|
|
 حلم اسمه العودة.
|
مازالت أيام غربتي توهمني بالعودة ..
منذ ان وطاءت قدماي رصيفها البارد
وهي تتحايل علي ان ايام العودة باتت قريبة ..
هنا تبدو الاشياء مؤلمة ساخرة ..
رغم جمال الفصول فيها ..
ولكنها ارض موحشة .. تغتال أجمل سنين العمر ..
وتتجاهل بقسوة الأحاسيس ..
وتحيل الاحلام الى انتظار يختزل كل الامنيات
وصمت يطبق على الانفاس
في شوارع باردة ..ووجوه لاتحمل سوى الجمود ..
وعلاقات انسانية باهتة
مؤلم ان تصحبك قطرات المطر في طريقك لانك وحيد ..
تسمعها وتبتهج بسماعها ..
مؤلم أنك غريب في ارض غريبة ..
يلفحك صقيع المشاعر ويدفئ قلبك ذكريات مضت ..
تتمنى عودتها ولو للحظة ..
مؤلم ان تنتظر شيئا جميلا يصادفك ..
يقلب تعاسة غربتك الى سعادة ..
ولكن ايامك الرتيبة تخذلك ..
فهي لاتحمل سوى وجها واحدا لايتغير ..
مازلت أوهم نفسي بأن يوم العودة بات قريبا ..
ولكن رعشة الخوف تنتابني ..
كلما تذكرت أيام الغربة الاولى ..
وحلم بالعودة اصبح مستحيل
|
|
 
|
|
|
|
|
|
|
|
Re: حلم اسمه العودة. (Re: بت العزازه)
|
Quote: مازلت أوهم نفسي بأن يوم العودة بات قريبا ..
ولكن رعشة الخوف تنتابني ..
كلما تذكرت أيام الغربة الاولى ..
وحلم بالعودة اصبح مستحيل |
بت العزازة لا مستحيل تحت الشمس وكل شئ ممكن يبدو مستحيلاً وكل مستحيلاً يبدو ممكناً وما التوفيق الإ بالله
اكثري من هذه الهواجس والخترفات , فهي تجعلنا نحلق معك ونشاركك الهم والخوف , وتذكري ان الغربة
تنبش كل ما كان مدفون خلف الذكريات وقد تظهر لك معالم لا تستطيعي ترجمتها ورغم حرارة الشمس المحرقة
إلأ ان لدفئها حنان ومحبة .
كوني بخير اختي الهائمة وان الصبح لناظره لقريب جداً .
| |
|
|
|
|
|
|
|
|
|
Re: حلم اسمه العودة. (Re: بت العزازه)
|
حلم جميل كما حلمناه سويا ولكن اه اه
العودة الى المجهول كارثة لا تبغى ولاتذر
نار الغربة ارحم من جحيم العودة المحفوفة بالاشواك والمخاطر والمجهول المظلم
يابت الناس حلمى لينا حلم اخر غير هذا الكابوس مالك علينا كدى قولى لى الصادق انا راجعة
شوفى ردو حايكون شنو
| |
|
|
|
|
|
|
|
|
|
Re: حلم اسمه العودة. (Re: مهدى الصادق السيد)
|
علي كل من يقرر العودة ألا يحرق كل مراكبه
فالرجوع من العودة .. أثقل بكثير من ذكريات الغربة الأولي
ويا آيات إنتي بدري عليك وعلي وداعك .. هو إنتي لسه شفتى حاجة ..
كدي خلي يكبروا الوليدات ويدخلوا الجامعات .. عشان تشوفي الغربة المركبة بحق وحقيقة
ولك أطيب المني
| |
|
|
|
|
|
|
|
|
|
Re: حلم اسمه العودة. (Re: سمية الحسن طلحة)
|
سنبقى غرباء ..
