|
|
 الأروش يتهادى بين سهول البطانة ووحل مسعود
|
الاروش هو اسم لمطية اقتنيتها لرحلة الى السودان مخطط لها منذ عام او يزيد لان تكون رحلة تاريخية يغوص المرء فيها وينهل من عبق الماضى حتى يرتوى.... او بالاحرى قل انها توأمة بين عيال شلاعة بعد ان سال بالخير واديهم مسعود واسقى القصيرة وبين عيال جعل بعد ان فاض نيلهم الخالد وغتا العوالى... !!!
رحلة خططنا لها انا ورفيق دربى احمد ابو حريره لكى نغوص عميقا فى تراث الرعيل الاول ونروى نفوسنا العطشى.
اسألوا الله لنا التوفيق وسنأتى ان شاء الله وفى جعبتنا الكثير لنتوج به صفحات منبرنا العامر بكم .
__________________
يا ود المحرب نحن بعد دا قراب وكم تمنينا ان تكون فى معيتنا لكى نزداد كيل بعير.
لكم التحية اجلها.
ودعواتكم لنا
|
|
 
|
|
|
|
|
|
|
|
Re: الأروش يتهادى بين سهول البطانة ووحل مسعود (Re: عبد الله عقيد)
|
Quote: الاروش بخيت.. يتباركن عجلاتو
يجي مارق غروب بحرا كُبار موجاتو
من هيا ينعدل يدي الجبال ختراتو
يقولو وِصِل سليييم قط مافي شيتا جاتو
|
الله عليك يا ود عقيد والله لقد عرفت تماما من اين تؤكل الكتف.
لقد صورت المشهد فى صورة بديعة وكانك بيننا البارحة.
تحياتى بلا حدود وشكرا على مرورك الرائع وعلى فراستك التى لم تخب.
| |
|
|
|
|
|
|
|
|
|
Re: الأروش يتهادى بين سهول البطانة ووحل مسعود (Re: على احمد النعيم)
|
ود النعيم اصبتى فى مقتل ليس نفاقا بل تحدى فى قناعتى ....
كلمة اروش تعنى عنى الكتير ياعلى فى الكرم بالذات
كريما جودو جود اروش اروش دى الاتهباشه بدون سابق انزار عند قدوم الضيوف .بدون سابق انذار ضيف هجعه .....الاخ على عرفتك فى الدوحة عن طريق ابننا احمد ابوحريره وكان المنا ان اجتمع معك فى البطانه ...
الكلام فيها كتير وكتير جدا وهناك تختلف الاجنده . مرحب بيك فى الرياض مع ابننا العزيز احمدوده اضعف الايمان ......
| |
|
|
|
|
|
|
|
|
|
Re: الأروش يتهادى بين سهول البطانة ووحل مسعود (Re: خالد المحرب)
|
كيفك ود النعيم
انت عارف يا ود النعيم بي هينو دى الرطاني ابو بكر بفتكرها باللوري الهينو - الهين هو فتحة كفتي اليدين . والغرفة هو الحمل وغرفتو تعني حملته وغرفة الذرة هى المقدار المقرر من الذرة لحاجة يوم واحد . اما القرفة بالقاف وجمعها قراف و تعني الجراب الذى يعبأ فيه الذرة لينقل على ظهر الجمال . يقول اهلنا العرب دق القراف خلي الجمل يخاف .
مودتي
لنا عودة
| |
|
|
|
|
|
|
|
|
|
Re: الأروش يتهادى بين سهول البطانة ووحل مسعود (Re: على احمد النعيم)
|
| Quote: وعليك الله يا شيخ الطيب بلغ تعازى القلبية للاخ ابو بكر وانا حرم ما عندى خبر. |
افو يا ود النعيم المسنجر الداخلي ده عاملنو لشنو ؟ اكتب ليه رسالة في المسنغر بس بتكون جيهتو طاااااااااب
انا بكلمه لكن احسن تعمل ليهو رسالة الراجل ده بقى مننا ولينا فاقدين النسب بس .
| |
|
|
|
|
|
|
| |
على احمد النعيم
Ahmed Yousif Abu Harira
عبد الله عقيد
الطيب شيقوق
خالد المحرب
فيس بوك
تويتر
انستقرام
يوتيوب
بنتيريست