|
ياهــو ده الهــــــــــلال !!!!!!
|
مغلوب لكنه أفضل مهزوم لكنه أجمل مظلوم لكنه أعدل والما بحب الهلال حقو من البلد يرحل ولولا التعدد والتنوع عن جنسيتو من حقنا نسال __________
أنتظرونا نكوى العوازل وفى حبيبنا نتغزل كم نظرنا هلال ما شاقنا غير هلالو ما اظنو زلال يروينا غير زلالو
|
|
|
|
|
|
|
|
Re: ياهــو ده الهــــــــــلال !!!!!! (Re: ABDELMAGID ABDELMAGID)
|
Quote: مغلوب لكنه أفضل مهزوم لكنه أجمل مظلوم لكنه أعدل والما بحب الهلال حقو من البلد يرحل ولولا التعدد والتنوع عن جنسيتو من حقنا نسال __________
أنتظرونا نكوى العوازل وفى حبيبنا نتغزل كم نظرنا هلال ما شاقنا غير هلالو ما اظنو زلال يروينا غير زلالو |
بالفعل مغلوب لكنه أفضل من البداية وحتي النهاية.. ومهزوم حظ ليس إلا..لكن هو الأجمل بالآداء القوي..
لك التحية التاج..
| |
|
|
|
|
|
|
Re: ياهــو ده الهــــــــــلال !!!!!! (Re: تاج السر حسن)
|
Quote: لازالت توقعانى تسير كما هى فقد تمنيت انتصار الترجى حتى لا يضمن الأهلى الصعود ويكون فى أمل للهلال للحصول على المركز الأول، فكيف تقول دى زوغه ؟؟ |
لسه عندك أمل يا تاج السر ؟؟؟
كده في أمل يجي الطيش .. أحسبها ليك ولا عارف ؟ ويبقى الأمل في المريخ في جلب كاس جوية سابعة قال عندي أمل يجي الأول .. عالم متفائلة بشكل
مع أمنياتي للهلال بالتوفيق
| |
|
|
|
|
|
|
Re: ياهــو ده الهــــــــــلال !!!!!! (Re: تاج السر حسن)
|
كتب حالد الطيب :
Quote: ومهزوم حظ ليس إلا..لكن هو الأجمل بالآداء القوي.. |
ياخ بالغت ، أبدآ لم يكن أداء الهلال قويآ بعض الأفراد نعمآ لكن الغالبية جنائز
والجنازة الأكبر المدرب
كان عاجز عن تغيير الخطة وكان عاجز عن إجراء التغيير الصحيح
وأصلآ لعب بخطة عقيمة وأصر على الإستمرار عليها مع إن الهزية بفارق هذف واللا بفارق الف هدف ياها الهزيمة وفقدان 3 نقاط
أسيك كان عادي وكان ممكن التفوق عليه لو لعب الهلال بخطة هجومية متوازنة كان فاز وعلى أقل تقدير كان حقق التعادل
ثم لم يهتم جنائز الهلال بمكابسة لاعبي أسيك لمنعهم الإستفادة من الكرة كانو بيتركونهم يستلموا التمريرات بهدوء دون محاولة العرقلة
معظم لعيبة الهلال كانوا عنما تمرر الكرة لهم لايتركونها على الأرض كانو بيرفعونها ويعلونها بطريقة واحدة غبية ومعروف الكرة الفوق قطعها أسهل
لم يكن هناك صانع العاب في منطقة الوسط وخالد بخيت عطل الكرة أكثر من الزم
تمريرات داريو كان ويوسف وعلاء الدين كانت مقطوعة
هيثم مصطفى إنتهى عمره الإفتراضي
كرومبو مابيعرف كورة وتهديفه أرعن ولما تم الدفع به في المباراة ظننت لأداء واجب هجومي فإذا به معظم الوقت في منطقة الدفاع وماعارف المدرب كان عايز يدافع عن شنو ؟ عايز يخرج مهزومآ بهدف وأحد ! وأيه الفرق ؟
صالح عبدالله أشرك متأخرآ جدآ
| |
|
|
|
|
|
|
Re: ياهــو ده الهــــــــــلال !!!!!! (Re: أبو ساندرا)
|
الحبيب ابو ساندرا كلامك ده كلو مقدر .. لكن ما تطور أنه فريق سودانى يلعب مع فريق محقق افضل انجاز فى العالم كله فى عدد المرات التى لم يهزم فيها .. ونغضب ونكتب كلام زى كلامك ده لأنه انهزم بى قون واحد وبعد . . تععععععععععععععب !! تعرف يا ابو ساندرا كورة الهلال بالأمس بتشبه عزف جماعى سيمفونى بالنوته فاقد فنان يغنى .. اعنى بذلك احراز هدف !!
