اصاحبو هو العم الحاج التوم لا يشعرك ابدا بفارق فى السن وتكن لة احترام
العم الحاج تقريبا من اقدم الجنرالات الان وكل الذين فى سدة القوات المسلحة تعيينو
العم عمر التوم وبالمناسبة انا مسمى عليهو ...يحتفظ لحد الان بمهارات قل ان توجد عند لاعبينا الان دائما فى تحدى معة
يجدنا نتمرن فى ميدان الاحرار يقف يتفرج ويقول دى كورة دى اسع البتلعبوها دى نقوم نقول ليهو انتو ما عملتو اى حاجة
يقوم يشيل الكورة ويقول اشرو لاى فتحة فى العمود فلتكن الرابعة يصوب ويضربها بدقة فيتنافس كل الفريق
فى اصابة الفتحة نفشل كلنا فياتى ويضربها مرة ثانية ويمشى مختالا يقول اتمرنو بس على دى كم سنة
للعم عمر التوم نوادر وحكايات نقول لة (كوبا) كل امانية فقط ان ياكل مفروكة فقط
اما العم مختار التوم فاذا عايز تغيظو سب الموردة خلاص تضيق الدنيا قدامو
ساذكر طرائفهم واحدة واحدة شخصية شخصية تحياتى طبعا خالد مختار فى فلوريدا
كنت اتوقع منك تلفون حين وجود بروف بطران واتوزقع تلفون منو او منك ابقى عافية
عمر سعد على التةم
| |
|
|
|
|
|
|
|
|
|
Re: الفطور فى الشارع وراء مدرسة المؤتمر (Re: عمر سعد)
|
الأخ عمر سعد
تحياتى ورمضان كريم
| Quote: منذ وعيت او قبل ان اوعى |
قبل ان توعى دى مفهومة كدى ورينا انت وعيت بتين, عشان نقدر نعرف نتعامل معاك هل نقول ليك يا ولد قوم فرش البرش ولا نقول ليك يا عم الففطور جاهز وجدى الليلة عازم, الهادى عبدالرحمن ومزمل مهدى, والجاك بخيت, ورابح, واحمد نصار, وشبيكة, ومكاوى, وحسين مهدى, وموسى القندقلى, وشكاك, وجقود, والعميد, وااللستة تطول, طبعا ديل اغلبهم مراحيم وجدك المرحوم ربنا يقبلهم جميعا, ديل كلهم معزومين ومعاهم اولادهم لطفى وزهير وعبدالرحمن الهادى, مجدى ومصدق مزمل, الأمين والفاضل رابح ومحمود داموك, كامل وبدرالدين شبيكة, اولاد عمك مصطفى كمال البعيو وعبدالكريم وصلاج, حسن ومحمدوسامى ونادر وعاطف حسين مهدى, عادل ومحمد موسى القندقلى, نادر خضر, عبدالناصر المرضى, اولاد عبدالوهاب بهناك, مصدق الحلبى, وليد, الصينى...
طيب عادل التيجانى سعد والرشيد ببقو ليك شنو؟ عادل طبعا دفعتنا هو وزهير خالى قروا فى الرشاد وانا قريت فى ابوكدوك.. ارحك لى قدام, اللاعب الفذ الذى لم تنتج الملاعب مثله الدفعه القدام قدامنا الفاتح التوم واخوه مامون اللذين اتما دراستهم الجامعيه فى اليونان واظن الفاتح من اوائل المهاجرين الى امريكا, كنت قد رأيته فى جريدة امريكية معلقة عن موهبته الكروية, هل تعرف انو اى كورة كورنر كان برفعها وبحرز هدف من الكورنر, ولقد كان ايضا حارسا موهوبا, لقد كسر يده فى احدى المباريات, ولقد كان اشولا,
اما اخونا الأكبر منه مامون من اوائل الطلبه الذى وفر من مصروفه واحضر عربة من اليونان فكان همى ان اذهب اى اليونان للقراءة هنالك حتى احضر معى عربة, اين محمد عوض واخيه الأصغر الذى كان يذهب مع والده العم عوض الى الجامع لأداء صلاة المغرب بأستمرار...
ذكريات.. يالله ورينا وضعها فى القاموس شنو ومن الأعراب وين؟
لك شكرى ولصديقى الدكتور متوكل محمود الرجل الصامد المبتسم دائما, انا برضو من خريجى المؤتمر خريجى 78
لطفى.. هل عرفتنى؟
(عدل بواسطة Abu Eltayeb on 09-16-2007, 01:11 AM)
| |
|
|
|
|
|
|
|
|
|
Re: الفطور فى الشارع وراء مدرسة المؤتمر (Re: Abu Eltayeb)
|
ياعمر
والله حكى سمح ياخ ...هذا مايميزنا من غيرنا ..
لكن ماشايف ذكر لناس بهاء فى البرش دا ..
الحاصل شنو (مستأجرين ) مامعاكم ولاكيف ..
عموما يازول غداكم المبذول للغاشى والماشى
والمربوط بعالم الرياضة خبرو معانا ..
وكان الله جابنا بهناك بنغشى ..
تحياتى لاهل امدر ..
| |
|
|
|
|
|
|
|
|
|
Re: الفطور فى الشارع وراء مدرسة المؤتمر (Re: عمر سعد)
|
الاخ ابو الطيب انت شكلك دفعة ناس عمر ممحد اسماعيل وعزيز عمر ومحمد حامد الجزولى
انا بعدكم بعشرة سنوات اتخرجت من المؤتمر ....
عادل التجانى خالى ...............
جقود حى يرزق فى هولندا الان هو واسرتة ..................لكن من انحنا عمرنا سنتين كنا بنمشى
البرش واسع عجزنا معلرفتك بالحلة خطيرة انا قدام عمر مختار فى المدرسة ومعتصم الحاج التوم
مامون دة وعينا لقيناهو مافى هو والفاتح ...........
البرش دة عندو ذكريات جميلة فى الذاكرة انا جبتة سيرتو منذ مدة طويلة الى الان .....
يعنى الجاك بخيت اول من رفع علم الاستقلال فى السارية .....
الحاج مزمل مع عمى الحاج التوم كانو من حجاج المريخ .............
انت جبت ناس كتار خلاص ............
هل لك ذكريات فى البرش دة او جيت يوم فطرتة فيهو ادينا انطباعك عنو
| |
|
|
|
|
|
|
|
|
|
Re: الفطور فى الشارع وراء مدرسة المؤتمر (Re: عمر سعد)
|
ود سعد،،
لك التحية و تصوم وتفطر فى برشكم ،،
قول آآآميين....
و تحية خاصة لدكتور متوكل محمود الذى لم أسمع صوته منذ أكثر من 5 سنوات، وقت أن جمعنا عمل أيام الشارقة وهنا أحى الأخ عبد الرحمن التنى...
عودة لبرشكم ،،، فى قلوتية بتاعة برشكم و برشنا و برشهم ......
رغم ان خانتنى الذاكرة إلا أننى اكيد ممن تيمموا صعيدا طاهرا فى زمن الصبى الأول بتراب برشكم ...
فى بوستك الخفيف أسماء أحن لذكراهم و بعضهم أمنى النفس بمقابلتهم و لو لبرهة،،،،،
الرحمة و المغفرة للكثيرين الذين رحلوا ممن غشوا برشكم و الصحة والعافية للأحياء منهم....
تخريمة:
أهو ده الفطور السمح البفتح الشهية للأكل ،،،،،
مش زى سيرة فطور تلفونك بتاع أمبارح البجيب الغم داك ،،،،
أخجلوااااا إنت و المباريهم !!!!!!
ش
| |
|
|
|
|
|
|
|
|
|
Re: الفطور فى الشارع وراء مدرسة المؤتمر (Re: شكرى سليمان ماطوس)
|
طبعا يا شكرى الجابك بكون احتمال عارفو فالبرش سحنتة افوق ختمية بحتة
لالعم عوض التوم وابنة محمود عوض التوم ديل ختمية على السكين والبقية العم مختار
والعم الحاج التوم اللة يديهم الصحة والعافية ..........فما وريتنا الجابك شنو
لو اسعفتك الذاكرة .
