|
|
 نفوس حقيرة
|
تلكم التي يقودها الشيطان ويرسم لهافتذهب
الي احدهم يملك نفسا أحقر منهم ومقابل مال
يعملون سويا لأذية اخر بدافع الحقد والحسدوالانتقام
ولكنهم لايعلمون ان الله سيكشفهم ويبطل ماعملوا..
ولبئس ماصنعوا..
لي عودة
اميرة
|
|
 
|
|
|
|
|
|
|
|
Re: نفوس حقيرة (Re: Ammir Mohamed)
|
الاخ امير ..سلام وشكرا علي المرور
فعلا لن يضير الانسان الا مااراده الله .
لكن اكثر من يثير الاشمئزاز ان من يفعلون ذلك من
المحسوبين للاسف علي الطبقة المتعلمة او المثقفة ..
لكن صحيح القلم مابزيل بلم ..
اميرة
| |
|
|
|
|
|
|
|
|
|
Re: نفوس حقيرة (Re: اميرة الحبر ادريس)
|
الاخ حيدر سلام
لقد كنت شاهد عيان علي تجربة غريبة ..لازالت تفاصيلها معي
ليل نهار ..تشاركني احلامي ولحظات الصفاء مع النفس فاسألها
هل يمكن لاحدهم ان ينزل لهذا الدرك ؟
المصيبة الاكبر الدوافع التافهة والوضيعةلهولاء..
لذلك فهي فعلا نفوس حقيرة حقيرة
اميرة
| |
|
|
|
|
|
|
|
|
|
Re: نفوس حقيرة (Re: اميرة الحبر ادريس)
|
طبعا يا أميرة الحاجة دي لمن تجي من ناس زي ما بقولوا محسوبين على الطبقة المتعلمة بتحرق القلب ... والقلم مرات بزيد البلم !! وطبعا برضو بتلقي أغرب شي إنو الحاجة دي في السودان متداولة بين الأهل بين بعضهم زي ما قلتي بدافع الحسد والغيرة ... حمانا الله
الموضوع شيق ومهم
أمير
| |
|
|
|
|
|
|
|
|
|
Re: نفوس حقيرة (Re: محمد صباحى)
|
تحية ورمضان كريم يا اميرة..
ونعلو خير يا زولة هوووي
وعلي استعداد للتحدث الي (قوبي) فكي كمبو الري الاسطوري
يفرطقهم حتة حتة ويعمل مضادات ارض جو
| |
|
|
|
|
|
|
|
|
|
Re: نفوس حقيرة (Re: محمد صباحى)
|
احدى صديقاتي المقربات جدا كانت منذ فترة ليست بالقصيرة
تشكي دائما من انها مريضة وكل مرة تقول انها تعاني من شي
مختلف صرفت مبالغ طائلة علي فحوصات عديدة غير تزاكر مقابلة
الاطباء ..سمعنا مرات من البعض بانها ربما تكون مصابة بالعين او مسحورة
ولكننا لم ننتبه للامر او اثرنا ان نتاكد من الطب اولا..عموما احدهم
اقنعنا بان تتعالج بالقران وهو اخ وصديق كريم لن نستطيع مهما فعلنا
ان نرد جميل مافعله وهو الذي دلنا علي مركز للعلاج بالقران يديره شاب
في اوائل الثلاثينات من الذين تطمئن لهم القلوب من الوهلة الاولي ..
