|
|
 .. الزول ده داير فرمتة !!
|
الريح ده زول قلبوابيااااااااض
لكن مشكلتو بيلفح الكلام من اى حتة طرفو نصو المهم
يحكحك ليك راسو كده ويقول ليك اااااى بعرفوا مش ده
ود عمك الصول البيتم فاتح فى المنتزهة
والريح بخش توش بدون تفكير .. وما فارقة معاهو وبعداك
لمن تفرملوا يحلف يقول ليك ود الصول زاتو عمل العملية دى
والناس القاعدين كان ضحكوا ولا سكتو برضو الريح
مافارقة معاهو بلف وبجيك راجع
بعدين الريح من النوع البقول يوم الاربحا والسليما وبلخبط فى الاسماء
مرة اولاد الحلة قاعدين فى ناصية الشارع جا زول ماشى وسال
ياجماعة فى زول ساكن فى الحتة اسمو خوجلى محمد على
الريح كالعادة لفح الكلام من نصو وهجم ليك الزول اسمع مرتو
اسما خجيجة
زولنا فتح خشمو وحكا راسو وقال فى الحقيقة انا ما بعرف
اسرتو لانو انا جايب ليهو وصية بس
ابو الريح فراملو مجلية طبعا قام قال اااااى ياهم ناس خجيجة
لف يمبن وامشى لحدى اخر الشارع حتلقى بيتم فى النص
فاتح على بيت ناس تليس اسمع بابم اخدر مصدى كده
الريح مابدى زول فرصة طبعا وبشوت ومحل ما ترك ترك
الزول ده داير فرمته
فورماتو منتهية ... والزيو كتار ما لاقوكم !!
|
|
 
|
|
|
|
|
|
|
|
Re: .. الزول ده داير فرمتة !! (Re: عامر تيتاوى)
|
تيتاوي يا لذيذ يوم بتموت ليك زول..
زي زولك ده كثار وخاشين لفت وبعد مرات رايت
ودائما الواحد بكون ما مركز والعجب لو بداء ليك قصة
زي صاحبنا بتاع الغزالة السلخوها وعلقوها وقصتو انقطعت
| |
|
|
|
|
|
|
|
|
|
Re: .. الزول ده داير فرمتة !! (Re: عبدالكريم الامين احمد)
|
كريم ياصاحب
| Quote: زي صاحبنا بتاع الغزالة السلخوها وعلقوها وقصتو انقطعت |
طبعا صاحبنا بتاع الغزالة خارجو الصباح لكين ابو الريح ماعندو كيرى ميرى
بشوت لفت رايت مرة كان فى واحد صاحب اولاد الحلة زمالة مدارس وكده والراجل
قاعد فى جنيف وجا اجازة وقام بزيارة لاصحابو فى الحلة
بعد ما مشى صاحبنا بتاع جنيف قام واحد قال والله زولكم ده قندف بشكل شنو
قاعد كده وخالف رجلو وبتكلم من طرف نخرتو شنو يعنى قاعد فى جنيف
طوالى الريح لفح الكلام.. شنو يعنى ساكن فى الجريف والله نحنا رحلات بقينا
مابنمشيها عامل لينا عشرة بقرش .. البحر زاتو خليناهو
| |
|
|
|
|
|
|
|
|
|
Re: .. الزول ده داير فرمتة !! (Re: عامر تيتاوى)
|
والريح من النوع البتخونو التقديرات يعنى ممكن
يقول ليك والله الحفلة امبارح كان فيها زى الف نفر كده
وفى الحالة دى الحفلة ممكن تكون فى حوش البيت
مرة الشباب قاعدين فى الحلة
جا ليك ابوالريح نازل من الحافلة ونفسو قايم
والله جماعة جنس شى فى الخرطوم اييييييك
وببصوت واحد قالوا ليهو الحاصل شنو
قال يازول مظاهرات تقيلة هناك فى السوق العربى
ناس كتاااااااار خلاص شفتو حتة المستشفى دييك كلها مليانة
وبجاى جمب معمل امساك
يعنى قاصد معمل استاك
واحد من الجماعة قال براحة ياشباب انسوا تلقاهم راجين المواصلات
الريح يجنن
| |
|
|
|
|
|
|
|
|
|
Re: .. الزول ده داير فرمتة !! (Re: عامر تيتاوى)
|
وبما انو اخونا الريح قلبو ابيااااااااض
فقد كان يكاوى بنات الحلة ويقول للواحدة فيهن
انتى متين يعرسوك وتفرتقى من الحلة دى
عملتى لينا وجع وش
انتى دفعة حبوبتى ياخ .. ولا اقول ليك انتى
القطر فاتك.. بطيارة تانى ما بتحصلى وعنستى تانى الدايرك منو
بعد ده الا يدقوا فوقك جرس
يقول كده ويضحاااااااااك
| |
|
|
|
|
|
|
|
|
 Re: .. الزول ده داير فرمتة !! (Re: عامر تيتاوى)
|
Quote: وبما انو اخونا الريح قلبو ابيااااااااض
فقد كان يكاوى بنات الحلة ويقول للواحدة فيهن
انتى متين يعرسوك وتفرتقى من الحلة دى
عملتى لينا وجع وش
انتى دفعة حبوبتى ياخ .. ولا اقول ليك انتى
القطر فاتك.. بطيارة تانى ما بتحصلى وعنستى تانى الدايرك منو
بعد ده الا يدقوا فوقك جرس
يقول كده ويضحاااااااااك |
الريح عجيب ياخي ومنو جفلة
قلت لي كره الجكس الحلة ذاتها
| |
|
|
|
|
|
|
|
|
|
Re: .. الزول ده داير فرمتة !! (Re: عبدالكريم الامين احمد)
|
كريم ياصاحبى .. طبعا صاحبنا بقول الكلام وما قايلو فيهو
حاجة يعنى بهظر وكده وبضحك البنوت هو ماقايل الكلام
ده برفع درجة الاستعداد للون البرتغالى وبجنن ....
