أسف جدا لجعل عنوان البوست هكذا ليجذب الناس (نهج هشام هباني) او يبدو عنصريا اشبه ببوست (تراجي وابراهيم بقال), علي كل حال اريد جذب انتباه كل الشوايقة بالمنبر .
واي شايقي يدخل في هذا البوست عليه ابراز بطاقة هوية(اغنية من اغاني الطمنبور)
ويا حبذا لو تكن هذه الاغاني قابلة للتحميل .
وليبارككم الله ______________________________________________
افضل اغني جعر السقيد وعبدالرحيم ارقي ولكن لا امانع الاستماع لاي اغنية ذات كلمات قوية وعبر
09-09-2007, 03:28 PM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
Albino Akoon Ibrahim Akoon ده إسمك بـ نظام كوبي بيست ولإحساسي باحساسك الجميل أقول الأخ : البينو جميل أن (نفرز) الكيمان ونتعامل بهذه الروح الحلوة فليفعل شايقية المؤتمر ما يشائون ولنفعل نحن (شايقية) الشتات .. ما نشاء والشتات يا سيدي في مروي والبركل والرياض وهامبورج وهونولولو أيضاً ... صدقني أملك نصف أشِرطة غنا الشايقيةولكني لا أملك وقتاً حتى لللإستماع ... ولكن لإثبات شايقيتي فأقول لك أنا من مروي وبقولوا علينا الحوشاب واشتهروا بأنهم أكلوا الحمير سنة ستة !!!!!!!! ( علماً بأن كل الناس في ذلك العام أكلوا الحمير إلا أننا الوحيدين الشافوهم الناس) وللإستمتاع بغناء الشايقية (بتاع الجيل الجديد) أحيلك إلى هذا الرابط للفنان محمد النصري والذي سيتربع قريباً على عرش غناء الشايقية ... http://www.alnsri.com/vb/ http://www.sudaneseonline.com/SudaneseMusic/article_1070.shtml
09-09-2007, 06:40 PM
doma doma
تاريخ التسجيل: 02-04-2002
مجموع المشاركات: 15970
اخوي البينو الايام دي لمن ترد علي زي بوستك ده لازم تبرز جنسيتك الجهوية اها انا دنقلاوي واعترف بحبي للشوايقة واغنياتهم واعترف بتضحياتهم العظيمة من اجل شعبنا الكريم مثلا الذين ضحوا من اجل استعادة الديموقراطية وتم اعدامهم في رمضان النعام ومحمد كرم الله احبتي ذوقك رفيع وشكرا للبوست وانا ذاتي قانص عشان اسجل
09-09-2007, 04:44 PM
bakri abdalla bakri abdalla
تاريخ التسجيل: 10-09-2003
مجموع المشاركات: 1958
العزيز الفاضل البينو المعذرة للضهيب بهنا لكن لو تسمح لى سادخل لاحقا واحمل ليـك اغانى للاستاذ الشايقى الفنان مصطفى سيد احمد عليه السلام, مارايك? _________________________________________________ الإذن لزوم عدم الإنتماءإثنيا للشوايقة لامن قريب ولابعيد
09-17-2007, 09:46 PM
Elmosley Elmosley
تاريخ التسجيل: 03-14-2002
مجموع المشاركات: 34683
شكرا البينو لحسك القومي وذائقتك الفنية ....... الملك المتوج للطمبور النعام أدم = من قبيلة الهواوير صديق أحمد = بديري.. محمد كرم الله =بديري وعثمان اليمني = يمني من ناحية أبيه.......و أحد أبرز فناني الطمبور الشباب من قبيلة الحسانية الشائقية = أنتماء ثقافي وجهوي أكثر منه أنتماء عرقي أوعنصري ......الشائقية من أبرز ضحايا الانقاذ وأكثرهم تضررا من سياستها أنتماء بعض قيادات الانقاذ لتلك القبيلة لا يغير في تلك الحقيقة فليس لهو لاء سند أو شعبية في مناطق الشائقية ..... ولن تشفع لهم رابطة دم أوتشكل القبيلة درعا يحميهم ....... لم يرف للجاز أو علي عثمان جفن وأبناء الشائقية يحصدون بالرصاص في رمضان 1990... لم يرف لهم جفن لأنهم غلبوا الانتماء لتنظيم أيدولجي فاشستي-علي الانتماء للقبيلة أو الانسانية .......علينا أن نعي حقيقة أن الانقاذ هي من أشعل الفتن العرقية والجهوية ومزقت النسيج الاجتماعي للبلاد لذا علينا الوقوع في فخ النعرات العنصرية ونخدم أجندة الانقاذ بقصد أو بدونه
