|
|
 لماذا كل هذا الحقد على الهلال ياأساسي؟؟؟
|
سؤال حيرني وها انا اطرحه مباشرة للسيد أساسي للإجابة عليه ؟؟؟
لماذا كل هذا الحقد على الهلال ياأساسي ؟؟؟
أعرف أننا نشجع الكورة ونتمنى فوز فريقنا ودوما ما يكون النقاش حادا بيني وأصدقائي لكني ما تمنيت قط الهزيمة للمريخ خارجيا الا بعد أن عرفت كتابات السماني أساسي فهل من إجابة شافية يااساسي ؟؟؟
نقول مبرووووووووووووووووووووووووك للهلال وجمهوره الكبير ونتمنى للمريخ الترقي.
...................................................حجر
|
|
 
|
|
|
|
|
|
|
|
Re: لماذا كل هذا الحقد على الهلال ياأساسي؟؟؟ (Re: الرفاعي عبدالعاطي حجر)
|
انت فقط الوحيد من كثير من الهلالاب الحاقدين على المريخ
ولتعلم ناس الهلال هم دائما البادئين بالحقد والكراهية من زمن مباراة البيرة الكينى
يوم نورتوا استادكم فرحة بهزيمة البيرة للمريخ .هذا بخلاف الحاقدين وقليلى الادب فى هذا الموقع
الذين يسئون دوما للمريخ ادراة وجماهير ولاعبين وراجع معاك البورد .
المهم الف مبروك لك انت على روحك الطيبة ولا تهنئة لقليلى الادب وعديمى الذوق .
| |
|
|
|
|
|
|
|
|
|
Re: لماذا كل هذا الحقد على الهلال ياأساسي؟؟؟ (Re: الرفاعي عبدالعاطي حجر)
|
انا مستغرب جدا انك بتجيب عناوين وما بتقرأ فيها جوة شنو ولا قريت الجوة وما فهمتو
مثلا انا كتبت البوست مبروك للمريخ فوز شقيقه الاصغر
ودا الكلام الجواهو
بقلوب مطمئنة مفعمة بحب الوطن و السودان نتضرع للمولي عز وجل ان ينصر فريق الهلال السوداني في مباراته المهمة مساء اليوم مع فريق الاهلي المصري .
وكعادتنا دائما اثرنا اعصاب اشقائنا (( الرشاشات )) من اجل اذكاء متعة كرة القدم وجعل سقف المنافسة في اشدها وذلك بشحذ الهمم ورفع الروح المعنوية في اعلي مستوياتها وذلك باتباع اسلوب التحدي والمناكفة الكروية المعروفة .
اتمني ان يكون الهلال علي مستوي الحدث فالشعب السوداني جميعه مشحون هذا اليوم بهذه المباراة التي تعتبر بطولة في حد ذاتها , نريد من لعيبة الهلال رد اعتبار السودان والهلال وذلك بسحقهم للفريق المصري .
الشعب السوداني مشحون علي اعصابه انتظارا لهذا اليوم منذ اشهر بعد المباراة التي لعبها الهلال في مصر والتي انتهت باحداث مؤسفة تعرضت لها بعثة الهلال في مصر
ومعا نقول هلالنا فوق سودانا فوق مريخنا في الثريا
ـــــــــــــ
كدي اقراهو تاني وريني رايك شنو اولا في البوست الانت فاتحو دا
| |
|
|
|
|
|
|
|
|
|
Re: لماذا كل هذا الحقد على الهلال ياأساسي؟؟؟ (Re: humida)
|
Quote: بقلوب مطمئنة مفعمة بحب الوطن و السودان نتضرع للمولي عز وجل ان ينصر فريق الهلال السوداني في مباراته المهمة مساء اليوم مع فريق الاهلي المصري .
وكعادتنا دائما اثرنا اعصاب اشقائنا (( الرشاشات )) من اجل اذكاء متعة كرة القدم وجعل سقف المنافسة في اشدها وذلك بشحذ الهمم ورفع الروح المعنوية في اعلي مستوياتها وذلك باتباع اسلوب التحدي والمناكفة الكروية المعروفة .
اتمني ان يكون الهلال علي مستوي الحدث فالشعب السوداني جميعه مشحون هذا اليوم بهذه المباراة التي تعتبر بطولة في حد ذاتها , نريد من لعيبة الهلال رد اعتبار السودان والهلال وذلك بسحقهم للفريق المصري .
الشعب السوداني مشحون علي اعصابه انتظارا لهذا اليوم منذ اشهر بعد المباراة التي لعبها الهلال في مصر والتي انتهت باحداث مؤسفة تعرضت لها بعثة الهلال في مصر
ومعا نقول هلالنا فوق سودانا فوق مريخنا في الثريا |
أساسي
بدون ما تقول ... عارفين الفي نفسك
وظاهر من اسلوبك ... والله لم يخطر على بالي
سوى أنك تريد أن تزيد من هذه المتعة التشجيعية
وتضفي عليها نكهة التحدي والمشاغلة .. ليس أنت فقط
ولكن كثير من الزملاء سوى من الهلال أو المريخ .. ويعلم
الله كيف تكون مشاعرنا عندما يخوض أي فريق سوداني مباراة
دولية ..
