فاز المرخ على فريق دولفين النيجيري 6-1 .. الحق يقال الفريق النيجري فريق ما ساهل ولعب مباراة أفضل مليون مرة من فريق المريخ .. فريق المريخ كان اكتر من عادي .. شات ستة كور جاب ستة أقوان .. دولفين شات عشرة وجاب واحدة وأكتر من ستة ركنيات .. ده كلّو كوم والهدف الذي كان تحوّل في نتيجة المباراة كوم تاني.. الهدف التالت لي فريق المريخ اللي جابو موسى الزومة والمريخ مضغوط .. الهدف التالت كشف وبما لايدع مجال للشك أن ملعب إستاد المريخ وخور امبدة بتاع السيول في نفس المرتبة وإن كان خور أمبدة يتفوق بعامل الإستواء في بعض الاحيان .. قون المريخ التالت جابتو حفرة وليس موسى الزومة .. غايتو الحفرة دي كان مفروض هي اللي تري وتمشي على الجماهير ومفروض اللاعبين يجروا ليها يهنوها ... الهدف التالت للمريخ كشف لينا الكذبة الكبيرة التي يعيشها اعلام المريخ بوهم الإستاد العالمي والملعب الخرافي.. حفرة عديييييييييييييييل كده ؟؟؟؟؟ يعني لو المطرة كبّت ممكن عادي جداً ضفدعة تكون تااااااااااااكلة جوة الملعب وما بعيد تلبس فنيلة حمرا وتلعب مع الجماعة زي ما الكديسة لعبت معاهم قبل كده .. الهدف التالت فضيييييييييييييييحة فضيييييييييييييحة فضييييييييييحة .. إستاد الهلال كعب وأرضيتو كعبة ونحن ساكتين ومدربنا زااااااااااتو بيعترف بي سوء الأرضية .. لكن إعلام المريخ الوهمي وحمهور المريخ الكضاب إتفضح أمرو بي الهدف اللي كان نقطة تحول المباراة .. ده كلّو كوم والحكم الليبي كوم تااااااااااااني.. مهزلة تحكيمية ما بعدها مهزلة .. يتقاضى تماماً عن فاولات لاعبي المريخ ضد الدلافين وكأنو ما شايف أي حاجة .. أما حكم الراية فواضح جدا جدا جدا إنو قبض من جماعة الوالي.. الراجل بيرفع الراية قبل ما لاعب دولفين يلعبا بص .. والله لمن حكم الوسط خجل ليهو وبقا مرات كتيييييييرة يقول ليهو أعمل نايم ما لي الدرجة دي كمان .. بالمناسبة هدف المريخ التالت وهدف سفاري بيتشابهو شدييييييييييييييد والزول البيعرف يشوف كورة صاح حا يفهم كلامي.. سفاري جاب قون رجعني لي حكاية محمد موسى لمن جاب قون في الرشيد فيصل وبكرة طلع في الجرايد يصرح لمحت الحارشيد خارج المنطقة وإستدرت ورفعت راسي وقدرت المسافة ووزنت الكورة وإستعدلت الكدارة وإنحنيت بي زاوية 60 درجة وسددت في الزاوية 90 مستفيد من نظرية فيثاغورث و و و و و و ويومها شدّاد صرّح للجرايد وقال ليهم ده شنو الكلام الفارغ ده الزول ده عايز يعكس الكورة لقاها دخلت وبس... هدف سفاري بيزكرني لمن يكون في كيشةة لاعب حريق مع معلمين .. ينزل ويقوم يغطي في ورق الناس وفجأة كده يلقى الورق كمل من يدّو وفجأة كده يكورك : هييييييييييي انا فتحت !!!!! سفاري عكس الكورة صورة طبق الأصل من العكسة اللي جاب منها موسى الزومة القون والفرق الوحيد إنو دي قامت إنحرفت ودخلت قون فما كان من سفاري إلا وقال: هييييييييييي دخلت قون ..