....... كمال
09-09-2007, 05:30 PM
Deng Deng
تاريخ التسجيل: 11-28-2002
مجموع المشاركات: 52555
في الندوات التي يتم فيها إستضافة الباحث الأخ د. صلاح البندر، يقوم "البندر" بتوزيع الصورة أعلاه، والتي تضم جزء من قمة هرم سلطة الجبهة الإسلامية (قبل إنقاسمها) وهم الذين نفذوا الإنقلاب الفاشي في يونيو 1989..، وقادوا حملة التنكيل بجماهير شعبنا في الجنوب والشرق والوسط والغرب والشمال.. والصورة بالغة الدلالة، وتضم أطياف من التكوين السوداني، وجهاته المختلفة، من إبراهيم نايل إيدام، إلى محمد الأمين خليفة من جبال النوبة، إلى البشير، إلخ..
سلطة الجبهة الإسلامية (بشقيها، المؤتمر الوطني كما المؤتمر الشعبي) هي المسؤول الأول عن زرع الفتن و اللعب بأوتارالتقسيمات القبلية، لضرب المقاومة الشعبية وتفتيتها، وشغلها، بما يمكن لهم الإستمرار في الحكم، ففي الجنوب لعبت على وتر أن الحركة الشعبية يغلب على تكوينها أبناء الدينكا، فحاولت إستمالة بعض أبناء القبائل الأخرى فسلحت ومولت مليشيات جنوبية لمحاربة الحركة الشعبية.. وفي الغرب فعلت نفس الشيئ بتسليح وتمويل بعض أبناء القبائل الذين إنخرطوا مع الجنجويد.. وتستمر سلطة الإنقاذ في اللعب بالنار، تلك النار التي لا يضمن أحد حدودها فيما لو خرجت عن السيطرة، وستأتي على الوطن شماله وجنوبه وغربه وشرقه ووسطه، وسيتحول السودان إلى جحيم لا يعلم مداه أحد..
لحسن الحظ مازالت الأغلبية من القيادات السياسية، التقليدية منها، والحديثة.. والمثقفين الواعين والمستشعرين لمسؤولياتهم الإنسانية والوطنية.. مدركين لمخاطر ذاك المنحى الخطير في تطور الصراعات السودانية.. وللأسف هناك من يروج لنفس نهج الإنقاذ، في محاولة كريهة للإستقطاب القبلي، وفي منبر سودانيز أونلاين، أعني وأعلن إستنكاري إنزلاق الزميلة تراجي وآخرون لذاك المستنقع عبر نشر عناوين مواضيع ذات إيحاء قبلي كريه مثل "اثناء التحقيقيات في مقتل( الشايقي)محمد طه.." حيث حشر كلمة "الشايقي" كان بهدف تصوير الأمر الجنائي أو السياسي على أنه أمر تحكمه القبلية في الأساس! ذلك بالضبط هو المنهج الذي إختطته الإنقاذ، في سبيل إحكام سيطرتها عبر تفتيت قوى المهمشين أنفسهم في صراعات قبلية بين بعضهم البعض..
مع إدانتي الكاملة لنهج سلطة الإنقاذ في الإستعانة بالنفوذ القبلي في سبيل تمكين تسلطها، وأن الإنقاذ هي من فتحت تلك الكوة.. إلا أنني أُناشد المثقفين والمناضلين ضد سلطة القهر الإجتماعي والقومي، إلى اليقظة والإنتباه لما يحاك ضد توحيد إرادة شعبنا لمواجهة سلطة القهر والتسلط .. وأحييك خاصة، أخي ألبينو، وأيضاً الأخ دينق، بإعتباركم من الأصوات العالية في هذا المنبر التي تنحاز للمهمشين وتفضح العنصريين دون الوقوع في فخ العنصرية المضادة.
