|
|
 يا بريمه في ... (27 اغسطس).... قمرين من زمان اناروا سماء حياتي!!
|
وجدت الاخ بريمه يكتب عن شيئ نادر الحدوث
وهو قمرين في يوم 27 اغسطس.....
واندهشت..لانه يوم يحمل لي الكثير على مستوى شخصي....
فقد رزقني الله على التوالي بأبنائي حازم وسند في يوم 27 اغسطس!!
لذا يلفت هذا التاريخ نظري دوما....
فسبحان الله انه يعني الكثير على مستوى عالمي.
احبتي حازم وسند
يا مدخلي الفرح الاصيل و الحقيقي لحياتي
فليباركم الله...وليجعل منكم ارقام على مستوى العالم للعطاء الانساني.
ولتحملوا الفرح للانسانيه جمعاء كما حملتموه لحياتي....
كل عام وانتم بخير....باكرا اقولها هذا العام.
وليحفظ الله ابناء الجميع ,ويرزق من لم يتزوج من رفاق منبرنا وقرائه
الرفقاء المخلصين...ويرزق بقية المتزوجين صبيان وبنات حلوين.....
وكمان امكم الغلابنه دي الماعندها بنيات..يوفقكم ويديك زوجات صالحات
يبقوا ليها بنيات.
وما يغنوا ليها الاغني اياها الجابتها اختنا ام وضاح
عن ام العريس العايزين بنيات الزمن الصعب ده يلحقوها امات طه.
اها يا بريمه
عشان بس تعترف اتحداك لو في عضو منبر آخر هنا عنده طفلين في نفس يوم الميلاد
عشان تعرفنا متخصصين للمهمات الصعبه
|
|
 
|
|
|
|
|
|
|
|
Re: يا بريمه في ... (27 اغسطس).... قمرين من زمان اناروا سماء حياتي!! (Re: omar altom)
|
شكرا اخي عمر التوم
Quote:
تراجي
اوعك تغشي الشفع ديل وتعملي ليهم عيد ميلاد واحد بحجة الولادة في نفس اليوم!!!
لازم تعملي عيد ميلادين اتنين واحد بالصباح بي توقيت الخرطوم والتاني بالليل بي توقيت كندا......!!
ما اجمل الاطفال ياتراجي,,,,,,,, ربنا يخليهم ليك ويملوا حياتك بهجة وافراح....
عمر |
ويا اخوي يغشوا منو؟؟؟؟شفع الزمن ديل بتغشوا؟؟؟
لكن وحياة خوتك نفس ساعة الميلاد ايضا اها تقول شنو؟؟؟
وحاتك ما عندي اي مروه ولا امكانيات لاعياد ميلاد ولا غيره.....مساكين
ناكلهم حنك وبس.
فعلا الاطفال ما اجملهم اخي وزي ما قال التاج مكي زمان
ياربي ما تحرم بيت من الاطفال.وشكرا لدعواتك الطيبه ويخيلي ليك وليداتك
وكان ما معرس يعرس لك ويرزقك بيهم.تسلم ياخوي.
| |
|
|
|
|
|
|
|
|
|
Re: يا بريمه في ... (27 اغسطس).... قمرين من زمان اناروا سماء حياتي!! (Re: Tragie Mustafa)
|
الأخت تراجي
أقر الله عينك بحازم و سند و مد في عمرك لتشهدي أفراحهما. الأطفال هذه الكائنات التي تجعل للحياة طعما مختلفا أجدني أضعف ما أكون أمامها. بالمناسبة أنا أقبل التحدي فطفلي فاطمة و علي لهما نفس يوم الميلاد...
المشكلة بس كمان نفس سنة الميلاد.
فعلا توافق عجيب انو يكون عندهم نفس يوم الميلاد في سنوات مختلفة. لكن أذكر انو في واحد كتب في البورد عن حاجة شبيهة و أعتقد أكتر من طفلين كمان.
| |
|
|
|
|
|
|
|
|
|
Re: يا بريمه في ... (27 اغسطس).... قمرين من زمان اناروا سماء حياتي!! (Re: Elawad)
|
تراجى
Happy Birth Day لسند وحازم
وبعدين 80% من الشعب السودانى مواليد يوم واحد .. معروف!
أقول ليك: حارث إبنى وخاله أخو أمه مولودين فى تأريخ واحد وربما فارق ساعات فقط
عاصم وعيد إستقلال أمريكا فى يوم واحد يعنى كل سنه غاشيه ب "الفير-ورك"
وعامر (آمر) .. البين قوسين دا إسمى ليه وخارج القوس الأهل .. يقع تأريخ ميلادة يوم Columbus Day
لاحظتى أنا مرتاح من أعياد الميلاد!
بريمة
| |
|
|
|
|
|
|
|
|
|
Re: يا بريمه في ... (27 اغسطس).... قمرين من زمان اناروا سماء حياتي!! (Re: Elawad)
|
الاخ العوض
شكرا لمروك اخي
Quote: الأخت تراجي
أقر الله عينك بحازم و سند و مد في عمرك لتشهدي أفراحهما. الأطفال هذه الكائنات التي تجعل للحياة طعما مختلفا أجدني أضعف ما أكون أمامها. |
واقر عينيك بزريتك اخي وجعلهم من الصالحين.