المركز عبارة عن بيت اقل من عادي يتكون من غرفة وصالة انتظار تجلس في
مدخلها فتاة منقبة لتسجيل الحضور وترتيب الدخول .. دنوت من الفتاة وطلبنا
مقابلة الشيخ وصديقتي جلست علي اقرب كرسي ..بعد تسجيل الاسم طلبت مننا الانتظار
دقيقة ..قبل مقابلتنا للشيخ قالت صديقتني انهالا تريد الدخول وهي تحس وكان
النمل يمشى علي رجليهاوهرولت تجاه الباب ..وقبل ان تصل الباب خرج الينا الشيخ
وطلب مننا الدخول فتراجعت ..ثم دخلنا الغرفة
| |
|
|
|
|
|
|
|
|
|
Re: نفوس حقيرة (Re: Hatim Salih)
|
نزار سلام ومعليش
واعتزر للجميع لاني انشغلت شديد مع مهنة النكد
وكل ماانتهي من حاجة تظهر حاجة تاني
المهم دخلنا غرفة خالية من الاثاثات ماعدا كنبة واسعة
يجلس عليها الشيخ والي جواره مسجل كبير ولاب توب ومكرفون وسوط
وسماعه كبيرة في كل زاوية والغرفة مكيفة ومغطاة بالستاير من كل
جانب وبها موكيت مريح ..جلسنا انا وصديقتي علي الارض قبالة الشيخ الذي بدافي تجريب المكرفون دون ان ينظر الينا
ولن استطيع مهما حاولت ان اصف لكم طريقة انسياب الايات القرانية عبر المكرفون مع جو الغرفةالمغلقة ..ولقد عرفت فيما بعد انها مقصودة للسيطرة علي العمل نفسه
قليلا بدات صديقتي تصدر نحيبا خافتا ثم انفجرت في صرخات تصم الاذان كلما ردد
الشيخ ايات السحر وادرك هو ذلك واخذ يردد وهي تصرخ وهو يزيد حتي اشفقت عليها
مع السلامة ياجماعة بواصل ليكم بكرة ..انا ماشة ابعد من الحاج يوسف
اميرة
| |
|
|
|
|
|
|
|
|
|
Re: نفوس حقيرة (Re: بابكر عثمان مكي)
|
العزيز اميرة
تحية طيبة
نتمنى لصديقك الشفاء العاجل ودوام الصحة والعافية
الله يرضى عليك اقنعيها تبتعد من هؤلاء نصابين ودجالين
جابت ليها تقنية متطورة كمان!
يا سجمنا القرينا أسكول، لو عارفين كان اخدناها من قصير وارتحنا
تحياتي
| |
|
|
|
|
|
|
|
|
|
Re: نفوس حقيرة (Re: عثمان فضل الله)
|
بت الحبر يا زميلة
رمضانك كريم وكل سنة وإنت طيبة
الحكاية ما دام فيها أجهزة الكترونية دي تكون زي حكاية
الفكي الإنترنت ..
خلينا نشوف آخرة الشغلة العجيبة دي ..
| |
|
|
|
|
|
|
|
|
|
Re: نفوس حقيرة (Re: Ammir Mohamed)
|
معليش ياجماعة علي التاخير وما حاكرر عزري
وشكرا لكل المتداخلين وحارد ليهم
واصل الشيخ القراءة ثم ترك ايات السحر وبدا في قراءة المعوذتين
وصديقتي يعلو صراخها اكثر ..صراخ لا استطيع ان اصفه ولم اسمعه
من قبل ..انا احسست بتوتر شديد وطبعا لاقادرة اتكلم ولاقادرة افتح عيوني حتي
المهم انتهت الجلسة في حوالي "45"دقيقة كانت لحظات عصيبة خرجنا منها رغم التكيف
بالغرفة ونحن نتصبب عرقا ..
سالت الشيخ عن ما اصاب صديقتي فطلب منا التريث وقال انها معمول ليها عمل اضافة
الي اصابتها بالعين والحسد والحقد الشديد واعطانا ورقة فيها بعض الادعية تلتزم
بترديدها صباح ومساء اضافة الي قراءة صور الجن والصافات والدخان يوميا قبل النوم
علي ان تعاود مرة اخري بعد يومين ..