عدلان.
09-09-2007, 10:15 PM
mahmed alhassan mahmed alhassan
تاريخ التسجيل: 02-10-2004
مجموع المشاركات: 1793
Quote: لحسن الحظ مازالت الأغلبية من القيادات السياسية، التقليدية منها، والحديثة.. والمثقفين الواعين والمستشعرين لمسؤولياتهم الإنسانية والوطنية.. مدركين لمخاطر ذاك المنحى الخطير في تطور الصراعات السودانية.. وللأسف هناك من يروج لنفس نهج الإنقاذ، في محاولة كريهة للإستقطاب القبلي، وفي منبر سودانيز أونلاين، أعني وأعلن إستنكاري إنزلاق الزميلة تراجي وآخرون لذاك المستنقع عبر نشر عناوين مواضيع ذات إيحاء قبلي كريه مثل "اثناء التحقيقيات في مقتل( الشايقي )محمد طه.." حيث حشر كلمة "الشايقي" كان بهدف تصوير الأمر الجنائي أو السياسي على أنه أمر تحكمه القبلية في الأساس! ذلك بالضبط هو المنهج الذي إختطته الإنقاذ، في سبيل إحكام سيطرتها عبر تفتيت قوى المهمشين أنفسهم في صراعات قبلية بين بعضهم البعض..
كلمة استقطاب شةيه كبيره وواسعه خليك مستمتع بالطمبور هنا وبلاقيك في بوستات ثانيه نكمل نقاشا ,ده اذا ما اجننت وفتحت لك ملف اسمهتحالف الشايقية في جاليةاشنطون
سلامات أخي البينو وجميع الاخوة والاخوات المتداخلين مشكورين على هذه الواحة لاهلنا الشوايقة ، واتمنى ان تسود هذه الروح الجميلة باحترام ثقافة الآخر من أجل سودان يسع الجميع.
لا شوفة تبل الشوق ولا ردا يطمّن أريتك تبقى طيب إنت ، أنا البي كلو هين
سعدت جدا بهذه المداخلات الجميلة.
Quote: لو كنت اكره الشوايقه كان ما لقيتني هنا لكن حتلقاني ومستمتعه بتراثهم وكيه في البيفتكر يحرمنا من النقزي في الطمبور.
Quote: أقول الأخ : البينو جميل أن (نفرز) الكيمان ونتعامل بهذه الروح الحلوة فليفعل شايقية المؤتمر ما يشائون ولنفعل نحن (شايقية) الشتات .. ما نشاء والشتات يا سيدي في مروي والبركل والرياض وهامبورج وهونولولو أيضاً ...
Quote: اخوي البينو الايام دي لمن ترد علي زي بوستك ده لازم تبرز جنسيتك الجهوية اها انا دنقلاوي واعترف بحبي للشوايقة واغنياتهم واعترف بتضحياتهم العظيمة من اجل شعبنا الكريم مثلا الذين ضحوا من اجل استعادة الديموقراطية وتم اعدامهم في رمضان النعام ومحمد كرم الله احبتي ذوقك رفيع وشكرا للبوست
Quote: الشائقية = أنتماء ثقافي وجهوي أكثر منه أنتماء عرقي أوعنصري ......الشائقية من أبرز ضحايا الانقاذ وأكثرهم تضررا من سياستها أنتماء بعض قيادات الانقاذ لتلك القبيلة لا يغير في تلك الحقيقة فليس لهو لاء سند أو شعبية في مناطق الشائقية ..... ولن تشفع لهم رابطة دم أوتشكل القبيلة درعا يحميهم ....... لم يرف للجاز أو علي عثمان جفن وأبناء الشائقية يحصدون بالرصاص في رمضان 1990... لم يرف لهم جفن لأنهم غلبوا الانتماء لتنظيم أيدولجي فاشستي-علي الانتماء للقبيلة أو الانسانية .......علينا أن نعي حقيقة أن الانقاذ هي من أشعل الفتن العرقية والجهوية ومزقت النسيج الاجتماعي للبلاد لذا علينا الوقوع في فخ النعرات العنصرية ونخدم أجندة الانقاذ بقصد أو بدونه
Quote: ساعة اللمبة قالت بق تحية خاصة الى كل أصدقائي وصديقاتي من قبيلة الشايقية.