| |
|
|
|
|
|
|
Re: ياهــو ده الهــــــــــلال !!!!!! (Re: تاج السر حسن)
|
يا ثابت ده كأس الثمانيه الكبار .. حتى الآن لم يضمن اى فريق التأهل أو المركز الذى يناله!! ده ما لعب بعيوات صغار. وقلنا انه انتصار الهلال على اسيك فى ساحل العاج صعب وساحل العاج انتصرت على السودان فى آخر منافسات جوه السودان 3/ صفر، وانتصر اسيك على المريخ داخل أستاد المريخ 2/ صفر وشال منه كأس !!
| |
|
|
|
|
|
|
Re: ياهــو ده الهــــــــــلال !!!!!! (Re: تاج السر حسن)
|
Quote: وأكثر شئ اعجبنى انه لأول مرة لا يكثر فريق سودانى من الأخطاء قرب المنطقة الخطره ولا ينال فريق سودانى انذارا فى مباراة خارجية حتى علاء الدين جبريل!! |
تااااج السر سلاااااام أخطأ علاء الدين ثلاث مرات .. من أحداها ولج الهدف المسمااااار مرماكم أخطأ داريو كان ثلاث مرات نال يوسف محمد كرتاً أصفراً .. وكان من الممكن ان ينال الأحمر حالتو دي علاء الدين يوسف ما لاعب ما تألف لينا من رأسك ساااااااي
Quote: حتى الآن لم يضمن أى فريق التأهل أو المركز الذى يناله!! |
تاج السر كلاااااامي وااااااااضح هل مازلت تأمل أن يحرز الهلال المركز الأول ؟؟؟ إنت قلت عاوز الترجي يفوز عشان الهلال يجي الأول ده السؤااااااااال .. فهمتني ؟؟ باقي ليكم مباراتين بتجيبو فيها كم نقطة ؟؟
الأهلي ضاااااامن التأهل عندك شك ؟؟
تمنياتي للهلال بالتوفيق
| |
|
|
|
|
|
|
Re: ياهــو ده الهــــــــــلال !!!!!! (Re: ثابت محمد)
|
تجتوج الرشاشة تعرفت لي مدة وأنا أحاول أن اتجنب بوستاتك العجيبة والفضيحة ياخي ما بتختشي وتقول كمان ياهو ده الهلال نعم ياهو دا الهلال صاحب الفضائح المحمولة جواً نعم ياهو دا الهلال صاحب الرقم القياسي في الخسائر الخارجية نعم ياهو دا الهلال صاحب الرقم الأكبر في مجموعته من نال لاعبيه الكروت نعم ياهو دا الهلال الفتا زاااااااااااااااتو
| |
|
|
|
|
|
|
Re: ياهــو ده الهــــــــــلال !!!!!! (Re: ثابت محمد)
|
Quote: هيثم مصطفى إنتهى عمره الإفتراضي
|
العجب يحسن موقفه جدا فى سباق هدافى العالم وهدافى افريقيا وهدافى العرب ويزيد الغله هدفين بديعين
رغم انو عجوز غابرين ورغم انو عمره الافتراضى انتهى ورغم انو لاعب وسط
ياخ العجب دا ثقيل بشكل
| |
|
|
|
|
|
|
Re: ياهــو ده الهــــــــــلال !!!!!! (Re: ثابت محمد)
|
يا ثابت كتبت:-
Quote: الأهلي ضاااااامن التأهل عندك شك ؟؟ |
حتى اللحظه لم يتأهل فريق ولو فى ضمان هو الهلال لأنه مقبرة طلعت فريد ما بتميز بين كبير لا صغير!! مخارجه:- اول مرة اشوف فريق منتصر بى 6 .. مغيوظ من واحد مهزوم بى قون !!
| |
|
|
|
|
|
|
Re: ياهــو ده الهــــــــــلال !!!!!! (Re: تاج السر حسن)
|
نعم يا هو دة الهلال
رغما عن الخسارة المؤسفة
حسابات المجموعة تعقدت كثيرا
ودي طبيعة دوري الكبار..أي فريق يقاتل حتى آخر لحظة
مش البطولة التايواني...يشارك فيها فريق يلعب درجة تانية في بلده
وفي دور التمانية تطلع نتيجة مباراة 6/1
| |
|
|
|
|
|
|
Re: ياهــو ده الهــــــــــلال !!!!!! (Re: haleem)
|
نعم الكبير كبير .. نعم يا هو ده الهلال استبدل هيثم مصطفى وهو يؤدى على أحسن حال اول مرة لا ندرى من هو اللاعب الذى يستحق الغيار كورة مسطره _______________
واحد اخونا لذبذ بتكلم عن هزيمة الهلال من أسيك بى قون اظنو شجع المريخ يادوب الليله لأنه ناسى فى حاجه أسمها القطن التشادى!! زول بتكلم عن هزيمة بطعم النصر بى هدف واحد وناسى هزيمة "البعيو" من القطن التشادى بى هدفين اول امبارح !! فعلا .. الصغير صغير !!