قالت لي الفتاةالتي في الاستقبال ان هذه الجلسة للكشف عن الحالة وقيمتها "15"جنيه
دفعنا القروش وغادرنا بعد ان غسلت صديقتي وجهها وزالت اثار البكا
| |
|
|
|
|
|
|
|
|
|
Re: نفوس حقيرة (Re: اميرة الحبر ادريس)
|
عندما خرجنا اتفقنا انا وصديقتي ان يظل الامر بينناحتي نصل
الي نهاياته ..انا من جانبي اقنعتها باهمية المواصلة باعتبار ان الامر
كله في اطار القران وهو شفاء للناس ..لا انكر انها كانت مترددة رغم اننا امنا
معا علي جانب الشيخ وهي طلبت مني ان اواصل معها للنهاية وقالت لي ماتقولي ماشة
نيالا ولاكمبالا ..التزمت معها رغم ظروفي وقلت عمل الخير ربنا بيسهل ليهو ..
انا مشيت الجريدة وهي رجعت بيتهم وكانت مستاذنة من عملها علي ان نلتقي بعد غد
للجلسة القادمة..
| |
|
|
|
|
|
|
|
|
|
Re: نفوس حقيرة (Re: اميرة الحبر ادريس)
|
بعد يومين وفي نفس الموعد رجعنا للمركز مرة اخري وطلبنا من الفتاة
الموجودة في الاستقبال جلسة خاصة وقلنا لها ان الشيخ يعلم ذلك وفق موعد
المهم بدات الجلسة وانسابت الايات القرانية وسط صرخات صديقتي المدوية
لفترة ..ولقد لاحظت انه يردد فقط ايات محددة بتركيز شديد وهي المعوذتين
الي جانب بعض الادعية تدعو العين الفاجرة الحاقدة الحاسدة للخروج وصديقتي
يزيدمابها كلما ذكر كلمه عين وهي تنتفض بصورة غريبة ..ظللنا هكذا طيلة الجلسة..
وعندما خرجنا طلب الشيخ من صديقتي ان تشتري زيت الحبة السوداء ليتم قراءة قرانية عليه وتتمسح بيهو يوميا قبل النوم وطمنها علي ان الامور تمشي جيدا وهو سيركز
اولا علي اخراج العين وعليها الالتزام التام بالاوراد خاصة المعوزتين واية الكرسي
صباحا ومساء ..
| |
|
|
|
|
|
|
|
|
|
Re: نفوس حقيرة (Re: محمد غلامابي)
|
عدنا مرة اخري للمركز في اليوم الثاني مباشرة وكنت اعتزم ان اسال
الشيخ مباشرة بعد الجلسة عن المدة التي سياخذها العلاج وانا اسال الله
الايظهر لي تكليف بعمل خارج الخرطوم قبل ان اطمئن علي صديقتي
عموما الجلسة سارت كما سابقاتها ..وانا ازداد قلقا كلما تصرخ صديقتي
وازيد يقينا بانها ليست طبيعية صرخاتها ..ما يخرج من فمها من سوائل غريبة اثناء البكا
وعلي فكرة هناك سلةموضوعة اصلا للاستفراغ مما طمني علي ان الامر طبيعي وهناك حالات مشابهة
ظللنا لمدة اسبوع كامل ننتظم في الذهاب للمركز وعمل الجلسات ..وبعدها بدات صديقتي
تحس انها افضل وقل صراخها ذاك ..
الشيخ دائما كان يقول ان الشفاء سيتم باذن الله وهو لايستطيع ان يحدد متي ..ونبهنا علي
اهمية ان تساعده صديقتي بان تلتزم بما يطلبه خاصة ذكر الاوراد يوميا
| |
|
|
|
|
|
|
|
|
|
Re: نفوس حقيرة (Re: اميرة الحبر ادريس)
|
قالت صديقتي انها بدات تحس بتحسن في حالتها عموما اضافة
الي راحة نفسيةلانها عرفت مرضها وانها عندها شنو ..داومنا علي
حضور الجلسات وبدات تدريجيا تستجيب للايات القرانية ..ولن انسي
ماحييت اللحظة التي كانت تخاطب فيها الشيخ بتوسل ان يتوقف عن القراءة
ويرحمها وهي تلعن اللحظة التي دخلت فيها وقالت حرفيا "انا الجابني هنا شنو انا ماجيت براي..انا تعبت عايزة امرق خلاص انا مارقة"
والشيخ يردد في اخرجي يا عين اخرجي يافاجرة اخرجي ياحاقدة اخرجي يا حاسدة
وهي تصرخ انا مارقة قلت ليك مارقة ..ثم تابعت بصوت بدا عاليا حتي تلاشى وانكفات
صديقتي علي جانبها ..
