|
|
 عرفناها الفوضى و سوء البرمجة من شبكة ART AMERICA الرياضية كمان جابت ليا بجاحة معلقين مصريين ؟
|
مرض !!!!
بلطجة !!!
و جلافة !!!
و عنصرية !!!
و كان منافسات الاتحاد الأفريقى أصبحت منازلات بين العرب و غير العرب !!!!!!!
و حتى بين ( عرب أفريقيا ! ) هنالك خيار و فقوس فى النقل المباشر !!! ومفاضلة !
( فمصر ! أولا و ثانيا و ثالثا ! ) و لو كان ( غزل دمياط ! ) فان لم يجدوا ( فتونس ! ) و ان لم يجدوا ( فالجزائر ! ) و ان لم يجدوا أيضا ( فالمغرب ! ) و ان ( خلاس ! الروح طلعت ! ) ( فالسودان ! و هذا أضعف الايمان  ! ) ...
هذا البوست مفتوح للمناقشة لكل الرياضيين السودانيين ( المريخاب منهم و الهلالاب أو حتى البدون ! ) الذين يعيشون فى شمال أمريكا و كندا و المشتركين فى باقات ART عن طريق شبكة DISH NETWORK ..
كسرة :
و الله الليله الواحد كان بشاهد فى مباراة ( مفروضة علينا ! طبعا ! ) بين فريقى ( أسيك أبيدجان ) و ( أهلى القاهرة ! ) بس !!! المعلق كان مصرى ( لقطة ! ) جلافة و بلطجة و تهكم و عنصرية لا تحدها حدود !!!
و لنا فى الحديث بقية ...
عبدالماجد
|
|
 
|
|
|
|
|
|
|
|
Re: عرفناها الفوضى و سوء البرمجة من شبكة ART AMERICA الرياضية كمان جابت ليا بجاحة معلقين مصريين (Re: ABDELMAGID ABDELMAGID)
|
أولاً يا أخي ألا تري أنك تهدر البسموه الباندوث بحجم حروفك
ثانياً ما هو دا الإنتماء ودا بحدد انت تشجع منو
بعني عيب في السودان المذيع ولو كان مريخابي يشجع فريق لاعب
ضد الهلال ولما يلعب فريق عربي والقناة الناقلة عربية وخاصة
بالمنطقة العربية طبيعي يشجعوا الفرق العربية
ولو فريق إفريقي ضد أوروبي أكيد نفس القناة حتشجع الإفريقي
ودي دايرة الإنتماء
أما الناس تتحيز لفرق مصر فهذا غير دقيق المشكلة في جنسية المذيع
ودوافعه فنجد أن معظم المعلقين من مصر والمغرب العربي وصدقني بعضهم
يكره الفرق المصرية أو المغربية لدرجة كبيرة ويتمني هزيمتها ولكن هذا
لا يعني عدم ريادتها... خلينا نتطور شوية ويزيد عدد معلقيناالمؤهلين
والناس حتشجعك زي ما بتشجع البرازيل.
| |
|
|
|
|
|
|
|
|
 Re: عرفناها الفوضى و سوء البرمجة من شبكة ART AMERICA الرياضية كمان جابت ليا بجاحة معلقين مصريين (Re: صباح حسين طه)
|
يا عبد الماجد ( تربيع )
إزيك..
انا الايامات دي نفسي مفتوحــة ليك ما عارف ليه ..؟؟
المهم ..
الكلام القلتو ده حقيقي وللاسف الشديد .. وكل يوم مباراة للهلال انا بهتم بالتحليل وبهتم بكل صغيرة وكبيرة ممكن تتقال عن الهلال .. وعن السودان في شخص الهلال وللاسف الشديد المزيد من التحقير وعدم الاعتراف بالفريق .. وما تقول لي افريقي ولا جن احمر .. والله لا عربي لا افريقي ولا حتى مكسيكي..
أمس القريبه دي خليك من فرض الكورة علينا .. الاستديو التحليلي كلو كان مركز على مباراة الأهلي ... معليش ما اختلفنا وقلنا انها مباراة حساسة .. المعلقين نفس المصارية أولاد بمبه .. ونفس نبرة الاستهتار بالهلال من معلق مباراة الهلال والترجي .. دخلت على برمجة الصوت علشان اغير المعلق .. نفس الكلام البسم البدن برضو .. ونفس السخرية المغلفة .. والله للاسف الشديد تطابق اسلوبو مع نفس نبرة العديد من المريخاب هنا .. ما استغربته شديد لانو الهدف واحد ..
لكن لما ارجع اشوف نفسنا وطريقة تعاطينا مع الأمر من البعض سواء كان من الهلال أو المريخ .. بلقى عذر ليهم ..
لكن أحسن حاجة للنوعية دي .. والناس البتقلل من قيمتك ومن مكانتك .. تعمل ليها بيان بالعمل .. تديها درس على ارض الواقع علشان كل واحد يبلع لسانو .. زي ما بلعوهو يوم مباراة الأهلي في الاستديو التحليلي .. ولسه ح يبلعوهو ..
| Quote: أولاً يا أخي ألا تري أنك تهدر البسموه الباندوث بحجم حروفك |
 طبعا كلام صباح ده وقع لي في عبي .. زده القلتو ليك امس .. لكن كلام الطويل ما بتسمع ..
| |
|
|
|
|
|
|
|
|
|
Re: عرفناها الفوضى و سوء البرمجة من شبكة ART AMERICA الرياضية كمان جابت ليا بجاحة معلقين مصريين (Re: ABDELMAGID ABDELMAGID)
|
| Quote: صاحب الموقع هو الجهة الوحيدة التى تقرر ذلك !! |
خلي اخلاقك رياضية يا عبد الماجد .. الزولة دي ابدت وجهة نظرة وإنت قلت عايز وجهات نظر .. فإذا كانت هي كتبت ليك كلام ما نفع معاك بتعلق بالحروف الكبيرة بتاعتك دي . مالو اعتبر كلامه ده جزو من وجهة نظره ورد على باقي كلامه ..