Quote: مع إدانتي الكاملة لنهج سلطة الإنقاذ في الإستعانة بالنفوذ القبلي في سبيل تمكين تسلطها، وأن الإنقاذ هي من فتحت تلك الكوة.. إلا أنني أُناشد المثقفين والمناضلين ضد سلطة القهر الإجتماعي والقومي، إلى اليقظة والإنتباه لما يحاك ضد توحيد إرادة شعبنا لمواجهة سلطة القهر والتسلط .. وأحييك خاصة، أخي ألبينو، وأيضاً الأخ دينق، بإعتباركم من الأصوات العالية في هذا المنبر التي تنحاز للمهمشين وتفضح العنصريين دون الوقوع في فخ العنصرية المضادة.
ودي هدية من شوايقة كندا (شايقية الشتات) !!!!
لا شوفة تبل الشوق ولا ردا يطمّن النعام آدم
لا شوفة تبل الشوق ولا ردا يطمّن أريتك تبقى طيب إنت ، أنا البي كلو هين قليبا لي رهيّف عارفو ماب يحمل حنيّن إنت ماب يغباك حالو الفيهو كل البيهو بيّن بقيت مالي غير أشعاري أكتبه فيك وأدوّن أقول يمكن تزيل ما بي ولاّ قليل تهوّن ومالكن يا قماري بتشدن إيش لازمة تغنّن نغيماتكن تهيج أشواقي للعينين يبكّن بدّيكن وصية أمانة لي سيد روحي طيرن ترا الحال العي شفتنو قولن ليهو أحكن قوليلو السحب في روضو ما عادن يكبّن وأضحى محل خراب ما فيهو غير زهرا مضبلن قولن ليهو ليلو طويل .. طويل.. طولا يجنّن لا قمرا ظهر في سماهو ، لا نجمات يضوّن وكل ماليهو يتصبّر يقول أيام يعدن يمنّي لنفسو بي لقياك ولاّ ترد لو يمكن
أغنية المرحوم النعام آدم فاوضني بلا زعل .. أداء صلاح بن البادية ، وبمصاحبة آلات موسيقية مختلفة من الطمبور الذى اشتهر الراحل النعام أدم رحمه الله بعزفه بمهارة فائقة.
فــــــا وضــــنى بلا زعـــــــل
فاوضنى بلا زعل ياخى طمنى انا عندى ظن ****** انا كنت نازل فوق البحر و بى خيال حبيبى فكر السنون بروق المطر والعيون كشافة القطر ****** فاوضنى بلا زعل طمنى انا عندى ظن ****** يا سلام يا الشيك اب جمل يا البلاك ما تم الامل متين حبيبى لى يصل وينقطع جياب الخبر ****** فاوضنى بلا زعل طمنى انا عندى ظن ****** واى انا المرضان معلعل داير اموت ما تم الاجل يبقى بكره المحبوب يصل جرحى يبرأ وشوقى ينبل ****** فاوضنى بلا زعل يا اخى طمنى انا عندى ظنٍ
لى رؤياك مشـــتاقيــــن خطفت قلوبنا ركيت وين ازاى مابنفعو التحصين بلا الفقرا البقيمو الديــن يا دوب قل نوم العين اسبابى البــعاد والبـين والشــمـات علىّ قاسين يقـــولو لـى يا مسكين عليك ظلم الحسن وحسين يا دوب قل نوم العين اشكيك يا دهر لى مين بلا الخلق البشر من طين مضمور هافو وطبعو رزين والله فـــى الــكون ما لقيتلو وزين يا دوب قل نوم العين جسموعبير ومن ياسمين ارضو قرير اعز الطين قلبو قاسى ما بى يليـــن ليه الناس بيقولو حنين يادوب قل نوم العين انا القاه الصبر من وين ما دام عيشتى نوح وانين شرابى دموع وقلبى حزين بقت مشكلتى زى برلين
ما دام طار جنى الوزين يا دوب قل نوم العين
Quote: انا القاه الصبر من وين ما دام عيشتى نوح وانين شرابى دموع وقلبى حزين بقت مشكلتى زى برلين
مشكلة برلين انتهت زمان وبالتالي لابد من تغيير المقطع الى: شرابى دموع وقلبى حزين بقت مشكلتى زى الخرطوم ...لــول ....