واظرف مافيهو انو مرات اثناء الونسة بدقس كده ولما يفوق
بدق الخلف طوالى ويبدا يسال الزول البتكلم فى اى موضوع
اها بعد داك عمل شنو بلاهى وخلاهم ايواااا. بلاهى
وبعد كده براهو ودون ما الزول يجاوب عليهو يقول كانو
الموضوع هاميهو شديد
.ده منو ده !!
| |
|
|
|
|
|
|
|
|
|
Re: .. الزول ده داير فرمتة !! (Re: عامر تيتاوى)
|
| Quote: تيتا والله كنت بقراء في موضوع الطريفي في أرشفت الرأي العام من يوميات جبرا جيت بجاي لقيت البوست ده وتعليق صديق ياهو ذااااااااااااتو واصل ياغالي روعة بس!!!! |
العزيز أبو قصي تحياتي وأشواقي
تعرف الظاهر أسم الطريفي ده عامل مشاكل كتيرة
"فالطريفي دااااااااااااك" شخص آخر (وعلى فكرة شخصية حقيقة من لحم ودم) لا علاقة له بالطريفي الوارد في أرشيف الكاتب الساخر الفاتح جبرا
ولك التحية يا مجدي
| |
|
|
|
|
|
|
|
|
|
Re: .. الزول ده داير فرمتة !! (Re: صديق حمدتو)
|
الأخ صديق أبورهف
والله فعلا الطريفي بقي لي أسم حركي
وياسيدي تحايانا لطريفيك ودي في
حد ذاته طرفه وجابت لي صديق عشان
أطايبوا وقالوا لي رهف كبرت وبقت
مشاغبه والله أشواق لا توصف وأن شاءالله
بجيكم قريب مع أمنياتي للأم رهف ورهف
نشكر لكم التوضيح مع حبي أبوقصي.
| |
|
|
|
|
|
|
|
|
|
Re: .. الزول ده داير فرمتة !! (Re: ناصر جبريل)
|
معاذ
| Quote: معقول الخواجات ديل لا هسي ما (سوولنا) طريقة تفرمت الروسين!! |
طبعا يامعاذ زولنا ده الخواجات ديل مابقدروا عليهو والفرمتة حقتم ما بتمشى فيهو
لانو الريح فورماتوالقديمة مشمشة ..
ممكن يعملوا ليهو غسيل مخ (brain wash
| |
|
|
|
|
|
|
|
|
|
Re: .. الزول ده داير فرمتة !! (Re: عامر تيتاوى)
|
غايتو انا بعرف واحد ضاربو فايروس خطير اسمو مزمل ابوالقاسم .. دة مش عايز فورمات ... دة لازم يتعمل ليهو عملية بارتشن fdisk لاعادة تجزئة وتقسيم القرص
انا غايتو ما بقول اسمو ..
وهل يخفي القمر فى سماهو
ابدا لا
ابدا لا
شفناهو شفناهو
| |
|
|
|
|
|
|
|
|
|
Re: .. الزول ده داير فرمتة !! (Re: عامر تيتاوى)
|
Quote: زى ماقال ليك ابورهف الغالى صديق حمدتو ( طريفينا ) دااااااااااك شحم ولحم وشخصية حقيقية
وبنزينو فل من هنا للكلاكلة |
عامر تيتاوي - أضحك الله سنك ياخي والله طريتني زمن جميل خلااااص
قلت لي (full) !!!! دي كلها محن الفاضل الله يجازيه كان فوت علينا صلاة العيد زاتها!!!
عامر راجع الماسنجر
| |
|
|
|
|
|
|
|
|
|
Re: .. الزول ده داير فرمتة !! (Re: صديق حمدتو)
|
والجماعة الدايرين فرمتة كتار فى الدنيا دى
مرة واحد ( ريحاوى ) بتفرج فى الكورة وقاعد
جنبو واحد اسمو جميل وكانت الكورة فى
ستاد التحرير والحكم كان اسمو عباس جميل وكان
متحامل على فريق زولنا ده وبعدين صاحبنا قعد
يتحكحك ويتململ وداير يسب الحكم وما قادر وبعد
فترة قام جميل كورك وقال ياخ ما تحكم زى الناس
بس صاحبنا اتلفت لجميل وقال ليهو انتا الحكم
ده ماقريبك قال ليهو لا ماقريبى وطوالى زولنا
فتح سب شديد للحكم وقال طيب ما تكلمنا من قبيل
اتاريهو كان قايل الحكم قريب جميل لانو اسمو
عباس جميل وخايف ينبذوا يقوم جميل يزعل
صديقوف
ياربى زولنا ده ماجا المسطبة ليه
بعد كده مافى زول يعشم يقابلوا .. فراق الطريفى
داااااااااااااك لجملوا كان دى اعذارو
| |
|
|
|
|
|
|
| |
عامر تيتاوى
عبدالكريم الامين احمد
صديق حمدتو
مجدي عبدالرحيم فضل
معاذ حسن
ناصر جبريل
sheba
فيس بوك
تويتر
انستقرام
يوتيوب
بنتيريست