الأسلحة الكيميائية وحقيقة استخدامها في السودان في منتدى ميديكس للحوار
|
|
 عاجل و مهم لبورداب السعودية عامة و الرياض على وجه الخصوص
|
ارجو شاكرا اسداء النصح عند استعراض حالتي ادناه:
عملت عامي 2005 و 2006 بكلية المجتمع في المجمعة التابعة لجامعة الملك سعود. ماليا، لم اوفر شيئا.
عدت الى السودان بنهاية عام 2006.لاحقوني هذا العام بزيادة 2000 ريال في الراتب... تجربتي الاولى لا تزال ماثلة امامي ، و تكاد تمنعني من قبول العرض، علما بان الفيزة قابعة بالسفارة السعودية بالخرطوم لمدة شهر تقريبا....
أفيدوني رحمكم الله....
|
|
 
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: Al-Sadig Yahya Abdall)
|
الأخ الصادق يحي عبد الله
السلام عليكم و رحمة الله و بركاته
الدين النصيحة ... من واجبنا أن نناصحك ..
أنت الآن بالسودان و عدد أفراد أسرتك بما فيهم إنت ( خمسة أفراد )
لو إنت في الخرطوم
أكل و شرب بس عاوز 2000 ريال يعني مليون جنيه
لو عندك بيت ملك ما مشكلة
لو ما عندك معناها إنت عاوز تسكن على الأقل بـ 500 ألف جنيه يعني 1000 ريال سعودي
أولادك لو في المدارس لا زم تضع ميزانية في حدود 300 ألف جنيه مواصلات و فطور يعني 600 ريال
دة غير إستهلاك الكهرباء
و ربنا ما يقدر إحتياج لعلاج أو كشف دكتور
أو حالة ولادة جديدة
دة غير المجاملات في الأفراح و الأتراح
يعني إنت عاوز ليك حوالي 3000 ريال سعودي في الشهر بالميت كدة = مليون و نصف جنيه سوداني.
لو بتقدر يكون دخلك بالسودان في هذا الحدود .. أنصحك نصيحة أخوية خليك بالسودان ..
لو دخلك أقل من هذا .. كان الله في عونك و تعال لهموم الغربة تاني ..
أهم شي إذا قررت الإغتراب تاني تضع في ذهنك إنت عاوز تعمل شنو و حتغترب قدر شنو ؟
و في النهاية الغربة هي تماما كالمستجير بالرمضاء من النار ..
أو دة حار و دة ما بننكوي بيهو ..
كان الله في العون يا أبو يحي و ربنا يوفقك و يسدد خطاك و لا يحوجك أبدا للغربة تاني
آمين
تحياتي لك
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: ابو جهينة)
|
Quote: الدين النصيحة ... من واجبنا أن نناصحك ..
أنت الآن بالسودان و عدد أفراد أسرتك بما فيهم إنت ( خمسة أفراد )
لو إنت في الخرطوم
أكل و شرب بس عاوز 2000 ريال يعني مليون جنيه
لو عندك بيت ملك ما مشكلة
لو ما عندك معناها إنت عاوز تسكن على الأقل بـ 500 ألف جنيه يعني 1000 ريال سعودي
أولادك لو في المدارس لا زم تضع ميزانية في حدود 300 ألف جنيه مواصلات و فطور يعني 600 ريال
دة غير إستهلاك الكهرباء
و ربنا ما يقدر إحتياج لعلاج أو كشف دكتور
أو حالة ولادة جديدة
دة غير المجاملات في الأفراح و الأتراح
يعني إنت عاوز ليك حوالي 3000 ريال سعودي في الشهر بالميت كدة = مليون و نصف جنيه سوداني.
لو بتقدر يكون دخلك بالسودان في هذا الحدود .. أنصحك نصيحة أخوية خليك بالسودان ..
لو دخلك أقل من هذا .. كان الله في عونك و تعال لهموم الغربة تاني ..