09-10-2007, 01:21 AM
محمد نور أحمد محمد نور أحمد
تاريخ التسجيل: 12-25-2006
مجموع المشاركات: 1220
الزول الوسيم فى طبــعه دايما هــادى من اوصافو قول اسكرنى هات يا شادى من عينيه من حور العيون احتار غزال الوادي الخــد كا لزهــور تلــقاه دايـــما نـــادى من عينيك سيوف تقطع دوام فى فؤادى فاقـــت لــى سيوف عنتر بنـــى شدادى كل مــا مــر يوم يزداد علىّ سهــادى عينــي دمعهن بلـل فرشى و وســـادى ساقينى العذاب ما شفت يوم اسعادى لو حنيت يوم تروى القــليب الصـادى ليه جافيتنى ليه وسمعت قول حسادى ديل عزالى بس قاصدين دوام ابعادى انا المسجون لديك راتل دوام فى اصفادى انــــت القـــاسى ما راعـيت يوم لودادى مظلوم ما حصل فى يوم وجدت مرادى مكتوب لى العذاب فى جبينى يوم ميلادى الزول الوسيم فى طبعه دايما هادى من اوصافو قول اسكرنى هات يا شادى
Quote: مظلوم ما حصل فى يوم وجدت مرادى مكتوب لى العذاب فى جبينى يوم ميلادى
افتكر بانه المقطع دا يشبه حال الشعب السوداني ... مظلوم ما حصل فى يوم وجد مراده ومكتوب ليه العذاب في جبينه من يوم ميلاده....... ربنا يكون في عون الشعب السوداني.
بذهن مفتوح، إستمعي لكلمات الأغنية في اللينك الجاي أدناه، ففيها جزئية جعلتها حبيبة إلى مسامعي (مع جوانبها الفنية الأخرى).. وأعول على ذكائك في أنك ستفهمين مغزى ما كتبته أنا في مداخلتي السابقة..، أعلاه!
انا ساعة الحار سيف تلقوني يابس كـوْ وان درتوني مدفع نار بضرب في السوداة دروْ وان درتوني ساعة الحاجي مابرجاها قولة سوْ وان جيت للتقيلي بشيلها لو يبقى الحبل في التوْ والقدرة التعشي الضيف انزلها من عقبة الهوْ
احيييك انا البينو بعد ماحررت نفسك من (قيودهم) بي بسالة
09-10-2007, 09:38 AM
omar altom omar altom
تاريخ التسجيل: 07-15-2007
مجموع المشاركات: 921
الشوق يابلد ضوّق قليبي المرة من زمنا طويل ناوي القيام والسفرة يا أحباب حي على النفوس البينا داري العشرة زي نيلينا العظيم المابيسيب المجرى يا أحباب حي على البساطة الفي الطعام والسترة والناس الدوام واطين لهيب الجمرة يا احباب بي فوق الحيط مدو الملاح والكسرة زي عهد الصحابة البيقسمو الكسرة يا احباب
....... .... ... ..
