|
عرمان ينفي شراءه لموقع «سودانيز أون لاين»
|
رغم تأكيدات صحيفة الكترونية لصفقة الـ«100»ألف دولار عرمان ينفي شراءه لموقع «سودانيز أون لاين»
الخرطوم: صباح أحمد
سخر ياسر سعيد عرمان القيادي بالحركة الشعبية من الخبر الذي تداولته مواقع الإنترنت حول إتمام صفقة بينه وصاحب موقع سودانيز أون لاين الالكتروني ذائع الصيت «بكري أبوبكر» إشترى بموجبها الأول 50% من أسهم الموقع بمبلغ مائة الف دولار لصالح الحركة الشعبية. ووصف عرمان في حديثه مع (آخر لحظة) أمس ما تواتر في هذا الشأن بأنه دعاية مغرضة موجهة ضده وضد موقع «سودانيز أون لاين» ومالكه بكري أبو بكر وقال إنه أمر عارٍ من الصحة ولا يسنده أي منطق. وأكد عرمان أن لا علاقة له لا من بعيد ولا من قريب بموقع سودانيز أون لاين وقال (لا علاقة ليّ بالموقع ولا أعرف البيع والشراء كما أنني لا أملك مثل هذا المبلغ حتى أدفعه نظير شراء هذه الأسهم).
وكانت صحيفة الكترونية قد نشرت خبراً من مصادرها بأمريكا مفاده أن عرمان عقد صفقة مع سودانيز أون لاين اشترى بموجبها نصف أسهم الموقع بمبلغ مئة ألف دولار. وقال الخبر إن الطرفين اتفقا على (سرية) الصفقة وأن يستمر مدير الموقع «بكري» في موقعه نظير راتب شهري من عرمان. وقالت الصحيفة إن عرمان طلب من بكري الترويج عبر الموقع لأخبار الحركة الشعبية والسيطرة على المواد الإعلامية المناهضة للحركة وتوجهاتها، مع التضييق على العناصر الموالية للحركة الإسلامية، والأحزاب الطائفية. وفي إتجاه آخر كشفت الصحيفة الالكترونية التي تحمل اسم «الكتاحة» أن السلطات الأمريكية طلبت من «عرمان» خلال زيارته الأخيرة التي امتدت لـ (6) أشهر التقليل من هجومه على نظام «المؤتمر الوطني»، ومحاولة فتح صفحة جديدة معه. يذكر أن موقع «سودانيز أون لاين» تسيطر عليه عضوية محسوبة على أحزاب المعارضة خاصة اليساريين وجلهم من المقيمين بالخارج ولا يخضع الموقع الذي يبث من امريكا لأية رقابة حكومية أمنية أو عدلية من قبل حكومة السودان. وحول ذات الموضوع أجرت (آخر لحظة) اتصالاً هاتفياً بصاحب الموقع بكري أبوبكر الذي قال إن (سودانيز أون لاين) ليست للبيع وتساوي أكثر كثيراً مما أشير إليه فيما تردد من أنباء حول بيعها بذلك السعر.
|
|
|
|
|
|
|
|
Re: عرمان ينفي شراءه لموقع «سودانيز أون لاين» (Re: ابراهيم بقال سراج)
|
لكن ماقلت لينا انت ياتو وياسر عرمان ياتو وبعدين الناس الفى الصورة معاك ديل مااصحابك معجبين بس حبو يصورو معاكم اها وطالما ياسر عرمان صاحبك انشالله تكون سالتو عن موضوع الماهية بتاعت بكرى لانها مسببه لى قلق شديد غلبنى كلو كلو افهم هسة ماقلت لى انت ياتو واحد فى الصورة ، وبرضو طالما عندك ذكريات جميله مع عرمان بتوقع انك تصدر كتاب وكده ايه رايك مش فكرة ، تحياتى
| |
|
|
|
|
|
|
Re: عرمان ينفي شراءه لموقع «سودانيز أون لاين» (Re: ابراهيم بقال سراج)
|
أتاريهو دا ياسر عرمان اللي بيتحدثوا عنه الناس؟.. تصدقوا أول مرة أشوف صورة الراجل.. باقيلكم ناس السياسة ديل ما ناقش فيهم ولا واحد.. كدي ورونا الناس التانيين ديل مين؟ عايزين برضو تنورونا شوية علشان نقدر نتساير مع الوضع.
ويا بقال: أتاريك صغنوني وحليوني كدا.. يا زول مالك مع الشلهة.. شوف ليك قرايتا تنفعك.
| |
|
|
|
|
|
|
Re: عرمان ينفي شراءه لموقع «سودانيز أون لاين» (Re: ابراهيم بقال سراج)
|
بقال انت لسة ماصحيت عموما ؟؟انا عارفة ومتاكدة انك بتحب تسمع النعام ادم ودى هديتى ليك بمناسبة الصور مع عرمان والذكريات الجميله الا كانت هتتاثر بحكاية شراء المنبر والله وماليك عندى حليفة انا امس اليوم كلو كنت مهمومة ليك شايله همك خايفة انو العلاقة تتاثر لكن الحمد لله انت طلعت زول نجيض ودافعت عنو وكمان عملت لياسر دعم معنوى كبير جدا جدا بتنزيل صورتو المعاك هتكون ليه دافع فى حاجات كتيرة لقدام تحياتى ويلا بطل الكسل تعال اتحفنا عليك الله ماتسنانا !!!
| |
|
|
|
|
|
|
|