|
ناس المريخ بلسانهم الطويل دا مسخوا لينا كورة امبارح
|
والله ناس المريخ فلقونا بكلامهم الكتير والله عندنا كاس منديلا وكاس شرائح مارتديلا وشنو شنو
يا جماعة عايزين نتفرج الكورة
المساطب شبه فاضية زي كام نفر شايلين علم الهلال وامبارح برضو في واحد قال ان صلاح قوش (بتاع الاستخبارات رسل باصات مجانية) وما شفنا منهم زول واعتقد ان المتواجدين ديل ناس الصفارة لان تونس لا توجد فيها جالية سودانية رياضية. ولان تونس من البلدان التي لا تستفيد منها السودان لذا كان قرار النميري بترشيد الانفاق ان اقفل سفارة السودان في تونس. وبالتالي التونسيين جابوا شركة طيران في السودان وركبونا التونسية ولغاية هسع راكبين التونسية.
المهم الكورة انتهت بالتعادل وناس المريخ لا زالوا جايطين وكل مرة واحد سايل الريموت ويمشي بينا كورة الاهلي والدلافين (الدلاقين). هنا خمسة دقائق وهناك خمسة دقائق..
ناس المريخ العواليق ضيعوا متعة فرجة الكورة امس.
|
|
|
|
|
|
|
|
Re: ناس المريخ بلسانهم الطويل دا مسخوا لينا كورة امبارح (Re: Zomrawi Alweli)
|
والله احنا العوليق دة ما بنعرفة وانا كنت قلبا وقالبا مع الهلال لانو بلعب باسم الوطن وكنت اول من هنا الهلال عبر بوست كامل بهدف التعادل وكنت كذلك اسرع من اي هلالي بانزال بوست بعنوان الهلال يكسب الترجي التونسي بالتعادل الايجابي بارضة ووسط جمهورة لكن الظاهر لي انو العولاقة في نظاراتك بالله امسحها كويس بالصابون وكدة وبعدين احنا فعلا عندنا كاس مانديلا اما كاس المرتديلا فدة بتاعكم انتو وفلاحتكم في لسانكم الطويل دة لكن الحق ما عليكم لكن علي لعيبتكم ديل من زمن جكسا ما فرحوكم كدة بي كويس انشاء كاس (.....) يبل ريقكم ويخليكم ما تبخسو المريخ العظيم في كاس مانديلا الجبناة من برة محمول جوا. ولو عدتم عدنا لكن اخير ليكم ترعو بقيدكم ساكت
| |
|
|
|
|
|
|
Re: ناس المريخ بلسانهم الطويل دا مسخوا لينا كورة امبارح (Re: الزبير صالح الزبير)
|
Quote: وبعدين احنا فعلا عندنا كاس مانديلا اما كاس المرتديلا فدة بتاعكم انتو وفلاحتكم في لسانكم الطويل دة لكن الحق ما عليكم لكن علي لعيبتكم ديل من زمن جكسا ما فرحوكم كدة بي كويس انشاء كاس (.....) يبل ريقكم ويخليكم ما تبخسو المريخ العظيم في كاس مانديلا الجبناة من برة محمول جوا. |
هو بالله كاس مانديلا دا مصنف في ياتو معيار اذا كان كل فرق جنوب اقريقيا على شاكلة صنداون اللي شفناه امس مكسور الجناح كيف؟؟
وبعدين تعال انتو يا ناس المريخ قايلين نفسكم لاعبين مع منوا وبالله فريق كوارا دا فريق عليك الله وشوف الدلافين (عفوا الدلاقين) دا فريق بالله؟؟
باخي الهلال سيد البلد ظاااااااااااطو
كدي شوف المريخ في ياتو ترتيب عالميا .. والله اكان جاء في الترتيب ما قبل الاخير يبقى كويس حالتكم زي حالة جامعات السودان في ذيلية الجامعات عالميا.
الهلال ضمن المائتي فريق عالمياً ........ واو ماي قود
واخيرا لك تحياتي وو زبير سالينتود
| |
|
|
|
|
|
|
Re: ناس المريخ بلسانهم الطويل دا مسخوا لينا كورة امبارح (Re: Zomrawi Alweli)
|
الهلال ضمن المائتي فريق عالمياً ........ واو ماي قود
انت الظاهر عليك ما فاهم احنا الفرق دي ما اخترناها عشان نلاعبة دي جات بضراعها ونتيجة مباريات التصفيات وما ذنبنهم انو اسمهم ممكن يحور بطريقة الهلالاب دي كور ودلاقين وما اعرفش اية وانت ما رديت رد موضوعي وجيت تتكلم عن نتيجة وتصنيفات ختيتا براك مائتين ناد شنو يا اخوي خلينا من فرق اورباوامريكا الجنوبية المفروض يحتلو المراكز التلتومية الاولي انت تاريخك شنو عشان يختوك معاهم ولا بتحسبو نتيجة مباراة الاهلي القاهري الطلعتو حكمها لاراش المغربي حرامي ومرتشي وما ياها دي المحرية فيكم تلصقو التهم في اولاد الناس عشان تبقي ليكم اعذار يا اخوي ركز جهدك تجيب ليك كاس عشان يخليكم تقدرو تقعدو مع الرجال في الديوان وتتفاخرو بيه. اخير ليك ما تعود عشان المرة الجاية بجيك بعكازي
| |
|
|
|
|
|
|
Re: ناس المريخ بلسانهم الطويل دا مسخوا لينا كورة امبارح (Re: Zomrawi Alweli)
|
يا اخوي الديوان محل الرجال انت بتلف وتدور في شنو خليك مننا احنا، احنا عزنا عارفنة، انت وريني البيخلي زول يختكم في المتين الاوائل شنو عملتو عشان الناس تتذكركم ساكت خليك من تخليهم يقعدوكم معاهم في ديوان الرجال ما تتلمو وتنجضو الشغلة الفي يدكم دي لانو العبرة بالخواتيم وقريب بنسمع بي صيوانكم جنب زريبة العيش بتاعتكم ديك
| |
|
|
|
|
|
|
|