وانتهت الجلسة
| |
|
|
|
|
|
|
|
|
|
Re: نفوس حقيرة (Re: Hatim Salih)
|
مزدلفة ..ازيك يا زولة
طبعا بعد ما جاءكم عثمان فضل الله في الاحداث ما
نطمع في زيارة منك للراي العام تاني ..
اللابتوب بتاع الشيخ خلفيته رسم للكعبة الشريفة وكانت تنبعث منه
ايات قرانية لما دخلنا وقفها وبدا الجلسة
المهم ان الشيخ خريج جامعي وهويقول انه يسعي دائما لمعرفة
كل مايساعده علي العلاج بالقران
اميرة
| |
|
|
|
|
|
|
|
|
|
Re: نفوس حقيرة (Re: اميرة الحبر ادريس)
|
ظللنا نتردد علي المركز لمدة ثلاثة اسابيع او اكثر قليلا
وبدات صديقتي تحس دائما وبعد كل جلسة انها افضل ولقد كانت كثيرا
ماتستحضر اثناء الجلسة ومن خلال ما تزكره عرفنا من اذوها ..والشيخ
كان يحدثنا عن اهمية الشفاء وتواصلت الجلسات الي ان وصلنا مرحلة
جلوسها بهدوء ودون اصدار اي صوت او حركة وسماعها لذات الايات التي كانت
تصرخ منها بعدها بجلستين قال الشيخ لنها شفيت باذن الله وعزيمتها
وطلب منها المداومة علي التحصين وذكر الاوراديوميا
| |
|
|
|
|
|
|
|
|
|
Re: نفوس حقيرة (Re: اميرة الحبر ادريس)
|
معتز ..سلام ليك ولكل ناس الدوحة الرائعين
والله يا معتز الموضوع ده ما تتخيل تاثيره بالنسبة لي كان كيف
لاني حتي اللحظة ما قادرة اتصور انه في ناس في الدنيا دي
وقحة ومريضة للدرجة الغريبة دى ...لكن الحمد لله في المقابل
هناك من يتصدي لهم بقوة كتاب الله
حمي الله كافة المومنين شرور هولاء..
اميرة
| |
|
|
|
|
|
|
|
|
|
Re: نفوس حقيرة (Re: اميرة الحبر ادريس)
|
انا قايل الشيخ دقاها بالسوط فى اللحم الحى!
غايتو دى دعاية غير مدفوعة الأجر فى الصحف والانترنت!
غايتو صاحبتك والشيخ يمكن اكلوك مقلب!
وناس الصحافة لم يمشوا للشبوخ!
الغبش يمشوا لى منو!
للأسف تجربتك قد تضلل الكثيرين!