أهم شي إذا قررت الإغتراب تاني تضع في ذهنك إنت عاوز تعمل شنو و حتغترب قدر شنو ؟
و في النهاية الغربة هي تماما كالمستجير بالرمضاء من النار ..
أو دة حار و دة ما بننكوي بيهو ..
كان الله في العون يا أبو يحي و ربنا يوفقك و يسدد خطاك و لا يحوجك أبدا للغربة تاني
آمين
تحياتي لك |
ابوجهينة دة جاب ليك الموضوع من الاخر ووراك الطريق والحساب بس عاوز اسال الاخ ابو جهينة احنا قاعدين نعرف احنا مغتربين قدر شنو وعشان شنو ما اول ما تدق التاشيرة من السفارة بالخرطوم بيكون خروج نهائي من السودان الا لمن رحم ربة لانها ساقية مدورة بطريقة مستمرة ما ليها نهايةاحنا بنغترب عشان ناكل ونشرب ونسكن وننستر ونستر الربنا مقدرنا علية من اهلنا الورانا وبس وكان قدرنا نمشي الاجازة كل سنة خير وبركة ولو ما قدرنا الله كريم ما دة حال 99.99ِ% من المغتربين السودانيين اليس كذلك؟
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: Al-Sadig Yahya Abdall)
|
الأخ / صديق يحى ، تحياتى أخى
عاوز أقول حاجه صغيرونه شديد ، قبل سنتين السعوديه كانت فى منتهى الرخاء ، والآن وقبل 6 أشهر وحتى اللحظه هنالك زياده فى أسعار المواد الغذائيه وصلت لبعضها لأكثر من 60% ، الحاجه الوحيده النزل سعرها فى السعوديه هى المواد البتروليه ، بنزين وجاز بس ، حتى الزيوت أسعارها زادت لأكثر من 40 % ، هذه مقارنه بسيطه جدا جدا ما بين السعوديه سنة 2005 والسعوديه سنة 2007 ، يا أخوى خدها من قاصرها وبلاش غربه ، وخليك فى بلدك فهى أولى بيك ، وأعتقد أنك الآن قدرت تتواكب مع وضع السودان الجديد . وال 2000 ريال العاوزين يدوك ليهم زياده ديل ضيوف العمره بس ما تكفيهم !!!!!!
تحياتى لك مره أخرى وأمنياتى لك بالتوفيق دائما
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: ابراهيم محمد الحسن)
|
الأخ الزبير
تحياتي
| Quote: بس عاوز اسال الاخ ابو جهينة احنا قاعدين نعرف احنا مغتربين قدر شنو وعشان شنو ما اول ما تدق التاشيرة من السفارة بالخرطوم بيكون خروج نهائي من السودان الا لمن رحم ربة لانها ساقية مدورة بطريقة مستمرة ما ليها نهايةاحنا بنغترب عشان ناكل ونشرب ونسكن وننستر ونستر الربنا مقدرنا علية من اهلنا الورانا وبس وكان قدرنا نمشي الاجازة كل سنة خير وبركة ولو ما قدرنا الله كريم ما دة حال 99.99ِ% من المغتربين السودانيين اليس كذلك؟ |
كذلك و نص ..
زمااان واحد من أهلنا الدناقلة ختاها حكمة و قال : أول عشرة سنين في الغربة حارة و صعبة ..
يعني الواحد لو قدر يعدي من ال عشرة سنوات الأولى .. باقي السنوات بياخدا في البردعة ساكت ..
عشان كدة أنا قاعد أحسب السنوات بحساب الحِزَم .. يعني كل عشرة سنوات بسميها حزمة ..
أنا غايتو عندي تلاتة حزم ..
بس الكويسة إنو حزمة و نص حزمة قضيتها في بلاد الفرنجة ..
دمتم
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: اسعد الريفى)
|
إنت مرتبك كان كم عشان نقدر نسديك النصيحة!!
