بسبب غياب نسرين عن تقديم حلقات أغاني وأغاني رمضان الجاي نحن مقاطعين، السر قدور يا عاصم عمل انقلاب واستولى على برنامج نسرين. وحسين ملاسي ذاتو ما يدخل تاني ونحن مع ممكونه. يا ممكونه رمضان كريم.
08-19-2007, 01:52 AM
abubakr abubakr
تاريخ التسجيل: 04-22-2002
مجموع المشاركات: 16044
الاستاذ عاصم البنا لك الف تحية ..حقيقة اجمل خبر انو المجموعة الرائعة دى حنسمعها و نشوفهاتانى بس ان شاء الله نفس العدد تامى و كامل و تكونو غيرتو لينا اسرار بعافية حسن او حتى بدون ما مشكلة بس مش نانسى لانو ما بنقدر نبرد فى عز الحر..... فى انتظاركم على احر من الجمر و انا حجزت مكان قدام جنب السواق
08-19-2007, 12:14 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
يا منار ، طالما نسرين مافي كان يعوضونا بنسرين الأخرى بدلا عن تلك.
نسرين زاتها وجودها كان زى عدمو بس لزوم وجه حسن فى البرنامج و توب ستايل و اكسسوار ما خمج ..احسن زاتو ارتحنا... انا شخصيا كنت بتغاظ عشان ما قدرت اعرفها بتستعمل كريم شنو لوشها اللامع داك ...( لزوم واحدة حاسدة و بس)
08-19-2007, 02:57 PM
Hussein Mallasi Hussein Mallasi
تاريخ التسجيل: 09-28-2003
مجموع المشاركات: 26230
Quote: يا مولانا إنت انحرفت .... والا دي آثار (جوني)؟
يا أبوالريش (جونو) ذاتو انحرف وأنا كلامي عديل انو نسرين سوركتي هي صاحبة البرنامج والسر قدور السنه الفاتت عمل هاي جاكنق للبرنامج ولم يترك لها فرصة الكلام مما دعا ملاسي لمناداته بأبي الكلام ، والمره دي الموضوع مشى أبعد من الهاي جاكنق وسجّل الطيّاره كلها بإسمو، نحن ما عندنا شغله بالتياب والكريمات والبشره الصقيله اللي بتقول عليها منار دي بس بيهمنا أن تبقى الحقوق الأدبية محفوظة مش مهضومه وتصبح نسرين مغبونه وفي رواية أخرى ..ممكونه. أما نسرين الأخرى فهي البديل الموضوعي ( زي ما كان بيقولوا ناس الجبهة ..الديمقراطية) لأسرار بابكر وهي مطربه جد رائعه ..قاصد نسرين هندي. الباشمهندس أبوبكر أكيد معاي أما عاصم ده ففي فمه ماء.
يا اخوانا واخواتنا حبابكم قدر عين الشمس وشوفتكم بقت زى هلال العيد وفيهو اعايد ... تانى حبابكم ... الحاجز جمب السواق يتنحنح .. والزول ده لا لا لا ماتبكوهو .. ناس الملاحق تبقو 10 على الملاحق ... أما فى فمه ماء.. فى فمه لحاف دقاهو مطرة امبارح دى وبايت برة ... بس الشمار حارقنى يا ممكونة بتقدرى على طولة لسان ملاسى ومرتضى ؟ بعدين التياب كافية لى 30 حلقة ولا نقع سعد قشرة بفتح القاف ... السانين اضنينهم السر قدور السنة دى لقى نسرين مافى دور فوقى انا هرشات ماتشمتو على بعدين بحمبك .. نفس المجموعة .. واسرار اتقطعت لما بكى السر قدور المرة دى... انشاء الله ماتفرشو انتو كمان الدنيا رمضان ... ملاسى الملكة بهتتنى بهتت عدوك. احجزو لى كرسى فى صالونكم يامرتضى فى رمضان وقول لى حيدر كمل صلاتك وتسبيحك فى بيتكم بعدين تعالينا للسر قدور .. عندى ليكم اغنية هدية بوريكم ليها قبل يوم من بثها عشان ما تبردو ... العمود عمود استبالية .
ارجو مراجعة تسجيلات رمضان الفائت عشان السرقدور ما يكرر القالو تلاتيين مرة وخصوصا السنة دي حتي نسرين مافي وما في زولا بيقاطعو وبعديين في جماعة برضو ما حافظيين "الحبيب وين قالو لي سافر " وبس ...ما كلنا عارفيين انو سافر وين باقي الاغنية ؟؟ ما تنسو انو انا حادفع اشتراك كام وعشريين قناة لمدة عام بسبب قناة واحدة (النيل الازرق) فاشتراك السنة الفاتت حينتهي في نص رمضان ؟ اها مولانا بيعاني من اثار قونو وانا من اثار النيل الازرق وناس ملاسي من الملاحق والفيضان فبالله ياعاصم اغاني كاملة وبالذات فرفور وعصام الببلعو نص الاغنية او بتموها دمعة دمعة .. دة كلام ...