تحياتى يا أميرة
جنى
| |
|
|
|
|
|
|
|
|
|
Re: نفوس حقيرة (Re: jini)
|
الاخ جني ..سلام
لقد نقلت بامانة تجربة كنت شاهد عيان فيها
ونقلتها هنا لانني احسست انها غريبة وان ها يمكن ان تكون
مدخل للتعرف علي تجارب مشابهة ..وعلي فكرة مراكز العلاج بالقران
منتشرة في الخرطوم ولافتاتها في الشوارع ..ولا تحتاج للدعاية
سؤال هل تؤمن بالعلاج بالقران من العين والسحر؟
اميرة
بالمناسبة السوط لم يستعمله في حالة صديقتي وقال انه
بيستعمله عادة في حالة تلبس الجن للشخص خاصة عندما يتهيج اثناء قراءة القران
| |
|
|
|
|
|
|
|
|
|
Re: نفوس حقيرة (Re: اميرة الحبر ادريس)
|
كتبت أميرة الحبر:
| Quote: ولكل ناس الدوحة الرائعين |
أفرزي ياخ
أمس عملت مداخلة في اول البوست لكن ماعارف طارت وين
تكون دي بركات شيخك ، عشان كان فيها نقد لموضوعك
الحاجة المستغرب ليها إنك طلعتي سالمة
مفروض كان يمحطوك بالسوط
| |
|
|
|
|
|
|
|
|
|
Re: نفوس حقيرة (Re: أبو ساندرا)
|
الاستاذة اميرة الحبر
كل عام وإنتى بخير
ترددت كثيرا قبل أن اتداخل
| Quote: الجامعة/المعهد: آداب جامعة الخرطوم |
بس اشوف بروفايلك اتعجب !!!! - الخازوق الزول ده يكون قال ليكم السبب ناس فلان وفلان
وبكدة يكون خرب بيوت . انصح صديقتك بأن تتوكل على الله وتذهب إلى طبيب نفسى
مع تمنياتى لها بالشفاء العاجل إنشاءالله.
| |
|
|
|
|
|
|
|
|
|
Re: نفوس حقيرة (Re: اميرة الحبر ادريس)
|
أميرة
إزيك تاني..
طبعاً القصة إنتهت..
ولم تنتهي العبر..
لأآزال أنتظر ..
ماهي تلك النفوس الحقيرة؟؟
هل تعتقدين حقاً بالفكي؟؟
لم أقل القراءن !!
وهناك فرق!!
.............
سأحكي قصة جارتنا التي فارقت الدنيابليل..
..
ولم تجف الدموع بعد..
...
والسبب فكي برضو..
...........
كسرة:
انا الآن في جريدة(السوداني)
غلامابي
| |
|
|
|
|
|
|
|
|
|
Re: نفوس حقيرة (Re: محمد غلامابي)
|
حقيقه بعض المداخلات تصيب الواحد بالدهشه
ياإخوه العين والسحر أمور حقيقيه وموجوده وليست بخرافات ...هذه الأمور مذكوره بالقرآن
فعلاً هنالك بعض الشيوخ (دجالين) ويدعون أنهم يعالجون بالقرآن وهم لايعلمون عن الأمر أي شيء ولكن على الصعيد الآخر هناك مراكز للعلاج بالقرآن جيده جداً وقد أفادت الكثير من الناس وعالجتهم والقصة التي أوردتها الأستاذه أميره خير دليل على ذلك ..
| |
|
|
|
|
|
|
|
|
|
Re: نفوس حقيرة (Re: طلحة عبدالله)
|
ترهاقا ..سلام
لقد كانت صديقتي تعاني من الام اضافة الي احساسها انها مريضة
دائما ووجدت العلاج والسلوي في القران وهو اعتقد ان الجميع يعلم
انه شفاء اضافة الي ان العين والسحر مذكورات في القران
وبالمناسبة الشيخ لم يتحدث الينا حول تفاصيل ماتعاني واكتفي
فقط بان قال انها تعاني من العين والسحر ولكنها كانت تتحدث هي
يلسانها اثناء الجلسة
لا اعتقد ان دراستي بكلية الاداب يتعارض مع ايماني
بان القران شفاء
ودمت
اميرة
| |
|
|
|
|
|
|
|
|
|
Re: نفوس حقيرة (Re: اميرة الحبر ادريس)
|
اروع زول في الدوحة ..ابوساندرا
والله انا قلت بصدق ما شاهدته ومتاكدة ان الكثيرين هنا
لديهم تجارب مماثلة خاصة بعد انتشار ظاهرة الدجل والشعوذة
ربنا يحميك انت ورشيدة والبنات من كل شر
اميرة
| |
|
|
|
|
|
|
|
|
|
Re: نفوس حقيرة (Re: اميرة الحبر ادريس)
|
غلامابي
من عالج صديقتي شيخ يعالج بالقران وليس فكي
انا اعلم ان هناك بعض الدجالين لكن صديقتي شفيت بالقران الذي
كان شفاء لمرضهاخاصة العين
اميرة
| |
|
|
|
|
|
|
|
|
 Re: نفوس حقيرة (Re: اميرة الحبر ادريس)
|
Quote:
ازيك ياطلحة ..ورمضان كريم
امبارح اتزكرناك انا ومريم ..