عرفنا زادوه 2000 ريال بس كان كم ؟ يعني لو كان عشرة الف يبقى 12 الف ! ولو كان 15000 يبقى 17 الف!
كمل المعلومة عشان نقدر نعرف لأنو هنا في أساتذه شغالين بي 30 الف ريال شهري!!!!
وعندك بيت في السودان والا في السهله؟؟؟؟؟
رغم كلو بقول ليك ما تجي ....
لحدي ما نشوف أساسي المرتب كم بعد دا نحنا بنعرف الباقي برانا وبنرد ليك !!
هشام
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: Al-Sadig Yahya Abdall)
|
اخي يحي في معلومات ناقصة في السرد,, عشان نقدر نديك النصيحة اولها كم الاساسي قبل الزيادة بتاعت الالفين و ماهي المراحل الدراسية لابنائك و كم عمرك ,و هل تمتلك منزل ام تسكن بالايجار ,,, دي كلها يااخوي معلومات مهمة لازم تؤخذ في الاعتبار ,,, لكن في النهاية عندي ليك نصيحة واحدة لو انت هسع قادر تتعايش في السودان بدون ما تحتاج لاي دعم و تقدر تأمن تعليم اصغر ابنائك حتي الجامعة ارجوك لاتفكر في الاغتراب تاني .. مهما كان,, امبارح مشيت الطاحونة لقيت كيلو القمح زاد 100% فالاسعار في السعودية ترتفع بجنون
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: Al-Sadig Yahya Abdall)
|
وا مغستي الزمن أغترابنا لا كان في زول ينصحنا ولا سودانيزأون لاين نشاور أهلها.
كنا أوفلاين ساي....
يا زول أقرا النصايح دي كويس وكان جاي جاي أنا ممكن أبدلك تديني وظيفتك بي حقها وأديك خرابتي بي حقها وما تخاف والله حقها كتيييييييييييير إلا ممحوق.
نصيحتي خليك قبلك على كل الأحوال
يا أخي تمشية في شارع النيل العصرية بي إغتراب ألف سنة.
أمنياتي لك بالتوفيق في أتخاذ القرار الصحيح.
الشايقي
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: نيازي مصطفى)
|
Quote: الاخ الصادق
احسبها اذا كان مرتبك المتوقع فى السعودية يتجاوز مرتبك فى السودان
استمر فى التفكير خاصة اذا كان عندك فى العرض
بدل سكن
تامين صحى
مواصلات
تعليم للابناء
و يمكن بعد الاكل و الشراب و الملابس والرسيل و الغير منظور توفر (حتى لو نظريا) ..
اذا و إذا فقط توفرت الاشياء اعلاه ..
مرحبا بك الى عالم الاغتراب |
هلا اخي اسعد الريفي،،،
شكرا على النصيحة و على اهتمامكم بالموضوع،،،
اكيد المرتب في السعودية يتجاوز الراتب في السودان لضعفين كمان. بس في السعودية كل شئ في الراتب
اما في السودان، فيصدف انك تصرف مرتين تلاتةحتى في داخل المؤسسة التي تعمل بها
مما يقلل احيانا في فرق الراتب،،،
تعليم الاولادهو فعلا مشكلة اساسية، ذلك لان المجمعة ما فيها مدارس خاصة ذات مستوى لدرجة اني
فكرت بانو اذا قبلت العرض اخليهم في السودان، علما انو اكبر الاولاد سنة خامسة،،،
مع اكيد احترامي و تقديري،،،
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: Al-Sadig Yahya Abdall)
|
Quote: إنت مرتبك كان كم عشان نقدر نسديك النصيحة!!
عرفنا زادوه 2000 ريال بس كان كم ؟ يعني لو كان عشرة الف يبقى 12 الف ! ولو كان 15000 يبقى 17 الف!
كمل المعلومة عشان نقدر نعرف لأنو هنا في أساتذه شغالين بي 30 الف ريال شهري!!!!
وعندك بيت في السودان والا في السهله؟؟؟؟؟
رغم كلو بقول ليك ما تجي ....