ويظل القلب في لهفة ووجل
يترقب فصل الربيع
لعودة
لا ممكنة
تحيي
جذور الأمل
وأمنية
باتت مستحيلة
في احتضان قلوب
التقت على درب الأنين
مطر ودموع
وبرد وحنين
شموخ وألم
خوف
يبعثر
ما تبقى
من مخزون قوةٍ
استجمعناها
لتثبت قلوبنا
حبيبتي الملكة
كنت أعيش في غربة إلى أن وجدت موطنا
اخوتكم ومعرفتكم حبيباتى سوما عفاف ابو حريرة الملكة سمية
هى عندي من أجمل وأغلى الأوطان
| |
|
|
|
|
|
|
|
|
|
Re: حلم اسمه العودة. (Re: بت العزازه)
|
| Quote: مؤلم أنك غريب في ارض غريبة .. |
ومؤلمٌ أكثر أنك غريب في أرضك
يا بت العزازة أنا ما عايز أصدمك
لكين صدقيني لما تعاني بعيد من بلدك
أفضل ليك مليون مرة من تعاني هنا
في السودان القال عليهو ابراهيم عوض:
أحب مكان
وطني السودان
لأنو حسانو أعز حسان
وطيرو صوادح وروضو جنان
الحتة المفروض تلقي فيها الأمان والإطمئنان
تحسي بي إنك منها وإنها منك
تشعري بالإنتماء ليها
والخوف عليها
لكين ...
...
لما ده كلو يبقى إنشاء في الكتب
ما عندو أي واقع يسندو
تبقى القصة كيف؟؟؟؟؟؟؟
برجع وأقول ليك ما عايز أصدمك
لأني برضو جربت مرارة الغربة
...
..
.
راجع تاني
| |
|
|
|
|
|
|
|
|
|
Re: حلم اسمه العودة. (Re: عبدالبارى العجيل)
|
بت العزازة
لماذا نغترب من الاساس
لماذا نغادر الوطن
ونترك الحبيب
والصديق
ورفيق الصبا
ونلقي بالذكريات خلف ظهورنا
لماذا سيدتي
انا اقول
لان بلدنا قاسية
خانقة
تقتل الاحساس والطموح
وتجبرنا ان نكون غرباء وسط اهلنا
لاننا لا نستطيع
تحقيق ذاتنا هنالك
فهربنا علنا نحققها
بعضنا ينجح
واخر يتعثر
ولكن المفرح هو نجاحنا كلنا ان نغترب
وهذا قمة النجاح
| |
|
|
|
|
|
|
|
|
|
Re: حلم اسمه العودة. (Re: الزبير صالح الزبير)
|
اخى الزبير صالح الزبير
تهطل أحرفك.. بأحاسيس مغتربةويبقى لنزفك جماله الأخـّــاذ
وإن توسـّــد الألم ...!
دمت ِ بــ ضيــــاء ورد الله غربتنا ووطننا ينعم بالاستقرار
والرفاهية
| |
|
|
|
|
|
|
|
|
|
Re: حلم اسمه العودة. (Re: عبدالبارى العجيل)
|
وتضطــربُ الأوجــاع
ويبقى ألم الغـُــربة .. الأعمق .. حــالاً
تهتــزّ منـــه الجبــــال الــرواسي ..
سـنبـقى غرباء ..
ويبقى للحنين جماله ُ / الذي يحيي مااختبأ خلف تراكمات وجع الغــربة ...
فلـتطب قلوبنـــا ..
وليكن عــزاؤنا : أن الغربة غربة الــروح لا الوطـــن...!
شكرا اخى عبد البارى العجيل على مرورك العبق أبعــدَ الله عن قلوبنــا الغـُــربة بـــألوانهـــــا ..
| |
|
|
|
|
|
|
|
|
|
Re: حلم اسمه العودة. (Re: بت العزازه)
|
الحبيب ابو الصادق
مساحات من الدفء حلت بصفحتي بحضورك ..
حنونة هي اشراقتك جعلت من كلماتي تقف صامتة ..
عاجزة عن الرد ..
حفظك الله ورعاك أينما كنت ..
كن بالقرب دوما عزيزى.
| |
|
|
|
|
|
|
| |
هاشم أحمد خلف الله
عبدالبارى العجيل
الزبير صالح الزبير
فيس بوك
تويتر
انستقرام
يوتيوب
بنتيريست