|
ثلاث قصائد غنائية
|
ثلاث قصائد غنائية
القصيدة الاولى الجرح خلى الجرح يحكى عن شوقو يوم لقياك يشهد على الليل والنجم والافلاك معناك سرو بعيد كلمنى عن معناك كم من طريق مبعد خاويتو ليك يوم داك ....................
ده الجرح فى اصلو زاد فى اذاهو البى والكلمة من خوفا تحجب ضياها على الشوق صبح اكوان مدسوسة من عينى والحب جحيم راتع فى بالى بس قول لى .....................
آه الولف كتال ياريتو كان ما جا كنت ابتعدت بعيد خليت مكانى رجا انك تزح تبعد من قلبى شان انجى كان القرب يرتاح فى صبح او فى دجى ..........................
زيد من ضياكا الفيك خلى الجرح يزداد وانا راجى ميعادك ماتخلف الميعاد طفت المدن كلها وما سبت اى بلاد زاجع اقول ليكا خليك على معتاد
ياسر زمراوى محمد عثمان 16\01\2006
|
|
|
|
|
|
|
|
Re: ثلاث قصائد غنائية (Re: zumrawi)
|
صديقي الجميل ياسر زمراوي
فاقدة عيوني زول وكايسة زمن تشوفوا وتسألوا عن ظروفوا
وينك يا راجل
ياحبيب أيوة طلع أوجاعك دي والقصيدة والفكرة حلوة بس بمعرفتي البسيطة يا في مشكلة في الوزن ولا أضاني بقت كعبة ما عارف؟؟
| |
|
|
|
|
|
|
Re: ثلاث قصائد غنائية (Re: zumrawi)
|
صديقى عثمان حسن الزبير وينك ياراجل ليك وحشة مشتاقين شديد وكيف احوالك متى تعود الى السودان فى اجازة من اجازاتك القصيدة مافيها خلل ايقاعى بس لصعوبة قراية الدارجى المكتوب كتابة ونتلاقى
| |
|
|
|
|
|
|
Re: ثلاث قصائد غنائية (Re: zumrawi)
|
لو بى كلمة ..... هوززى غصن الشوق جوايا قولى بحبك وانت براك هواى ومنايا حركى فجر الحس الدافق صحى مشاعر الصوت المارق طالع يصدح بى غنواتك قولى معايا هواك بداية ابدأ ميعادك وارسم دربك فجر القصة
وارحل فى عينين محنانة فيهم القى الشوق اتقص وافرح قدر مااقدر واكتر وابسم واعرف كيفف اتوصى عليك واكتب ليك بداية انا حلفتك ختى الشجن الزاد من حدو واحسمى مدو مدى ايديكى وامسكى يدو يمكن يعرف كيف يرتاح ويشفى جراح ماليها نهاية
الفتيحاب 11\2005
| |
|
|
|
|
|
|
Re: ثلاث قصائد غنائية (Re: zumrawi)
|
ياعيون راحلة منى وين تمشى انا قلبى حزين وليك متوسد لويصح القول منى كيف ترحل ده الغرام كتال ولى بسهد مزة شفت حبيب قلبو من صخرة لابحس لابهم للحبيب يوعد شفت فى الايام الف زول موجوع الا وجعى صعيب للقلب يجهد ........................ ياحبيب العين فينى طال الشوق وخايف الايام ليك تنسيكا انو زول مجروح حب فيك خصال وشايف الافراح كل مافيكا واضحى من شوقو شايل الاحزان كاتب الاحلام شان يلاقيكا قول لى بس كيف القى افراحى وانت زول مبعد وقلبى راجيكا
.................................... مرة فى الايام قلت ابقى عزيز ضاع بعيد الشوق واضحى متباعد الا قلبى الكان ليكا متناسي عاد يغنيكا وليك بيواعد لويصح الشوق كنت القاكا واروى ظمأ الروح وقلبى مافاقد الا شعرى بقول الكلام الراح فى الغرام مابين قلبك الجاحد
الفتيحاب 9\2005
| |
|
|
|
|
|
|
Re: ثلاث قصائد غنائية (Re: zumrawi)
|
التلاتة بقو اربعة
زيدنى فى الاهات زيادة ده القلب زايد انينو والجرح طوالى صاحى والبعاد طالت سنينو زول بيعشق وسرو باتع فى الغرام زايد حنينو وين وصالك ياحبيب وين كلامك ليل وينو ***************** مرة فى سكة غرامى قلت اسال عن ديارك تهت فى اول محطة وشاقنى جد فى الحب ودارك ما خطر فى بالى انساك لاعرفت كمان مسارك **********************
شفتك الليلة فى سكونى ودرت القاك مانى قادر امتى القاك واستريح واعزف اللحن اللى داير قلبى صار زايد فى ولعو وليك بكتب بالو حاير ********************************** فى عيون مليانة اسرار درت ارتاح من عنايا مالقيت غير سر زيادة زادنى فى وجعى وضنايا تهت فى سر المعانى ودرت فى الشوق مابرايا
الفتيحاب 2005
| |
|
|
|
|
|
|
|