|
|
 الأهلى المصرى يسعى للتعاقد مع .. مدرب الهلال !
|
رباطابى قاعد فى القطر قااااشر .. عمه , وجلابية , وملفحة , ومركوب , وبسطونة ..
قاعدة جنبو مرا عجوز طلعت جواب من قفتا.. وقالت للرباطابى " عليك الله يا ولدى أقرا لى الجواب دا ".
الرباطابى زهجان .. قال للمرا العجوز " ماااا بعرف أقرا يا خالة .." .
المرا عاينت للرباطابى مستغربة , " بالله بيه عمتك الكبيرة دى يا ولدى .. وما بتعرف تقرا ؟؟" .
الرباطابى وقف على حيلو , وطلًع العمة وختاها للمرا العجوز فى راسا.. " أها يا حاجة .. أقرى أنتى " .
|
|
 
|
|
|
|
|
|
|
|
Re: الأهلى المصرى يسعى للتعاقد مع .. مدرب الهلال ! (Re: Dr Mahdi Mohammed Kheir)
|
إتذكرت النكتة دى , وأنا بستمع لبرنامج رياضى فى القناة المصرية مساء اليوم , يتحدث فيه بعض المحللين الرياضيين عن تدنى مستوى النادى الأهلى المصرى فى آخر ثلاثة مباريات خاضها, وأن أثنين من لعيبته كانا ينويان السفر والإحتراف فى نادى (مدلسبرة) الإنجليزى , سيوقف نادى الأهلى سفرهما , خصوصا وأن لاعبه الأساسى أبو تريكة .. مصاب .
المهم , فى نهاية التحليل الرياضى , صرح أحد هؤلاء المحللين بأن هناك محاولة جادة من أدارة النادى الأهلى للتعاقد مع مدرب الهلال ريكاردو .
وضحكت طويلا ... الظاهر أن الأهلى , وكما يقول أهلنا فى الغرب , راح ليهو الدرب فى الموية .
فهل هناك ندرة فى مدربى كرة القدم فى العالم .. الى الحد الذى يسعى فيه فريق الأهلى المصرى الى التعاقد مع مدرب الهلال دون غيره ؟؟
أم إنها هذه الهزيمة المرة .. التى زلزلت كل كيان الشعب المصرى (الشقيق) , وتحولت الى لعبة تعدت السياسة نفسها ؟؟
| |
|
|
|
|
|
|
|
|
|
Re: الأهلى المصرى يسعى للتعاقد مع .. مدرب الهلال ! (Re: Tragie Mustafa)
|
| Quote: وليست مستورده اها يجيبوا ليهم اولاد بمبه ديل قلوب اسود من وين؟؟؟ |
تيت تيت تراجى حديد
انا وجدت الحل بشترو لعيبة مننا
هو السد العالى كان من اندنا
وقرن شطة كان من اندنا
د.مهدى ناسك ديل كانو معتقدين حتى برشلونة ما بهزمهم
برشلونة غلبهم اربعة اتين منهم دخلو كبرى من تحت الحضرى
سمعت النكتة دى
زملكاوى حلف طلاق
قال على الهلال بالتلاتة
قالو سالو الحضرى هل شفت صاروخ كرنقو المنطلق من اسوان
هههههها ههههها
| |
|
|
|
|
|
|
|
|
|
Re: الأهلى المصرى يسعى للتعاقد مع .. مدرب الهلال ! (Re: abuguta)
|
الأخ العزيز أبوقوتة
تحياتى الطيبة
أكثر ما يميز الرياضة , ودا المفترض طبعا , هو تلك الروح السمحة التى يجب أن تسود بين المتنافسين فى ضروبها المختلفة . والتى لا يمكن لها أن تخرج عن دائرة المناكفة أو المشاغبة اللطيفة , أو الروح الفكاهية المرحة .
ولكن أن تتحول هذه الروح الرياضية الى إساءات تطال الشعوب والأوطان , وعلى موال ما رأيناه فى نقاشات المصريين والسودانيين على قناة العربية مثلا . والتى ما أستحى فيها الطرفان من إستخدام كافة النعوت المهينة والمذلة لبعضهما البعض , على شاكلة "عبيد العرب , الخدم والبوابين .. والسود جدا" , أو من الطرف الأخر " هز الوسط , ورقصنى يا جدع " .. الى آخر هذه النعوت . فهذا ما لا يمكن أن يقال عنه على الإطلاق .. روح رياضية أو حتى تنافس شريف . بل يظل مثل هذا الكلام يبنى ويتراكم فى النفوس , ويزيد فى العداوات .. حتى تسيل بعده الدماء .
وحينها, تكون الرياضة وروحها قد تحولتا .. الى مأساة حقيقية .
شكرى الجزيل
| |
|
|
|
|
|
|
|
|
|
Re: الأهلى المصرى يسعى للتعاقد مع .. مدرب الهلال ! (Re: Tragie Mustafa)
|
الأخت العزيزة تراجى ..
بعض المصريين لسه مُصرين أنو الشعب السودانى دا .. لا يمكن يكون ند , وند قوى , ليهم .
ولسه ما عارفين , أنو الشعب السودانى دا , وبي طيبتو الواصلة درجة العبط دى , ممكن يتسيد القارة الأفريقية .. علما وفنا .. ورياضة .
ولو نظر هؤلاء , نظرة متأنية .. وبقليل من التجرد , الى ما يعانى منه الشعب السودانى من محن وحروب ودمار .. وتشرد , ثم بعد كل هذا , يتماسك أبناؤه ويخوضون هذه المباريات الرياضية .. وينتصرون فيها على فرق قوية وعريقة مثل الأهلى , لعرفوا أن هذا الشعب .. لا يمكن هزيمته أبدا .
والظاهر أنو الجماعة ديل لا يزالوا فى حوجة الى المزيد من مثل هذه الدروس .. حتى يبدأوا فى معرفة السودان والسودانيين .. معرفة حقيقية .
ألف شكر على المرور
| |
|
|
|
|
|
|
|
|
|
Re: الأهلى المصرى يسعى للتعاقد مع .. مدرب الهلال ! (Re: Dr Mahdi Mohammed Kheir)
|
Quote: غيتو بالغته فيها عيدل يا د.مهدي
دي فاتت عمة الرباطابي
Quote: الأهلى المصرى يسعى للتعاقد مع .. مدرب الهلال !
يازول قول له ريكاردوا ده بجيب فنيات ومهارت لكن قلوب الاسود دي صناعه سودانيه
وليست مستورده اها يجيبوا ليهم اولاد بمبه ديل قلوب اسود من وين؟؟؟
|
تراجي ما قصرتي عديل كده.
ده الكلام.
د. مهدي
لك الشكر
شول اشوانق
______________
فرانكلي ما شاف البوست ده ولا شنو؟؟؟!!!
| |
|
|
|
|
|
|
| |
Dr Mahdi Mohammed Kheir
Tragie Mustafa
abuguta
شول اشوانق دينق
فيس بوك
تويتر
انستقرام
يوتيوب
بنتيريست