|
بجــلالة الأشــواق ( بحـــــبكـ )
|
ســجم الكــلام المُــحتدم فى الذاكــره ما لاقــى المُــرُوق ما تـروق عشــان يصــفى البحــر من عَـكرَا .. تمْــرُق فِــكْرا .. تفــتل فى الحـبال للسـارى خــار حــيل التعـب قبــال يداهمــنى المِعــفّر خوفى من الريــح يهــضلم ليلـى مُســتنيكِ طـولّتى المسافات فى الغيـاب ما تحــرمينى الصـوت وقــع نقــر النقـاقير ... هـرْدبيــس صـوت العصــافير ... للرقيص والبهجــه لى رب الســما ألقــاك مُمْــكنه فى المُحــال فى المـستحيل ... زى قــمره تخــجل من خـيوط الضو حالــفه وجازمه لازم تنــتحر .. فى السَــهلَه فى نــص الحنــين فى الــواطَـه عِـترت فى مشــيها ... وبسْــملت بى دهــشه .. حَـدرت عــينا كَــبت باقـى شــوقا عليك شـهَقـت شدهنى حنينا ... بى جــبّدة نَفـس أبـداك من حِــتة لِقــيتِك فـينـى حــيْا على الفــجُر هـليتــى من أيْـة مـدار ...؟ صـليت معـاك مـالِك وِقــفتى مع المـلايكه هناك عشـان عـارفانى ( ما بقـدر أهبّـش ) مســألة هــاك لو بتقــدر جــيب معاك الخَـمره من القــمره لو ســكرت حـواسك إنتــبه مســتنياك فى ذاتـى خــوفى عليــك خــايفـاك تخْطــفك أسْمِعــنى صــوتك بالقـليل من مافى غــنى معــايا غنــى معايـا يا عيـن ســىّ دقُـر يا سـلسـبيل المـعنى فاتـح عيـنى لــيك فى لحــظه داهمــنى الفــتَر فى غــفلة الزمـن البِعـيد ترتــيبى فى هجــرة تفاصيــل المــطر الطـقس لابس حاجه ما معروفه إمْــكن جِبة من بلــور إمْــكن دا التلــج بى هنــاك تبخــتر فى الغيـوم الداقـشه نار الجمــره ما كل الكواكــب حالمـه بالسـهر اليفــتح عــينا نـفـسْ الحـال أنـا ما الغيــم يخالف إنتفاضات التوقع منـهزم مِنك تعالى معـاى نحــدد إتســاعات الخـيال للرؤيــه نخــتار أىْ لــون للزهــره تصبــح بكره .. هســه الآن وقُبـال أتـوهِـم ودْران مَشـربك فيكِ عـاجبنى الـوَدر مادام ..بيشــرحنى وتفيض الأســئله على فِــكره ...! مشــتاقك شــديد بالفــطره قُمـت لقيت عيونك بـؤره تجــهر بالطشـاش بجــلالة الأشــواق .... (بحـــبك ... منتهى الإفراط )
|
|
|
|
|
|
|
|
Re: بجــلالة الأشــواق ( بحـــــبكـ ) (Re: هاشم أحمد خلف الله)
|
ممكن مراعاة الفروق ساعة يحين وكت المروق من بوح زوايا تعرتْ فى الروح وقبلها منشده بتحوق على السكه الفجاج لماإنخدش ســر الكلام برا العروق وإنشــرا عاد كيفن .. ؟ أوافق وإنتبه
وألقاك معاى شايل غناك
هاشم ..
ممكن بس الســنه بى كم ..؟ موده وألف غيمه تجرتقك
| |
|
|
|
|
|
|
Re: بجــلالة الأشــواق ( بحـــــبكـ ) (Re: سلمى الشيخ سلامة)
|
سملى العزيزه
شخصياً لما القاك معاى.. وأحسك جداً وجداً جداً... بقدر أمرق شارد من وهج الفرح من قرايتك السمحه..
ياااخ أنت بتفرتقى الرموز والشفرات الفى داخل النص بسهوله عجيبه فى اللحظه دى بالذات بشعر بإنتصار مهيب.. لوصول الرسايل ...
حاجه تانيه ..
ما قادر أوصف ليك البت الراحت فى جواى فتشتها صوب يمرقنى من الأحزان...
بس هى عجيبه ياااخ قدر كيف ...! ما عارف...
وأحسن أكون ما عارف عشان أحاول أوصفها مرات ومرات...
حاجه أخيره..
لك فى البال مساحه بقدر الحدود الفاصله بين اليابسه والماء
| |
|
|
|
|
|
|
|