( يا خوفى تكون بقيت ثعلب) هاهاهاهههاهاهاهاهاهاهاهاهاهاهاهاهاهاهاه
واللة الفطور كان مدنكل ما زى ما كنت متخيل انتة بس عدم التنسيق يا شكرى
لكن انتم دائما فى البال .................سنلتقى قريبا جدا ان شا اللة
| |
|
|
|
|
|
|
|
|
|
Re: الفطور فى الشارع وراء مدرسة المؤتمر (Re: عمر سعد)
|
اول حاجة شكرا يا ود
عبد الرحمن للمرور تانيا انت خلطتة بين حوش جدى عباس رحمة الة وبرشنا دة
حوش عباس دة كان بيت عمدة وبالشكل الانتة عارفو دة لا تنضب قدورة ابدا ليلا او نهار
لو كان الزمن دة عايش جدى ما عارف كان عمل شنو لانو السودان كلو بقى على بابا اللة احتمال
جدى زاتو كان يكون واقف فى الصف راجى دورو
ناس بهاء ديل اولا د قلبة بالجد ................
بس البروش دى بتكون كتيرة ودة برشنا زى ما قال شكرى ماطوس لك الود
| |
|
|
|
|
|
|
|
|
|
Re: الفطور فى الشارع وراء مدرسة المؤتمر (Re: عمر سعد)
|
والله يا عمر أنا اشك أنو تطليع البروش وتدخيله دا هو الطلعنا زاتو من السودان ..
بعدين البرش بتاعكم دا اشتغل لي المسالة بالحدود الجغرافية .. لانو حسع إنت جطت لينا الدنيا كلها مرات البرش دا اجرو اوديهو جمب بيت ناس حطبه هناك .. مرات اجرو كدا اوديهو قدام بيت ناس محمد الفاتح .. والله لحدي الآن ما لاقي لي مكان مناسب..عشان اعرفو بيهو ..
ميدان الأحرار دا مش الميدان الصغير البقع ورى الموتمر مباشرة ..؟
والله زمان كنا بنطقطكم جنس طقطقه .. وبالمناسبة الميدان دا لو بقى القصدو هو زاتو فلي معاهو ذكريات جميلة جدا .. لما كنا في فريق المدرسة في الرشاد كنا بنتمرن فيهو ونضرب البوش من دكان عبد القادر دردوق ..
بعدين الزاوية الشمالية الغربية لمدرسة المؤتمر دي كانت نهاية الرحلة .. في الحيطة ومنها كنا بننط وننزل من الحيطة طبعا الرحلة بتبدأ من الركن الجنوبي الغربي جمب الكنيسة بتاعت الفيل وجمب بيت ناس اساسمة الاستاذ .. ونمشي شمال ونقطع شوية من ميدان الأحرار .. وغالبا كانت بتكون في معركة في الحتة دي .. بعديها بنتجه شمالا .. بي زقاق ناس محمد ورقــة ومدرسة سوميت على يدك اليمين ..
اقول ليك ســر ..
والله يا عمر حلتكم دي كنته بكرهه بشكل .. لما كنت بجي ماشي قصر الشباب .. كنت بمشي بالظلط بي قدام مدرسة المؤتمر ...
لكن شارع ناس (ابصينيه) بي هناك .. دا امنقه شارع كنت بجي للمرحوم (زنيره) فضل عليه رحمة الله .. أنا وعوض (مليجي) .. وكنا بنقعد في مدرسة المؤتمر في النجيلة اللذيذة ديك دا طبعا بعدما كلاب عمك (ابوطويلة) ماتت وعمك ابوطويلة زاتو حركتو بقت تقيله..