والا شنــو ..؟
بعدين تخيل نحن اتنين بس جينا قلنا ليك الكلام ده .. تفتكر مافي ناس تانين بكونوا ممعوطين من حروفك الكبيرة دي ..؟
أقول ليك حاجة؟:
والله حروفك الكبيرة دي بتتعب الباند .. وسيد الموقع خجلان منك عديل كدا وزول طيب ما بيجي يقول ليك حاجة .. فساعدنا علشان الموقع ده يستمر ليك ولي أخوانك
ما تاكل حقك وحق اخوانك وتكون أناني ..
| |
|
|
|
|
|
|
|
|
|
Re: عرفناها الفوضى و سوء البرمجة من شبكة ART AMERICA الرياضية كمان جابت ليا بجاحة معلقين مصريين (Re: ABDELMAGID ABDELMAGID)
|
الأخ / تمبس
تحية ...
طيبة ..
زى ما قلت .. جنس ديل نبلعم لسانم فى المستطيل الأخضر . و على مستوى فرقنا و جماهيرنا الوفية و التى تحتشد يوميا عند كل مباراة مؤازرة لفريقها مريخا كان أم هلالا ...
فيا ... تمبس ... الا تعتقد بأنه يستوجب على قناتنا السودانية بالتدخل ؟؟؟ فالزمن زمن عولمة و صراع حضارات !!!
و ما زعلنى اليوم و اضطرانى لفتح مثل هذا البوست الا لما سمعت هؤلاء المصريين ( الأوباش ! ) يقللون من حجم انتصارات فرقنا السودانية ضد فرقهم !!!
المهم ! الحكاية دى طويله !!!
كسرة :
بخصوص ( الخط ! ) من الليله حاقصرو ! كان عامل مضايقه !!! و أهلنا قالوا فى المثل ( كان اتنين ! قالوا ليك راسك وينو ! أهبشو ! )
تصبح على خير يا ( رشاشه ! )
عبدالماجد
| |
|
|
|
|
|
|
|
|
 Re: عرفناها الفوضى و سوء البرمجة من شبكة ART AMERICA الرياضية كمان جابت ليا بجاحة معلقين مصريين (Re: ABDELMAGID ABDELMAGID)
|
| Quote: كان اتنين ! قالوا ليك راسك وينو ! أهبشو ! |
يسلم راسك يا صهيوني وهادي بوسه عليهو .. ااي شوف كدا الخط بقى جميل كيف .. وود ناس
بالجد يا عبد الماجد امس والله من دون الأيام وأنا اتابع مباراة الهلال حسيت بي إني عايز ادخل جوه التلفزيون .. ما علشان هلاليتي .. لا والله، وللمعلومية وبالرغم من حبي وتعصبي اللطيف لهلاليتي إلا إني برى فيهو حبي لي السودان وبنفس القدر المريخ .. والفريق القومي .. حتى اولادنا في اللعاب القوى .. كل من من يحاول ان ينال مننا بالكلمة في اي محفل اعلامي .. صدقني نجتهد ونرد عليهو في الميدان ده احسن رد انا بشوفو .. في ذاكرتي مباراة قديمة للهلال السوداني .. مع الهلال السعودي .. في القاهرة .. وليك أن تتخيل كمية الاعلام المصاحبة للهلال السعودي حتى هنا في السعودية هو فريق الصفوة .. وبيغلبك بي حكم .. بي جن احمر .. بي اي شئ .. لما الراحل والي الدين جاب القون الشكلو غريب جدا وما بيجي عندها المعلق اصبح يصيح .. حرام .. حرام مش ممكن .. يقصد انه من غير الممكن لفريق سوداني يقهر الهلال السعودي ..
اعلامنا يا عبد الماجد سواء أن كان رياضي أو غير أو حتى تلفزيوننا لا تعول عليه الكثير .. يكفي فقط أن تتابع الخرمجة عند كل مباراة حتى ولو كانت داخليه .. لكن المزيد من الاعلاميين المؤهلين لمواجهة هذا النوع من السخف والبلطجة الاعلامية ... لكن ما اراه الآن من بعض الاعلاميين وكتاب الصحف والانتماء الاعمى لفرقهم صدقني هذا اكبر رصيد يضاف لي القنوات الموجهة والتي تسعى للنيل من أي انتصار لينا .. وده طبعا بتوفيرهم للمادة التي يبني عليها الكثير منهم تحليلاته وحتى تعليقاته السمجة ..
اعتقد أن الفرصة الآن متاحة بشكل جيد .. نسبة للتواجد القوي لمنتخباتنا والنقل الذي تقوم به نفس القناة للدوري المحلي .. الدور الآن للمعلقين والمحللين أما الرد بشكل علمي .. أو المزيد من التراخي .. وتوفير المادة الخام لهؤلاء الحقده من المصارية.. وطبعا هم عارفين كويس بيعملوا في شنو .. وبقولوا في شنو ..
الكتابة بالاحمر دي يا دكتور بالنسبة للتطبيع معاك يا صهيوني 
| |
|
|
|
|
|
|
| |
tmbis
فيس بوك
تويتر
انستقرام
يوتيوب
بنتيريست