أدهشنى السودان حد الثمالة

Quote: كل شىء أدهشنى ، طيبة الناس وجمالهم وتسامحهم ومستوى فهمهم وبالذات الشباب ، فقد أصبحوا على درجة من الوعى كاملة ، الحفلات منظمة ومنضبطة ، ولم تكن كالحفلات التى نحضرها فى الماضى حيث السكارى والكراسى المتطايرة والشجار ، هذا النوع من الحفلات لا وجود له اليوم فى الخرطوم ، أدهشنى تعايش الناس فى سلام ، أدهشنى توفر السلع ، أدهشنى عدم قطع الكهرباء بتاتا ، أدهشنى مستوى النظافة فى الشوارع والبيوت ، أدهشنى المعمار ، أدهشنى جمال الناس ، كل الناس ، أدهشنى الأمن والأمان فلا حرامية تنط البيوت ولا سرقات ولا سرقة عربات كما كنا نشهد فى الماضى أدهشتنى الإجراءات فى المغتربين وسلآستها وسهولتها ، وفرحتى لا توصف بإلغاء الضريبة والزكاة أدهشنى المطار ، فى الإستقبال وفى الوداع ، فالمطار عنوان البلد وصار يضاهى مطارات العالم فى إجراءاته الحديثة والمواكبة ولكن أحزننى الغلاء ، فى المواصلات وفى المطعم والمشرب ، ورغم ذلك لم يكن هنالك تضجر ، ولم الحظ عاطلين عن العمل ، فالكل يعمل بجد وإجتهاد

Quote: أدهشنى عدم قطع الكهرباء بتاتا ، أدهشنى مستوى النظافة فى الشوارع والبيوت ، أدهشنى المعمار ،

Quote: لعم الحبيب هشام اولا الف حمدلله على سلامتك لى جدة وفاتتك كميه كتيرة من الامطار وخاصة مطر يوم الخميس المهم ياعم هشام ياتو سودان دا الادهشك ياعمى كدة دقيقة واحدة واحدة الحفلات التتكلم عنها دا فى زمتك زمان حفلاتكم ديك ماحليل ايامه الليلة اقل ايجار قاعة 3مليون جنية وين تسامح الناس وين طبيتهم ياعمى انت تتكلم عن ياتو سودان السودان بتاعنا دا والله انعدمت الاخلاق وانعدم تعامل الناس مع بعضهم البعض Quote: أدهشنى عدم قطع الكهرباء بتاتا ، أدهشنى مستوى النظافة فى الشوارع والبيوت ، أدهشنى المعمار ، الكهرباء بنشتريها بقروشنا واية رايك امس الليل كلو الكهرباء قاطعة اى نظافة دا حسع ياعم والله الشوارع الان الان الان تكره المشى فيها كمية من الوسخ والباعوض والماء المتراكم يحيرك السوق العربى وسط المدينة لاتقدر ان تمشى فيه ياخى انا يوم السبت الجايك فيهو فى الجريف ماشى فى ساعتين لعدم نظام المرولا المعمار بتاع العمارات الواقعة دا Quote: أدهشتنى الإجراءات فى المغتربين وسلآستها وسهولتها ، وفرحتى لا توصف بإلغاء الضريبة والزكاة ياعم هشام سبحان الله نحنا ضيعنا يوم كامل فى المغتربين اى مغتربين دا تتكلم عنها ياعمى ياعم هشام بتين دا حصل ولا حيحصل بتاع الغاء الضريبة Quote: أدهشنى المطار ، فى الإستقبال ياتو مطار دا العفش البجى بعد ماروحك تطلع دا ولا واحد تانى Quote: ورغم ذلك لم يكن هنالك تضجر ، ولم الحظ عاطلين عن العمل ياعمى براحا علينا والله العظيم الشعب يضجر من غلاء المعيشة والله الناس كرهت حياتهم وين دا مافى عطالة دا السودان بتاعنا دا ياعم هشام براحة علينا معليش اكون سخيف الان معاك لكن دا الحقائق انت تتكلم عن سودان تانى ماسودان الرئيسو البشير وعاصمتو الخرطوم

Quote: ولم تكن كالحفلات التى نحضرها فى الماضى حيث السكارى والكراسى المتطايرة والشجار ، هذا النوع من الحفلات لا وجود له اليوم فى الخرطوم

Quote: لا والله خلينى أقول ليك حاجة ، صالة كزام يوم السبت الماضى كانت مؤجرة لزفاف بنت خالى بمبلغ وقدره 18 مليون جنيه وهو ما يعادل 36 ألف ريال ، يعنى حوالى 10 ألف دولار. بس دى مسالة بتاعت إمكانيات ، والقادر اللى يسوى ، لأنو فى نفس اليوم كان فى زواج قريب من بيتنا وبالبلح فقط. إذن دى شغلة نسبية ولا يعتد بها.