|
|
 سيدى الموصلى و اليكم جميعا - عن الموسيقار يانى اسالكم
|
استمع هذه الايام و باستمرار اى عدة مقطوعات للموسيقار يانى و خصوصا رائعته within attraction
الشئ الذى يحيرنى اننى لم اعهد هذا الايقاع من قبل عند الاوربيين , فهذه المقطوعة و اخريات محض (دليب) صرف لا تخطئه الاذن. حتى اننى اسميت واحدة من المقطوعات الاخرى (shigist).
لقد نما الى علمى ان يانى قال انه اكتشف هذا الايقاع و اسماه باسمه (يانى) لم اتاكد من صحة هذه المعلومة.
و ايضا اخبرنى احدهم ان يانى زار السودان فى ثمانينيات القرن المنصرم و ايضا لم اتاكد من صحة هذه المعلومة.
و هنا اسال هل لدى الاوربيين ايقاع يشابه الدليب الى هذا الحد؟
|
|
 
|
|
|
|
|
|
|
|
Re: سيدى الموصلى و اليكم جميعا - عن الموسيقار يانى اسالكم (Re: ابوبكر على)
|
السيد ابوبكر تحياتى
انت عارف انا زاتى جانى الاحساس دا وقلتا المزيكة دى ما غريبة على اضانى
المهم ما اهتميت بالموضوع كتير
فى كتير من الاغنيات الغربية فيها موسيقتنا واضحه لكين الزول لو فتح خشمو
ساكت فى الموضوع دا
مشكله واى واحد ممكن يقول ليك انت ما نصيح
رائع جدا هذا اليانى
تحياتى
محمد المختار الزيادى
| |
|
|
|
|
|
|
|
|
|
Re: سيدى الموصلى و اليكم جميعا - عن الموسيقار يانى اسالكم (Re: ابوبكر على)
|
ابو بكر علي
سلامات
كلامك صاح مية مية. الايقاع ده ياهو الدليب ذاتو الما بيغباني حق اهلنا الشوايقة وناس الموصلي لمن يجوا هنا ح ياكدوا ليك الكلام . الايقاع ده ( بدرجة ما) موجود في شبة القارة الهندية وموجود في افغانستان عند بعض القبائل التي تعيش في مناطق متاخمة لكازخستان 0حسب كلام ياني ذاتو في حوار انا حضرتو في التلفزيون). وبعدين ياني ده اصلا يوناني واليواننين ديل اكتر شعب في العالم بيسافر لانو نصهم شغالين بحارة والنص التاني مساعدين بحارة!!! وهو ذاتو لف العالم ده ما خلا حتة وبالذات قارى آسيافاكيد جاتو فرصة انو يحتك بي ثقافات مختلفة ويطلع علي تجارب بتاعت شعوب وقبائل واعراق كثيرة وبصراحة هو مجتهد شديد لكن ما تغشك المسارح الملايانة دي لانو هو ما بيعتبر من الموسيقيين البارزين في العالم.يعني ممكن يكون في الصف التالت كدة اما حكاية زيارة السودان دي انا ما عارفها وباية حال انا ما اعتقد انو في سرقة حاصلة لانو الفنون دي ملك مشاع للجميع وزي ما نحن لطشنا ايقاع الريقي وعملنا بيه نص الاغاني السودانية ( وردي براهو عندو 50 غنية بايقاع الريقي) . لكن برضو دايرين آراء المختصين ناس يوسف الموصلي وصلاح شعيب والفاتح حسين وعاصم الطيب وطارق ابو عبيدة والبقية.
موضوع جميل
شكرا
*بين قوسين شفت البت كارين دي ضريت الصولو بتاع الكمان كيف؟؟؟ ياخ دي حيرت ليك عمك الكوندكتر ذاتو.
| |
|
|
|
|
|
|
|
|
|
Re: سيدى الموصلى و اليكم جميعا - عن الموسيقار يانى اسالكم (Re: omar altom)
|
شكرا مختار
و عمر التوم
اخى عمر
الموسيقى لا تحدها حدود
و لكن اذا صحت المعلومة التى تقول انه اكتشف هذا الايقاع فهى كارثة
اما ايرادك الجميل عن اقتباسنا لموسيقى الريقى فهو صحيح
فالريقى موسيقى ايقاع رائع جميل نبع من جزر الاكاريبى (جامايكا) و هو مزيج من الموروثات الافريقية اثر تمام فى الموسيقى الجامايكية التى كانت تهتم كثيرا بالايقاعات السريعة ska music و التى تحولت شيئا فشيئا الى الروك الهادى rock steady الى ان وصلت الى الريقى
| |
|
|
|
|
|
|
| |
محمد المختار الزيادى
omar altom
امل احمد عمر
فيس بوك
تويتر
انستقرام
يوتيوب
بنتيريست