|
Re: مساعدة عاجلة جداً بسرعة , بسرعة جداً لمن يستطيع (Re: ابراهيم بقال سراج)
|
Quote: في الحاجات دي لكن للاسف جيت تسخر مني وتقول كلامك الفارغ ده حرام عليك يا تمبس |
معقولة اسخر منك يا بقــال ..؟ ياخي إنت مدير كبير جدا اسخر منك انا ده ..؟ حسع احسن ليك لاب توب جديد .. والا اصلح ليك القديم .. مش احسن ليك الجديد .. كدي امشي شوف الشباب ديل بقولو ليك شنو كان عنقدو معاك .. قول ليهم مرسلني ليكم تمبس .. كدي اشوف واحد ما يدفع .. شوف بعمل ليك معاهم شنــو ..؟!
حرام عليك دي قوية لكن
| |
|
|
|
|
|
|
Re: مساعدة عاجلة جداً بسرعة , بسرعة جداً لمن يستطيع (Re: tmbis)
|
البوست مفتوح للجميع وليس لشخص واحد
عايز برناج الانتي فايروس يا جماعة
وكيفية التنزيل والخطوات
لمن يعرف مساعدتي
تمبس بيدلع فوقي زي الجني الصغير
وعايزني اقول ليهو عليك الله
والله العظيم ما بحنثك ولا بشحدك
انشاء كمبيوتري تقوم فيه حريقة مش فايروس
| |
|
|
|
|
|
|
Re: مساعدة عاجلة جداً بسرعة , بسرعة جداً لمن يستطيع (Re: ابراهيم بقال سراج)
|
** Recover My Files - Data Recovery Software Solution * ** Recover files even if emptied from the Recycle Bin * ** File recovery following a hard drive format, even if you have reinstalled Windows. * ** Disk recovery after a hard disk crash * ** Get back files after a partitioning error * ** Recover documents, photos, video music and email. * ** Recover from hard drive, camera card, USB, Zip, floppy disk or other media * ** Money back guarantee! *
Frankly
| |
|
|
|
|
|
|
Re: مساعدة عاجلة جداً بسرعة , بسرعة جداً لمن يستطيع (Re: عبده عبدا لحميد جاد الله)
|
والله الجماعة القدموا مساعدات لي بقال ديل حقوا بكري يفصلهم كلهم .. إنتوا ماعارفين المساعدات بمختلف أنواعه في المنبر هنا ليها شروط .. قلنا ليكم وشرحنا ليكم ألف مرة .. كل من تسول له نفسه بتقديم مساعدة للغير أن يتبع الآتي : أن يستخرج تصريح مصدق من السيد اللورد بقال . ثم يرسله إلى المملكة العربية السعودية عناية السيد/ صلاح غريبة للإطلاع ثم تصديقه من جميع الفعاليات بالرياض .. ثم إرساله مرة أخرى إلى السيد/ بقال .. ثم تبدأوا في المساعدات .. على بركت بقال وصلاح ( يلحقونا وينجدونا ) ...
والله عالم شليقة .. جنها مساعدات ( إنتوا ما بتتوبوا ) ..
خالد الأرباب كبير الشليقين في حملة وليد دارفور
بقال أوعى بكره تجي تقول الجماعة سرقوا الفيروسات بتاعت كمبيوتري ..
| |
|
|
|
|
|
|
Re: مساعدة عاجلة جداً بسرعة , بسرعة جداً لمن يستطيع (Re: Khalid Saeed)
|
Quote: بس يا تمبس كمان بقال ده برضه ولدنا والضفر ما بيمرق من اللحم ومصيرة يعقل ويرجع لحظيرة الوطن ولحضنه الدافيء. وكتار قبله كبروا وتابوا. المهم هاك اللنك ده نزل منه أقوى برنامج للفيروسات وحجمة ما كبير حوالي 20 ميقا يعني ممكن تشيلو في فلاش سغنتوتي. |
. يا الشايقي .. إنت خليك طيب كدا .. مش حسع جبت ليهو ( الكاسبر ) ده ..؟ اديها صنـة وخلي الجهاز بتاعة ده يتصلح .. والله كان ما جا قالك يا حرامي انا ما تمبس
| |
|
|
|
|
|
|
Re: مساعدة عاجلة جداً بسرعة , بسرعة جداً لمن يستطيع (Re: tmbis)
|
Quote: بقال أوعى بكره تجي تقول الجماعة سرقوا الفيروسات بتاعت كمبيوتري .. |
والله ياخالد سعيد دي حقــو بكري ابوبكر يفصلك فيها .. ونفتح فيك بلاغ نوديك السجــن .. إنت النعيمية بتاعت امس دي قامت بيك والا شنــو..؟
ملحوظــة: - أنا لحدي الان بصر إنو ايقونات بكري أبوبكري دي .. ( غير معبرة بمكــان ) أي أنهــا: لا ترتقي بمستوى الحــدث .. عايزين ( وشوش كبيرة ).. وقعوا من أجل ( الوشوش الكبيرة ) ..
| |
|
|
|
|
|
|
Re: مساعدة عاجلة جداً بسرعة , بسرعة جداً لمن يستطيع (Re: ابراهيم بقال سراج)
|
Quote: جهاز الكمبيوتر خاصتي ضربوا فايروس وكل الملفات المحفوظة عندي لا يفتح هل من مساعدة عاجلة وبسرعة قبل ان افقد ملفاتي وهي مهمة جداً |
بقال
انت كمبيوترك الضاربو فايروس ولا رأسك دا؟
كدى أول حاجة نطيت من إتهامك لينا بخصوص حملة دارفور مالك؟
منتظرنك يا بقال بالأدلة القاطعة للسرقة
ملحوظة:
خليك متذكر انو إتهامك دا طال كل البورداب الشاركوا في الحملة دي
وأبقى أركز وما تزوغ
| |
|
|
|
|
|
|
|