غنيتك زمن شافع واخدت الشكرة بي طنبور قصب جبتك من اول نقرة
09-10-2007, 10:47 AM
ملكة سبأ ملكة سبأ
تاريخ التسجيل: 06-18-2003
مجموع المشاركات: 3855
وقفت بعد حلبت لبينة الشاي تكورك يا الحسن يا ام الحسن وينو الحسن ولمن صفت رغوة شخيبات اللبن في حلتا المبنية من طبق السكن واقفه في حوش البهايم ولسع تكورك يا الحسن جاها حسا من بعيد مارق من القاطوع ورا قال ليها خير يا الحاجه خير قالتلو خير تعال لي جاي دايراك تعنون لي جواب يا الراسي لي ولدي الخدير لا تبقي زي شافع السرير يقول لي زين آيمة زين وزين تبقي بعد شهير وان جاني يكتب فد سطير اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم بعد المغيرب بي شوي جاها الحسن تعبان يسير دا العشى غنمو من الدرب وسرقت ندي وشو الهجير سوتلو شايا بي لبن قرض معاهو حرف فطير قالتلو بسم الله قول واكتب وصيتي انا للخدير الزمن يا ولدي ماحقاهو السنين البعيش في الدنيا ما بعيش مرتين العمير فاضل لي بس منو اليقين وانت طول(ت) في البنادر يا الحبيب لا متين تعال اوريك حق ابوك الجم حقيق حاج اللمين ان عرفتو بلا عمار يقولو ولدا عندو طين العلاج لا تنسي رسلو لي دحين العوينات يا جناي شوفن ضنين سلامنا ليك مطرز للبنيات والبنين ولو الارض يا ولدي تنشال في الايدين انا كت برسلا ليك في لوري الخزين
هنا يوجد كليب رائع لأغنية ام الحسن نرجو البحث عنه حتى لا يتضرر البوست .. ام الحسن فيديو
09-10-2007, 10:53 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
الحبيب البينو سلام وانا ينزل ليك لوحة من بلدنا مورة/مركز مروي..حتى تتشكل لك المناظر التي تخلق هذا الابداع المغني حيث يغلب على غناء المنطقة الوصف والامر اشبه بالرسم بالكلمات
كل ما استيقظ صباحا على صوت ثلاث عصافير تغرد فى نافذة الفصل الذي اتخذه مسكننا فى مدرسة على تخوم قرية فى سهول تهامة فى اليمن ، قرية مظلمة حسبها من الحضارة ان تظهر على الخارطة ولكنهاتضى ء بقلوب اهلها الطيبين ..اسال نفسى(لماذا انا هنا؟؟ واتداعى.......... ....................................... هكذا كنا نراها...الجدة الشاتي ام سليمان..تقبع في بيتها وحيدة بعد رحيل الوالد والولد الي الرفيق الاعلى او الى الخرطوم...بيتها يقع وسط محيطات لا نهائية من الرمال الوقحة التي تدفن كل شيء....كنا نغامر انا واخوتي الصغار في عبور هذه البحور المشتعلة من الرمال التي تحرق اقدامنا الصغيرة لنزورها وننعم بكرمها الحاتمي من تمر وجرم وبسكويت كوكو..كانت غاية في الجمال لا تقل من النساء الائي يزينن صناديق الحلوة "دايما على بالي" وكريكاب وتزين بها البرندة حيث تقبع هناك في جلالها المعهود تغمرنا ا بابتساماتها الطيبة ونظراتها النافذة التي لا تقل من اسي لكائن وحيد يعيش في بيت يضج فقط بالزكريات الصادقة وجميلة والتي مهما تجافينا نقول حليلا..وعند الغروب تكون زيارتنا الثانية لطائر الغرنوق الجميل..لانها تكون قد ابت من المزارع وتحمل سنابل الذرة الشامي...نهجم على الحمار ونتسابق في قطع رؤؤس الذرة كما يفعل امهر سفاح في عالمنا المعاصر او اصولي متشدد في العراق...