|
|
 مين الذين همشوا المهمشين يا باقام
|
بالامس وعبر الاذاعة السودانية تابعت احتفال الحركة برحيل القائد قرنق
سعدت بعدد منن فقرات الاحتفال
ولكن ما المني و اساءة باقام اموم للشعب السوداني حينما قال بسلم على المهمشين وعلى اللي همشوا المهمشين .. ونحن نساله من هم المهمشين يا باقام ؟
هل ذهبت للشمالية وشفت قرية السمرة والمروة والامثال كثيرة
هل ذهبت للنيل الابيض لقوز البيض وشكيري وع العود
هل ذهبت لكردفان والشرق ودار فور
اذا كنت تقصد الحكومات والبيوتاتا الكبيرة فهم قلة نحن كلنا مهمشين منهم
انت بتشوف الفيل لا تطعن ضلوا
اذا كان ناس المؤتمر الوطني غلبوك وتحايلوا عليك ابعدهم عن الشعب لانهم لا يمثلون الشعب
نحن الشعب ...........
وبعدين في قيادي بيترجى شريكه ويقول عليك الله عليك الله !!!!!!!!!! عجبي
اين الاتفاقات والمراقبون ! هذه مهزلة
ويبقى الشعب
|
|
 
|
|
|
|
|
|
|
|
Re: مين الذين همشوا المهمشين يا باقام (Re: badr alkalika)
|
| Quote: اول مرة اعرف في بلاد ان الذين همشوا المهمشين هم مهمشون |
طيب حيكون في فكرك مين المهمشهم يعني أوعي تقول ليه المؤتمر الوطني والحكومات وبيوتات المراغنة (الخاتيهو في بروفايلك!) لأنه ديل ما بيقدروا بدون سند شعبي والتهميش الساهموا فيهو يصب بالأساس في مصلحة تكريس هيمنة الشمال ليس فقط من الناحية الإقتصادية بل أيضا السياسية والإجتماعية وهذه الأخيرة هي أس البلاء لأنها السند للقوي السياسية والإقتصادية ونتيجة لهما وهي تبلور غلبة هوية فئة معينة وتمنحها الإحساس بالإستعلاء (أولاد بلد) وتعمق الإحساس بالدونية لفئات أخري مما يجعلهم في مستوي أقل في درجة المواطنة وبالتالي من ناحية الحقوق بل ويكونون عرضة للإندماج والإنصياع القسري ومهددين دائما بالتجهيل وعدم التوظيف والتجويع والأمراض والنزوح والحروب والدمار والإبادة إلخ
| |
|
|
|
|
|
|
|
|
|
Re: مين الذين همشوا المهمشين يا باقام (Re: شول اشوانق دينق)
|
اخوي شول اشوانق
والله انا خايف على جماعة الحركة من التفكك ... الجماعة ديل عندهم مفكات فكفكوا بيها كل الاحزاب .
وانا باقام دا والله بشعر بانو مغبون من شنو ما عارفين انحنا يا جماعة دايرين الوحدة واللي يحكم اليحكم ... مش زي حكم الكيزان .
| |
|
|
|
|
|
|
|
|
|
Re: مين الذين همشوا المهمشين يا باقام (Re: badr alkalika)
|
Quote: اخوي شول اشوانق
والله انا خايف على جماعة الحركة من التفكك ... الجماعة ديل عندهم مفكات فكفكوا بيها كل الاحزاب .
وانا باقام دا والله بشعر بانو مغبون من شنو ما عارفين انحنا يا جماعة دايرين الوحدة واللي يحكم اليحكم ... مش زي حكم الكيزان . |
انا شخصياً بريد وبتمني وحدة السودان وافتكر ده راي ناس الحركة برضو.
وبعدين عشان الكلام الكاتبه فوق ده البخلي باقان ما باقام يترجي شريكه لانه يا بدر لو حصل تاني لسمح الله حرب بين الجيش الشعبي وحكومة السودان (المؤتمر الوطني) جراء النقض والإستهزاء الحاصل لإتفاقية السلام سيكون عواقبه وخيمة علي كل السودان.
صراحة باقان ما مغبون لكن عشان نعيش سوا لازم نعترف بالمظالم اللحق كل واحد منا وبعد داك يمكن نغفر لبعض.
تسلم يا حبيب
شول اشوانق
| |
|
|
|
|
|
|
|
|
|
Re: مين الذين همشوا المهمشين يا باقام (Re: شول اشوانق دينق)
|
حبيبي شول اشوانق
والله كلامك ريحني بس داير اقولك ان المؤتمر الوطني ما بمثل البلد عشان كدا لو اترفعت البندقية بتترفع فينا نحن ملح الارض من شمال وجنوب وهم في قصورهم ساكنين اتمنى ان نسافر الى نمولي دون جواز سفر وان اعيش هناك مثلما عاش اهل السودان فيه زمااااان دون ( شكل )
تلسم يالحبيب
| |
|
|
|
|
|
|
| |
شول اشوانق دينق
فيس بوك
تويتر
انستقرام
يوتيوب
بنتيريست