أمنياتنا للهلال والمريخ بدوام الأنتصارات
| |
|
|
|
|
|
|
|
|
|
Re: لماذا كل هذا الحقد على الهلال ياأساسي؟؟؟ (Re: الرفاعي عبدالعاطي حجر)
|
إزيكم يا حلوين
زى ما قال ليكم أخونا ولياب
أنا أقول ليكم
أساسى ده زول سمح جدا وطيب جدا جدا ومسالم جدا جدا جدا
ما تشوفو الكعوبية دى
كعوبية فشنك وبيش
طبعا النتائج أو الخلاصات دى
جات من خلال التجربة عمليا
يعنى ما اسفيريا ولا سقريا ولا سِفريا
شوف العين وضواقة الروح
لكين اصلن أولاد الخرطوم "شتر" فى أى شى
وأى شى يسوهو بحاولو يكونو فيهو بيرفكت
إمعانا فى التجويد
وطبعا ده نوع من الشدة واللضة
عشان كده بزالفو
والله الزول ده غاشيكم
وهسه تلقاهو يضحك عليكم
والله جد
| |
|
|
|
|
|
|
|
|
|
Re: لماذا كل هذا الحقد على الهلال ياأساسي؟؟؟ (Re: أبوذر بابكر)
|
والله ردود حلوه في حق اساسي
ويالرفاعي
(يقوم يدخل ليك هلالابي متعصب يقول ليك كلام شين يبوظ البوست وينقلب لمعركه)
الموضوع ما اكتر من مكاواه لكن المريخاب مهما حصل منهم لن يصلوا درجة بوستات الهلالاب
عليه فالحق يقال المريخاب روحهم طيبه ويحبون المناكفات والمكاواه
فالبوستات السيئة ماهي الا ردة فعل لبوستات اسوء من الهلالاب
وانشاء الله النهائي هلال مريخ
قول امييييييييييييين
ابومصطفى
| |
|
|
|
|
|
|
|
|
|
Re: لماذا كل هذا الحقد على الهلال ياأساسي؟؟؟ (Re: الرفاعي عبدالعاطي حجر)
|
مادام بقينا في فرز الكيمان والمكاواة نقول ليكم يا المريخاب
مريخاب البورد متخصصين في تدوير الهلالاب لي درجة انو البوستات البتتكتب قبل وبعد مباريات
الهلال من قبل المريخاب اكتر بي كتير من تلك التي تكتب قبل وبعد مباريات المريخ
وشوفو فرانكلي خير مثال
قبل مباراة المريخ وعوارة اقصد كوارا ما نزل بوست الا نزلت ليكم انا بوست اتمني فيهو النصر والتوفيق
في حين انو فرانكلي ظاااااااااتو قبل مباراة الهلال والاهلي والتي انسحق فيها الاهلي بثلاثية خطيييييييييييرة نجد فرانكلي لوحدو منزل قريب ال3 بوستات
اها دا يقولو عليهو شنو؟؟؟
اما اساسي فمعليش الزول دا راح ليهو من ما بكري ضرب ليهو تلفون
بقي ما مؤاخذ
اعذروهو
| |
|
|
|
|
|
|
|
|
|
Re: لماذا كل هذا الحقد على الهلال ياأساسي؟؟؟ (Re: الرفاعي عبدالعاطي حجر)
|
طبعا لا أشك لحظة في ان لغة الاخ اساسي حادة تجاه الهلال وفيها شماتة واضحة ودونكم بوست مصطفى النقر فك الله أسره ( وعلى فكرة انا واساسي تجمعنا منطقة واحدة هي عروس البحر الاحمر بضفته الاخرى وأساسي من اوائل البورداب الذين عرفتهم وجلست اليهم ) عندما تهجم البورد على اساسي واصفه بأنه موز كنت ضد ذلك ولكن في عشقنا الابدي الهلال لا نقبل المزاح فالهلال هو فريق الكبار ويلاعب ابدا الكبار وفي دوري الكبار له إسم وبالتااالي المريخ فريق الصغار ويلاعب الصغار ويفوز بالكاسات الصغيرة دوما ويكفينا ظلم لاراش لنا والا لإختلفت الصورة كثيرا .
عليه ولحين ما يتناول اساسي الهلال بشكل طيب وكبير سنتناول وقتها الصفحة المضيئة من كتاباته تجاه العشق الهلال .
قف:ـ
التحية للهلال العظيم وهو يضع حد لفريق القرن .
التحية للمريخ وهو يلعب خارجيا.
التحية للشعب الهلالي العظيم وهو يهدر بإسم السودان.
التحية لجماهير المريخ وهي تصفق لفريقها وتشارك الهلال افراحه.
ياأساسي حاولت الاتصال عليك يوم ال3/0 ولكن رقمك خذلني .
................................................حجر
| |
|
|
|
|
|
|
| |
الرفاعي عبدالعاطي حجر
ولياب
ابو عثمان
اساسي
humida
علاء الدين صلاح محمد
أبوذر بابكر
keiga2000
Ahmed Mohammed Osman
فيس بوك
تويتر
انستقرام
يوتيوب
بنتيريست