تشعل لنا الجدة الفحم ويتلظى الاتون ونلقي باكواز الذرة وتنبعث الطقطقات والعويل وتخافتنا حولها.. وكما قال المطرب الشعبي حلاة ناسا بلا السكر طعم قراصة في قدحا من الدبكر كواريك شفع المغرب يقلبو في الجمر قنقر ........... وعندما يعسعس الليل..وتسكن الكائنات..يرتفع انين سيارة من الشرق..تنهض الشاتي وتنظر في الافق المعتم لمصابيح السيارة التي تتقاطع من بعيد ومن نفيرها المنغم ؟!!بنغمة شعبية تدل على سائقها ونعرف هل هو لوري عطاية ام جابر.. تحدق الشاتي في الافق للحظات وتجلس وتنظر الينا في اسى وتتنهد..."ان اللذين يمضو لا يعودون"...منذ ان بدات هجرة النخيل الى المدن الخراب بعد ظهور مرفق السكة الحديد.. نغادرها وحيدة مع قليل من الدجاج والماعز وحمارها الاعجف..فتتكوم في العنقريب وتتغطى بثوبها النظيف وهي تتمتم بايات قرانية(اللهم اعشنا في سلام وامتنا في سلام وادخلنا دارك دار السلام تباركت وتعاليت يا ذو الجلال والاكرام) ..في انتظار جودت الذى لا ياتي ابدا.... وكغيرها من كائنات الرمال تبقي الشاتي فقط في اروقة الذاكرة كامراة كان لها موقف من الحياة واثرت البقاء في الرمال على النزوح للبنادر المزعجة...وتصبح احدى شخصيات رواية الساقية* ................. كل ما استيقظ صباحا على صوت ثلاث عصافير تغرد فى نافذة الفصل الذي اتخذه مسكننا فى مدرسة على تخوم قرية فى سهول تهامة فى اليمن ، قرية مظلمة حسبها من الحضارة ان تظهر على الخارطة ولكنهاتضى ء بقلوب اهلها الطيبين ..اسال نفسى(لماذا انا هنا؟؟ واتداعى..........
الحديدة 1998 رواية الساقية: منشورات مركز عبادي للدراسات والنشر -صنعاء اليمن 2005
ما رايك في هذه الهدية اخي البينو؟؟؟
09-10-2007, 12:08 PM
خالد العبيد خالد العبيد
تاريخ التسجيل: 05-07-2003
مجموع المشاركات: 21983
الجميل البينو لك الانحناءة والتجلة على هذا البوست المدرسة سجل عندك انا جعلي ! متزوج شايقية !! يعني اولادي وارف واياس جلابة للطيش !!!
بالله يا ماجدة عوض الحقينا بي اغنية اظنها الزول الوسيم للنعام ادم بغنيها فنان جميل من ابناء جنوبنا الحبيب نسيت اسمه لكم مودتي وشكرا كثير يا البينو وانت تصب الماء البارد في نيران الفتن والعنصرية لينمو الوطن معافى
09-10-2007, 06:53 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
شكرا أخونا Albino على البوست الجميل يقال من يحب الشجرة يحب أغصانها ومن يحب الوطن يحب أغصانه أمسك عندك:
امونة بت الشيخ حمد
ابوها كان مزواج خلاص ناسب جميع ناس البلد ميلادها كان عرسا كبير هيصة وضبايح مالها حد يوم السماية اتيتمت حكم القدر فى الام نفد كانت شبيهة امها فى القدلة والعوداللبد وبقت امل كل الشباب وجمالها فى بت ما اتوجد فى مرة رفة قليبا يوم حبت قريب الشيح حمد واظن كمان حباها هو سوى الضلوع لى حبو سد كاتمين غرامن فى القلوب ولع لهيبم ما برد خايفين يصارحو يقولو شومال بالدايرنو ست خايفين عيون الناس تشوفم والخبر يملأ البلد والحب هناك عيبا كبير لا بت تبوحبو ولا ولد فى يوم ابوها ضحك كتير برم شواربو بلا الاسد ناداها امنة تعالى جاى فوق البرش ربع قعد قالتو هوى جاياك خلاص قليبة فر وما رقد حاج الخضر عارفاهو داك قالتلو ايوة ابو سند ؟؟ جانى الصباح طالب ايديك داير نسب شيخ البلد وانا قتلو اهلا بيك تعال يومين تلاتة تكون عقد راجلا عظيم عندو القروش عندوا الحرير راقد لبد هو كمان كريم واخو رجال ماعونو فى يوم ما برد جرن الدموع من عينا شو سكتت وابت تديلو رد قام مرق خلاها فات لا سبة لا كايس غرض عند المغيرب تانى جاها كدى لى محاسن الحاج سرد داير يأثر فى قليبة لو كان تقول تديهو رد وقتا غلب واحتار خلاص ولع فؤادو جمر وقد فسر سكوت البت رضا جهزولو لما الناس عقد والمال مخمخم والحرير تحت الرجول مدوهو مد يوم الصفاح والناس تجوط بالفرحــــة مقلوبة البلد امونة تبكى بكا السواد بدل الفرح جاها النكد وبشيشى قامت للمروق فى سرقة ما حس بيها حد كان الحبيب راقد هناك والصدمة قادة قليبو قد وقفت قصادو بكت كتير لامن دميع العين جمد قام جاها بى شوقو الكتير وقليبو داك انهد هد قالتلو ما بى ايدى شى ديل ناس ابوى وابو سند اتلملمو وسووا الكلام وانا لا رضيت لا جبتا رد داك عندو مالا مو قليل وابوى شاف المال سجد ادانى للراجل العجوز المن عروقو الدم شرد قايلنى بسعد بالقروش ولا المراح الفات ورد لكن محـال اسعد بلاك كان السماء ينهد هد بديك قليبى وروحى ديل وأعيش هناك صورة وجسد اتراجعت رجعت تصد لكن قليبة رجع رفض مسكت دريبا مو قريب كم بيهو صف بنوت ورد قاصدة البحر دايره تموت لا عيشة لاهم لا نكد اترددت وقفت كتير لامن قليبه خلاص صمد شافت مسار النيل حزين حتى النخيل حزنان خمد وبشيشى فكفكت الحرير لا زينة لا ربيط عقد ما دام حياتا بقت دموع وقليبة من زولا انفرد قالت اخير ارتاح خلاص ارسى وشقاى القالو حد فى لحظة موج النيل علا وفى جوفو غابت للابد
جورج وادنجتون George Wadington رحاله انجليزى اغرم بالسياحه وقد زار بعض بلاد اوروبا والشرق واشتهر كرحاله الى جانب شهرته كمؤرخ للكنيسه وقد كان زميل كلية ترنتى بكمبريدج fellow of Trinity Cambridge كما تولى منصب اسقف مدينة درم Durham ثم اختير رئيسا لجامعتها
قام جورج وادنجتون بزيارة السودان مرافقا حملة اسماعيل باشا بن محمد على فى الاعوام 1820 - 1821 والف كتاب عن مشاهداته فى هذه الرحله ومن ضمن ما كتب عن الشايقيه فى كتابه وقد كان حاضرا معركة كورتى التى نازل فيها الشايقيه جيش اسماعيل باشا ، كتب وادنجتون قائلا : -
( ان الشايقيه لا يتهيبون الهجوم على اعدائهم على نحو يدعو الى الدهشه فهم يسارعون الى منازلتهم وجها لوجه بروح الاستخفاف وعدم المبالاة وبقلب منشرح كأنهم ذاهبون الى احتفال او مهرجان او تحت تأثير الشعور بالسرور كأنهم قادمون على ملاقاة اصدقاء قدامى افترقوا عنهم منذ امد طويل )
ويستطرد قائلا
( وعند النزول الى ارض المعركه يعطون تحية السلام عليكم التى يعقبها على الفور ان يقبض كل واحد على رمحه ويوجه به طعنات قاتله ويستقبل اخرى مع كلمات الحبتخرج من الشفاة )
09-13-2007, 10:55 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Albino Akoon Ibrahim Akoon
محمد حامد جمعه
Tragie Mustafa
عمران حسن صالح
doma
Elmosley
bakri abdalla
kamalabas
Deng
jini
mahmed alhassan
محمد نور أحمد
Tumadir
محمد حيدر المشرف
ناهد علي
ملكة سبأ
omar altom
طارق جبريل
ماجدة عوض خوجلى
adil amin
خالد العبيد
ابو يسرا
wadalzain
وليد محمد المبارك
فيس بوك
تويتر
انستقرام
يوتيوب
بنتيريست