تخريمة: ما عندي فيديو للأهداف دي فلو في زول عندو الأهداف دي تحديداً يجيبا لينا ويكون ما قصر (هدف سفاري وهدف موسى الزومة )
نعم فاز المريخ وبي ستة أهداف لكن من يراهن إنو الفريق ده في مباراة الرد أقل شي حا يفوز على المريخ 4!!!!!!! إتذكروا كلامي ده كويس عشان بعدين تقتنعوا بي كلامنا وتعرفو إنو المريخ فاز قضاء وقدر... جمهور المريخ إستخدم نظرية حمد لبد وفاقوا جمهور الهلال يوم المباراة العصيبة مع أسيك في إستاد الهلال..
08-06-2007, 10:40 AM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
كدى سيبنا من الحفره وما ادراكما الحفره انتا عارف وكما ستلاحظ فى الفيديو المرفق من اخونا راكوبه لاحظ بعد السمفونيه السادسه تحلق لاعبى دولفين فى حلقه وحينما نظرت فى وجوههم تزكرت نفس ملامح وسمات لاعبى الهلال حينما اخدوا سته من الترجى والله يافاروق نفس الملامح والشبه
وسبحان الله يافاروق برضو دولفين طردوا ليهم لاعب زى ما حصل للهلال مع الترجى وطردوا علاء جبريل غايتو يخلق من الشبه اربعميه
قال حفر قال هاك السمفونيات دى
08-06-2007, 10:51 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
ود المبارك .. وينك يا فاشل.. بالمناسبة انا شايل هم ميلان وخليهو يبل راسو عشان المواجهة القوية والله يستر على كاكا من ريتشارد وديدا ده يشيل شيلتو مع كلاتشي وقودوين .. وإنتو الله يخليكم لي ناس الدلاقين والدلافين والجلافيط ..
08-06-2007, 10:56 AM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
عمر اخوي مسكاقمي انت لسع في الاجازة ولا رجعت اذا لسع في الاجازة نقول جاتك ملاريا وطلعت ليك في راسك واذا رجعت الرياض بالسلامة نقول مسمار اسك ابيدجان خلاك تهضرب يا اخوي هدف سفاري بالذات لازم يدرس ويعلم للاجيال القادمة اما ملعب المريخ العالمي الردكاسل يا اخوي انت كنت صديقي عشان كدا ما تقول كلام ذي دا اهلنا بيقولوا المايشوف من الغربال يكون ايه انت زول ام درمان امشي خذ ليك في ملعب المريخ جكة (وقول الجكة دي لله) طلب خاص يا اخوي المشاكس لمن تجي جيب لي معاك نبق وقالوا لاعبي الهلال جابوا معاهم كاكاو من ابيدجان كل واحد معاه ستة اكياس عدد اهداف المريخ تمر على عمار مرق ( ابوبرشة الشهيرة ) سمعت انه ما بيحب الكاكاو خذ حقو الستة وتجيبهم لي معاك وادفع ليه حقو وما تنسى تجي على التونسية وترجي السلامة في الوصول نتمنى ذلك
08-06-2007, 10:58 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
أبو علوة : تحياتي.. وأحب أبشرك إني مستمتع بي إجازة جميلة وخصوصاً إني شهدت فيها جميع إنتصارات الهلال وإن شاء الله انا راجع بعد كورة الأهلي مباشرة أحتفل بي صعود أولاد الهلال لي دور الأربعة وبعد داك أرجع .. تتذكر يا ابو علوة زماااااااااااااان لمن اعلنو المجموعات دي تتذكروا إنتو كتبتو شنو ؟؟؟ طبعاً إنتو زي صاحبكم مزمل أكّالين ونكّارين والكضاب نساي.. مش قلتو لينا حا تخسروا رايح جاي ؟؟ مش قلتو لينا ما حا تجيبو ولا نقطة ؟؟؟ مش قلتو لينا حا تجو بي الهزائم رباع وخماس وسداس؟؟ كلامكم ده كللللللللللللللللللللو بلعتوهو وين ؟؟؟ الهلال المعفن وكعب ده أسة تاني مجموعتو بي جدارة ... الهلال العفيييييييييين ده خسر بي الجلالة من الأهلي وبي التحكيم وخسر بي ضربة حظ من أسيك وبي هدف .. الهلال العواااااااااااااااااليق ده عندو ستة نقاط والترجي العاملين بيهو قومة ده طيش المجموعة !!! تتذكروا لمن كتبتو بعد أول مباراة في المجموعة وبي الخط العريض : الهلال يتزييل المجموعة ؟؟؟؟ أها كلامكم ده بلّعناكم ليهو ... الهلال بمشيئة الله متأهل متأهل والتسعة نقاط مضمونة إن شاء الله ..