لحدي ما نشوف أساسي المرتب كم بعد دا نحنا بنعرف الباقي برانا وبنرد ليك !!
هشام |
صباح الخير اخي هشام،،،
اشكرك على المرور والنصيحة،،،
بالنسبة للراتب فقد اوضحته اعلاه،،،
بالنسبة للبيت، اشتريت قطعة ارض عام 2004 قبل الاغتراب بحي الاندلس
بمبلغ 17مليون،،، بس بعد لما رجعت لقيتها نزلت لسبعة مليون. و بالواسطة حتى
قدرت اتخلص منها،،، و الان بادي من الصفر و قد بلغت سن الاربعين!!!!
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: Al-Sadig Yahya Abdall)
|
| Quote: عندي ليك نصيحة واحدة لو انت هسع قادر تتعايش في السودان بدون ما تحتاج لاي دعم و تقدر تأمن تعليم اصغر ابنائك حتي الجامعة ارجوك لاتفكر في الاغتراب تاني .. مهما كان,, امبارح مشيت الطاحونة لقيت كيلو القمح زاد 100% فالاسعار في السعودية ترتفع بجنون |
هلا اخي عبدالغفار سعيد
نصيحتك الواحدة بالدنيا،،،،
اجبت على بعض الاسئلة اعلاه،،،
اما بخصوص المعيشة في السودان، فهي مستورة و الحمد لله بما في ذلك تعليم الاولاد،،،
المشكلة هي اني اشتريت قطعة ارض بشرق النيل بس الظاهر ما حاقدر ابنيها لحدي ما
ينزلوني المعاش،،،
شكرا مرة اخرى على المرور و النصيحة،،،
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: Al-Sadig Yahya Abdall)
|
Quote: وا مغستي الزمن أغترابنا لا كان في زول ينصحنا ولا سودانيزأون لاين نشاور أهلها.
كنا أوفلاين ساي....
يا زول أقرا النصايح دي كويس وكان جاي جاي أنا ممكن أبدلك تديني وظيفتك بي حقها وأديك خرابتي بي حقها وما تخاف والله حقها كتيييييييييييير إلا ممحوق.
نصيحتي خليك قبلك على كل الأحوال
يا أخي تمشية في شارع النيل العصرية بي إغتراب ألف سنة.
أمنياتي لك بالتوفيق في أتخاذ القرار الصحيح.
الشايقي ] |
صباح الخير اخي الشايقي،،،
تخوفني من الاغتراب و عاوزنا نتبادل الوظائف؟؟؟
و مع ذلك ما عندي مانع فقط عشانك يا الشايقي و عشان طيبة ناس كريمة،،،
اقدر لك المرور و الاسهام
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: Al-Sadig Yahya Abdall)
|
Quote: يازول نصيحتي ليك
تعال
واذا بتضمن انو عقدك بستمر سنتين
اول ماتجي دخل راتبك في بنك
وخد قرض
وحار حار اعمل بيه حاجة في السودان
واقعد سدد بعد السنتين بتكون كسبت شي في السودان
وبعداك عيد التفكير
لكن لوحاولت توفر غير الطريقة القلتها ليك دي
هه
|
صباح الخير اخي مامون،،،
اشكر لكم مروركم اسهامكم،،،
العقد مضمون تقريبا لفترة مفتوحة ما لم "يستقصدني" واحد "مطيري"،،،
نصيحتك عملية خالص بس مخوفني شي واحد: الا تمنع السلفية صاحبها من السفر لحين السداد؟
و دمتم
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: Al-Sadig Yahya Abdall)
|
أخ الصادق
مرة تانية سلام كتييييييييييير .
أنت في السهلة (بدون بيت ) ودا شيء كبير ما ساهل، لو كنت قاعد في حق أبوك في السودان دا برضو إسمو قاعد في السهله! ولو كنت قاعد مع نسابتك فدا أدهى وأمر !!!! لازم يكون قاعد في بيتك لو بيت طين (جالوص) !!!! عشان كدا تجي وخاتي في راسك بيتك ! بيتك ! بيتك !!!!