| |
|
|
|
|
|
|
Re: ياهــو ده الهــــــــــلال !!!!!! (Re: تاج السر حسن)
|
العزيز / تاج السر
لك التحية .. فريق اسيك اكثر من عادي ( حمام ميت ) والزعيم لوكان بدل الهلال امس لفاز 3/صفر .عارفك حتقول شنو ( اسك فاز على المريخ في مباراة تحضيرية .. والاسماعيلي في استادك غلبك مرتين في ثلاثة ايام فقط ) وهارد لك , انشاء الله السنة الجاية تتاهل للمباراة النهائية
والطائرة سودانية .. تحياتي ..
| |
|
|
|
|
|
|
Re: ياهــو ده الهــــــــــلال !!!!!! (Re: تاج السر حسن)
|
الاستاذ التاج
عليك الله ناس المريخ ديل مالهم ومالنا؟؟؟ البطولة دي حقت الكبار....البتغلبوا ...كبار والبيغلبوا ...كبار...والبطيروا ....كبار....والبيخرجوا من الدور الاول ...برضو كبار....والبجي الطيش ....طيش الكبار....هم مالهم ومالنا ....ما يمشوا اول حاجة يجيبو الممتاز بعدين يجوا محل الكبار... عليك الله عاين اللستة دي:-
الاهلي الترجي الهلال اسيك اسامي رنانة ما محتاجة لاي تعاريف ولا شرح ولا اضافات
لانو ديل هم
الكبــــــــــــــــــــــــــــــــــــــــــــــــــــــــــــــــــــــــــــــــار
الصغار .....لا
الابطــــــــــــــــــــــــــــــــــــــــــــــــــــــــــــــــــــــــــــــــال
الوصيف ....لا
شكرا
| |
|
|
|
|
|
|
Re: ياهــو ده الهــــــــــلال !!!!!! (Re: تاج السر حسن)
|
متعوده ،،، دايماً
كويس يا تجتوج انك مهدت للهزيمة بتاع امس لانها المحرية فيكم ،،،
بالله ما كان حق التذاكر دا تصلحو بيهو ( زريبة العيش بتاعتكم ) ومقصورتكم ( القاعدة على الهبش دي )
وتحلوا بالوفاء لقدامي لاعبيكم
قال هلال قال
| |
|
|
|
|
|
|
Re: ياهــو ده الهــــــــــلال !!!!!! (Re: تاج السر حسن)
|
والله الهلالاب ديل غايتو مغلوبين غالبين يجننووو
بس فى النهايه تذكرو انكم فى سباق نقاط وليس مستوى يعنى كان لعبتو كعب وجبتو النقاط يكون دا المطلوب وكان لعبتو سمح وخسرتو فكانك يا ابوزيد ماغزيت
ولا شنوووووووووووووووووو
| |
|
|
|
|
|
|
Re: ياهــو ده الهــــــــــلال !!!!!! (Re: منتصر الامين)
|
يا مريخاب انتو فرحانين بالله ولا شنو .. اصلا
من واجب الكبير ان يفرح الصغير.. ونحن ما هاين
ابدا علينا زعلكم.. فارحوا من اليوم وحتى 19\8
13 يوم افرحوا علي كيفكم .. لان يوم 19 حا نجيب
ليكم سيدكم وسيد القارة كلها في الخرطوم ( مش دول قين)
عشان يؤدي فروض الولاء والطاعة للكبير ويسلموا راية
زعامة القارة من كايرو للكيب تاون... تاني مافي
رجوع لي ورا ابدا .. الكبير انطلق ولن يتوقف ابدا
والتاريخ ما بيحفظوه الا الكبار والكبير حلف
الا يرجع التاريخ تاني..
| |
|
|
|
|
|
|
Re: ياهــو ده الهــــــــــلال !!!!!! (Re: اسامه هاشم)
|
Quote: رجوع لي ورا ابدا .. الكبير انطلق ولن يتوقف ابدا
والتاريخ ما بيحفظوه الا الكبار والكبير حلف
الا يرجع التاريخ تاني.. |
يا اسامة هاااااااااااااشم
دا الكلام البوزن الراس...
لكن ايه رايك فى المعلقة دى
ناس تقاتل الفيل المقاتل وناس دلفين من الاولى نازل
| |
|
|
|
|
|
|
Re: ياهــو ده الهــــــــــلال !!!!!! (Re: abuguta)
|
يا ابقوتة
تسلم ياخي
الكبير كبير ياخي وموعدنا مع الكبار
يوم 19\8 سنعلمهم كيف يصفقوا للكبير
ابوا ام رضوا ولا تلم صغيرا ياخي بعد
الان دعهم يلعبوا مع الصغار بل وشجعهم
مهما يكن فهم صغارنا وواجب علينا رعايتهم
| |
|
|
|
|
|
|
|