وفعلا ما اضعفنا امامهم.
| Quote: بالمناسبة أنا أقبل التحدي فطفلي فاطمة و علي لهما نفس يوم الميلاد... |
| Quote: المشكلة بس كمان نفس سنة الميلاد. |
بطل استهبال يا العوض تقصد توأم يعني؟؟؟
كيف فاطمه وعلي لهم نفس يوم الميلاد وسنة الميلاد؟؟؟
اها ان بينهما ثلاث سنوات بالتمام و الكمال!!
| Quote: فعلا توافق عجيب انو يكون عندهم نفس يوم الميلاد في سنوات مختلفة. |
شفت الشغل المميز ده ما قلنا لكم نحن بتوع مهمات مستحيله؟؟
| Quote: لكن أذكر انو في واحد كتب في البورد عن حاجة شبيهة و أعتقد أكتر من طفلين كمان. |
لا ما معقول ده؟؟ده بالغ عديل كده.
| |
|
|
|
|
|
|
|
|
|
Re: يا بريمه في ... (27 اغسطس).... قمرين من زمان اناروا سماء حياتي!! (Re: عدلان أحمد عبدالعزيز)
|
شكرا عدلان على المرور
وكل عام وابنائكم جميعا بخير
وابنتنا مروه عدلان بخير.
Quote:
عيد ميلاد سعيد ل حازم وسند وعقبال تفرحي بي جنا جناهم..
أيضاً عيد ميلاد سعيد لإبنتي الشاعرة الصغيرة مروة: من أشعار مروة عدلان! التي يصادف عيد ميلادها السابع والعشرين من أغسطس.
|
شفته يا عدلان قبل الوالد طوالي اول ما لمحته التاريخ قلبك فر اكيد.
تحياتي لموره واخوتها .
Quote: أما بخصوص الأشقاء الذين يصادف أن يتطابق يوم ميلادهم، نتذكر (حسام وأحمد) أبناء الراحل المقيم الخاتم عدلان، فعيد ميلادهم يقع في نفس اليوم من السنة.
وربي ما تحرم بيت من الأطفال،
لكم الود.
عدلان. |
اها شفته يا عدلان
دي مهمات صعبه خلاص ما بقوموا بيها الا العظماء من امثال الخاتم عدلان له الرحمه.
تحياتي لك وبلغ مروه دعواتنا لها بسنوات عديده مليانه صحه وعافيه ونجاحات.
| |
|
|
|
|
|
|
|
|
|
Re: يا بريمه في ... (27 اغسطس).... قمرين من زمان اناروا سماء حياتي!! (Re: حواء سليمان ابراهيم)
|
الحبيبه حواء سليمان
احسن الله عزائك والشالها من قدام عيونك يشيلها من قبلك قولي آمين.
Quote:
ان شاء الله عيد ميلاد سعيد وعمر مديد
للغالين حازم وسند وكل سنه وانتى
سعيدة وفرحانة بيهم
انا برضو يا تراجى عندى اتنين
فى نفس اليوم والشهر 12/17 ، بس بنت وولد
وسبحان الله نفس حالة الطقس مطر وبرد.
مجددا عيد ميلاد سعيد
|
يا زوله!!
طلعتي برضك من بتوع المهمات الماسهله
شغل نضيف يا حواء
اهو كومنا بيكبر وحياتك.
كوني بخير.
وشكرا لمروك.
| |
|
|
|
|
|
|
|
|
|
Re: يا بريمه في ... (27 اغسطس).... قمرين من زمان اناروا سماء حياتي!! (Re: حسن الطيب يس)
|
حسن الطيب سلامات
لكن ما بالغتوا في دي؟؟
Quote: الاخ بريمه
الست تراجي
أولا عاوزك تمسكي الخشب لزوم العين في الكلام
الحأقوله
انا عندي ولدين الطيب و حسام الدين مولودين
في يوم واحد 16 أبريل م انا تزوجت في نفس التاريخ
16 أبريل و زوجتي ولدت في نفس التاريخ
يعني يا تراجي في يوم 16 أبريل من كل سنة نحنا بنعمل عفلة
و ده يوم السعد عندي
شنو رأيك؟
حيرتك |
وكل 16 ابريل وانت بخير.
لك الود وربنا يبارك ايامكم.
| |
|
|
|
|
|
|
|
|
|
Re: يا بريمه في ... (27 اغسطس).... قمرين من زمان اناروا سماء حياتي!! (Re: saadeldin abdelrahman)
|
شكرا لكل الاحبه الذين مروا من هنا
والشباب اليوم طبعا واقفين لمبه وقالوا كل اليوم ده حقهم
ويا مام اوع تقولي لينا دارفور ولا السودان
اليوم حازم وسند بس
اخا خليت لكم دارفور و السودان امانه في رقاباكم
مبارك الفاضل يا عيني عليه البطرش دم؟؟
والهبانيه في برام الفتحوا عليهم النار
ود.محمدين المعتقل بسجون الجبهه وشيبه ضرار ابن الشرق
المعتقل لرفضه لاتفاقية اسمرا!!
ولاجئي السودان المصلوبين على اسلاك الحدود بين مصر واسرائيل!!
واحزان كثيره بغيب عنها وهي معاي
فتكم بعافيه وكل عام ووليداتكم بخير.
| |
|
|
|
|
|
|
| |
Tragie Mustafa
omar altom
Elawad
Biraima M Adam
shahto
عبدالغني بريش فيوف
حواء سليمان ابراهيم
Kostawi
قاسم المهداوى
Talb Tyeer
حيدر حسن ميرغني
الصادق خليفة
Mohamed Suleiman
ريهان الريح الشاذلي
إسماعيل وراق
saadeldin abdelrahman
عمار يس النور
محمدين محمد اسحق
أسامة خلف الله مصطفى
علاء الدين حيموره
مكي ابراهيم مكي
tmbis
Tumadir
فيس بوك
تويتر
انستقرام
يوتيوب
بنتيريست