إجمالي الشهر حقك 10600 غير حق السكن ، وتجي تكون واضع في راسك إنك بتصرف فقط 5600 ريال شهريا لأنو مع بداية كل شهر يوم المرتب! لو مكسر وراقد! تمشي البنك تحول مبلغ 5000 ريال طوالي لحسابك الفى السودان وبرضو يوم تقبض بدل السكن تحولوا فورا ودون أي استقطاع. مرة تانية (دون أي استقطاع ) مبلغ الـ 5600 ريال دا تبدا تاسس منو بيتك هنا من الحراج والا من سوق الله أكبر يعني تشتري مستعمل بس يكون من واحد مسافر وما أكثرهم في الأيام دي!!
لمن تقعد سنة مفروض تكون لميت ليك قريب 75 الف ريال وطوالى تمشي تشتري ليك قطعة أرض في مكان ممكن تبنيها في حدود (30 مليون) للأرض! وبنفس المستوى في السنة التانية 30 مليون وتبني بيها غرفتين عاديات ومنافع عادية . أما لو كنت عاوز تتـفلسـف تقعد السنة الثالثة عشان مثلا ( الغرفتين يكونن لود بيرد ويتحملن طابق والحوش يكون بي الطوب الحراري والسايفون وحاجات ساكت بتاعت تشطيبات يكون مجموعها سنة عمل في السعودية!!!!) معظم من إتكوكر في الغربة بكون عاوز يبني ليهو بيت بمواصفات مغترب وهو في الحقيقة البوفرو ويرسلوا للتوفير هو مجموع توفير امجاد أو رقشتين في السودان!!!! ولو كنت عاوز تسكن أو مستواك في السودان ما بيسمح ليك بالسكن في مكان بالمستوى القلتو ليك دا فلازم تعرف انو أي بيت ممكن يتأجر في السودان بي ما أقل من 800 الف جنيه وين ما كان !!! ودا لو أجرت شقة في الصافية بكون نص قيمة الإيجار! يعني ما راح هدر ! وبينفع أولادك بعدين انشاء الله.
إنت يا الصادق قعدت في الغربة سنتين بس عشان كدا السنتين الأوائل دي كلها صرف ونزيف وتأسيس هنا وتغير حال في السودان وووووو عشان كدا ما لميت ولا فلس!!! نصيحة اخوية تعال ونفذ البقولوا ليك دا واسأل من حولك وانشاء الله ربنا يهون عليك !!
طبعا في حاجات ما بنقدر وما عاوزين نسأل منها (زي اولادك كم - ومسؤوليتك تجاه الأسرة الكبيرة ) ما ترد! لكن لمن تنوي تجي تكون الخطة القلتها ليك دي! ما تقول لي حصل لينا كدا والا كدا، بس تحركك يكون في مدى 5600 ريال بس.
انت عندك هدف محدد ومحدد دون تغير ولا تحويل... والمره والأولاد يكونوا عارفين كدا كويس !!! لأنو بيتك في السودان هو أساس الأسرة (بيتك).
واحد من الأخوان هنا نصحك بإنك تأخد سلفية! كل السلفيات حرام (ربا) وبتلخبط ليك مالك الحلال دا عشان كدا أبعد منها بعيد!! (انا جلابتي طويلة).
لو فكرت في كلامي دا بتلقاهو عين العقل ودا عن تجربة سنين غربة وناوي اخليها في أقرب وقت انشاء الله.
ربنا يعينك على إجراءت الغربة من هناك !! ألم ألم ألم ....
ألا هل بلغت ؟ اللهم فأشهد.
هشام
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: Al-Sadig Yahya Abdall)
|
الصديق الصادق يحي تحياتي ولكافة الزملاء وحيطان الجامعة ونجايلها وميادينها وضهر التور لو في وسوزان لو في وكافة البروفات !!!!!