(عدل بواسطة abubakr on 08-20-2007, 01:16 AM) (عدل بواسطة abubakr on 08-20-2007, 09:10 AM)
08-20-2007, 07:20 AM
mamkouna mamkouna
تاريخ التسجيل: 12-05-2004
مجموع المشاركات: 2246
عاصم سلامات تسجيلات رمضان حتعيدها لينا كلها لايف ولا على كيفك وفى صالون محمد المرتضى كمان .. احلا استديو والباقى نتمو عندنا ود المرتضى اليومين دى مالك ضارب طنااااااااااش لكن بنتسدا اوع تقرأ الكلام ده وتجى تتصل مااااااااااااا برضا تب يا حليل صاحبتى وفردتى الكنت بشتكى ليها وجه مكرفس وكده ممكن اديك شمار المفاجأة يا عاصم السلام محنة اسماء الجنيد/* مسقط
08-20-2007, 09:43 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: اوع تقرأ الكلام ده وتجى تتصل مااااااااااااا برضا تب
يا اسماء وين الطناش، كنت مع الأهل وبورداب الخرطوم الناس النضاف رغم (إنعطان) العاصمه في مياه الأمطار ورغم الظروف الماليه والصحيه غير المواتيه. أنا متابع وما كنت قايلك هلالابيه .. على اية حال مبروك (التلاته) وهي نصف ( الستّه). نرجع لناس نسرين وأكيد رمضان السنه دي مسيخ بدون صاحبتك ، ما بقول ليك خليك جاهزه ، بيتك دايما عامر وكل سنه وانت والأحباب بالف خير.
ابو بكر ... ادفع ماتوقف حالنا ... على مسؤليتى انا كنت قاعد ليهو بالمرصاد لمن (كجشنى) اقراها براك ... المهم بتستاهل القعدة بعد الفطور ومرتبة اكتر من اوضة النفساء .... مراسلنا كنت غاتس وين طوااااالى ممكونة الله يخليك ... يا سوما التشكيل مهم لانه السلام محنة ... دى منها السلام محنة بكسر الميم وندخل فى السياسة ونحن جوة وانت بره والاعتقال سااااهل ... والسلام محنة ,,, ايضا بكسر الميم لانك مرات تسلم على زول بمحٌحنك وماتعرف تقول ليهو شنو (فى الحالتين انا الضايع) والسلام محننة بتشديد النون ده القاصداهو انتى وفهمتك ... جايك يارشا تحياتى لى ود الجنيد ... مرتضى ... نسرين كانت مهمة لكن مالى درجة تقاطعنا ... انشاء الله القيامة تقوم .... غلبنى القى البوست الحقنا بيهو ..
يا عاصم حندفع ونجدد -عشان قناة واحدة بندفع لخمسيين قناة من بتاعة العراريب المابنشوفن- ولكن الس قدور ما يفوت ويكرر القالو خمسيين مرة واي غنوة من السنة الفاتت تخصم وجماعتنا الدمعاتم مطر يوقفوها نحن ما ناقصيين والبكا بعد الفطور بيعمل تلبك في العيون والمعدة ... وبعديين يالمرتضي وملاسي وياممكونة (جبتك اخر واحدة لانك الاصغر عمرا)التعليقات ما تكون بايته وتتاخر لحد السحور اقصاه بعد التراوييح عشان ما تلخبطو بتاعة يوميين مع بعض (وكت مافي) ... ويا عصام حدد منو بيقعد جنب منو بشان واحديين بدسواصواتم -الدييل الماحفظيين- ورا اصوات والواحد بس يفتح خشمو ويقفلا وبعديين العداد ماشي وحالنا واقف.. انتو اصلو ما عندكم الفة ؟
08-29-2007, 08:13 AM
mamkouna mamkouna
تاريخ التسجيل: 12-05-2004
مجموع المشاركات: 2246
يقل مستواها عن السابقة كثيراً ، فهي تفتقد لعنصر التشويق الذي كانت تتميز به سابقتها – بكاء فرفور – والذي أجبر عدداً مقدراً على المتابعة فضولاً وشمشرة .. ............ وما الناس إلا هالك وأبن هالك *** وذو نسب في الهالكين عريق
09-01-2007, 09:27 AM
الزوول الزوول
تاريخ التسجيل: 05-14-2003
مجموع المشاركات: 2463
ودالبنا ازيك بدأ العد التنازلى لرمضان ونحن فى انتظاره وانتظار الفرح و النغم الجميل عبركم جاهزين لكن الوقت صعب شديد خلوه شوية بعد المويات و عليكم الله غنوا كتيييييييييير
09-02-2007, 08:58 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
سلام ... بالجد البرنامج بخلي الواحد يجهجه التراويح ... فيه اريحية وصفاء لذيذ بس لو نادر مشى عمرة بكون مبالغة ... وهذه الأسرار بابكر كنز الله يحفظوا أما إنت يا ود البنا أنا كل ما أمشي عرس أو حفلة وألقاك منفخ جضومك بتغني بختار أبعد زاوية ممكن أشوفك منها عشان أستمتع بأداءك الجميل وأوريك من بعييييييييييييد أنك مبدع بالجد وبتجبر الحضور علي التجاوب بعجبني فيك إنك بترتقي في الحفلات من مستوى "جيبو جيبونادو نادو حبيبو حبيبو" .... عندي شمار عنك من زمن جدة وناس جده لما ألاقيك بفتو معاك .... بعدين نحن ناس مدني يعني عصام محمد نور ده قبل ما يغني بتلقانا نكورك إبداع يا أستاذ.....
ملاسي .... لقد أضحكتني بالملاحق يا عمك إنشاء الله نضيفة أنضف من صلعة معد البرنامج ... بالمناسبة هو زميل وصديق عمي ودائم الطلة الحلوة ربنا يحفظو .....
يا نسرين السنة دي ح نضطر نشتري شوال سكر ،، السنة الفاتت والله بنشرب العصاير مسييييخة ما بنفكر ليها إلا في السحور
09-13-2007, 05:54 PM
abubakr abubakr
تاريخ التسجيل: 04-22-2002
مجموع المشاركات: 16044
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ودالعباسية
محمد المرتضى حامد
abubakr
الزوول
Ishraga Haimoura
Hussein Mallasi
ملكة سبأ
محمد أبوالعزائم أبوالريش
Rakoba
mamkouna
هند محمد
Samer Osman
فيس بوك
تويتر
انستقرام
يوتيوب
بنتيريست