مطاعم سودانية !!!!

Quote: مشهد آخر : تجد (المعلم ) او الجرسون (خاتى سفّة ) ويقول ليك : أيوة يا معلم طلباتك؟ ويويلك لو علقت على السفة او ما جاورها. ، كبابي الموية كافى البلا لا غسيل كويس ولا تلميع ويا وليلك وسواد ليلك لو بس صريت وشك او قلت ليه غيرها لى؟

Quote: لقيتو عامل لي كسرة حمرا قتا ليه مافي كسرة بيضا

Quote: الليلة بعد الشغل و السهر الامس مشيت مطعم الملتقي اول ما خشيت لقيت الطباخ و زبون بتناقشو في مشكلة دارفور و اخدت ليها دقيقة و نص لغاية ما الطباخ انتهي و رجع لي حللو زعلان من النقاش طلبتا تقلية بالكسرة و مشيت اغسل يديي و اجي لقيتو عامل لي كسرة حمرا قتا ليه مافي كسرة بيضا قال لي لا ماف قتا لي خلاص ما داير قال لي طيب دي انا ملحتها ارميها يعني قتا ليه انتا شاورتني في الكسرة و لا عايز تاكلني بمزاجك الغريبة انو الكسرة البيضا موجودة بس هو ما عايز يملحا رجعتا جعان طبعا لي اسة لا نايم و لا متغدي

Quote: قال لي طيب دي انا ملحتها ارميها يعني

(عدل بواسطة Mayada on 08-14-2007, 08:13 AM)

(عدل بواسطة walid taha on 08-15-2007, 10:45 AM)
(عدل بواسطة walid taha on 08-15-2007, 10:55 AM)

Quote: وأخيرا وبعد صبر تجاوز ال 23 سنه ، إستطاع البوردابى العجوز / وليد طه ، من تنفيذ فكرته الكبيره والتى أطلق لها نداء عبر سودانيز أونلاين سنن 2007 م وقام بتدشين أول يوم عمل فى مطعم السودان الدولى بمدينة الرياض ، وحضر الإفتتاح لفيف من أعضاء السلك الدبلوماسى ، وقدمت المشروبات السودانيه وشوهد دخان الشيه السلات يرتفع معانقا عنان السماء، ولبس العمال حله زاهيه من العراريق السودانيه المعتبره ، وكانوا مشنقين الطواقى ومادين شلاليفهم بسفة صعوط مدنكله أثناء الحفل البهيج ، والذى ختم بعرض راقى للبطان ( جلد السوط ) والذى حاز على رضا الحضور .