اها وبعدين دي لسه ما خليتها ..
سلم علي المدام
اميرة
|
وانا اقول العشراقة الدايرا تودينى التوج دى شنو ..
وانتى ومريم عاملين شنو بالله ...؟
تحياتى لها ولكل الحلوين هناك ..
بخصوص قصتك دى ..
بصراحة هى لفائدة الخبر ليس إلا ..
شخصيا كنت انتظر مفاجات وإثارة وربما معجزة
قبل ان تفاجئنى بفصل ختام ابرد من دندرمة حبوبتى زمان ..
ياخ وين الشيخ اللى طلع دجال ونصاب وحاجات تانية ..
غايتو خذلتينى ..
| |
|
|
|
|
|
|
|
|
|
Re: نفوس حقيرة (Re: طلحة عبدالله)
|
العزيزة أميرة،
شكراً للسرد الممتع
وبالمناسبة في قناة في التلفزيون بتقدم نفس الحاجات دي
وفيها كل شيء وصفتيه
والبعالج شيخ مصري صغير في السن وخريج جامعي ولابس بنطلون وقيص وآخر قيافة
والبنات آخر رجفي وصريخ أثناء العلاج
وطبعاً أنا بحوِّل منها طوالي..
في قصة واقعية وأنا شاهد عليها
حضرت معاي من البحرين للسودان زميلة تونسية قبل تلاتة سنوات عشان تزور الشيخ البرعي
لكن لمّ فيها زول وداها لي شيخ في امدرمان في آخر الدنيا
شيخ زي زولك ده وأنا بحب إستطلاع مشيت معاهم عشان أشوف وأعرف
المهم حصل للبت التونسية نفس الحصل لصديقتك من صراخ واهتزاز واستفراغ
وماعون الإستفراغ صحن قديم كده وآخر عشكبة
والصوت برضو موجود لكن كان بضرب بيهو في الأركان بتاعة الأوضة
وقال للبنية نفس الكلام
وكمان هي بعد عدة جلسات قالت شعرت بأنها تمام التمام
بس لما رجعت للبحرين أول حاجة فنشوها من الشغل
تاني حاجة خطوبتها اتفرتقت
ثالت حاجة دخلت في مشروع تجاري وخسرت كل حاجة
وبعدين جاتها حالها نفسية وسافرت من البحرين
والآن هي مريضة مرض شديد وجداً تعبانة..
المهم أنا لا مكذب لا مصدق
لكني بصدق في حالة واحدة:
انو الشيخ ده يطلع لينا العين الواقعة في السودان ومخلية البلد واقعة وقعة الجن
وكمان يمرق منها الشياطين القاعدين فيها ديل..
تحياتي لك ومودتي
| |
|
|
|
|
|
|
|
|
|
Re: نفوس حقيرة (Re: Dr. Moiz Bakhiet)
|
Quote: انو الشيخ ده يطلع لينا العين الواقعة في السودان ومخلية البلد واقعة وقعة الجن
وكمان يمرق منها الشياطين القاعدين فيها ديل.. |
بالله ما كده
كل سنة وإنت طيب يادكتور
| |
|
|
|
|
|
|
| |
اميرة الحبر ادريس
حيدر حسن ميرغني
محمد حامد جمعه
محمد صباحى
عبدالكريم الامين احمد
nazar hussien
Hatim Salih
waleed500
عثمان فضل الله
doma
الطاهر عثمان
معتز القريش
jini
أبو ساندرا
ترهاقا
محمد فرح
Dr. Moiz Bakhiet
رأفت ميلاد
صلاح شعيب
فيس بوك
تويتر
انستقرام
يوتيوب
بنتيريست