تخريمة : خلينا من السداسية وخليك حريف وجيب لي بس قون سفاري وقون موسى الزومة وأديني رأيك بعد داك ..
08-06-2007, 11:04 AM
على محمد على بشير
على محمد على بشير
تاريخ التسجيل: 08-07-2005
مجموع المشاركات: 8648
ياخي والله مصيبة كبيرة تهدد مصير الكرة السودانية كونه القون التالت غير في ارضية الملعب ؟؟؟ نعل شنو طيب يا رشاشة؟؟ اسع قوم لف كدا لفة لمن ربنا يغفر ليك بعدها قال حفرة قال حفرة تقوم ليك قوبة في نص راسك دا دا اخر حاجة طلعت بيها بعد مسمار النص الاخدتو امس؟؟ ـــــــــــــــــــــ
اسمع انا شايف الولا بغال اليوم داك شتتها ليك في البوست حق علاء الدين وشايفك عملت حميل وفتحت للموضوع؟؟؟؟ يعني انت في الخرطوم الان وهو في الخرطوم نفهم شنو يعني ؟؟
08-06-2007, 11:15 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
ود المايقوما: كيفك يا حبوب.. لا يغرنكم إنتصاركم على النايجيرية .. فنحن الملوك وهم الرعية .. أما بلغك أن العرضة محروسة محمية .. بريتشارد وهيثم وخطط برازيلية ؟
08-06-2007, 11:21 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
عمنا حمزاوي: تحياتي يا جميل.. يا زول انت من زمن النبق؟؟؟ يا اخوي البلد دي الموز بقا فيها في تلتلة .. تطلب من الكيوي وإنت ماش .. الناس دي هنا بقت جضوما كباااااااااااااااار والوش ناااااااااااااير .. قال نبق قال .. اما بالنسبة لي نادي المريخ فأبشرك انا دخلت إستاد المريخ مرتين ومرة رجعونا عشان قالوا المطرة صبّت والإستاد ماسك موية وما بيصرف ...
08-06-2007, 11:25 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
أساسي: كيف يا ابو البنية .. قلت لي البغل شتتا لي ؟؟ يعميني ويطرش جيراني كان قريتا .. لكن للضمان كده حتى لو قريتا ما أظن أرد عليهو باقي الزول ده ما مؤاخذ ...
08-06-2007, 12:03 PM
gamal elsadig
gamal elsadig
تاريخ التسجيل: 07-07-2005
مجموع المشاركات: 3076
Quote: سفاري بيزكرني لمن يكون في كيشةة لاعب حريق مع معلمين .. ينزل ويقوم يغطي في ورق الناس وفجأة كده يلقى الورق كمل من يدّو وفجأة كده يكورك : هييييييييييي انا فتحت !!!!!
شايفك حريف في الكتشينة ......ممكن تورينا
أمس الهلال أخد (سيك) ولا (أسيك) ......
وطبعاً(السيك) الجد جاي وحيكون (بقبولكم)..في حد جاب سيرة ابوتريكة ....
ياخ مادكوها وترتاحو ؟؟؟
...
08-06-2007, 12:09 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
الكلام ده بعدين بتنكرو وبتجي تقول لي الأهلي كان ضعيف وليس في أفضل حالاته والحظ وال وال وال .. أهلي أبو تريكة ده أديناهو السيك في قبولو بي قون ريتشارد وأسة القبول قبولنا وسمّيناها 12 أها شن قولك ..؟
Quote: ياخ مادكوها وترتاحو ؟؟؟
يا زول لو ورقنا ما فيها ولاااااااااااااااا صورة واحدة وكللللللللو "دوهات" العشرة حقتنا إن شاء الله .. الحمد لله نحن بنلعب لعب الناس الكبار ويست وحريق .. كعبين البيلعبو عشرة طيبة وحكم الشايب.. جنس حمام هو ..
