|
|
|
 Re: .. فى ثانية كم سطعت بدور.. واهلة كان نوعن غريب !! (Re: عبدالكريم الامين احمد)
|
أخي الأفضل عامر
لك التحية والود
الكلمات لسيد عبدالعزيز
في بنانك إزدهت الزّهور
زادت جمال ونضار وطيب
يا مداعب الغـُصن الرّطيب
يا المنظرك للعين يطيب
تبدل الظلمات بنور
وتبدّل الأحزان سرور
إن شافك المرضان يطيب
تعجبني والشيء العجيب
هادئ وأليف ماك النفور
بعفـّتك صُنت السّفور
والحسن والأصل النّجيب
أنا وأنت في الرّوض يا حبيب
راق النسيم وحلى للمرور
بقى أحلى من ساعة السّرور
وأدقّ من فهم اللبيب
والرّوضة في موقع خصيب
حضنوها وإتلافوا النّهور
ترى فيها أنواع الزّهور
من كلّ لون أخدت نصيب
يانع ثمارها ونصف طيب
أشبه بربّات الخدور
والبلبل الغرّيد يقول
على منبر الأغصان يطير
في الرّوض غنّى العندليب
وردّد غُناهو الطيور
ترتيل أناشيد الحبور
وفتيانها يوم عيد الصّليب
دنت الثريا بقت قريب
بين السّلوك في تاني دور
في ثانية كم سطعت بدور
وأهلـّة كان نوعن غريب
شي ينعش الرّوح في الأديب
و يحيي روح ميت الشّعور
للقاك تنشرح الصّدور
ويفرح القلب الكئيب
| |
 
|
|
|
|
|
|
|
|
Re: .. فى ثانية كم سطعت بدور.. واهلة كان نوعن غريب !! (Re: طارق جبريل)
|
.
الله عليك يا عامر ياخ ..
دايماً شغلك نضيف ..
شفت المغسة دي يا صاحب ؟؟
حنان النيل عملت في كلمة ( المرضان ) دي شي ما بيتصاقع ..
عليك الله أسمعها سوت الكلمة دي كيف ..
صوتها خلى الكلمة موجوعة و تعبانة و مليانة مسكنة و حنين زول عيان بشوفت زول ..
رحم الله شيخنا سيد عبد العزيز ..
و رحمنا نحن في زمن الغنا المشلول .
و التحية للبديعة حنان النيل ..
و ليك يا صاحب على جمعة ح تكون كويسة .
.
| |
|
|
|
|
|
|
|
|
|
Re: .. فى ثانية كم سطعت بدور.. واهلة كان نوعن غريب !! (Re: Emad Abdulla)
|
Quote: يا المنظرك للعين يطيب
تبدل الظلمات بنور
وتبدّل الأحزان سرور
إن شافك المرضان يطيب |
تاني نجيك يا تيتا يا خطير
والواحد ينزل السماعة شوية ويتكلم عن المقطع العجيب ده.
الموسيقي تتنزل كشهب بعيدة تحلم ضياء ووهج
واداء حنان النيل وكما افاد عماد يعطي هذه الشهب وهجا اضافي ويلمع وهو في طريقه لمعانقة هذه الشهب..
ياخ الله يخليك يا تيتاوي بتدينا احساس
بتخلي الواحد بفك كلام التقول (لافيها بكرتين)
| |
|
|
|
|
|
|
|
|
|
Re: .. فى ثانية كم سطعت بدور.. واهلة كان نوعن غريب !! (Re: عامر تيتاوى)
|
عماد عبد الله
سلامات ياصاحب
حنان النيل هى وهى جمال النيل وحنان الكلمة وحلاوتها وطلاوتها
تجسد الكلمات وترسم الالحان فى الهواء قبل ان ترسل سهام نبرات
صوتها الى القلوب
حنان النيل ياصاحبى الجميل تملك صوتا يجعل المرضان يطيب وكلمات
شيخنا سيد عبد العزيز ملهمة ومعبرة ونافذة
وانا وانت فى الروض ياحبيب راق النسيم حلا للمرور ويسلم مرورك
ياعمدتنا
| |
|
|
|
|
|
|
|
|
|
Re: .. فى ثانية كم سطعت بدور.. واهلة كان نوعن غريب !! (Re: عماد شمت)
|
تيتا ياسلام عليك وعلي الأستهلال الجميل ده
ويارب بكره يسطع الهلال في سماء أم درمان
والعرض جنوب تأخذ شبال الهلال ونصر المريخ
اليوم يكون حافذ غدا للهلال(Quote: وأهلـّة كان نوعن غريب
شي ينعش الرّوح في الأديب
و يحيي روح ميت الشّعور
للقاك تنشرح الصّدور
ويفرح القلب الكئيب |
)
ونعود للغناء والطرب علي أنغام النصر بأذن الله
سلمت صديقي أبن الجمال والتفرد.
| |
|
|
|
|
|
|
| |
عامر تيتاوى
Alsa7afa_30
عبدالكريم الامين احمد
ALGARADABI
طارق جبريل
Emad Abdulla
غباشي
Abd Alla Elhabib
عماد شمت
مجدي عبدالرحيم فضل
بدرالدين يعقوب
فيس بوك
تويتر
انستقرام
يوتيوب
بنتيريست