يا زول نحن هنا شوية تعال زيدنا وخلينا نشوف آخرتا . ودي ذكرتني أيام إئتلاف حزب الأمة مع الجبهة الإسلامية آنذاك قبال ما يستأسدوا علينا حيث إنقسم القوم ما بين دخول إئتلاف مع الجبهة وما بين الرفض. وكنا في الدار في ندوة بهذا الخصوص وكان المتحدث رئيس حزب الأمة السيد الصادق المهدي فحدث هرج ومرج كتير بالحليل في هذا الخصوص . فقام أنصاري زهجان وصاح بأعلي صوتة !! يلا إئتلاف ،، إئتلاف ،، خلاص ربوها وخلونا نشوف صافيها . ومن ديك الربه لي يوم الليلة شغالة!!!!!!!
عشان كدا يا الصادق تعال وخلينا نربوها ونشوف صافيها بعد داك!!!!!
بحيراوي
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: Al-Sadig Yahya Abdall)
|
| Quote: اتخيلو قاعد اشتري علبة النيدو الكبيرة ب 45000 جنيه... احيانا الاولاد يطلبوا كبسة من امواج سعر نصف الفراخ منها 2000 جنيه... |
نصيحتي ليك أمشي طوالي لأنو البشتري لبن نيدو ويقول للجداد فراخ ودجاج وكبسه صعب بعد كده يعيش في السودان ناهيك عن كلمات على شاكلة هلا وغلا
والقرار بيدك يا تغترب يا تندرش معانا بس نحن ناس جداد ساكت كانت جاتو أنفلونزا أو بقي يكاكي وما يبيض
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: Al-Sadig Yahya Abdall)
|
| Quote: 10000 ريال (فقط عشرة الف ريال)+ مضاف اليه 25000 ريال بدل سكن سنوي+600 ترحيل |
ماشاء الله ....
و الله بغران ما حاسد ..
يا معاذ حسن شوف الرواتب هنا كيفن ...
تقول لي ما عارف Extra hours.....
الاداك بالمعلقة يدينا بالكوريق ...
امكن اتلخبت لشغلة يكون الكوريق اول و المعلقة تاني ..
any how
المعني واضح ...
يا زول مالك و مال السودان ...
وجع قلب ساكت ..
عميق تحياتي ...
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: امجد محمد الأمين)
|
Quote: أخ الصادق
مرة تانية سلام كتييييييييييير .
أنت في السهلة (بدون بيت ) ودا شيء كبير ما ساهل، لو كنت قاعد في حق أبوك في السودان دا برضو إسمو قاعد في السهله! ولو كنت قاعد مع نسابتك فدا أدهى وأمر !!!! لازم يكون قاعد في بيتك لو بيت طين (جالوص) !!!! عشان كدا تجي وخاتي في راسك بيتك ! بيتك ! بيتك !!!!
إجمالي الشهر حقك 10600 غير حق السكن ، وتجي تكون واضع في راسك إنك بتصرف فقط 5600 ريال شهريا لأنو مع بداية كل شهر يوم المرتب! لو مكسر وراقد! تمشي البنك تحول مبلغ 5000 ريال طوالي لحسابك الفى السودان وبرضو يوم تقبض بدل السكن تحولوا فورا ودون أي استقطاع. مرة تانية (دون أي استقطاع ) مبلغ الـ 5600 ريال دا تبدا تاسس منو بيتك هنا من الحراج والا من سوق الله أكبر يعني تشتري مستعمل بس يكون من واحد مسافر وما أكثرهم في الأيام دي!!
