يا جماعة فزعة عاوز لي خمس مقاعد من الخرطوم لجدة ضروري قبل يوم الاربعاء عشان تأشيرة الاولاد بتخلص وتدخلنا في متاهات لو شغال هناك او بتعرف زول شغال هنالك بالله يدك معانا [email protected]
الاخ مامون سلامات انا لي شهر بكلم ناس الخطوط ورسلت زي عشروميت برقية وناس الخطوط في السعودية يقولي لي الطيارات مقفولة من الخرطوم مشكلتك هناك ولو كنت في الخرطوم كان اتصرفت. ولو بالساهل امد التاشيرة مافي مشكلة لكن التاشيرة حكومية يعني عشان امددها داير لي كدة سبعتاشر مشوار بين القصيم والرياض وبراك عارف رمضان داخل والموظف البلقاة الليلة يقول لي جيب دمغة وتعال بكرة اكيد لمن اجية بكرة شايل لية الدمغة الطلبها حالقاة مافي وزول غيرة قاعد في المكتب حايقول لي تعال بكرة وجيب معاك ما اعرفش اية وكذا دواليك دة غير وضح الاسباب التي ادت الي التاخير اقول ليهم شنو المرة حلفت الا تحضر سد مال بت اختها وبعدين تعال هنا سد المال دة ترجمتها بالسعودي شنو
شكرا يابشمهندس وتحياتي البلد دي ما فيها اقباط علي ما اعتد وثانيا انا ما طاوعتها انا هنا وهي هناك وبعدين كنت عارف حكاية التاشيرة بتنتهي لكن ما كنت قايل الطيارات دي ما فيها فجة فاضية للدرجة دي
09-02-2007, 09:58 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
يا أخي أبشر.. في رحلات إضافية بس عايزة متابعة من أحد معارفك هنا.. أبني وصل الأن وليهو فترة بيحاول.. وجاء برحلة أضافية قبل 4 ساعات,, وقال ناس الخطوط قالوا ليهو حيسيروا رحلات أضافية خلال الأيام القادمة غالبا قبل يوم الأربعاء إن شاء الله لأنو في مسافرين كثيرين.. وربك يهون القواسي...
09-02-2007, 10:22 PM
Mamoun Ahmed
Mamoun Ahmed
تاريخ التسجيل: 11-29-2004
مجموع المشاركات: 922
اخوي الزبير باشا صالح هل بتنفع الوساطة من جدة؟ اها انا عندي صاحبي خدم ليهو واحد في الخطوط هنا وهو بخدمو المشكلة صاحبي ده هسع بكون نام الا ليك علي الصباح بدري بتصل بيه وانت خت لي رقمك عشان اخد المعلومات
وقول ربك يسهل والله كريم
09-02-2007, 10:44 PM
الزبير صالح الزبير
الزبير صالح الزبير
تاريخ التسجيل: 08-16-2007
مجموع المشاركات: 2580
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة