كتب الكاتب الفاتح جبرا المتوفرة بمعرض الدوحة
|
ماهو خم الرماد؟؟؟!
|
[font size=5]
الإخوة والأخوات رمضان كريم وتصوموا وتفطروا على خير ونسأل الله أن يتقبل الصيام والقيام وأن يمن علينا جميعا بالخير والبركات وأن ينعم على سوداننا بالسلام والمودة والرحمة وأن يجنبنا المصائب والفتن ما ظهر منها ومابطن ونسأله تعالى أن يعم بلادنا الأمن والرخاء والشبع وأن يروي ظمأنا بالحلومر والليمون وأن يبعد عنا زيارات يان برونك وبان كي مون اللهم اجعل الأمطار الغزيرة التي هطلت علينا أمطار خير وبركة اللهم أروي بها الزرع والضرع وأكسي بها أرضنا القاحلة خضرة دائمة اللهم بهذه الأمطار ثبت الكتاحة وقلل من لساننا الفصاحة واللداحة اللهم أنزل على هذا المنبر نسمات التاخي والتسامح واجمع شملنا في سبيل النضال من أجل الوطن وليس ضد الوطن اللهم اصرف قلب أخونا بكري عن فكرة عرض المنبر للبيع اللهم يسر لي أخونا ياسر عرمان انشاء منبر براهو اللهم يا ميسر اليسير وتيسير العسير عليك يسير نسألك رضاك والجنة أما بعد ياأخوانا مسئولين من الخير والله يجعلكم كلكم مسئولين نحنا من قمنا صغار وشبينا واتربينا ولي يوم الليله نسمع في الناس في الحله يقولوا ليك الليله خم الرماد وتسمع أنا ماشي خامي الرمادوصاحبك يقول ليك أها الليله خامي الرماد وين؟ أخوكم عشان يتفشخر مع الشباب ويعمل تفتيحه اجابتو جاهزة هو كمان خم الرماد بتكلموا بيهو ولا في زول بمرق سرو ده موضوع سري يا فرده المحيرني الناس دي بتخم في الرماد بتوديهو وين ماعارف والغريبه أصلو ما قابلني يوم وسخان ولا أغبش وهو ماشي يخم الرماد. معقول يا أخوانا في زول ماشي ينضف الوساخه بمشي وهو قاشر ولا في حاجه تحت تحت؟ طيب ماتورونا معاكم بعدين هي النار ذاتا وينا لمن جابت الرماد وهسي الناس بقت كمان تشتغل بالغاز ولسه يقول خم الرماد مافي تطور وعولمة للمسميات يا ناس خم الرماد؟ أها يا جماعه قالوا رمضان شهر محاسبة النفس والصدق والاخلاص. طيب أها أنا قاعد منتظر أي واحد صادق مع نفسو يجي يورينا خم الرمادمعناتو شنو؟ والرماد ده بخمو من وين وبودوهو وين؟ وبخمو في شنو؟ أكياس؟ شوالات؟ براميل؟ أها أنا قاعد بي كيسي بهنا
|
|
|
|
|
|
|
|
Re: ماهو خم الرماد؟؟؟! (Re: جعفر سومي)
|
جعفر رمضان كريم
والله أنا سمعت و العهدة على الرواة إنو خم الرماد ده بعض المناطق خصوصاً في غرب السودان الجميل بيكون آخر يوم بشربوا فيهو المريسة لأنو تاني في رمضان ما بيشربوها لحدي العيد. وفي الوسط و الشمال برضو في حركة قريبة من دي وإن كانت بدون مصطلح
| |
|
|
|
|
|
|
Re: ماهو خم الرماد؟؟؟! (Re: amin siddig)
|
الأخ أمين شكرا على المرور ورمضان كريم بالله يا أمين ماتجيب لينا هوا المريسه دي في جميع أنحاء السودان موجوده كما أن مصطلح خم الرماد متداول بين الجميع مش الا في الغرب والوسط والشمال بعدين يا أمين في معلومه أديك ليها الناس بتقول ماشه تخم الرماد قريب المغرب كده يعني بالليل بينما شراب المريسه بكون في الصباح يعني اصطباحيه وكده خاصة في حاجه بقول ليها الدقة ودي ما بدوها الا للزبون الصاح البجي بدري شكرا أمين على المداخله وخليك معانا على طول
| |
|
|
|
|
|
|
Re: ماهو خم الرماد؟؟؟! (Re: Gaafar Ismail)
|
أبو الجعافر تحياتي ورمضان كريم عشان كده الجماعه النضاف وبمرقوا وقت المغربيه ديل عندهم حاجات تحت تحت بعدين ياأبو الجعافر في سؤال محيرني ماحصل سمعت أي فرد من الجنس الاخر قال عاوز يخم الرماد يعني الموضوع ده محصور في جنس واحد بس؟؟؟ والله دي تهمة جديده تحياتي لبقية الشباب وقالوا عندكم فطور جماعي أحجزوا لينا ركن
| |
|
|
|
|
|
|
Re: ماهو خم الرماد؟؟؟! (Re: جعفر سومي)
|
سلام
خم الرماد عادة اوروبية قديمة سادت في القروون الوسطي و تسمي ب ash Wendsday وهو اسبوع من الاحتفالات و الهيص و الميص يسبق صيام النصاري و هو اربعين يوما ولازالت تمارس هذه العادة في مدن اوروبا الوسطي و في امريكا واشهره مونت قرا في مدينة نيو اورلينز بولاية لويزيانا التي اطاح بها اعصار كاثرينا قبل عامين. وعن كيف انتقلت هذه العادة الي السودان فربما عن طريق المستعمر او الكنيسة الكاثلوكية.
| |
|
|
|
|
|
|
|