لمن تقعد سنة مفروض تكون لميت ليك قريب 75 الف ريال وطوالى تمشي تشتري ليك قطعة أرض في مكان ممكن تبنيها في حدود (30 مليون) للأرض! وبنفس المستوى في السنة التانية 30 مليون وتبني بيها غرفتين عاديات ومنافع عادية . أما لو كنت عاوز تتـفلسـف تقعد السنة الثالثة عشان مثلا ( الغرفتين يكونن لود بيرد ويتحملن طابق والحوش يكون بي الطوب الحراري والسايفون وحاجات ساكت بتاعت تشطيبات يكون مجموعها سنة عمل في السعودية!!!!) معظم من إتكوكر في الغربة بكون عاوز يبني ليهو بيت بمواصفات مغترب وهو في الحقيقة البوفرو ويرسلوا للتوفير هو مجموع توفير امجاد أو رقشتين في السودان!!!! ولو كنت عاوز تسكن أو مستواك في السودان ما بيسمح ليك بالسكن في مكان بالمستوى القلتو ليك دا فلازم تعرف انو أي بيت ممكن يتأجر في السودان بي ما أقل من 800 الف جنيه وين ما كان !!! ودا لو أجرت شقة في الصافية بكون نص قيمة الإيجار! يعني ما راح هدر ! وبينفع أولادك بعدين انشاء الله.
إنت يا الصادق قعدت في الغربة سنتين بس عشان كدا السنتين الأوائل دي كلها صرف ونزيف وتأسيس هنا وتغير حال في السودان وووووو عشان كدا ما لميت ولا فلس!!! نصيحة اخوية تعال ونفذ البقولوا ليك دا واسأل من حولك وانشاء الله ربنا يهون عليك !!
طبعا في حاجات ما بنقدر وما عاوزين نسأل منها (زي اولادك كم - ومسؤوليتك تجاه الأسرة الكبيرة ) ما ترد! لكن لمن تنوي تجي تكون الخطة القلتها ليك دي! ما تقول لي حصل لينا كدا والا كدا، بس تحركك يكون في مدى 5600 ريال بس.
انت عندك هدف محدد ومحدد دون تغير ولا تحويل... والمره والأولاد يكونوا عارفين كدا كويس !!! لأنو بيتك في السودان هو أساس الأسرة (بيتك).
واحد من الأخوان هنا نصحك بإنك تأخد سلفية! كل السلفيات حرام (ربا) وبتلخبط ليك مالك الحلال دا عشان كدا أبعد منها بعيد!! (انا جلابتي طويلة).
لو فكرت في كلامي دا بتلقاهو عين العقل ودا عن تجربة سنين غربة وناوي اخليها في أقرب وقت انشاء الله.
ربنا يعينك على إجراءت الغربة من هناك !! ألم ألم ألم ....
ألا هل بلغت ؟ اللهم فأشهد.
هشام |
اهلا بيك اخي هشام مرة تانية،،،
اتفق معك انو اذا في رجعة تاني لازم يكون هدفها واضح،،،
و ان شاء الله ربك يفعل ما فيه الخير،،،
و دمت عونا لامثالي،،،
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: Al-Sadig Yahya Abdall)
|
Quote: الصديق الصادق يحي تحياتي ولكافة الزملاء وحيطان الجامعة ونجايلها وميادينها وضهر التور لو في وسوزان لو في وكافة البروفات !!!!!
يا زول نحن هنا شوية تعال زيدنا وخلينا نشوف آخرتا . ودي ذكرتني أيام إئتلاف حزب الأمة مع الجبهة الإسلامية آنذاك قبال ما يستأسدوا علينا حيث إنقسم القوم ما بين دخول إئتلاف مع الجبهة وما بين الرفض. وكنا في الدار في ندوة بهذا الخصوص وكان المتحدث رئيس حزب الأمة السيد الصادق المهدي فحدث هرج ومرج كتير بالحليل في هذا الخصوص . فقام أنصاري زهجان وصاح بأعلي صوتة !! يلا إئتلاف ،، إئتلاف ،، خلاص ربوها وخلونا نشوف صافيها . ومن ديك الربه لي يوم الليلة شغالة!!!!!!!
عشان كدا يا الصادق تعال وخلينا نربوها ونشوف صافيها بعد داك!!!!!