08-06-2007, 01:20 PM
الصادق صديق سلمان
الصادق صديق سلمان
تاريخ التسجيل: 07-11-2006
مجموع المشاركات: 4010
و الله يا ناس الهلال إحترنا معاكم هسع كمان جابت ليها حفر و وين؟ في الرد كاسل يا عمر إستغفر ... كدي أما حكاية التحكيم و الحظ اللي دايما مناقرنكم و الله بسمع فيها من زمن كنت شااافع لكن أعمل شنو مريخابي و بحب الهلال عشان الحاجة هلالابية شفت لييه الواحد بيستحملكم يا عمر ... كلو عشان خاطر الحاجة
Quote: نعم فاز المريخ وبي ستة أهداف لكن من يراهن إنو الفريق ده في مباراة الرد أقل شي حا يفوز على المريخ 4!!!!!!! إتذكروا كلامي ده كويس عشان بعدين تقتنعوا بي كلامنا وتعرفو إنو المريخ فاز قضاء وقدر... جمهور المريخ إستخدم نظرية حمد لبد وفاقوا جمهور الهلال يوم المباراة العصيبة مع أسيك في إستاد الهلال..
ماتنسى كلامك دهـ بعدين
08-06-2007, 03:01 PM
على محمد على بشير
على محمد على بشير
تاريخ التسجيل: 08-07-2005
مجموع المشاركات: 8648
Quote: اسمع انا شايف الولا بغال اليوم داك شتتها ليك في البوست حق علاء الدين وشايفك عملت حميل وفتحت للموضوع؟؟؟؟ يعني انت في الخرطوم الان وهو في الخرطوم نفهم شنو يعني ؟؟
الله يجازى محنك يا اساسى وتتصور انا قمت عملت ليهو بيها كوت منفصل وبرضو عمل حميل رشاشات لسانهم طويل بس
* التشكيلة الخاطئة التي دخل بها الهلال مباراته أمس مع أسيك أبيدجان في ساحل العاج ضمن الجولة الرابعة من ربع نهائي دوري أبطال افريقيا كانت السبب الرئيسي في خسارته بهدف دون مقابل.
* وتردد اللاعبين في الاستلام والتمرير ووقوع البعض منهم في أخطاء لا تحدث من لاعبين مبتدئين قصمت ظهر الفريق وجعلته يعود من هناك وهو يجرجر أذيال الخيبة والفشل.
* كان يمكن للهلال أن يعود من ابيدجان بنتيجة ـفضل من التي حققها لو كان مدربه البرازيلي ريكاردو يملك قدراً بسيطاً من الكياسة وكان يمكن ان يعود بانتصار ثمين لو لعب كل لاعب في الفريق بمستواه المعروف.
* الخوف والهلع من الفريق العاجي كان السبب الرئيسي في هزيمة الازرق وكان العامل الاساسي في الاداء المهزوز والاخطاء التي وقع فيها البعض.
* كان مهند الطاهر في الشوط الأول عالة على الفريق بل كان يمثل مصدر الخطر على فريقه قبل أن ينعدل حاله في الشوط الثاني.. اما علاء الدين جبريل فقد خلناه يلعب مع أسيك ولولا انه كان يرتدي الزي الازرق لحسبناه يلعب مع الفريق العاجي ونعتقد أن تغييره جاء متأخرا.
* اندفاع بلا تركيز وتردد في الاستلام والتمرير وآخرتها كارثة جاء منها الهدف الوحيد في المباراة.
* المدرب ريكاردو لعب بطريقة غير مناسبة رغم تفهمنا لموقفه الذي كان يحتاج منه أن يلعب مهاجماً لكن الرجل نسي ان اللاعبين الذين دفع بهم في المباراة لا يملكون الامكانات التي تؤهلهم للعب بالطريقة التي وضعها والتي يمكن أن تحقق له الفوز.
* صحيح أن أسيك فريق عادي ومعظم لاعبيه من الشباب وصحيح ان الهلال يتفوق عليه في جوانب كثيرة خاصة في جانب الخبرة لكن ذلك لا يمكن أن يكون مبررا لريكاردو بأن يلعب بالطريقة التي تعرض فريقه للخطر وتكشف ظهره في حال انقطاع الكرة من أي لاعب كما حدث من علاء الدين في الخطأ الذي جاء منه الهدف ولولا لطف الله وعنايته لولج هدف آخر على الاقل.