انا علشان ما قادر أحدد اتجاهات البرش بتاعكم دا أو الاحداثيات بتاعتو علشان كدا ما بقدر افتي ليك في (المويات) بتاعتكم دي ..
| |
|
|
|
|
|
|
|
|
|
Re: الفطور فى الشارع وراء مدرسة المؤتمر (Re: عمر سعد)
|
واللة ضحكتنى صحى كنت بحاول ازوق من البروش دى لكن المسلط عمر مختار ومعاهو بمبيدو
ما بريحوك يجوك زى القدر اها يا عمر يلا نطلع البروش دى هى بروش ساى قبالة قش النجيلة
ورشها رشة خفيفة كدة .............
ونقعد نتونس فيها نجربة ..........
عندك مشكلة اتجاهات ..............ز
عارف انا من دخلتة مدرسة المؤتمر لحدى ما اتخرجتة ما دخلتها ولا طلعت منها بى بابها
مشروع حرامى وكنا بنتنافس منو البنط الحيطة من اعلى مكان .......
طيب ميدان الاحرار ياهو زاتو القاصدو انتة وراء مدرسة المؤتمر بالظبط بين مدرسة
حى الضباط التجارية بنات ومدرسة المؤتمر محصور المربوع الاول مربوع ناس محمد الفاتح
الفاتح على الميدان وراهو طوالى مربوع جدنا التوم الجرق بس هنا بنخت بروشنا
وقع ليك يعنى البرش بيكون قصاد منزل مختار التوم او الديوان الكبير وقصاد
الامين البنا واحمد الرباطابى ................
لكن برضو ناس محمد الفاتح عندهم برش بقعدو فيهو هم وناس حطبة ما عارف فوزى المرضى
بيقعد معاهم ولا لا لانو جارهم واعتقد ناس حمد النيل معاهم ............
بتكرهة حلتنا لية الدقاك منو فيها وانا باخد ليك تارك ان شا اللة بعد مية سنة
ولا شوكشتك بت من بناتنا هاهاهاهاهاهاهاهاهاهاهاهاهاهاهاهاهاهاهاه نشوف ليك بتها تعرسة
اها يا تمبس ابنا لك اها تعال صاد
واللة يا تمبس فى _(فريك ) بتسوى بعد الافطار تاكل اصابعك وراهو الى الان اشتم
رائحتة وطعمة ما زال فى حلقى...............
اكلت فريك فلى برشنا من يد الحاجة اسماء اللة يديها الصحة والعافية نص عمرك ضايع
| |
|
|
|
|
|
|
|
|
|
Re: الفطور فى الشارع وراء مدرسة المؤتمر (Re: عمر سعد)
|
ود سعد ،،،
طاب يومكم عبادة و إبتهال ....
كان حوش ناس شكاك بطلع منو "ختمى" يكون ده انــــــا،،،،لأنه دمى من دمهم ...
لو فى واحد من آل مكاوى مصطفى مكاوى بشبه السادة (الختمية) أكيد يكون ده أنــــا،،، لان النسب نصيب و وجاهة...
رغم إنه دار آل مصطفى الغندقلى عندهم د.عادل إتحادى و د.شادية أتحادية ،، محمد ميوله يسارية(بقول تقدمى) ،، بدرالدين و مها و مولانا نادية أقرب للإتحاديين ( شفت كبرت الكوم كيف) بس أكيد كلهم ما من السادة الختمية،،
ولو فعلاً عندهم صديق ختمى (و أكيد ما عندهم) بكون ده انــــــــــــا ....
رأيك شنو؟؟؟
الثعلب انا ام إنت؟؟؟
حاشية لابد منها:
تحية خاصة لبيت آل الميرغنى ولكل خلفاءهم مريديهم داخل السودان و خارجه ولهم منى كل التقدير و الإحترام ...
نصيحة لله و الرسول:
إنت من بيت أمدرمانى و كل بيوت ها مروية بالوطنية ،،،
لذا لا تنسى الدعاء بالحرية لكافة المعتقليين السياسيين...
و يا ود سعد عشان ربنا يعدل ليك طريقك: فك درب المباريهم ديــــــــــــــــل ....
ش
| |
|
|
|
|
|
|
| |
عمر سعد
Mutwakil Mahmoud
محمد عبدالرحمن
شكرى سليمان ماطوس
tmbis
فيس بوك
تويتر
انستقرام
يوتيوب
بنتيريست