بحيراوي
|
هلا اخي البحيراوي،،،
زمان لم نسمع عنك "ان شاء الله المانع خير"،،،
الظاهر قاعد تجي السودان سريع سريع دون المرور على ال old friends.
طبعا الظروف معروفة للجميع و لا تثريب ان لم نتمكن من ملاقاة الاصدقاء،،،
عرفت انو "سرو" جا السودان سرا لمدة عشرة و هرب بجلده،،،
الجامعة هي هي بس فاقداك،،،
كل مرة يمر علينا بعضا من ابناء الدفعة، قابلت هذا العام: احمد جعفر مختار، معاوية (الفنان)، ابو الشند،محمد الطيب و قد عاد نهائيا الى الخرطوم،وووووو
و الله بحر الحكاية تجنن: الواحد زاد على الاربعين و لم
نستقر بعد و لا يلوح في الافق ما يشير
الى نهاية الازمة،،،
ربك يهون،،،
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: Al-Sadig Yahya Abdall)
|
Quote: نصيحتي ليك أمشي طوالي لأنو البشتري لبن نيدو ويقول للجداد فراخ ودجاج وكبسه صعب بعد كده يعيش في السودان ناهيك عن كلمات على شاكلة هلا وغلا
والقرار بيدك يا تغترب يا تندرش معانا بس نحن ناس جداد ساكت كانت جاتو أنفلونزا أو بقي يكاكي وما يبيض |
درشتني يا الملا درش شديييييييييييد
بعدين غالب اهل الخرطوم بسمو الجداد "فراخ"...
مع ذلك سحبتها ياملا...
ثالثا، الكبسة دي بس للتغيير "مرة عند اللزوم" و لا لازم تكون مباشرة بعد الراتب،،، بعد
داك تجي الطلبات و اطنشها،،،
سرني مرورك،،،
و دمت
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: Al-Sadig Yahya Abdall)
|
Quote: ماشاء الله ....
و الله بغران ما حاسد ..
يا معاذ حسن شوف الرواتب هنا كيفن ...
تقول لي ما عارف Extra hours.....
الاداك بالمعلقة يدينا بالكوريق ...
امكن اتلخبت لشغلة يكون الكوريق اول و المعلقة تاني ..
any how
المعني واضح ...
يا زول مالك و مال السودان ...
وجع قلب ساكت ..
عميق تحياتي ... |
اهلا بامجد،،،
سرني مرورك،،،
مشكلتي ما قادر اقرر براي عشان كدة قلت استعين بالخبرات الاجنبية،،، و ما قصرتو معاي خالص،،،
و دمتم عونا لنا،،،
| |
|
|
|
|
|
|
|
|
|
Re: عاجل و مهم لبورداب السعودية عامة و الرياض على وجه الخصوص (Re: د.محمد حسن)
|
Quote: شوف انا حساب ناس ابو جهينة ده ما بعرفوا
والكلام الكتير ده كلو كوم
با ختصار
امشي السفارة
دق تاشيرتك
تعال صوم معانا رمضان
والعشرة الاواخر في الحرم
في احلى من كدة
بلا فيضان
بلا ضبان
مودتي |
تشكر على المرور دكتور محمدحسن،،،
الحرم ما بعدو كلام يا دكتور،،،
احيانا اقول لنفسي لو وجدت فرصة عمل في مكة او جدة، اصلي ما افارق السعودية،،،
| |
|
|
|
|
|
|
| |
Al-Sadig Yahya Abdall
إسماعيل وراق
ابو جهينة
الزبير صالح الزبير
بشير حسـن بشـير
ابراهيم محمد الحسن
اسعد الريفى
Hisham Ibrahim
abdulgafar mohd saeed
Al-Shaygi
Mamoun Ahmed
نيازي مصطفى
البحيراوي
almulaomar
د.محمد حسن
الطاهر عثمان
منصور الطيب على
فيس بوك
تويتر
انستقرام
يوتيوب
بنتيريست