|
أحذروا الرقيق
|
الزول الضعيف البنية فى السودان ، نسميه جزافا (رقيق) أى من شدة رقة بدنة ، وقد علمتنى الأيام أن الزول الرقيق لا يستهان به أبدا خصوصا عند الحاجة للإستخدام العضلى ، فقد كنت يوما أمشى فى سوق أم درمان الكبير ، والشارع مزدحم بالمارة والعربات ، فقامت مشاجرة كبيرة أمامى ، أحد أطرافها زول (جهامة) وتخين ومليان ومتعافى شديد خلاص يمشى على رجليه ، أما الطرف الثانى فقد كان يقود سيارته وكان من النوع (الضبلان) ورقيق رقة شديدة خلاص ، وبدأت المشاجرة فى شكل قذائف بالشتائم والسب والكوراك بالصوت العالى ، فلما إشتد وطيس المعركة الكلامية ، أوقف الرقيق سيارته ، ونزل منها ، وكانت المفاجأة ، والله يا جماعة الزول غير حكاية الضعفة ، كمان كان معوق ، وكان يحرك إحدى يديه بصعوبة ، ورغم كل ذلك ، فقد إنتصر بتفوق على ذلك الجخسة الذى أبدى إنهزاما واضحا وتقهقرا مريبا ، فلذلك الرقيق لا يستهان به ، والحكايات فى هذه المسالة كثيرة والشواهد لا تنتهى
|
|
|
|
|
|
|
|
Re: أحذروا الرقيق (Re: Deng)
|
الحبيب Deng يشهد الله أنى أحبك
فعلا قد تخطىء العين أحيانا ، فما كل سمين يهزم وما كل رقيق ينتصر
تحياتى
| |
|
|
|
|
|
|
Re: أحذروا الرقيق (Re: يازولyazoalيازول)
|
الأخ يازول
المثل الأول بيقول: (الرقيق بيت السيف) - طبعاً ده نوع يجب الحذر منه جداً. المثل الثاني بيقول: (القصير بلاع الطوال) - ده عادة بيكون زول مكار مكر شديد.
تحياتي
| |
|
|
|
|
|
|
|