* لم يكن مطلوباً من ريكاردو في مباراة أمس ان يحقق الفوز كان المطلوب منه خطف نقطة واحدة فقط يبعثر بها حسابات اسيك وتقوي أمله بنسبة كبيرة في التأهل وكان يمكن ان يلعب على هذه النقطة لو لعب بالطريقة التي لعب بها أمام الأهلي المصري.
* الهلال لعب في القاهرة بطريقة 1/6/3 ونجح لاعبوه في تطبيق هذه الطريقة بامتياز وكاد الفريق يخرج بالتعادل مع فريق القرن لو لا انحياز الحكم السنغالي الذي أدار المباراة وأهدى الفريق المصري هدفاً غير صحيح قبل نهاية المباراة بخمس دقائق.
* الفرصة كانت مواتية للمدرب ريكاردو أن يلعب بنفس طريقة القاهرة ولو فعلها لما خسر الهلال وتعرضت استمراريته في المنافسة للخطر بعد ان ارتفع أسيك والترجي بنقاطهما الى 4 نقاط في المركزين الثالث والرابع وقوي أملهما في المنافسة على الصعود لنصف النهائي.
* وحتى لا نظلم المدرب ريكاردو ونحمله لوحده مسئولية الخسارة لا بد أن نؤكد بان تراجع أداء بعض اللاعبين وعدم ظهورهم بمستوياتهم المعروفة تسبب في نسف خطة المدرب الذي يبدو أنه كان يعمل على مفاجأة الفريق العاجي باللعب معه بنفس الطريقة الهجومية التي لعب بها الفريق العاجي في الخرطوم والتي كادت تحقق له مبتغاه وتضمن له نقطة خارج أرضه لولا هدف يوسف محمد الذي أحرزه في الوقت بدل الضائع.
* الهلال ما زال في المركز الثاني للمجموعة رغم الهزيمة وفرصته للتأهل ما زالت قائمة ولكي يحقق ذلك الهدف ينبغي عليه أن يفوز اولا على الأهلي المصري في الخرطوم بعد اسبوعين من الآن ثم يحاول ان يعود بنقطة من تونس في الجولة الأخيرة، اما في حالة تعادل الترجي واسيك في أبيدجان في الجولة المقبلة وفوز الهلال على الأهلي في الخرطوم فان المارد الأزرق سيضمن التأهل وستتاح له فرصة المنافسة على اللقب.
* الفوز على الأهلي المصري ليس كالفوز على الترجي أو اسيك مباراة الاهلي تحتاج لاعداد خاص وشغل كبير من الآن وعلى مجلس الادارة ان يبحث عن فريق كبير ليلعب مع الهلال مباراة أو مباراتين وديتين قبل المعركة الحاسمة بدلاً من اللعب مع فرق كأم بدة وجلاس وودنوباوي.
* فوز الهلال على الاهلي أصبح فرض عين وأمر لا مفر منه لان أي نتيجة غير الفوز ستضع احلام الهلاليين في مهب الريح.
اخر الكلام
* المستوى الرفيع الذي قدمه المريخ أمام فريق دلوفين النيجيري امس الاول وفوزه بنصف دستة من الاهداف يؤهله لإحراز بطولة الكونفدرالية والمنافسة على كاس السوبر كما يقول الزميل مزمل أبو القاسم.
* ما شاء الله تبارك الله على فرقة المريخ التي شرفتنا ورفعت رؤوسنا ونحن نعتصر ألم الغرابة وعذاباتها.
* مبروك لكل أهل المريخ ومبروك لمجلس إدارة النادي بقيادة الشاب الجذاب جمال الوالي الذي نجح في تهيئة الظروف الجيدة للاعبين وفي التعاقد مع مدرب كبير كالألماني أوتوفيستر الذي نعتقد أنه صاحب الفضل في الارتقاء بمستوى الفريق من مباراة لأخرى.
دهـ الهلالابي الصح ..
08-06-2007, 07:42 PM
غباشي
غباشي
تاريخ التسجيل: 01-19-2007
مجموع المشاركات: 1729
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة